2 Tiˆmoˇseˬ 1:12 - Akha

¹² Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoer baqda’nae, ngar khaeq-awr khav-eu heudeuq-anr ya daqluf-eu ma. Aerkhawf, ngar maq shafdawr. Aqjeq mirnae aernar-aq, ngar, aqsur ghaq-anr janluf-eu le laer ngar siqnya ma. Ngar, aqyawf-anr khar a’naeq-euq deuq, Arnan khoernan-anr keuvni, aqyawf hawlanr-awr hawpir mae laer ngar janduq taq-euq ma.

2 Tiˆmoˇseˬ 1:12 ပူးပေါင်းရင်းမြစ်များ

Jaceuq 25:2

Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 31:5

Ngaˬ-euˬsaˬlaˇgʼawˇmawˇdawˬtawˆ, nawˬ-euˬlaꞈ-ahˇ a nehˬ-eu ma. Saˇjaˇziꞈ-eu Miˬyehˇpyeuꞈ-eu, SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇka kʼoꞈ-euˬmeh.

Jaceuq 56:9

Ngaˇ nawˬ-ahˇ kuˇ ngeh nah, muiˇ-eu deuˬ cehˆ gʼoꞈ jiˇ tehꞈ-a. Miˬyehˇ ngaˇ jawˇ paw pyawˬ-eu ngaˇ siˬ nya ma.

Jaceuq 9:10

Nawˬ-ahˇsiˬnya-eu tsawˇhaˬdeuˬ, SahˬpaˬMiˬyehˇ nawˬ-ahˇgʼoe-awˇ, nawˬ-ahˇtahˬshaˇ-eu tsawˇhaˬ-ahˇ, nawˇbyehˇdzeh nehˬ-eu maˬbaw-a.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 50:7

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ caw ba-eu miˇ neh, aˬ yawꞈ maꞈ yehˬ bawˬ sehˇ lu-ehˇ gʼeh nehˬ laꞈ kʼawꞈ, ngaˬ-ahˇ maˬ coeˬ laˇ nya. Kʼoeˇ miˇ neh ya shaꞈ dawˇ gaˇ maˬ keuˆ-aˇ lehˇ siˬ nya-awˇ, ngaˬ-euˬ myaˆ pyawˬ diˬ lo loꞈ-ehˇ bi gʼahˇ-euˬ ma.

Iˇsaˬyaˇ 54:4

Maˬ guˆ ni jawˇ-awˬ. Nawˇ ya shaꞈ dawˇ-eu jeˬ maˬ paˇ jaˆ meh. Maˬ noeˬ shaˬ ni dehꞈ-awˬ. Nawˇ daˬ maˬ paˇ ga meh. Miˬ daꞈ daꞈ ngeh nawˇ ya shaꞈ dawˇ-euˬ jeˬ hawˇ-eu, miˬ coeˬ miˬ ma pyeuꞈ ngeh daˬ ga-euˬ jeˬ dawˬ tawˆ, ya ngehˇ byoˆ jiˇ tehꞈ-a.

Naˬhmˬ 1:7

Sahˬpaˬ Miˬyehˇ muiˬ dui dui meh. shaˬ zahˬ naꞈ-eu aˇ yamˬ laꞈ kʼoeˇ, yawꞈ-euˬ tsawˇ haˬ-ahˇ haw piˇ-awˇ, yawꞈ-ahˇ tahˬ shaˇ leˇ-eu deuˬ-ahˇ, bo saˆ ngehˬ gʼeh dah teˬ-eu meh.

Maꞈtehˬ 12:21

Miˇ tsaˬ tsawˇ haˬ kʼaˇ jawˇ kʼaˇ deuˬ, yawꞈ-ahˇ noeˬ tmˬ dui dui tehꞈ-a.”

Maꞈtehˬ 24:36

Aˇ nah aˇ yamˬ kʼoeˇ aˬ myah keuˆ le-eu tsawˇ haˬ tiˬ gʼaˬ-iˬ maˬ siˬ nya-a. Mˬ taˆ gʼaˬ kʼehˇ deuˬ maˬ ehˇ, Zaˬmaˇ maˬ ehˇ , maˬ siˬ nya-a. Aˬda Miˬyehˇ tiˬ gʼaˬ tehꞈ-ehˇ siˬ nya-eu meh.

Maꞈtehˬ 7:22

Yaˇ kʼaˬ daˇ-eu aˇ nah keuˆ le ngeh, ‘Sahˬ paˬ-oˇ, Sahˬ paˬ-oˇ, nga maꞈ nawˬ-euˬ tsawˇ myahˇ-ahˇ gʼoe-awˇ Miˬyehˇ-euˬ dawˬ mehˬ-euˬ maˬ ngeuˇ-a loˇ. Nawˬ-euˬ tsawˇ myahˇ-ahˇ gʼoe-eu laꞈ kʼoeˇ nehꞈ teh doˆ-awˇ, zahˬ leˇ paˬ-ehˇ gʼeh-eu jeˬ kʼawꞈ mˇ-euˬ maˬ ngeuˇ-a loˇ’ lehˇ, tsawˇ haˬ gʼawˬ mya gʼaˬ ehˇ tehꞈ-a.

Luˇkaꞈ 10:12

Yaˇ kʼaˬ daˇ-eu Aˇ nah keuˆ le ngeh, Sawˇdoˬ meuˬ-ahˇ kʼehˬ nehˬ-euˬ naˆ maˬ tseˇ, meuˬ kʼoeˇ meuˬ-ahˇ Miˬyehˇ kʼehˬ nehˬ tehꞈ-a.

