2 Tiˆmoˇseˬ 1:18 - Akha

¹⁸ Aˇ nah kʼoeˇ nah keuˆ le ngeh, Sahˬpaˬ Yeˬsuˇ aˬ yawꞈ-ahˇ gʼawˬ shaˬ gaˬ nehˬ luꞈ-uˇ. Ngaˇ Eˇpeˇsu meuˬ-ahˇ jawˇ luꞈ ngeh, aˬ yawꞈ ngaˬ-ahˇ aˇ naˆ ni caw ba nehˬ laꞈ-euˬ nawˇ siˬ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Arnan khoernan keuvle ngae, aqyawf, Sanqpaq Yeqsur-euq ghawqshaq gaq-eu jeq za’ni, Sanqpaq Yeqsur, aqyawf-anr ghawqshaq gaqnaeq luf-ur. Ngar, Erpersu-anr jawr ngae, aqyawf, ngaq-euq gharduq kuirlaf zaqkhav arnavni geufnaeq-euq gar nawr yawmuiq-aer siqnya-eu mae.

2 Tiˆmoˇseˬ 1:18 ပူးပေါင်းရင်းမြစ်များ

1 Sahˬpaˬ 17:20

Kʼoeˇ naˇ, yaw kʼaˆ-ehˇ guˇ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, aˬ jeˬ miˇ neh miˬ coeˬ miˬ ma heu gʼaˬ kʼoeˇ taˆ heu loꞈ-ehˇ gʼeh-eu shaˬ zahˬ bi keuˆ le te. Aˬ yawꞈ ngaˬ-ahˇ yaw muiˬ paˬ-ehˇ ha-awˇ bo saˆ nehˬ laꞈ-euˬ meh. Ehˇ kʼawꞈ, nymˬ-mˇ poˆ jawˇ aˬ yawꞈ-euˬ aˬ li-ahˇ nawˇ bi shiˇ-euˬ nga.”

Luˇkaꞈ 1:72

Aˬ dui-euˬ poeˬ piˬ kʼoeˇ deuˬ-ahˇ, aˬ yawꞈ gʼawˬ shaˬ gaˬ-eu laꞈ kʼoeˇ, muiˬ-eu shawˇ-eu dawˬ ma saˇ jaˇ, noeˬ keuˆ ma lehˇ yawꞈ ehˇ-eu meh.

Luˇkaꞈ 1:78

Aˬ dui Miˬyehˇ nui nahˬ ahˇ-awˇ, gʼawˬ shaˬ gaˬ nya dui dui-eu meh. Ka kʼoꞈ-eu jeˬ aˬ dui kʼoeˇ taˆ, uˬ bya bya shawˇ laˇ-eu loꞈ-ehˇ,

Luˇkaꞈ 8:3

Heˬloˆ-euˬ saˇ naˇ-ahˇ gaˇ mˇ-eu Kuˇzaˬ-euˬ nymˇ dahˬ Yoˇaˬnaˆ tiˬ gʼaˬ, Suˬsaˇnaˬ tiˬ gʼaˬ hawˇ-eu, nui deuˬ gʼawˬ mya gʼaˬ meh. Zaˬ miˬ zaˬ kʼoeˇ deuˬ-aˬ, yawˬ ha kʼaˇ jaˆ-eu jeˬ yuˇ doˆ-awˇ, Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ caw ba nehˬ-euˬ meh.

Gʼaˬkʼehˇ 18:19

Aˬ yawꞈ maꞈ Eˇpeˇsu meuˬ-ahˇ iˇ keuˆ-awˇ, Biˇgiˇla hawˇ-eu Gaˬguˇla aˬ nyaꞈ-ahˇ kʼoeˇ gaˇ taˬ yaꞈ-euˬ meh. Pawˇluˆ-aˬ, uˬ duˬ tahˬ nymˇ-ahˇ le-awˇ, Yuˇdaˆ tsawˇ haˬ deuˬ nehˬ-ehˇ ja sawˇ-euˬ meh.

Gʼaˬkʼehˇ 18:21

Aˬ yawꞈ doˆ-iˇ ngeh, “Miˬyehˇ nui ma tsaˬ naˇ, naw maꞈ jawˇ gaˇ ngaˇ tiˬ poˆ paˇ laˇ keuˆ ma” lehˇ ehˇ nehˬ yaꞈ-awˇ, saˇ baoˬ dziˬ-awˇ Eˇpeˇsu meuˬ-ahˇ neh doˆ-iˇ-euˬ meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

1 Gawˇliˬtu 1:8

Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

1 Gawˇliˬtu 16:8

Beˬdeˬgoˇdeˬ Bawˬ-iˬ gʼeh ngeh nah keuˆ ni, heu gaˇ Eˇpeˇsu meuˬ-ahˇ ngaˇ jawˇ ma.

