2 Tiˆmoˇseˬ 2:19 - Akha

¹⁹ Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aerkhawf, Miqyaer nae zeurdanr danrtaq-euq jeq-aq, zifdanni javluf-eu mae. Zeurdanr-euq khoertav jmq heulof-aer diqtaq-euq mae: “Sanqpaq Miqyaer-aq, aqyawf-euq tsawrhaq deuq-anr siqnya-eu mae,” (Bts 16:5) hawr-eu, “Kali-euq tsawrmyanr-anr kharkur-eu tsawrhaq yawqghaq navluf, maqtsaq maqdawr-eu jeq-anr aqdir byaerdzae-awq” laer boftaq-euq mae.

2 Tiˆmoˇseˬ 2:19 ပူးပေါင်းရင်းမြစ်များ

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Jaceuq 112:6

Muiˬ-eu jaˬ-eu tsawˇ haˬ maˬ ya cawˆ-iˇ-a. Aˬ yawꞈ-ahˇ Miˬ yehˇ maˬ ngehˇ-a.

Jaceuq 34:14

Yaw haiˬbyehˇ-awˇyaw muiˬmˇ-awˬ. Tsaˬleˇdzoeˇleˇ-eu jeˬ poˆ-awˬ.

Jaceuq 37:18

Tsawˇmuiˬ-euˬaˇnah aˇyamˬ-ahˇ, SahˬpaˬMiˬyehˇsiˬnya luꞈ-awˇ, aˬyawꞈmaꞈ-euˬmiˇkʼahˬjeˬbiˇ, mˬmaˬmaˬbyaˆ bi ziꞈtehꞈ-a.

Jaceuq 97:10

Yaw haiˬ jeˬ-ahˇ bye-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh. Aˬ yawꞈ-euˬ tsawˇ haˬ deuˬ maˬ ya luˬ ma ya seˇ-iˇ ni, aˬ yawꞈ haw piˇ-eu meh. Haiˬ-eu tsawˇ haˬ deuˬ-euˬ laꞈ-ahˇ, aˬ yawꞈ maꞈ-ahˇ ka kʼoꞈ nehˬ-eu meh.

Dawqdaq 10:25

Jaˬ lehˇ lehˇ ma oe-awˇ haiˬ-eu deuˬ-ahˇ hehˇ dzaˬ gʼeh kʼawꞈ, yaw tsaˬ yaw dawˇ deuˬ ziꞈ dah ni jawˇ-eu meh.

Dawqdaq 3:7

Yawˬ haˇ yawˬ ha yaw gahˇ ma lehˇ taˬ noeˬ. Sahˬpaˬ Miˬyehˇ-ahˇ guˆ-awˇ, yaw haiˬ jeˬ-ahˇ gaˇ jaw jaw-awˬ.

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Iˇsaˬyaˇ 63:19

Nawˇ nga maꞈ-ahˇ maˬ uˆ lahˇ haw-euˬ loꞈ-ehˇ, nga maꞈ nawˬ-euˬ tsawˇ haˬ maˬ pyeuꞈ haw-euˬ loꞈ-ehˇ, nawˬ neh nga maꞈ-ahˇ jahˇ nehˬ laꞈ-euˬ meh.

Iˇsaˬyaˇ 65:15

Ngaˬ neh tseˇ doˆ-euˬ deuˬ yaˬ kʼehˇ yaˬ ngeh, naw maꞈ-euˬ tsawˇ myahˇ zmˬ tehꞈ-a. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, shiˇ-eu jeˬ-ahˇ naw maꞈ kʼoeˇ taˆ bi keuˆ le ma. Ehˇ kʼawꞈ, ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, tsawˇ myahˇ yaw shuiꞈ myahˇ paˇ nehˬ ma.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Naˬhmˬ 1:7

Sahˬpaˬ Miˬyehˇ muiˬ dui dui meh. shaˬ zahˬ naꞈ-eu aˇ yamˬ laꞈ kʼoeˇ, yawꞈ-euˬ tsawˇ haˬ-ahˇ haw piˇ-awˇ, yawꞈ-ahˇ tahˬ shaˇ leˇ-eu deuˬ-ahˇ, bo saˆ ngehˬ gʼeh dah teˬ-eu meh.

