2 Tiˆmoˇseˬ 1:6 - Akha

⁶ Kʼoeˇ miˇ neh, nawˬ-euˬ kʼoeˇ taˆ ngaˇ aˬ laꞈ baꞈ daˆ-awˇ aˇ yaˬ biꞈ nehˬ ngeh, Miˬyehˇ laꞈ sawˬ biꞈ taˬ-euˬ jeˬ taˬ bi shiˇ tsehˆ lehˇ ngaˇ ehˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoermirnae, ngaq nae nawq-euq khoertav aqlaf bafdav-euq gar ghoe-awr, Miqyaer, nawq-anr bif-euq lafsawq khoer maqbi miv-ir ni lavnyaev-awq laer ngar, nawq-anr aernoeq-eu ma.

2 Tiˆmoˇseˬ 1:6 ပူးပေါင်းရင်းမြစ်များ

Doˆ-iˇ 35:26

Ciꞈ myehꞈ caꞈ hm neh kʼawꞈ, aˬ yawꞈ maꞈ saˬ kahˇ shuiˇ-euˬ meh.

Doˆ-iˇ 36:2

Sahˬpaˬ Miˬyehˇ neh laꞈ myawˬ laꞈ muˆ mˇ nya-eu zaˬ siˬ tsawˇ gahˇ biꞈ taˬ-euˬ nui ma keuˆ-eu tsawˇ haˬ deuˬ pyeuꞈ-eu, Baˬzeˬlaˇ, Awˬhawˇleˬbaˇ hawˇ-eu, gaˇ yaw muiˬ paˬ-ehˇ mˇ nya-eu tsawˇ haˬ deuˬ-ahˇ, Moˇseˬ kuˇ-awˇ, “Gaˇ mˇ dahˬ beh-awˬ” lehˇ ehˇ nehˬ-euˬ meh.

Iˇsaˬyaˇ 43:26

Dzeuˇ yaꞈ-euˬ gaˇ kawˆ deuˬ ehˇ doˆ haw sheˇ. Naw maꞈ tsaˬ-euˬ gaˇ kawˆ ja dahˇ haw sheˇ. Gaˇ kawˆ heu-ahˇ tiˬ kawˆ loꞈ-ehˇ ja duˬ kaˇ-euˇ.

Luˇkaꞈ 19:13

Aˬ yawꞈ maˬ iˇ mi naˆ-ehˇ, aˬ yawꞈ-euˬ zaˬ kʼaˆ tseˇ gʼaˬ-ahˇ kuˇ-awˇ, tiˬ gʼaˬ-ahˇ shuiˇ maˇ byaˆ tiˬ byaˆShuiˇ maˇ byaˆ tiˬ byaˆ’ lehˇ ehˇ gaˇ, Heˬbyehˇ dawˬ ‘pyuˇ tiˬ maˬnehˇ’ lehˇ ehˇ taˬ-euˬ meh. Kʼoeˇ-aˬ, tsawˇ haˬ tiˬgʼaˬ ba la smˇ siˬ gaˇ mˇ-euˬ gʼaˬ gaˇ poeˬ nehˬ-ehˇ di-eu meh.* biꞈ taˬ yaꞈ-awˇ ehˇ nehˬ-eu, ‘Ngaˇ gʼoꞈ keuˆ laˇ ngeh keuˆ ni, heu yuˇ-awˇ jeˬ gaꞈ gaꞈ tawˬ-awˬ.’

Gʼaˬkʼehˇ 19:6

Aˬ yawꞈ maꞈ-ahˇ Pawˇluˆ aˬ laꞈ baꞈ daˆ nehˬ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ kʼoeˇ taˆ zaꞈ le-awˇ, aˬ yawꞈ maꞈ dawˬ gʼawˬ mya jeˬ ngehˬ-eu uˬ taꞈ, Miˬyehˇ gʼaˇ duˬ ngehˬ dah-eu dawˬ kʼawꞈ ngehˬ-euˬ meh.