1 Gawˇliˬtu 3:13

Aˬ yawꞈ gʼaˬ yawꞈ, yawˬ ha neh mˇ-euˬ muiˬ-eu doeˇ-eu gaˇ kawˆ-ahˇ, Ka li-euˬ Aˇ nah keuˆ le-awˇ pah mehˬ le ngeh ya mawˇ duˬ tehꞈ-a. Aˬ jeˬ miˇ neh ehˇ naˇ, Aˇ nah kʼoeˇ nah keuˆ le ngeh, yawˬ gʼaˬ na luꞈ kʼaˇ mˇ taˬ-euˬ jeˬ-ahˇ miˬ dzaˬ neh bi pah mehˬ tehꞈ-a. Muiˬ muiˬ doeˇ doeˇ miˬ dzaˬ neh bi lawˬ haw-awˇ, bi mawˇ duˬ laˇ tehꞈ-a.

2 Gawˇliˬtu 9:1

Yuˇdaˆ miˇ kʼahˬ-ahˇ jawˇ-eu Miˬyehˇ-euˬ tsawˇ haˬ deuˬ-ahˇ caw ba-eu pyuˇ daˬ gaˇ kawˆ naw maꞈ-ahˇ ngaˇ sahˬ boꞈ boꞈ nehˬ-eu maˬ paˇ loˬ meh.

Eˇpeˇsu 2:4

Ehˇ kʼawꞈ, Miˬyehˇ gʼawˬ shaˬ gaˬ-eu jeˬ myaˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ huiˬ dui dui-eu meh.

1 Teˇsaˬloˇni 2:19

Ehˇ kʼawꞈ, nga maꞈ-euˬ noeˬ tmˬ duˬ, nga maꞈ-euˬ laˬ kʼaˬ cehˇ duˬ hawˇ-eu, Sahˬpaˬ Yeˬsuˇ oe ngeh aˬ yawꞈ mehˬ shi nga maꞈ gʼaˬ leˇ-euˬ gaˇ kawˆ kʼahˬ sehˇ jehˆ duˬ-aˬ, aˬ cawˬ maˬ ngeuˇ. Naw maꞈ ma.

1 Tiˆmoˇseˬ 1:3

Maˬgeˬdawˇniˆ miˇ kʼahˬ-ahˇ ngaˇ iˇ luꞈ ngeh nawˬ-ahˇ ehˇ nehˬ-euˬ loꞈ-ehˇ, Eˇpeˇsu meuˬ laꞈ kʼoeˇ bi jawˇ mawꞈ miˇ-a. Kʼoeˇ gaˇ jawˇ-eu tsawˇ haˬ tiˬ paˆ na deuˬ beu gaˇ-eu jah-eu jeˬ gaˇ kawˆ mehˬ luꞈ-eu meh. Maˬ mehˬ ni bi naˬ-eu gʼaˇ duˬ nawˇ dawˬ ya biꞈ meh.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

2 Tiˆmoˇseˬ 1:16

Awˬneˬsiˬpawˬ-euˬ nymˇ jiˇ-ahˇ Sahˬpaˬ Yeˬsuˇ gʼawˬ shaˬ gaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ ngaˬ-euˬ nui ma-ahˇ gʼawˬ mya poˆ laˬ kʼaˬ bi cehˇ laꞈ-euˬ meh.

2 Tiˆmoˇseˬ 1:17

Ngaˇ tawˬ-ahˇ uˇ gaˇ aˬ yawꞈ maˬ shaꞈ dawˇ-a. Loˇ maˆ meuˬ-ahˇ aˬ yawꞈ laˇ keuˆ-euˬ nehˬ-ehˇ ngaˬ-ahˇ maˬ mawˇ kʼoeˇ mawˇ ni poˆ-euˬ meh.

2 Tiˆmoˇseˬ 4:12

Duˇjiˇ-ahˇ Eˇpeˇsu meuˬ-ahˇ kʼehˇ gʼeh-euˬ ma.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

1 Beˬtuˆluˆ 1:10

Miˬyehˇ gʼaˇ duˬ ngehˬ dah-eu deuˬ neh ka kʼoꞈ-eu jeˬ heu-ahˇ yaw muiˬ paˬ-ehˇ pyehˆ tseˇ duˬ-awˇ, Miˬyehˇ naw maꞈ-ahˇ biꞈ-eu lehˇ gʼeh-eu laꞈ sawˬ heu-euˬ gaˇ kawˆ ngehˬ dah yaꞈ-euˬ meh.

Panmaeq 2:1

Eˇpeˇsu meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-euˬ gʼahˇ ceh cah luꞈ-eu gʼaˬ-euˬ dawˬ meh.