Haˬgaiˇ 2:23

Ngaˬ-euˬ zaˬ kʼaˆ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ-oˇ, aˇ nah kʼoeˇ nah-ahˇ ngaˇ nawˬ-ahˇ sheuˬ laˬ le-awˇ, ngaˬ-euˬ tsawˇ myahˇ uˬ moˆ uˆ lahˇ-eu gʼaˬ bi geuꞈ ma. Nawˇ-aˬ, ngaˬ neh tseˇ doˆ-euˬ tsawˇ haˬ ma” lehˇ, Baoˬ huiˬ-eu Sahˬpaˬ Miˬyehˇ ehˇ-eu meh.

Zaˬkaˬliˇ 3:9

Pyawˬ ma shiꞈ pyawˬ baw-eu kʼaˬ lo tiˬ siˬ Yawˇshuˆ mehˬ shi ngaˇ bi jaˆ ma. Kʼoeˇ-euˬ kʼoeˇ taˆ ngaˇ sahˬ boꞈ toeˬ boꞈ-awˇ, tiˬ nah laꞈ kʼoeˇ tehꞈ- ehˇ miˇ kʼahˬ heu kʼahˬ-euˬ iˬ baˇ ngaˇ tsiˬ shawˇ ma.

Bawˇtsahˬ 16:5

Kʼoeˇ naˇ, Kawˇlaˆ hawˇ-eu Kawˇlaˆ-euˬ mehˬ nah caw teh-eu tsawˇ haˬ deuˬ-ahˇ aˬ yawꞈ ehˇ nehˬ-eu, “Aˬ geu gʼaˬ Sahˬpaˬ Miˬyehˇ-euˬ tsawˇ haˬ pyeuꞈ-eu gaˇ kawˆ, Sahˬpaˬ Miˬyehˇ aˬ dui-ahˇ ni shawˬ uˬ shawˬ bi siˬ bi mawˇ laꞈ tehꞈ-a. Aˬ yawꞈ neh tseˇ doˆ-euˬ aˬ yawꞈ-euˬ tsawˇ haˬ pyeuꞈ-eu gʼaˬ-ahˇ, lawˇ duˬ-ahˇ aˬ yawꞈ jawˇ-eu dawˬ peh bi le laꞈ tehꞈ-a.

Bawˇtsahˬ 6:27

Kʼoeˇ naˇ, Sahˬpaˬ Miˬyehˇ ehˇ-eu, “Ngaˬ-eu tsawˇ myahˇ kuˇ-awˇ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ naˇ, ngaˇ guiˬ lahˬ biꞈ ma.”

Maꞈtehˬ 24:24

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Maꞈtehˬ 7:23

Kʼoeˇ ngeh, ‘Naw maꞈ-ahˇ ngaˇ maˬ siˬ. Miˬyehˇ nui ma maˬ tsaˬ-eu jeˬ mˇ-euˬ tsawˇ haˬ deuˬ-oˇ, ngaˇ maˬ mawˇ gaˇ iˇ byoˆ-awˬ’ lehˇ, aˬ yawꞈ maꞈ-ahˇ ngaˇ ehˇ nehˬ ma.

Maꞈtehˬ 7:25

Uˬ yehˇ yehˇ le-awˇ, iˇ jeuˬ jeuˬ le-eu uˬ taꞈ, jaˬ lehˇ lehˇ ma ciˬ tahˬ ciˬ tuˆ laˇ kʼawꞈ, kʼaˬ lo kʼoeˇ taˆ tsoˆ taˬ-euˬ miˇ neh, nymˇ kʼoeˇ nymˇ maˬ coˬ-iˇ-a.

Maˬkuˆ 12:16

Aˬ yawꞈ maꞈ mehˇ byaˆ tiˬ byaˆ yuˇ laꞈ ngeh, aˬ yawꞈ ehˇ-eu, “Heu gaˇ ahˇ-eu heu aˬ suˇ gʼaˬ-euˬ aˇ baˇ hawˇ-eu tsawˇ myahˇ nga.” Aˬ yawꞈ maꞈ ehˇ-eu, “Loˇmaˆ Sahˬ paˬ-euˬ aˇ baˇ nga.”

Maˬkuˆ 13:22

Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ oe doˆ tehꞈ-a. Aˬ yawꞈ maꞈ zahˬ leˇ paˬ-ehˇ gʼeh-eu jeˬ hawˇ-eu, kʼaˆ jehˬ-ehˇ gʼeh-eu jeˬ jahˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ, mehˇ shuiˇ shuiˇ tawˆ-awˇ gaˇ ma sheuˬ bahˬ gʼeh tehꞈ-a.

