2 Tiˆmoˇseˬ 2:2 - Akha

² Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

2 Tiˆmoˇseˬ 2:2 ပူးပေါင်းရင်းမြစ်များ

Eˇzaˬlaˬ 7:10

Eˇzaˬlaˬ-aˬ, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ dzaw geuꞈ-awˇ caw teh-eu gʼaˇ duˬ maˬ ehˇ, zahˇ dawˬ kʼoꞈ dawˬ kʼoeˇ deuˬ hawˇ-eu zahˇ sahˇ kʼoꞈ deuˬ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu gʼaˇ duˬ maˬ ehˇ, noeˬ tsehˆ taˬ-euˬ tsawˇ haˬ tiˬ gʼaˬ pyeuꞈ-eu meh.

Eˇzaˬlaˬ 7:25

“Eˇzaˬlaˬ nawˇ gʼaˬ-aˬ, nawˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ gʼoe-awˇ dehꞈ luꞈ-eu Uˇpaˬlaˇ lawˇ baˬ nahˇ ma doˆ kʼehˬ paw kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ bi uˆ lahˇ-eu gʼaˇ duˬ, nawˬ-euˬ Miˬyehˇ neh nawˬ-ahˇ biꞈ taˬ-euˬ zaˬ siˬ tsawˇ gahˇ-ahˇ gʼoe-awˇ, uˆ lahˇ-eu deuˬ hawˇ-eu yaˇ kʼaˬ daˇ-eu deuˬ tseˇ doˆ-awˬ. Zahˇ dawˬ kʼoꞈ dawˬ-ahˇ maˬ siˬ-eu tsawˇ haˬ deuˬ-ahˇ nawˇ zahˇ dawˬ kʼoꞈ dawˬ mehˬ nehˬ-awˬ.

Neˬhaˬmiˇ 7:2

Yeˬluˇsaˬlehˬ meuˬ-ahˇ bi uˆ lahˇ-eu gʼaˇ duˬ tsawˇ haˬ nyiˬ gʼaˬ-ahˇ ngaˇ tseˇ doˆ-euˬ ma. Aˬ yawꞈ nyaꞈ-euˬ, ngaˬ-euˬ aˬ nyiˇ Haˬnaˬniˇ hawˇ-eu Yehˇ-euˬ taˆ-ahˇ aˬ yuiꞈ geuꞈ-eu gʼaˬ pyeuꞈ-eu Haˬnaˬniˇyaˆ meh. Haˬnaˬniˇyaˆ-aˬ, Miˬyehˇ-ahˇ guˆ-eu nui ma ahˇ-awˇ, aˬ cawˬ naˆ maˬ tseˇ gʼoe coeˇ-eu tsawˇ haˬ tiˬ gʼaˬ pyeuꞈ-eu meh.

Jaceuq 101:6

Miˬyehˇ-ahˇ saˇ jaˇ ziꞈ-eu tsawˇ haˬ deuˬ-ahˇ ngaˇ nui kʼahˇ shiˇ-awˇ, ngaˬ-euˬ nymˇ nymˇ ma laꞈ kʼoeˇ bi jawˇ ma. Sui dui dawˇ dui dui-eu tsawˇ haˬ deuˬ-ahˇ ngaˬ-euˬ gaˇ bi mˇ ma.

Dawqdaq 13:17

Dawˬ tsaꞈ maˬ nya-eu deuˬ gaˇ kawˆ laˆ doˆ-awˇ, dawˬ dzawˇ nya-eu deuˬ laˆ tsaˬ laˆ tsahˇ-eu meh.

Yeˬlaˬmiˇ 23:28

Yuꞈ maˆ maˆ-awˇ Miˬyehˇ gʼaˇ duˬ ngehˬ dah-eu deuˬ-aˬ, yuꞈ maˆ gaˇ kawˆ ja luꞈ-uˇ. Ehˇ kʼawꞈ, ngaˬ-euˬ dawˬ za taˬ-eu Miˬyehˇ gʼaˇ duˬ ngehˬ dah-eu deuˬ-aˬ, saˇ jaˇ ziꞈ-eu laꞈ kʼoeˇ ngaˬ-euˬ gʼaˇ duˬ ngehˬ dah luꞈ-uˇ. Gʼo yoeˬ-aˬ, cehˇ cehˇ nmˇ-ahˇ ciˬ cehˆ haw naˇ, aˬ jeˬ gaˇ dahˇ paˇ tsoeˬ nmˇ.

