2 Tiˆmoˇseˬ 2:11 - Akha

¹¹ Tsaˬ dui dui-eu dawˬ-aˬ, heu loꞈ-ehˇ meh. “Aˬ dui aˬ yawꞈ nehˬ-ehˇ shiˇ naˇ, aˬ yawꞈ nehˬ-ehˇ ya dehꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Dawq heudawq-aq, jancoer paq-aer ghae-eu mae: Aqdui Kali naeq-aer shir nar-aq, Kali naeq-aer yadaef taef-a.

2 Tiˆmoˇseˬ 2:11 ပူးပေါင်းရင်းမြစ်များ

Yoˇhaˬ 14:19

Tiˬ kʼehˬ tiˬ yamˬ laꞈ kʼoeˇ, miˇ tsaˬ zaˬ deuˬ ngaˬ-ahˇ maˬ paˇ ya mawˇ meh. Ehˇ kʼawꞈ, naw maꞈ ngaˬ-ahˇ ya mawˇ tehꞈ-a. Ngaˇ dehꞈ-eu baˬ da neh, naw maꞈ kʼawꞈ ya dehꞈ tehꞈ-a.

Lormav 6:5

Aˬ yawꞈ loꞈ-ehˇ shiˇ-euˬ laꞈ kʼoeˇ aˬ dui aˬ yawꞈ-ahˇ taꞈ leˇ gʼaˬ-euˬ-aˬ, aˬ yawꞈ loꞈ-ehˇ paˇ gʼoꞈ dehꞈ laˇ-eu laꞈ kʼoeˇ aˬ dui aˬ yawꞈ-ahˇ paˇ ya taꞈ leˇ tehꞈ-a.

Lormav 6:8

Aˬ dui Ka li nehˬ-ehˇ shiˇ-euˬ miˇ neh, aˬ yawꞈ nehˬ-ehˇ ya dehꞈ ma lehˇ aˬ dui jah-eu ma.

2 Gawˇliˬtu 13:4

Aˬ jeˬ miˇ neh ehˇ naˇ, nahˬ jawˆ ni gʼeh-eu laꞈ kʼoeˇ aˬ yawꞈ-ahˇ laꞈ yaꞈ kʼoeˇ taˆ bi taꞈ sehꞈ-euˬ kʼawꞈ, Miˬyehˇ-euˬ baoˬ baˬ da neh nymˬ-mˇ aˬ yawꞈ dehꞈ luꞈ meh. Aˬ yawꞈ-ahˇ taꞈ-eu laꞈ kʼoeˇ nga maꞈ kʼawꞈ nahˬ jawˆ ni gʼeh-eu ma. Ehˇ kʼawꞈ, naw maꞈ nehˬ-ehˇ nga maꞈ dehꞈ taꞈ luꞈ-eu heu-aˬ, Miˬyehˇ-euˬ baoˬ-ahˇ gʼoe-awˇ Ka li nehˬ-ehˇ dehꞈ luꞈ-eu miˇ neh deuˇ geuˆ ni jaˆ luꞈ ma.

2 Gawˇliˬtu 4:10

Yeˬsuˇ dehꞈ luꞈ-eu gaˇ kawˆ nga maꞈ-euˬ gʼawˇ mawˇ laꞈ kʼoeˇ aˬ cawˬ mawˇ nya ni, aˬ yawꞈ shiˇ-euˬ kʼoeˇ nga maꞈ-euˬ gʼawˇ mawˇ laꞈ kʼoeˇ aˬ myah luꞈ pi luꞈ-eu ma.

1 Teˇsaˬloˇni 4:17

Kʼoeˇ naˇ, kʼoeˇ ngeh dehꞈ luꞈ-eu aˬ dui maꞈ kʼawꞈ, aˬ yawꞈ maꞈ nehˬ-ehˇ mˬ dmˇ laꞈ kʼoeˇ tiˬ kawˆ loꞈ-ehˇ uiˬ leˇ-awˇ, mˬ taˆ yaw goˇ-ahˇ Sahˬpaˬ Yeˬsuˇ-ahˇ ya tahˬ puˬ leˇ tehꞈ-a. Kʼoeˇ naˇ, aˬ myah luꞈ Sahˬpaˬ Yeˬsuˇ nehˬ-ehˇ ya jawˇ tehꞈ-a.

1 Teˇsaˬloˇni 5:10

Aˬ yawꞈ zaꞈ leh ngeh, aˬ dui dehꞈ-eu maˬ kaˬ, shiˇ-euˬ maˬ kaˬ, aˬ yawꞈ nehˬ-ehˇ tiˬ kawˆ loꞈ-ehˇ ya jawˇ ni aˬ dui gʼaˇ duˬ aˬ yawꞈ shiˇ dah-euˬ meh.

1 Tiˆmoˇseˬ 1:15

Iˬ baˇ zaˬ-ahˇ ka kʼoꞈ-eu gʼaˇ duˬ Yeˬsuˇ Ka li miˇ tsaˬ kʼoeˇ taˆ oe-euˬ meh lehˇ ehˇ taˬ-euˬ kʼoeˇ-aˬ, tiˬ byah tiˬ loꞈ ha geuꞈ-awˇ jah paˬ-ehˇ gʼeh-eu dawˬ pyeuꞈ-eu meh. Iˬ baˇ zaˬ deuˬ laꞈ kʼoeˇ aˬ cawꞈ naˆ maˬ tseˇ iˬ baˇ huiˬ dzehˬ-eu gʼaˬ-aˬ, ngaˇ ma.

1 Tiˆmoˇseˬ 3:1

Ka li zaˬ aˇ muˇ-ahˇ sheuˬ gʼeh-eu gaˇ mˇ mawꞈ-eu tsawˇ haˬ-aˬ, muiˬ dui dui-eu gaˇ-ahˇ poˆ-eu meh lehˇ ehˇ-eu dawˬ kʼoeˇ dawˬ tsaˬ dui dui meh.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.