Luˇkaꞈ 13:27

Ehˇ kʼawꞈ, aˬ yawꞈ naw maꞈ-ahˇ, ‘Naw maꞈ aˬ gaˇ jawˇ-eu laˇ-euˬ maˬ siˬ lehˇ ngaˇ ehˇ gʼaˬ-euˬ maˬ ngeuˇ-a loˇ. Yaw haiˬ jeˬ mˇ-eu tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˬ’ lehˇ ehˇ tehꞈ-a.

Luˇkaꞈ 6:48

Aˬ yawꞈ-aˬ, yaw naꞈ naꞈ-ehˇ kʼahˬ-awˇ, kʼaˬ lo kʼoeˇ taˆ ziꞈ dah ni maˇ-awˇ tsoˆ-euˬ nymˇ tsoˆ-eu tsawˇ haˬ-ahˇ duˇ-eu meh. Iˇ jeuˬ jeuˬ le-awˇ nymˇ kʼoeˇ nymˇ-ahˇ ciˬ tahˬ ciˬ tuˆ kʼawꞈ, ziꞈ dah ni tsoˆ taˬ-euˬ miˇ neh, maˬ luˆ maˬ laˆ laˇ-a.

Yoˇhaˬ 10:14

Ngaˇ-aˬ, muiˬ-eu yawˇ bo-eu yaw sahˇ ma. Aˬda ngaˬ-ahˇ siˬ nya-awˇ, ngaˇ kʼawꞈ Aˬda-ahˇ siˬ nya gaˇ duˇ ni, ngaˬ-euˬ yawˇ deuˬ-ahˇ ngaˇ siˬ nya-awˇ, ngaˬ-euˬ yawˇ deuˬ kʼawꞈ ngaˬ-ahˇ siˬ nya-eu meh. Aˬ yawꞈ maꞈ gʼaˇ duˬ ngaˇ shiˇ dah peuˬ-eu ma.

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.

Yoˇhaˬ 3:33

Aˬ yawꞈ ehˇ gaˇ kʼaˇ jah-eu tsawˇ haˬ-aˬ, Miˬyehˇ-euˬ dawˬ tsaˬ meh lehˇ jah gaˇ duˇ-eu meh.

Gʼaˬkʼehˇ 11:26

Aˬ yawꞈ-ahˇ poˆ mawˇ ngeh, Aˬdiˇawˬ meuˬ-ahˇ sheuˬ gʼeh-awˇ, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ nyaꞈ kʼoꞈ kʼoꞈ lah ni tahˬ dzoeˇ-awˇ, tsawˇ haˬ gʼawˬ mya ni-ahˇ mehˬ nehˬ tsoˆ nehˬ-euˬ meh. Jah-eu tsawˇ haˬ deuˬ-ahˇ Ka li zaˬ lehˇ kuˇ beh beh-euˬ kʼoeˇ-aˬ, Aˬdiˇawˬ meuˬ-ahˇ meh.

Gʼaˬkʼehˇ 15:17

Dzeˇ-eu miˇ tsaˬ tsawˇ jeuˬ dawˬ tawˆ, ngaˇ jawˇ gaˇ gʼoꞈ laˇ jiˇ tehꞈ-a. Ngaˬ-euˬ tsawˇ haˬ bi pyeuꞈ-eu lehˇ, ngaˬ neh kuˇ-euˬ aˬ cawˬ tsawˇ jeuˬ, dawˬ tawˆ gʼoꞈ laˇ jiˇ tehꞈ-a lehˇ,

Gʼaˬkʼehˇ 9:14

Piˇ ma aˬ yuiꞈ deuˬ neh aˬ yawꞈ-ahˇ baoˬ biꞈ taˬ-euˬ loꞈ-ehˇ, nawˬ-ahˇ uˬ duˬ kʼaˇ tahˬ-eu tsawˇ haˬ deuˬ-ahˇ nyehꞈ-eu gʼaˇ duˬ, Daˬmaˬsehˇ meuˬ-ahˇ aˬ yawꞈ laˇ-euˬ meh.”