Uˬ duˬ 14:42

Kʼoeˇ naˇ, yuˇ dzeh-euˬ kʼaˬ lo tsaˬ byaˆ kʼoeˇ deuˬ jaˆ zaˇ-ahˇ, kʼaˬ lo tsaˬ byaˆ yaw shuiꞈ deuˬ paˇ ya dawˆ paˇ-awˇ, shaˬ jehˆ paˇ ya lehꞈ myahˬ meh.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Bawˇtsahˬ 12:7

Ehˇ kʼawꞈ, ngaˬ-euˬ zaˬ kʼaˆ Moˇseˬ-ahˇ ngaˇ dawˬ ngehˬ cawˬ ngeh, kʼoeˇ loꞈ-ehˇ maˬ ngeuˇ. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ dawˬ tawˆ luꞈ-ahˇ haw-eu pyaˆ-eu gaˇ heu, aˬ yawꞈ-ahˇ ngaˇ a nehˬ taˬ-euˬ ma.

Maꞈtehˬ 13:52

Aˬ yawꞈ ehˇ-eu, “Dawˬ tsuiꞈ-aˬ, heu loꞈ-ehˇ meh. Mˬtaˆ Miˇkʼahˬ-euˬ zaˬ lahˇ pyeuꞈ laˇ-euˬ Zahˇ dawˬ kʼoꞈ dawˬ mehˬ-eu saˬ laˬ aˬ geu gʼaˬ maˬ kaˬ, kuˆ lawˆ laꞈ kʼoeˇ jeˬ hmˬ taˬ-euˬ myawˬ yaw shuiꞈ hawˇ-eu yaw oeˇ yuˇ doˆ laꞈ-eu nymˇ sahˇ aˬ da tiˬ gʼaˬ-ahˇ duˇ-eu meh.”

Maꞈtehˬ 24:25

Naˇ haˬ-awˬ. Aˇ yamˬ maˬ keuˆ laˇ mi naˇ-ehˇ, gaˇ kawˆ heu deuˬ naw maꞈ-ahˇ ngaˇ ehˇ nehˬ taˬ-eu ma.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

1 Gawˇliˬtu 4:2

Zaˬ kʼaˆ tiˬ gʼaˬ-aˬ, yawˬ ha-euˬ baw leˬ-ahˇ saˇ jaˇ maˬ ziꞈ-ehˇ maˬ gʼeh nya-a.

2 Gawˇliˬtu 2:14

Ehˇ kʼawꞈ, Miˬyehˇ-euˬ guiˬ lahˬ-ahˇ ja ceuˬ-eu ma. Aˬ jeˬ miˇ neh ehˇ naˇ, Ka li laꞈ kʼoeˇ aˬ dui gʼaˬ leˇ nya ni aˬ yawꞈ sheuˬ gʼeh nehˬ laꞈ-awˇ, tsiˇ yaw saw jeˬ yawˬ gaˇ na luꞈ saw keuˆ-iˇ-eu loꞈ-ehˇ, Ka li-ahˇ siˬ nya-eu jeˬ yawˬ gaˇ na luꞈ byah-iˇ ni nga maꞈ-ahˇ aˬ yawꞈ zmˬ nehˬ laꞈ-euˬ meh.

2 Gawˇliˬtu 3:5

Gaˇ heu nga maꞈ mˇ nya ma lehˇ ehˇ paˬ-ehˇ nga maꞈ laꞈ kʼoeˇ tiˬ jeˬ-iˬ maˬ ahˇ. Nga maꞈ mˇ nya-eu kʼoeˇ-aˬ, Miˬyehˇ neh biꞈ laꞈ-euˬ jeˬ pyeuꞈ-eu meh.

Gawˇlawˇsehˇ 1:7

Nga maꞈ-euˬ dah zaˇ Ka li-euˬ gaˇ-ahˇ saˇ jaˇ ziꞈ-awˇ mˇ luꞈ-eu gaˇ mˇ cawˬ Iˇbaˬpaˬlaˇ neh Miˬyehˇ gʼawˬ shaˬ gaˬ-eu guiˬ lahˬ yaw dzahˇ gaˇ kawˆ naw maꞈ-ahˇ mehˬ nehˬ-euˬ meh.

