2 Tiˆmoˇseˬ 1:16 - Akha

¹⁶ Awˬneˬsiˬpawˬ-euˬ nymˇ jiˇ-ahˇ Sahˬpaˬ Yeˬsuˇ gʼawˬ shaˬ gaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ ngaˬ-euˬ nui ma-ahˇ gʼawˬ mya poˆ laˬ kʼaˬ bi cehˇ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Sanqpaq Yeqsur, Awqneqsiqpawq-euq nymrjir-anr ghawqshaq gaqnaeq luf-ur. Aqjeq mirnae aernar-aq, aqyawf, ngaq-anr ghawqmya pov nuima sarlarni janrnaeq laf-euq mae. Ngaq-anr shmrcav paftaq-euq gar aqyawf maq shafdawr-a.

2 Tiˆmoˇseˬ 1:16 ပူးပေါင်းရင်းမြစ်များ

2 Saˬmeuˬlaˆ 2:6

Nymˬ-mˇ poˆ jawˇ-aˬ, Sahˬpaˬ Miˬyehˇ naw maꞈ-ahˇ gʼawˬ shaˬ gaˬ-awˇ, saˇ jaˇ ziꞈ luꞈ-uˇ. Naw maꞈ kʼoeˇ loꞈ-ehˇ mˇ-euˬ baˬ da neh, ngaˇ kʼawꞈ, naw maꞈ-ahˇ yaw muiˬ paˬ-ehˇ cawˬ ba nehˬ ma.

Neˬhaˬmiˇ 13:14

Ngaˬ-euˬ Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ gaˇ nawˬ-ahˇ uˬ duˬ ya tahˬ ni ngaˬ neh leh jeh-euˬ gaˇ heu deuˬ-ahˇ noeˬ keuˆ-eu laꞈ kʼoeˇ yawˬ ngehꞈ-ehˇ taˬ bi pyeuꞈ-iˇ nehˬ laꞈ.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Neˬhaˬmiˇ 5:19

Miˬyehˇ-oˇ, tsawˇ haˬ heu deuˬ gʼaˇ duˬ ngaˬ neh mˇ-euˬ yawˬ jeˬ na luꞈ-ahˇ maˬ ngehˇ ni noeˬ keuˆ nehˬ laꞈ lehˇ nawˬ-ahˇ ngaˇ shaˇ-eu ma.

Jaceuq 18:25

SahˬpaˬMiˬyehˇ-oˇ, nawˬ-ahˇsaˇjaˇziꞈ-eu deuˬ-ahˇ, nawˬ-euˬsaˇjaˇnawˇziꞈ-eu meh. Dawˇcoe ni dehꞈluꞈ-eu deuˬ-ahˇ, nawˬ-euˬyaw dawˇbi mawˇ-eu meh.

Jaceuq 37:26

Aˬyawꞈ aˬcawˬ-ahˇcaw ba-awˇ, yawꞈngehꞈ-ehˇbiꞈnehˬ-eu miˇneh, zaˬdeuˬkʼoeˇtaˆguiˬlahˬjaˆmeh.

Yeˬlaˬmiˇ 39:17

Ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ nawˬ-ahˇ haw piˇ-awˇ, nawˇ guˆ luꞈ-eu tsawˇ haˬ deuˬ-euˬ laꞈ-ahˇ, nawˬ-ahˇ maˬ bi ahˇ leˇ.

Maꞈtehˬ 25:17

Kʼoeˇ loꞈ-ehˇ duˇ ni, nyiˬ heˇ byaˆ ha geuꞈ taˬ-euˬ gʼaˬ kʼawꞈ, nyiˬ heˇ byaˆ paˇ gaꞈ jeuˬ-euˬ meh.

Maꞈtehˬ 5:7

“Gʼawˬ shaˬ gaˬ nya-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ gʼawˬ shaˬ gaˬ nehˬ tehꞈ-a.

Gʼaˬkʼehˇ 21:33

Yaw huiˬ yaw mahˇ kʼoeˇ gʼaˬ Pawˇluˆ jawˇ gaˇ iˇ-awˇ, aˬ yawꞈ-ahˇ nyehꞈ-awˇ shmˇ caˆ nyiˬ caˆ yuˇ-awˇ paꞈ-eu gʼaˇ duˬ dawˬ biꞈ-euˬ meh. Kʼoeˇ naˇ, “Tsawˇ haˬ heu gʼaˬ aˬ suˇ gʼaˬ-a. Aˬ yawꞈ aˬ jeˬ jahˇ taˬ” lehˇ naˇ haˬ-euˬ meh.

Gʼaˬkʼehˇ 28:20

Kʼoeˇ miˇ neh, naw maꞈ-ahˇ ngaˇ tahˬ puˬ-awˇ ja cawˬ mawꞈ-eu ma. Dawˇ coe ni ya ehˇ naˇ, Iˇsaˬleˬlaˇ tsawˇ haˬ deuˬ noeˬ tmˬ luꞈ-eu gʼaˬ-euˬ gʼaˇ duˬ ngaˇ heu loꞈ-ehˇ shmˇ caˆ daˬ-awˇ jawˇ luꞈ-eu ma.”