Lormav 11:2

Aˇ dahˬ beh ngeh neh aˬ yawꞈ neh tseˇ doˆ taˬ-euˬ tsawˇ jeuˬ-ahˇ aˬ yawꞈ maˬ byehˇ dzeh-a. Eˇliˇyaˆ neh Iˇsaˬleˬlaˇ tsawˇ haˬ deuˬ-euˬ yaw lehˬ Miˬyehˇ-ahˇ ehˇ nehˬ-euˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ siˬ nya meh.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Lormav 15:20

Ngaˬ-euˬ nui kʼahˇ-aˬ, a cawˬ neh dawˬ pehˬ gawˬ gʼaˬ taˬ-euˬ gaˇ gawˬ tsaꞈ daˆ leꞈ-eu jeˬ maˬ mˇ ni, Ka li gaˇ kawˆ maˬ gaˬ haw-euˬ jawˇ duˬ-ahˇ iˇ-awˇ Laˬ kʼaˬ cehˇ-eu Guiˬ lahˬ dawˬ mehˬ-eu jeˬ-ahˇ nui ma keuˆ dzehˬ-eu ma.

Lormav 15:9

Kʼoeˇ tehꞈ-ehˇ maˬ ngeuˇ ni, Miˬyehˇ gʼawˬ shaˬ gaˬ-eu jeˬ baˬ da neh Yuˇdaˆ tsawˇ haˬ maˬ ngeuˇ-eu deuˬ kʼawꞈ Miˬyehˇ-ahˇ ja ceuˬ nya laˇ ni mˇ le-euˬ jeˬ kʼawꞈ pyeuꞈ-eu meh. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Kʼoeˇ miˇ neh nawˬ-euˬ tsawˇ myahˇ-ahˇ, aˬ cawˬ tsawˇ jeuˬ tsahˬ-ahˇ jawˇ-awˇ, ja ceuˬ-eu caˇ dawˬ ngaˇ caˇ ma.”

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Lormav 9:11

Miˬyehˇ neh noeˬ taˬ-euˬ jeˬ maˬ ya bi tsehˆ-iˇ ni, aˬ li kʼoeˇ nyiˬ li laꞈ kʼoeˇ tiˬ li-ahˇ tseˇ doˆ-eu gʼaˇ duˬ Miˬyehˇ lehˬ hmˬ taˬ-euˬ miˇ neh, “Aˬ yuiꞈ gʼaˬ-aˬ, aˬ nyiˇ gʼaˬ-euˬ zaˬ kʼaˆ ya geuꞈ tehꞈ-a” lehˇ, Leˬbehˇkaꞈ-ahˇ ehˇ nehˬ-euˬ meh. Aˬ yawꞈ nyaꞈ nmˇ maˬ dehꞈ le mi naˆ-ehˇ, kʼoeˇ loꞈ-ehˇ ehˇ taˬ-euˬ meh. Aˬ nyaꞈ nmˇ yaw muiˬ yaw doeˇ tiˬ jeˬ-iˬ maˬ mˇ nya laˇ mi naˆ-ehˇ ehˇ taˬ-euˬ dawˬ pyeuꞈ-eu meh. Kʼoeˇ miˇ neh, Miˬyehˇ neh tseˇ doˆ-euˬ lehˇ ehˇ-eu-aˬ, aˬ yawꞈ kuˇ mawꞈ-eu gʼaˬ-ahˇ kuˇ gaˇ ehˇ-eu meh. Aˬ nyaꞈ nmˇ neh mˇ-euˬ yaw muiˬ yaw doeˇ-ahˇ tiˬ jeˬ-iˬ maˬ taꞈ-a.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

1 Gawˇliˬtu 8:3

Ehˇ kʼawꞈ, Miˬyehˇ-ahˇ gaˬ-eu tsawˇ haˬ-ahˇ Miˬyehˇ siˬ nya-eu meh.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Gaˬlaˬtiˆ 4:9

Nymˬ-mˇ poˆ jawˇ-aˬ, naw maꞈ Miˬyehˇ-ahˇ siˬ nya laˇ-euˬ meh. Maˬ ngeuˇ naˇ, Miˬyehˇ naw maꞈ-ahˇ siˬ nya-euˬ meh lehˇ kʼawꞈ ehˇ-awˬ. Gʼaˬ baˬ dui dui-awˇ tiˬ jeˬ-iˬ maˬ jahˇ nya-eu yaw sahˇ kʼoeˇ deuˬ jawˇ paw naw maꞈ aˬ joˆ-ehˇ paˇ gʼoꞈ pyawˇ-iˇ mawꞈ-eu nya. Aˬ jeˬ miˇ neh aˬ yawꞈ maꞈ-euˬ zaˬ kʼaˆ paˇ geuꞈ poˆ mawꞈ-eu nya.