1 Tiˆmoˇseˬ 1:12

Ngaˇ gaˇ mˇ nya ni gʼaˬ biꞈ nehˬ laꞈ-euˬ gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ-ahˇ ja ceuˬ-eu ma. Aˬ yawꞈ-euˬ gaˇ mˇ-eu tsawˇ haˬ lehˇ sawˇ-awˇ bi mˇ bi shaˇ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ngaˇ ja ceuˬ-eu ma.

1 Tiˆmoˇseˬ 1:18

Ngaˬ li Tiˇmoˇseˬ-oˇ, aˇ hu ba Miˬyehˇ gʼaˇ duˬ ngehˬ dah-eu deuˬ neh nawˬ-euˬ gaˇ kawˆ ehˇ taˬ-euˬ jeˬ-ahˇ tsaˬ-eu dawˬ heu dawˬ nawˬ-ahˇ ngaˇ biꞈ-eu ma. Yaw muiˬ jeˬ gʼaˇ duˬ nawˇ guiˇ deuˆ nya ni, dawˬ kʼoeˇ deuˬ-ahˇ guiˇ deuˆ-eu keu ka loꞈ-ehˇ zmˬ-awˬ.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

1 Tiˆmoˇseˬ 4:6

Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.

1 Tiˆmoˇseˬ 6:12

Yawˬ ha-euˬ gʼaˇ duˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, jah-eu jeˬ laꞈ kʼoeˇ kʼaˇ gʼeh nya-eu loꞈ-ehˇ deuˆ ceh ceh-awˬ. Miˬyehˇ neh nawˬ-ahˇ kuˇ-awˇ, tsawˇ haˬ gʼawˬ mya ni mehˬ shi, nawˬ-euˬ jah-eu jeˬ-ahˇ nawˇ ziꞈ dah ni dehꞈ mehˬ-euˬ kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ gʼaˇ duˬ meh.

2 Tiˆmoˇseˬ 3:10

Ehˇ kʼawꞈ nawˇ-aˬ, ngaˬ-euˬ mehˬ nah caw teh-awˇ dzaw geuꞈ luꞈ-eu tsawˇ haˬ pyeuꞈ-eu meh. Ngaˬ neh mehˬ-euˬ tsoˆ-euˬ jeˬ, ngaˬ neh dehꞈ mehˬ jawˇ mehˬ-euˬ jeˬ, ngaˬ neh noeˬ-euˬ jeˬ, ngaˬ-euˬ jah-eu jeˬ, ngaˬ-euˬ nui ma mahˇ-eu jeˬ, ngaˬ-euˬ gʼoeˇ-eu gaˬ-eu jeˬ, ngaˇ daˬ coeˇ oˇ coeˇ-eu jeˬ,

2 Tiˆmoˇseˬ 3:14

Ehˇ kʼawꞈ nawˇ-aˬ, nawˬ-ahˇ mehˬ nehˬ-euˬ loꞈ-ehˇ ziꞈ dah ni jah duˬ taˬ-euˬ yaw tsaˬ yaw dawˇ jeˬ-ahˇ maˬ byehˇ dzeh ni tuˆ tehˬ taˬ-awˬ. Nawˬ-ahˇ mehˬ nehˬ tsoˆ nehˬ-euˬ tsawˇ haˬ deuˬ aˬ suˇ gʼaˬ-a lehˇ nawˇ siˬ nya meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

1 Saˬmeuˬlaˆ 2:35

Ngaˬ-ahˇ saˇ jaˇ ziꞈ-awˇ ngaˇ kʼaˇ bi mˇ mawꞈ-eu jeˬ mˇ-eu piˇ ma tiˬ gʼaˬ ngaˇ tseˇ doˆ ma. Kʼoeˇ gʼaˬ-euˬ zaˬ deuˬ uˆ deuˬ jeuˬ le o le-awˇ, ngaˬ neh tseˇ doˆ-euˬ sahˬ paˬ mehˬ shi aˬ yawꞈ aˬ myah luꞈ gaˇ ya mˇ tehꞈ-a.