2 Tiˆmoˇseˬ 3:3 - Akha

³ gʼawˬ shaˬ gaˬ-eu maˬ siˬ nya-eu, aˬ cawˬ-ahˇ maˬ dehꞈ tsaˬ-eu, ja bu ja doeˇ-eu, dawꞈ-eu ceh-eu, guˆ laˇ paˬ-ehˇ zuiˆ-eu, yaw muiˬ jeˬ-ahˇ muiˇ-eu,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ nuigaq maqanr-eu, iqbax maqpyaeq-eu, jabu jadoer-eu, yawqha-euq nuima-anr maq ghaqler-eu, dof duidui-eu, yawmuiq jeq-anr muir-eu,

2 Tiˆmoˇseˬ 3:3 ပူးပေါင်းရင်းမြစ်များ

Aˇ dahˬ 49:7

Aˬ nyaꞈ nmˇ nui ma pehˇ-eu jeˬ-ahˇ, yaˬ kʼehˇ yaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ nyaꞈ nmˇ nui ma pehˇ-eu, guˆ dui dui laˇ paˬ-ehˇ gʼeh-eu meh. Aˬ nyaꞈ nmˇ nui kʼaˬ tsoꞈ gaˇ yaˬ kʼehˇ yaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ nyaꞈ-euˬ nui kʼaˬ aˬ cawˬ-ahˇ gʼawˬ shaˬ gaˬ-eu maˬ siˬ nya-a. Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ nyaꞈ-ahˇ tiˬ gʼaˬ tiˬ gaˇ bi jawˇ byoˆ ma. Iˇsaˬleˬlaˆ tsawˇ jeuˬ deuˬ yaw kaˬ-ahˇ tiˬ gʼaˬ tiˬ paw bi jawˇ gʼawˬ ma.

Jaceuq 15:4

Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

Jaceuq 22:6

Ehˇkʼawꞈngaˇtsawˇhaˬmaˬhaˬ-ehˇ, buˬjoe tiˬmawˇmaˬtawˬmiˇ-a. Tsawˇhaˬyawˬgʼaˬna luꞈ ngaˬ-ahˇ, yehˬbawˬsehˇlu-ehˇgʼeh-eu meh.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Daˬyeˬlaˇ 8:23

“Miˇ kʼahˬ kʼoeˇ deuˬ aˇ saˬ saˬ-eu aˇ nah aˇ yamˬ dawˬ peh peh laˇ-awˇ, haiˬ dui dui laˇ ngeh, nui ma gʼahˇ dui dui-awˇ dzawˬ dui gahˇ dui dui-eu sahˬ paˬ tiˬ gʼaˬ doˆ laˇ tehꞈ-a.

Maꞈtehˬ 10:21

“Mehˇ nmˇ yaw kaˬ tiˬ gʼaˬ tiˇ gʼaˬ bi shiˇ ni ahˬ dzaˬ-awˇ, aˬ da deuˬ kʼawꞈ zaˬ deuˬ-ahˇ kʼoeˇ loꞈ-ehˇ jahˇ nehˬ-eu jeˬ keuˆ le tehꞈ-a. Zaˬ deuˬ yawˬ ha-euˬ aˬ da aˬ ma bi shiˇ-eu jeˬ toˆ tehꞈ-a.

Maꞈtehˬ 4:1

Kʼoeˇ naˇ, Nehꞈ sahˬ paˬ neh Yeˬsuˇ-ahˇ muˇ juˇ bi juˇ-eu gʼaˇ duˬ, Yaw sahˇ Miˬyehˇ neh Yeˬsuˇ-ahˇ bawˇ tsahˬ bawˇ dahˇ-ahˇ sheuˬ gʼeh-euˬ meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Yoˇhaˬ 6:70

Yeˬsuˇ ehˇ-eu,“Naw maꞈ tseˇ nyiꞈ gʼaˬ-ahˇ ngaˬ neh tseˇ doˆ-euˬ maˬ ngeuˇ-a loˇ. Ehˇ kʼawꞈ, naw maꞈ laꞈ kʼoeˇ tiˬ gʼaˬ-aˬ, Nehꞈsahˬpaˬ meh.”