Eˇpeˇsu 2:20

Naw maꞈ kʼawꞈ, gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ neh gawˬ dahˬ beh taˬ-euˬ gaˇ gawˬ tsaꞈ daˆ leꞈ-euˬ nymˇ pyeuꞈ-awˇ, Yeˬsuˇ Ka li-aˬ, laꞈ coeˇ lo ziꞈ pyeuꞈ-eu meh.

Eˇpeˇsu 3:15

Mˬ kʼoeˇ taˆ kʼaˇ jawˇ-eu tsawˇ paˬ tsawˇ ca deuˬ hawˇ-eu miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ, aˬ yawꞈ neh tsawˇ myahˇ biꞈ taˬ-euˬ meh.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

1 Tiˆmoˇseˬ 3:15

Ehˇ kʼawꞈ, ngaˇ yaw kawˇ-ehˇ maˬ laˇ keuˆ nya lawˬ naˇ, dehꞈ luꞈ-eu Miˬyehˇ-euˬ Ka li zaˬ aˇ muˇ pyeuꞈ-awˇ, yaw tsaˬ yaw dawˇ jeˬ-ahˇ toˆ diˇ taˬ-euˬ kʼawˇ zeuˇ pyeuꞈ-eu Miˬyehˇ-euˬ nymˇ jiˇ-ahˇ aˬ joˆ-ehˇ ya sheuˬ gʼeh-eu gaˇ kawˆ, sahˬ boꞈ heu taꞈ nawˬ-ahˇ mehˬ nehˬ laꞈ tehꞈ-a.

1 Tiˆmoˇseˬ 6:19

Kʼoeˇ loꞈ-ehˇ mˇ-eu kʼoeˇ-aˬ, aˬ kaˇ kaˇ ziˇ gʼaˇ duˬ ziꞈ dah ni gʼeh-eu pyuˇ shuiˇ myawˬ gahˬ jeˬ hmˬ taˬ gaˇ duˇ-awˇ, maˇ maˇ ni gʼeh-eu dehꞈ-eu jeˬ-ahˇ aˬ yawꞈ maꞈ za tehꞈ-a.

HeˬByehˇ 11:10

Aˬ jeˬ miˇ neh ehˇ naˇ, Miˬyehˇ neh shaˇ noeˬ-awˇ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu meuˬ-ahˇ Aˬbyaˬhaˬ noeˬ tmˬ taˬ-euˬ meh.

2 Beˬtuˆluˆ 3:14

Kʼoeˇ miˇ neh cawˬ deuˬ-oˇ, Aˇnah kʼoeˇ nah-ahˇ naw maꞈ dawˬ luꞈ-eu loꞈ-ehˇ, Miˬyehˇ mehˬ shi iˬ baˇ taˬ kʼaˇ maˬ za-eu Miˬyehˇ-ahˇ tsaˬ leˇ tsahˇ leˇ gʼaˬ-euˬ muiˬ-eu shawˇ-eu tsawˇ haˬ pyeuꞈ ni leh jeh-awˬ.

1 Yoˇhaˬ 2:19

Tsawˇ haˬ heu deuˬ-aˬ, aˬ dui-euˬ aˇ maꞈ aˇ muˇ-ahˇ maˇ maˇ ni taꞈ-eu deuˬ maˬ ngeuˇ-a. Kʼoeˇ miˇ neh, aˬ yawꞈ maꞈ aˬ dui-ahˇ gʼawˬ-iˇ-eu meh. Aˬ yawꞈ maꞈ aˬ dui-euˬ aˇ maꞈ aˇ muˇ-ahˇ taꞈ law nmˇ-aˬ, aˬ dui-ahˇ maˬ gʼawˬ-iˇ ni jawˇ tehꞈ-a. Aˬ yawꞈ maꞈ aˬ dui-ahˇ maˬ taꞈ-eu gaˇ kawˆ bi siˬ duˬ laˇ-eu gʼaˇ duˬ, aˬ dui-ahˇ gʼawˬ-iˇ-euˬ jeˬ pyeuꞈ-eu meh.