Luˇkaꞈ 23:46

Kʼoeˇ ngeh, Yeˬsuˇ yaw kʼaˆ-ehˇ guˇ-awˇ, “Aˬda-oˇ, ngaˬ-euˬ saꞈ laˇ-ahˇ nawˬ-euˬ aˬ laꞈ laꞈ kʼoeˇ a nehˬ-eu ma” lehˇ ehˇ-eu meh. Kʼoeˇ loꞈ-ehˇ guˇ gʼaˬ ngeh, aˬ yawꞈ saꞈ tsehˆ leˇ-euˬ meh.

Yoˇhaˬ 17:15

Aˬ yawꞈ maꞈ-ahˇ miˇ tsaˬ heu kʼoeˇ taˆ maˬ paˇ bi jawˇ ni sheuˬ doˆ-eu gʼaˇ duˬ, ngaˇ nawˬ-ahˇ shaˇ-eu maˬ ngeuˇ. Ehˇ kʼawꞈ, Haiˬ dui dui-eu Gʼaˬ-euˬ laꞈ-ahˇ maˬ ya bi ahˇ-iˇ ni haw lahˇ nehˬ-awˬ lehˇ shaˇ-eu ma.

Yoˇhaˬ 6:44

Aˬda neh sheuˬ ha laˇ-euˬ maˬ ngeuˇ naˇ, tsawˇ haˬ tiˬ gʼaˬ-iˬ ngaˇ jawˇ gaˇ maˬ laˇ nya-a. Aˬda neh sheuˬ ha laˇ-euˬ tsawˇ haˬ-ahˇ, aˇ saˬ saˬ ngeh nah ngaˇ bi gʼoꞈ dehꞈ laˇ ma.

Gʼaˬkʼehˇ 13:46

Ehˇ kʼawꞈ, Pawˇluˆ hawˇ-eu Baˬnaˬbaˇ aˬ nyaꞈ kʼaˬ duˬ ni ngehˬ-eu laꞈ kʼoeˇ, “Miˬyehˇ-euˬ dawˬ kawˬ heu naw maꞈ-ahˇ jeˬ huˬ ya ja mehˬ-eu ngeuˇ meh. Ehˇ kʼawꞈ, naw maꞈ maˬ naˇ haˬ geuꞈ-ehˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu geuˇ miˇ-a lehˇ maˬ shaˇ noeˬ-eu miˇ neh, naw maꞈ-ahˇ byehˇ-awˇ aˬ cawˬ tsawˇ jeuˬ-ahˇ mehˬ-iˇ-eu ma.

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 21:13

Ehˇ kʼawꞈ, aˬ yawꞈ ehˇ-eu, “Aˬ jeˬ miˇ neh naw maꞈ ngoeˇ ngoeˇ-ehˇ ngaˬ-euˬ nui ma tsawˬ paˆ-iˇ ni jahˇ nehˬ laꞈ te. Yeˬluˇsaˬlehˬ meuˬ-ahˇ aˬ cawˬ neh bi paꞈ-eu tehꞈ-ehˇ maˬ ngeuˇ ni, Sahˬpaˬ Yeˬsuˇ-euˬ gʼaˇ duˬ kʼoeˇ gaˇ shiˇ dah gaˇ keuˆ ni ngaˇ leh hmˬ taˬ-euˬ ma.”

Gʼaˬkʼehˇ 7:59

Aˬ yawꞈ maꞈ Saˬteˬpaˬ-ahˇ kʼaˬ lo biˬ dui dui luꞈ ngeh, “Sahˬpaˬ Yeˬsuˇ-oˇ, ngaˬ-euˬ saꞈ laˇ-ahˇ ha geuꞈ nehˬ laꞈ-awˬ” lehˇ, Saˬteˬpaˬ guiˬ lahˬ shaˇ-euˬ meh.

Gʼaˬkʼehˇ 9:16

Ngaˬ-euˬ tsawˇ myahˇ gʼaˇ duˬ kʼehˬ-eu kʼaˆ-eu jeˬ-ahˇ aˬ yawꞈ aˇ naˆ ni ya daˬ paˬ-ehˇ jaˆ-eu gaˇ kawˆ, aˬ yawꞈ-ahˇ ngaˇ bi mawˇ ma.”

Lormav 1:16

Laˬ kʼaˬ cehˇ-eu Guiˬ lahˬ dawˬ-ahˇ ngaˇ nui ma huiˬ dui dui luꞈ ma. Laˬ kʼaˬ cehˇ-eu Guiˬ lahˬ dawˬ-aˬ, jah-eu tsawˇ haˬ dawˬ tawˆ luꞈ-ahˇ ka kʼoꞈ nehˬ-eu Miˬyehˇ-euˬ baoˬ pyeuꞈ-eu meh. Yuˇdaˆ tsawˇ haˬ-ahˇ neh dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni ka kʼoꞈ-eu meh.

Lormav 9:33

Jaˇliꞈ laꞈ kʼoeˇ ehˇ taˬ-euˬ, “Haw yawˬ, tsawˇ haˬ bi coˬ-iˇ-eu, tsawˇ haˬ sahˬ tiꞈ tiꞈ duˬ kʼaˬ lo, Ziˇoˬ meuˬ-ahˇ ngaˇ bi jaˆ ma. Ehˇ kʼawꞈ, aˬ yawꞈ-ahˇ jah-eu deuˬ daˬ ga-awˇ maˬ ya shaꞈ dawˇ-aˇ.”

1 Gawˇliˬtu 1:8

Aˬ dui-euˬ Sahˬpaˬ Yeˬsuˇ Ka li gʼoꞈ le ngeh Nah naw maꞈ-ahˇ iˬ baˇ taˬ kʼaˇ maˬ bi za-eu gʼaˇ duˬ, aˇ saˬ saˬ ngeh keuˆ ni aˬ yawꞈ naw maꞈ-ahˇ jah-eu laꞈ kʼoeