2 Tiˆmoˇseˬ 1:13 - Akha

¹³ Ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ nawˇ dzaw geuꞈ-awˇ caw teh-eu laꞈ kʼoeˇ, ziꞈ dah ni tuˆ tehˬ taˬ-awˇ, Yeˬsuˇ Ka li laꞈ kʼoeˇ aˬ dui za taˬ-euˬ jah-eu jeˬ hawˇ-eu gʼoeˇ-eu gaˬ-eu jeˬ laꞈ kʼoeˇ jawˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawr, ngaq nae maeq-euq gar yagaq-euq jancoer paq-aer ghae-eu dawq khoer-anr daefcaw ghae-awr, Yeqsur Kali-euq lafkhoer anr-eu jan-eu jeq hawr-eu gaq-eu jeq-anr khawf zifdanni tuvtaeq taq-awq.

2 Tiˆmoˇseˬ 1:13 ပူးပေါင်းရင်းမြစ်များ

Dawqdaq 23:23

Yaw tsaˬ yaw dawˇ jeˬ zaˬ siˬ nui gahˇ, tsawˇ gahˇ dzaw geuꞈ-eu jeˬ hawˇ-eu nui ma-ahˇ noeˬ-eu heu deuˬ-aˬ, aˇ poeˬ aˇ naˆ ni kʼaˆ kʼawꞈ poˆ geuꞈ-eu tsaˬ meh. Ehˇ kʼawꞈ, aˇ poeˬ kʼaˆ dui dui-eu miˇ neh ahˬ dzeh-eu maˬ tsaˬ-a.

Dawqdaq 3:18

Zaˬ siˬ tsawˇ gahˇ-ahˇ kʼaˇ tuˆ tehˬ taˬ-euˬ deuˬ, dehꞈ-eu saꞈ laˇ aˇ bawˇ-ahˇ tuˆ tehˬ taˬ gaˇ duˇ-awˇ, aˬ yawꞈ-ahˇ ziꞈ dah ni kʼaˇ tuˆ tehˬ taˬ-euˬ deuˬ-ahˇ, laˬ kʼaˬ cehˇ-eu jeˬ byah-eu tsawˇ haˬ lehˇ kuˇ-eu meh.

Dawqdaq 3:21

Ngaˬ li-oˇ, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ ziꞈ dah ni tuˆ teh taˬ-awˇ, nawˬ-euˬ laꞈ-ahˇ neh taˬ bi iˇ doˆ.

Dawqdaq 4:13

Mehˬ gʼaˬ tsoˆ gʼaˬ-euˬ jeˬ maˬ bi byoˆ-iˇ ni, ziꞈ dah bi tuˆ tehˬ taˬ-awˬ. Zaˬ siˬ tsawˇ gahˇ-ahˇ yaw muiˬ paˬ-ehˇ haw lahˇ taˬ-awˬ. Aˬ yawꞈ-aˬ, nawˬ-euˬ dehꞈ-eu saꞈ laˇ meh.

Dawqdaq 8:14

Ngaˬ-euˬ nui ma laꞈ kʼoeˇ yaw muiˬ paˬ-ehˇ sawˇ duˬ-awˇ, mˇ doˆ shaˇ doˆ nya-eu ma. Ngaˇ noeˬ siˬ noeˬ mawˇ nya-awˇ, gʼaˬ tiˬ byah tiˬ loꞈ ahˇ ma.

Lormav 2:20

Aˬ dzawˬ aˇ gah deuˬ-ahˇ mehˬ paˇ tsoˆ paˇ-eu tsawˇ haˬ pyeuꞈ-awˇ, maˬ siˬ maˬ nya-eu tsawˇ haˬ deuˬ-ahˇ mehˬ nehˬ tsoˆ nehˬ-eu tsawˇ haˬ ma lehˇ nawˇ sawˇ taˬ-euˬ meh. Zaˬ siˬ tsawˇ gahˇ hawˇ-eu yaw tsaˬ yaw dawˇ dawˬ tawˆ luꞈ Zahˇ dawˬ kʼoꞈ dawˬ laꞈ kʼoeˇ ahˇ jiˇ ma lehˇ nawˇ jah duˬ taˬ-euˬ meh.

