2 Tiˆmoˇseˬ 1:14 - Akha

¹⁴ Aˬ dui-euˬ laꞈ kʼoeˇ jawˇ-eu Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ, nawˬ-ahˇ a nehˬ taˬ-euˬ yaw muiˬ jeˬ-ahˇ jeˬ hmˬ geuꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqdui-euq lafkhoer jawr-eu Yawshawr Saflar-anr ghoe-awr, nawq-anr a’naeq taq-euq yawmuiq jeq-anr, nawr yawmuiq-aer jeqhmq taq-awq.

2 Tiˆmoˇseˬ 1:14 ပူးပေါင်းရင်းမြစ်များ

Luˇkaꞈ 16:11

Miˇ tsaˬ pyuˇ shuiˇ myawˬ gahˬ-ahˇ naw maꞈ tuˆ tehˬ ngeh, saˇ jaˇ maˬ ziꞈ naˇ, maˇ maˇ ni gʼeh-eu pyuˇ shuiˇ myawˬ gahˬ-ahˇ bi tuˆ tehˬ-eu gʼaˇ duˬ naw maꞈ-ahˇ aˬ suˇ gʼaˬ jah coeˇ nmˇ.

Yoˇhaˬ 14:17

Aˬ yawꞈ-aˬ, Miˬyehˇ-euˬ gaˇ kawˆ yaw tsaˬ yaw dawˇ jeˬ pah mehˬ-eu gʼaˬ pyeuꞈ-eu Yaw sahˇ Miˬyehˇ meh. Miˇ tsaˬ zaˬ deuˬ aˬ yawꞈ-ahˇ nui ma laꞈ kʼoeˇ maˬ ha geuꞈ nya-a. Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ maˬ siˬ maˬ mawˇ nya-a. Ehˇ kʼawꞈ, naw maꞈ aˬ yawꞈ-ahˇ siˬ nya meh. Aˬ jeˬ miˇ neh ehˇ naˇ, aˬ yawꞈ naw maꞈ nehˬ-ehˇ jawˇ-awˇ, naw maꞈ-euˬ nui ma laꞈ kʼoeˇ uˇ-eu meh.

Lormav 3:2

Ngeuˇ meh. Yawˬ jeˬ na luꞈ laꞈ kʼoeˇ guiˬ lahˬ baw dzehˬ meh. Miˬyehˇ-euˬ dawˬ Yuˇdaˆ tsawˇ haˬ deuˬ-ahˇ jeˬ huˬ a nehˬ-euˬ meh.

Lormav 8:11

Yeˬsuˇ-ahˇ shiˇ-euˬ gaˇ bi gʼoꞈ dehꞈ laˇ-euˬ Miˬyehˇ-euˬ Yaw sahˇ kʼoeˇ naw maꞈ-euˬ laꞈ kʼoeˇ jawˇ naˇ, Ka li-ahˇ shiˇ-euˬ gaˇ bi gʼoꞈ dehꞈ laˇ-euˬ kʼoeˇ gʼaˬ naw maꞈ-euˬ laꞈ kʼoeˇjawˇ-eu aˬ yawꞈ-euˬ Yaw sahˇ Miˬyehˇ-ahˇ gʼoe-awˇ, shiˇ nya-eu naw maꞈ-euˬ gʼawˇ mawˇ-ahˇ dehꞈ-eu jeˬ biꞈ nehˬ laꞈ tehꞈ-a.

Lormav 8:13

Aˬ jeˬ miˇ neh ehˇ naˇ, shiˬ shaˬ jiˇ nui noeˬ mehˬ nah naw maꞈ dehꞈ gʼeh naˇ, ya shiˇ tehꞈ-a. Ehˇ kʼawꞈ, Yaw sahˇ miˬyehˇ-ahˇ gʼoe-eu laꞈ kʼoeˇ iˬ baˇ mˇ-eu nui ma-ahˇ laˆ sehꞈ naˇ, ya dehꞈ tehꞈ-a.

Lormav 8:9

Nui ma laꞈ kʼoeˇ Miˬyehˇ-euˬ Yaw sahˇ maˇ maˇ ni jawˇ naˇ, yawˬ ha-euˬ shiˬ shaˬ jiˇ nui noeˬ neh kʼaˇ bi dehꞈ-euˬ loꞈ-ehˇ maˬ dehꞈ ni, Yaw sahˇ Miˬyehˇ-euˬ ehˇ dawˬ naˇ haˬ-awˇ dehꞈ tehꞈ-a. Yawˬ ha laꞈ kʼoeˇ Ka liˬ-euˬ Yaw sahˇ maˬ jawˇ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ maˬ taꞈ-a.

1 Gawˇliˬtu 3:16

Naw maꞈ-aˬ, Miˬyehˇ-euˬ uˬ duˬ tahˬ nymˇ pyeuꞈ-awˇ, Miˬyehˇ-euˬ Yaw sahˇ naw maꞈ laꞈ kʼoeˇ jawˇ-eu gaˇ kawˆ naw maꞈ siˬ duˬ luꞈ meh.