Lormav 1:29

Aˬ yawꞈ maꞈ laꞈ kʼoeˇ maˬ muiˬ maˬ jaˬ-eu jeˬ, yaw haiˬ jeˬ, mehˇ juiˇ juiˇ-eu jeˬ, yaw doeˇ jahˇ-eu jeˬ, heu deuˬ tiˬ byah ni ahˇ-eu meh. Aˬ yawꞈ maꞈ laꞈ kʼoeˇ, myaˆ naˆ-eu, sehꞈ mawꞈ-eu, diˬ mawꞈ ceh mawꞈ-eu, mehˇ shuiˇ shuiˇ-eu, aˬ cawˬ-ahˇ noeˬ doeˇ-eu, heu deuˬ tiˬ byah ni ahˇ-eu meh. Aˬ cawˬ gaˇ kawˆ maˬ ngeuˇ-eu jeˬ ja kʼoeˬ-eu meh.

Lormav 1:31

Noeˬ siˬ nya-eu nui ma maˬ ahˇ-a. Saˇ jaˇ maˬ ziꞈ-a. Kʼoeˇ uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-a.

1 Gawˇliˬtu 7:5

Tiˬ kʼehˬ tiˬ yamˬ laꞈ kʼoeˇ maˬ yuꞈ taꞈ ni guiˬ lahˬ shaˇ-eu gʼaˇ duˬ nyiˬ gʼaˬ luꞈ nui ma tsaˬ-awˇ ehˇ tsehˆ taˬ-euˬ aˇ yamˬ laꞈ kʼoeˇ maˬ ngeuˇ naˇ, tiˬ gʼaˬ tiˇ gʼaˬ maˬ yuꞈ taꞈ lehˇ ehˇ-eu maˬ tsaˬ-a. Aˇ yamˬ kʼoeˇ dzeuˇ naˇ, tiˬ kawˆ loꞈ-ehˇ paˇ yuꞈ paˇ jawˇ taꞈ-awˬ. Kʼoeˇ loꞈ-ehˇ maˬ jahˇ naˇ, naw maꞈ yawˬ ha-euˬ nui ma-ahˇ maˬ gʼaˬ leˇ-eu miˇ neh, nehꞈ Saˬdaˬ muˇ juˇ juˇ gaˇ maˬ dzeuˇ-iˇ nya-a.

1 Gawˇliˬtu 7:9

Ehˇ kʼawꞈ, yawˬ ha-euˬ nui ma-ahˇ maˬ gʼaˬ leˇ naˇ, cawˬ shaˇ baw-eu tsaˬ dzehˬ tehꞈ-a. Aˬ jeˬ miˇ neh ehˇ naˇ, yuꞈ taꞈ jawˇ taꞈ mawꞈ-eu nui kʼahˇ-ahˇ dzahˬ tehˬ taˬ-eu naˆ maˬ tseˇ, cawˬ shaˇ baw-awˇ jawˇ-eu muiˬ dzehˬ meh.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

1 Tiˆmoˇseˬ 3:11

Zaˬ miˬ zaˬ deuˬ kʼawꞈ, aˬ cawˬ yaw zeu baw-eu tsawˇ haˬ ya bi pyeuꞈ meh. Aˬ cawˬ-euˬ gaˇ kawˆ ja ja-ehˇ cah-eu tsawˇ haˬ maˬ ya bi pyeuꞈ-a. Noeˬ dahˇ doe-awˇ, yawˬ jeˬ na luꞈ laꞈ kʼoeˇ saˇ jaˇ jawˇ-eu tsawˇ haˬ ya bi pyeuꞈ meh.

Tiˇtuˆ 1:8

Daˬ yah-ahˇ yaw muiˬ-ehˇ ha-awˇ, muiˬ-eu jaˬ-eu jeˬ-ahˇ gaˬ-eu tsawˇ haˬ ya bi pyeuꞈ meh. Nui ma taˬ nya-eu, nui ma dawˇ-eu, muiˬ-eu shawˇ-eu, yawˬ ha-euˬ nui ma-ahˇ gʼaˬ leˇ-eu, heu loꞈ-ehˇ gʼeh-eu tsawˇ haˬ ya bi pyeuꞈ meh.

Tiˇtuˆ 2:3

Kʼoeˇ loꞈ-ehˇ duˇ ni, tsawˇ kʼaˆ kʼaˆ laˇ-euˬ zaˬ miˬ zaˬ deuˬ-ahˇ kʼawꞈ, muiˬ-eu shawˇ-eu zaˬ miˬ zaˬ deuˬ loꞈ-ehˇ dehꞈ nya jawˇ nya ni mehˬ nehˬ-awˬ. A cawˬ gaˇ kawˆ ja bu ja doeˇ-eu tsawˇ haˬ hawˇ-eu aˬ gaꞈ dzaˇ uiˇ-euˬ zaˬ kʼaˆ maˬ ya bi pyeuꞈ ni, yaw muiˬ jeˬ mehˬ-eu tsoˆ-eu tsawˇ haˬ ya bi pyeuꞈ meh.