Lormav 6:17

Ehˇ kʼawꞈ, Miˬyehˇ-euˬ guiˬ lahˬ yaw dzahˇ-ahˇ ja ceuˬ-eu tsaˬ meh. Aˬ jeˬ miˇ neh ehˇ naˇ, dzeuˇ laˇ ngeh naw maꞈ iˬ baˇ-euˬ zaˬ kʼaˆ pyeuꞈ-euˬ kʼawꞈ, naw maꞈ-ahˇ mehˬ nehˬ tsoˆ nehˬ-euˬ laꞈ kʼoeˇ ya mawˇ taˬ-euˬ yaw tsaˬ yaw dawˇ jeˬ-ahˇ nui ma laꞈ kʼoeˇ keuˆ ni naw maꞈ naˇ haˬ geuꞈ-euˬ meh.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Piˇliˇpiˆ 4:9

Ngaˬ neh ngehˬ-euˬ tmˇ-euˬ hawˇ-eu mˇ-euˬ shaˇ-euˬ jeˬ laꞈ kʼoeˇ naw maꞈ neh haw geuꞈ taˬ-euˬ jeˬ mˇ doˆ shaˇ doˆ laꞈ-awˬ. Aˬ dui-ahˇ nui saˇ oꞈ-eu jeˬ biꞈ laꞈ-eu gʼaˬ pyeuꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Gawˇlawˇsehˇ 1:4

Aˬ jeˬ miˇ neh ehˇ naˇ, naw maꞈ Yeˬsuˇ Ka li-ahˇ jah luꞈ-eu gaˇ kawˆ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ naw maꞈ gʼoeˇ luꞈ gaˬ luꞈ-eu gaˇ kawˆ nga maꞈ ya gaˬ-euˬ ma.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.

1 Tiˆmoˇseˬ 6:3

Aˬ dui-euˬ Sahˬpaˬ Yeˬsuˇ Ka li-euˬ dawˬ hawˇ-eu, aˬ dui-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ mehˬ taˬ tsoˆ taˬ-euˬ gaˇ maˬ tsaˬ leˇ-eu, beu gaˇ-eu jah-eu jeˬ gaˇ kawˆ kʼaˇ mehˬ-eu tsawˇ haˬ deuˬ-aˬ,

2 Tiˆmoˇseˬ 1:1

Miˬyehˇ nui ma tsaˬ-eu laꞈ kʼoeˇ Yeˬsuˇ Ka liˬ-euˬ gʼaˬ kʼehˇ ya geuꞈ luꞈ-awˇ, Yeˬsuˇ Ka li laꞈ kʼoeˇ aˬ dui za-euˬ saˇ jaˇ dzaˬ taˬ-euˬ dehꞈ-eu jeˬ gaˇ kawˆ bi mehˬ-eu gʼaˇ duˬ Miˬyehˇ neh bi kʼehˇ gʼeh-euˬ gʼaˬ pyeuꞈ-eu ngaˇ Pawˇluˆ,

2 Tiˆmoˇseˬ 1:14

Aˬ dui-euˬ laꞈ kʼoeˇ jawˇ-eu Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ, nawˬ-ahˇ a nehˬ taˬ-euˬ yaw muiˬ jeˬ-ahˇ jeˬ hmˬ geuꞈ-awˬ.

2 Tiˆmoˇseˬ 2:2

Tsawˇ kaˬ gʼawˬ mya ni-euˬ mehˬ shi ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ yuˇ-awˇ, aˬ cawˬ-ahˇ mehˬ nehˬ tsoˆ nehˬ nya-eu jah coeˇ paˬ-ehˇ gʼeh-eu tsawˇ haˬ deuˬ-ahˇ a nehˬ-awˬ.