1 Gawˇliˬtu 6:19

Naw maꞈ-euˬ gʼawˇ mawˇ-aˬ, Miˬyehˇ neh biꞈ leꞈ-awˇ naw maꞈ-euˬ laꞈ kʼoeˇ jawˇ luꞈ-eu Muiˬ-eu Shawˇ-eu Yaw sahˇ Miˬyehˇ-euˬ uˬ duˬ tahˬ nymˇ pyeuꞈ-eu meh lehˇ maˬ siˬ nya te loˇ. Kʼoeˇ uˬ taꞈ, naw maꞈ-aˬ, naw maꞈ-euˬ maˬ ngeuˇ-a. Miˬyehˇ-euˬ meh.

1 Gawˇliˬtu 9:17

Ngaˇ yawˬ haˇ yawˬ ha nui ma keuˆ-awˇ mˇ-euˬ ngeuˇ naˇ, aˇ poeˬ za geuˇ tehꞈ-a. Ehˇ kʼawꞈ, Miˬyehˇ neh biꞈ laꞈ-euˬ gaˇ pyeuꞈ-eu miˇ neh, ngaˇ mˇ luꞈ-eu jeˬ pyeuꞈ-eu ma.

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

Gaˬlaˬtiˆ 2:7

Kʼoeˇ uˬ taꞈ, Yuˇdaˆ tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ Beˬtuˆluˆ-ahˇ Miˬyehˇ neh gaˇ biꞈ taˬ-euˬ loꞈ-ehˇ, aˬ cawˬ tsawˇ jeuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ Miˬyehˇ neh ngaˬ-ahˇ gaˇ biꞈ taˬ-euˬ meh lehˇ aˬ yawꞈ maꞈ haw mawˇ-eu meh.

Eˇpeˇsu 2:22

Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ jawˇ-eu jawˇ duˬ pyeuꞈ laˇ ni, naw maꞈ-ahˇ kʼawꞈ aˬ cawˬ nehˬ-ehˇ tiˬ kawˆ loꞈ-ehˇ Ka li laꞈ kʼoeˇ bi gawˬ ahˇ luꞈ-eu meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Gawˇlawˇsehˇ 4:11

Yuˇtuˬ lehˇ kʼawꞈ kuˇ-eu Yawˇshuˆ kʼoeˇ gʼaˬ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Yuˇdaˆ tsawˇ haˬ laꞈ kʼoeˇ Ka li zaˬ pyeuꞈ laˇ-awˇ ngaˬ nehˬ-ehˇ tiˬ kawˆ loꞈ-ehˇ Miˬyehˇ Miˇkʼah gʼaˇ duˬ mˇ luꞈ-eu heu smˇ gʼaˬ jawˇ-eu tehꞈ ma. Aˬ yawꞈ maꞈ ngaˬ-ahˇ caw mˇ caw shaˇ nehˬ laꞈ dui dui-euˬ meh.

1 Teˇsaˬloˇni 5:19

Muiˬ-eu shawˇ-eu Yaw sahˇ Miˬyehˇ-ahˇ taˬ laˆ tsoeˬ.

1 Tiˆmoˇseˬ 1:11

Tsaˬ-eu dawˇ-eu jah-eu jeˬ kʼoeˇ-aˬ, ngaˬ neh bi ja mehˬ-eu gʼaˇ duˬ a nehˬ laꞈ-euˬ guiˬ lahˬ dawˬ pyeuꞈ-eu meh. Kʼoeˇ-aˬ, yaw shehꞈ kʼahˬ sehˇ hawˇ-eu guiˬ lahˬ huiˬ-eu Miˬyehˇ neh biꞈ nehˬ laꞈ-euˬ Laˬ kʼaˬ cehˇ-eu Guiˬlahˬ dawˬ laꞈ kʼoeˇ ahˇ-eu meh.

1 Tiˆmoˇseˬ 6:20

Tiˆmoˇseˬ-oˇ, nawˬ-ahˇ a nehˬ taˬ-euˬ jeˬ-ahˇ yaw muiˬ paˬ-ehˇ jeˬ hmˬ bo saˆ-awˬ. Gaˇ dahˇ maˬ tsoeˬ-eu jeˬ ngehˬ-eu tmˇ-eu jeˬ-ahˇ maˬ ehˇ, tsawˇ haˬ tiˬ paˆ na deuˬ neh “Zaˬ siˬ tawˇ gahˇ” lehˇ maˬ ngeuˇ gaˇ myahˇ lehˬ taˬ-euˬ tsawˇ pyehˇ pyehˇ-eu jeˬ-ahˇ maˬ ehˇ, gaˇ jaw jaw-awˬ.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

2 Tiˆmoˇseˬ 2:2

Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.