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.

2 Beˬtuˆluˆ 2:19

Yawˬ ha luˬ-iˇ seˇ-iˇ-eu jeˬ-euˬ zaˬ kʼaˆ geuꞈ geuꞈ-ehˇ shaˬ luꞈ ngeh, aˬ cawˬ-ahˇ bi buˬ-iˇ nya ma lehˇ aˬ yawꞈ maꞈ saˇ jaˇ dzaˬ-eu meh. Aˬ jeˬ miˇ neh ehˇ naˇ, tsawˇ haˬ tiˬ gʼaˬ-aˬ, yawˬ ha-ahˇ kʼaˇ uˆ gʼaˬ taˬ-euˬ jeˬ-euˬ zaˬ kʼaˆ pyeuꞈ-eu meh.

2 Beˬtuˆluˆ 3:3

Aˇ saˬ saˬ-eu aˇ nah aˇ yamˬ heu laꞈ kʼoeˇ, yawˬ ha-euˬ shiˬ shaˬ jiˇ nui kʼahˇ mehˬ nah caw teh-awˇ dehꞈ-eu tsawˇ haˬ deuˬ doˆ le tehꞈ-a lehˇ, naw maꞈ-ahˇ jeˬ huˬ bi siˬ nya taˬ-eu tsaˬ meh. Tsawˇ haˬ kʼoeˇ deuˬ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa laˇ tehꞈ-a.

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.

Yuˇdaˆ 1:18

“Aˇ saˬ saˬ-eu aˇ nah aˇ yamˬ keuˆ le ngeh, naw maꞈ-ahˇ kʼaˇ ehˇ mawꞈ-eu ehˇ niˇ gʼa-awˇ Miˬyehˇ-ahˇ yaw zeu maˬ baw-eu jeˬ pyeuꞈ-eu yawˬ ha-euˬ nui kʼahˇ mehˬ nah caw teh-eu tsawˇ haˬ deuˬ doˆ le tehꞈ-a” lehˇ, naw maꞈ-ahˇ ehˇ taˬ-euˬ meh.

Panmaeq 13:15

Jeˬ zaˬ yaw huiˬ yaw beh mawˇ-euˬ tahˬ pahˬ aˬ ma mawˇ kawˇ kʼoeˇ dawˬ ngehˬ nya laˇ-awˇ, aˬ yawꞈ-ahˇ uˬ duˬ maˬ kʼaˇ tahˬ-eu tsawˇ haˬ-ahˇ bi shiˇ nya-eu baoˬ ahˇ laˇ ni dehꞈ-eu saꞈ baw ahˇ nehˬ-eu gʼaˇ duˬ, jeˬ zaˬ yaw haiˬ nyiˬ mawˇ tiˬ mawˇ-ahˇ aˬ kawˬ-aˬ biꞈ taˬ-euˬ meh.

Panmaeq 13:17

Jeˬ zaˬ yaw haiˬ yaw beh mawˇ-euˬ tsawˇ myahˇ maˬ ngeuˇ naˇ tsawˇ myahˇ kʼoeˇ-euˬ dah zaˇ pyeuꞈ-eu naˬ baꞈ maˬ diˬ taˬ-euˬ tsawˇ haˬ-aˬ, ahˬ laꞈ zeuˇ laꞈ maˬ ya mˇ-a.

Panmaeq 16:6

Nawˬ-euˬ bawˇlawˇpeh deuˬ hawˇ-eu, muiˬ-eu shawˇ-eu tsawˇ haˬ deuˬ-ahˇ, yawꞈ maꞈ shiˬ sehꞈ yoeˇ-euˬ miˇ neh, yawꞈ maꞈ-ahˇ shiˬ bi dawˇ-eu-aˬ, oꞈ-eu geuˇ-eu jeˬ pyeuꞈ-eu meh.”

Panmaeq 17:6

Zaˬ miˬ zaˬ kʼoeˇ gʼaˬ-aˬ, Miˬyehˇ-euˬ tsawˇ haˬ deuˬ-euˬ shiˬ hawˇ-eu, Yeˬsuˇ-ahˇ saˇ jaˇ ziꞈ-eu miˇ neh bi sehꞈ-euˬ tsawˇ haˬ deuˬ-euˬ shiˬ dawˇ yehꞈ taˬ-euˬ gaˇ ya mawˇ-euˬ ma. Zaˬ miˬ zaˬ kʼoeˇ gʼaˬ-ahˇ ya mawˇ ngeh, ngaˇ zahˬ leˇ-euˬ ma.