2 Tiˆmoˇseˬ 3:14

Ehˇ kʼawꞈ nawˇ-aˬ, nawˬ-ahˇ mehˬ nehˬ-euˬ loꞈ-ehˇ ziꞈ dah ni jah duˬ taˬ-euˬ yaw tsaˬ yaw dawˇ jeˬ-ahˇ maˬ byehˇ dzeh ni tuˆ tehˬ taˬ-awˬ. Nawˬ-ahˇ mehˬ nehˬ tsoˆ nehˬ-euˬ tsawˇ haˬ deuˬ aˬ suˇ gʼaˬ-a lehˇ nawˇ siˬ nya meh.

2 Tiˆmoˇseˬ 4:3

Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

Tiˇtuˆ 1:9

Jah-eu jeˬ-ahˇ tsaˬ-eu jah coeˇ paˬ-ehˇ gʼeh-eu Miˬyehˇ dawˬ kawˬ-ahˇ ziꞈ dah ni ya tuˆ tehˬ taˬ-eu meh. Kʼoeˇ loꞈ-ehˇ tuˆ tehˬ taˬ-eu laꞈ kʼoeˇ, maˇ maˇ ni tsaˬ-eu jeˬ mehˬ-awˇ aˬ cawˬ-ahˇ gʼaˬ biꞈ nehˬ nya-eu uˬ taꞈ, maˬ naˇ haˬ geuꞈ-eu tsawˇ haˬ deuˬ-ahˇ aˬ yawꞈ maꞈ-euˬ yaw lehˬ mawˇ leˇ ni toeˬ mehˬ nya-eu tsawˇ haˬ ya bi pyeuꞈ meh.

Tiˇtuˆ 2:1

Ehˇ kʼawꞈ, nawˇ-aˬ, tsaˬ-eu muiˬ-eu jah-eu jeˬ-ahˇ tsaˬ leˇ-eu jeˬ ya mehˬ ya tsoˆ meh.

Tiˇtuˆ 2:8

Nawˬ-ahˇ muiˇ-eu tsawˇ haˬ deuˬ aˬ dui-ahˇ ja bu ja doeˇ kʼaˇ maˬ za ni bi shaꞈ dawˇ-iˇ pa-ehˇ, yaw lehˬ maˬ poˆ doˆ nya-eu tsaˬ-eu muiˬ-eu dawˬ deuˬ zmˬ-awˇ mehˬ-awˬ tsoˆ-awˬ.

HeˬByehˇ 10:23

Aˬ dui neh jah duˬ taˬ-euˬ noeˬ tmˬ-eu jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ loꞈ-ehˇ mˇ byah nehˬ laꞈ tehꞈ-a lehˇ aˬ dui jah-eu ma.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

Yuˇdaˆ 1:3

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.

Panmaeq 2:25

Ehˇ kʼawꞈ, ngaˇ oe ngeh keuˆ ni naw maꞈ kʼaˇ jaˆ luꞈ-eu jeˬ-ahˇ ziꞈ dah ni tuˆ tehˬ taˬ-awˬ.

Panmaeq 3:11

Ngaˇ yaw kawˇ-ehˇ oe ma. Naw maꞈ-euˬ gʼaˬ leˇ-eu laꞈ sawˬ-ahˇ tsawˇ haˬ tiˬ gʼaˬ-iˬ maˬ bi lu doˆ geuꞈ-eu gʼaˇ duˬ, naw maꞈ jaˆ luꞈ-eu jeˬ-ahˇ yaw muiˬ paˬ-ehˇ jeˬ hmˬ taˬ-awˬ.

Panmaeq 3:3

Nawˬ-ahˇ mehˬ nehˬ tsoˆ nehˬ-euˬ jeˬ hawˇ-eu nawˬ neh ya gaˬ taˬ-euˬ jeˬ-ahˇ noeˬ keuˆ-awˬ. Kʼoeˇ-ahˇ naˇ haˬ geuꞈ-awˇ, iˬ baˇ-ahˇ byehˇ dzeh-awˬ. Nawˇ maˬ noeˬ laˇ naˇ, smˇ kʼoeˬ oe-eu loꞈ-ehˇ nawˇ jawˇ gaˇ ngaˇ oe-awˇ, ngaˇ oe-eu aˇ yamˬ nawˇ maˬ ya siˬ-aˇ.