1 Gawˇliˬtu 16:18

Aˬ yawꞈ maꞈ naw maꞈ-euˬ nui ma-ahˇ laˆ saˆ nehˬ-euˬ loꞈ-ehˇ, ngaˬ-euˬ nui ma-ahˇ kʼawꞈ laˆ saˆ nehˬ laꞈ-euˬ meh. Heu loꞈ-ehˇ gʼeh-eu tsawˇ haˬ deuˬ-ahˇ taˬ huiˬ-eu tsaˬ meh.

Eˇpeˇsu 6:20

Nymˬ-mˇ ngaˇ tawˬ-ahˇ uˇ luꞈ-eu kʼawꞈ, Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ Sahˬpaˬ Yeˬsuˇ-euˬ dah zaˇ ngehˬ zaˬ tmˇ zaˬ pyeuꞈ-eu ma. Laˬ kʼaˬ cehˇ-eu Guiˬ lahˬ dawˬ gʼaˇ duˬ ngehˬ paˬ tmˇ paˬ-ehˇ gʼeh-eu jeˬ-ahˇ ngaˇ kʼaˬ duˬ ni ngehˬ nya tmˇ nya ni guiˬ lahˬ shaˇ nehˬ laꞈ-awˬ.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

2 Tiˆmoˇseˬ 1:17

Ngaˇ tawˬ-ahˇ uˇ gaˇ aˬ yawꞈ maˬ shaꞈ dawˇ-a. Loˇ maˆ meuˬ-ahˇ aˬ yawꞈ laˇ keuˆ-euˬ nehˬ-ehˇ ngaˬ-ahˇ maˬ mawˇ kʼoeˇ mawˇ ni poˆ-euˬ meh.

2 Tiˆmoˇseˬ 1:18

Aˇ nah kʼoeˇ nah keuˆ le ngeh, Sahˬpaˬ Yeˬsuˇ aˬ yawꞈ-ahˇ gʼawˬ shaˬ gaˬ nehˬ luꞈ-uˇ. Ngaˇ Eˇpeˇsu meuˬ-ahˇ jawˇ luꞈ ngeh, aˬ yawꞈ ngaˬ-ahˇ aˇ naˆ ni caw ba nehˬ laꞈ-euˬ nawˇ siˬ nya meh.

2 Tiˆmoˇseˬ 1:8

Kʼoeˇ miˇ neh, aˬ dui-euˬ Sahˬpaˬ Yeˬsuˇ gʼaˇ duˬ saˇ kiˇ kamˬ-eu taˬ shaꞈ dawˇ. Ka li-euˬ gʼaˇ duˬ tawˬ-ahˇ bi paꞈ ahˇ-euˬ gʼaˬ pyeuꞈ-eu ngaˬ-ahˇ kʼawꞈ taˬ shaꞈ dawˇ. Ehˇ kʼawꞈ, Miˬyehˇ neh nawˬ-ahˇ gʼaˬ biꞈ nehˬ taˬ-euˬ loꞈ-ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ shaˬ-eu zahˬ-eu jeˬ-ahˇ nawˬ-euˬ shaˬ bymˇ nawˇ daˬ-awˬ.

2 Tiˆmoˇseˬ 4:19

Biˇgiˇla hawˇ-eu Aˬguˇla-ahˇ maˬ ehˇ, Awˬneˬsiˬpawˬ-euˬ nymˇ jiˇ-ahˇ maˬ ehˇ, ngaˇ dawˬ cawˬ puˬ ahˇ leꞈ-eu ma.

Piˇleˇmoˬ 1:20

Kʼoeˇ miˇ neh, ngaˬ-euˬ aˬ nyiˇ-oˇ, Sahˬpaˬ Yeˬsuˇ-euˬ myaˆ pyawˬ-ahˇ haw-awˇ, ngaˇ nui ma saˇ ni tiˬ poˆ mˇ nehˬ laꞈ sheˇ.

Piˇleˇmoˬ 1:7

Gaˬ-eu aˬ nyiˇ Piˇleˇmoˬ-oˇ, nawˬ-euˬ gʼoeˇ-eu gaˬ-eu jeˬ baˬ da neh, ngaˇ laˬ kʼaˬ cehˇ dui dui-awˇ, nui ma laꞈkʼoeˇ gʼaˬ paˇ ahˇ dzehˬ laˇ-eu miˇ-a. Nawˇ baˬ da neh Miˬyehˇ-euˬ tsawˇ haˬ dawˬ tawˆ luꞈ laˬ kʼaˬ cehˇ-eu meh.

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

Luˇta 1:8

Ehˇ kʼawꞈ, aˬ yawꞈ maꞈ gaˇ pehˇ le luꞈ ngeh, aˬ yawꞈ nyaꞈ-ahˇ Nawˇmi heu loꞈ-ehˇ ehˇ nehˬ-euˬ meh. “Iˇ kahˇ paw gʼoꞈ-iˇ-awˇ naw nyaꞈ-euˬ aˬ ma nehˬ-ehˇ jawˇ yaꞈ-awˬ. Ngaˬ-ahˇ maˬ ehˇ, shiˇ dzeuˇ gʼaˬ-euˬ ngaˬ li nyiˬ gʼaˬ-ahˇ maˬ ehˇ, naw nyaꞈ yaw muiˬ jeˬ mˇ nehˬ laꞈ-euˬ loꞈ-ehˇ, naw nyaꞈ-ahˇ Sahˬpaˬ Miˬyehˇ yaw muiˬ jeˬ mˇ nehˬ luꞈ-uˇ.