Panmaeq 17:8

Nawˇ mawˇ-euˬ jeˬ zaˬ kʼoeˇ mawˇ-aˬ, aˇ hu dehꞈ-euˬ kʼawꞈ, nymˬ-mˇ maˬ paˇ dehꞈ meh. Gʼawˬ myahˇ maˬ gʼeh-ehˇ yaw li maˬ baw-eu duˬ kʼahˬ-ahˇ neh doˆ laˇ-awˇ, luˬ-iˇ seˇ-iˇ-eu jeˬ laꞈ kʼoeˇ ya uˇ-iˇ tehꞈ-a. Mˬ hawˇ-eu miˇ maˬ beh mi naˆ-ehˇ saꞈ laˇ dehꞈ-eu sahˬ boꞈ laꞈ kʼoeˇ tsawˇ myahˇ maˬ bi boꞈ ahˇ taˬ-euˬ miˇ tsaˬ kʼoeˇ taˆ jawˇ luꞈ-eu tsawˇ haˬ deuˬ-aˬ, jeˬ zaˬ yaw haiˬ kʼoeˇ mawˇ-ahˇ ya mawˇ ngeh zahˬ dui dui leˇ tehꞈ-a. Aˬ jeˬ miˇ neh ehˇ naˇ, jeˬ zaˬ yaw haiˬ kʼoeˇ mawˇ dzeuˇ laˇ ngeh yaw dehꞈ dehꞈ-euˬ kʼawꞈ, nymˬ-mˇ maˬ paˇ dehꞈ meh. Ehˇ kʼawꞈ, tiˬ poˆ paˇ doˆ laˇ tehꞈ-a.

Panmaeq 2:13

Nawˇ aˬ gaˇ jawˇ-eu ngaˇ siˬ nya ma. Nehꞈ Saˬdaˬ-euˬ dzoeˬ dzaˬ nuiˇ mahˬ jaˆ gaˇ nawˇ jawˇ-eu meh. Nawˇ ngaˬ-ahˇ saˇ jaˇ ziꞈ-eu meh. Saˇ jaˇ ziꞈ-eu ngaˬ-euˬ gaˇ kawˆ saˇ kiˇ kamˬ-eu gʼaˬ pyeuꞈ-eu Aˬdiˇpaˆ-ahˇ nehꞈ Saˬdaˬ jawˇ gaˇ sehꞈ ngeh kʼawꞈ, ngaˬ-ahˇ jah-eu jeˬ-ahˇ nawˇ maˬ byehˇ dzeh-aˬ.

Panmaeq 21:14

Lahˇ kʼoeˇ lahˇ-aˬ, kʼaˬ lo lo ma tseˇ nyiꞈ siˬ kʼoeˇ taˆ gawˬ taˬ-euˬ meh. Kʼaˬ lo kʼoeˇ deuˬ kʼoeˇ taˆ, Yawˇzaˬ-euˬ gʼaˬ kʼehˇ tseˇ nyiꞈ gʼaˬ-euˬ tsawˇ myahˇ boꞈ taˬ-euˬ meh.

Panmaeq 22:4

Aˬ yawꞈ-euˬ myaˆ pyawˬ-ahˇ aˬ yawꞈ maꞈ ya mawˇ-awˇ, aˬ yawꞈ maꞈ-euˬ naˇ kʼawˇ-ahˇ aˬ yawꞈ-euˬ tsawˇ myahˇ boꞈ taˬ tehꞈ-a.

Panmaeq 3:8

Nawˇ mˇ luꞈ-eu jeˬ ngaˇ siˬ nya ma. Nawˇ baoˬ ui cuiˆ ahˇ-eu ngaˇ siˬ nya ma. Ngaˬ neh mehˬ-euˬ tsoˆ-euˬ dawˬ-ahˇ nawˇ caw teh-awˇ, ngaˬ-ahˇ nawˇ saˇ jaˇ ziꞈ-eu meh. Tsawˇ haˬ tiˬ gʼaˬ-iˬ maˬ piˬ tehˬ nya-eu laˇ gʼoˆ tiˬ gʼoˆ nawˬ-euˬ mehˬ shi ngaˇ pah taˬ-euˬ ma.