Gʼaˬkʼehˇ 6:6

Aˇ muˇ neh aˬ yawꞈ maꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-awˇ, gʼaˬ kʼehˇ deuˬ guiˬ lahˬ shaˇ-awˇ, aˬ yawꞈ maꞈ kʼoeˇ taˆ aˬ laꞈ baꞈ daˆ nehˬ-euˬ meh.

1 Teˇsaˬloˇni 5:19

Muiˬ-eu shawˇ-eu Yaw sahˇ Miˬyehˇ-ahˇ taˬ laˆ tsoeˬ.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

1 Tiˆmoˇseˬ 4:6

Gaˇ kawˆ heu deuˬ aˬ yuiꞈ aˬ nyiˇ Ka li zaˬ deuˬ-ahˇ nawˇ mehˬ nehˬ naˇ, nawˇ-aˬ, nawˬ neh caw teh gʼeh-euˬ jah-eu jeˬ-ahˇ taꞈ-eu yaw tsaˬ yaw dawˇ jeˬ laꞈ kʼoeˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ laꞈ kʼoeˇ huiˬ laˇ-euˬ, Yeˬsuˇ Ka li-euˬ muiˬ-eu zaˬ kʼaˆ tiˬ gʼaˬ pyeuꞈ tehꞈ-a.

2 Tiˆmoˇseˬ 2:14

Nawˬ-euˬ tsawˇ haˬ deuˬ-ahˇ gaˇ kawˆ heu ja mehˬ nehˬ-awˇ, dawˬ-ahˇ taꞈ leˇ-eu gaˇ kawˆ tsawˇ pyehˇ pyehˇ-awˇ maˬ ya ja dzaˬ-eu gʼaˇ duˬ Miˬyehˇ mehˬ shi yaw kʼaˆ kʼaˆ-ehˇ mehˬ nehˬ-awˬ. Kʼoeˇ loꞈ-ehˇ gʼeh-eu jeˬ-aˬ, gaˇ dahˇ maˬ tsoeˬ-eu uˬ taꞈ, ya gaˬ-eu tsawˇ haˬ deuˬ-ahˇ bi luˬ bi seˇ-iˇ-eu tehꞈ meh.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.

HeˬByehˇ 6:2

Iˇ cuꞈ shawˇ-eu gaˇ kawˆ maˬ ehˇ, aˬ laꞈ cawˬ daˆ-awˇ aˇ yaˬ biꞈ-eu gaˇ kawˆ maˬ ehˇ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ maˬ ehˇ, Miˬyehˇ neh yaˇ kʼaˬ daˇ-euˬ jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ maˬ ehˇ, aˬ dui dzaw poˆ dzaw poˆ-ehˇ jawˇ yamˬ maˬ paˇ ngeuˇ meh.

2 Beˬtuˆluˆ 1:12

Kʼoeˇ miˇ neh, gaˇ kawˆ heu deuˬ-ahˇ naw maꞈ siˬ nya jiˇ-awˇ, yawˬ ha za taˬ-euˬ yaw tsaˬ yaw dawˇ jeˬ laꞈ kʼoeˇ naw maꞈ ziꞈ dah ni jawˇ luꞈ-eu kʼawꞈ, gaˇ kawˆ heu deuˬ ngaˇ naw maꞈ-ahˇ tiˬ kʼehˬ maˬ taˬ ni ja noeˬ nehˬ ma.

2 Beˬtuˆluˆ 3:1

Ngaˇ gaˬ dui dui-eu cawˬ deuˬ-oˇ, sahˬ boꞈ heu taꞈ-aˬ, ngaˬ neh naw maꞈ jawˇ gaˇ boꞈ ahˇ laꞈ-euˬ sahˬ boꞈ nyiˬ taꞈ tiˬ taꞈ ma. Sahˬ boꞈ nyiˬ taꞈ luꞈ laꞈ kʼoeˇ, gaˇ kawˆ heu deuˬ ngaˇ naw maꞈ-ahˇ ja noeˬ nehˬ-awˇ, naw maꞈ-euˬ nui ma laꞈ kʼoeˇ shawˇ jehˆ ni gʼeh-eu nui noeˬ dehꞈ laˇ nya ni laˆ noeˬ-eu ma.

Yuˇdaˆ 1:5

Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.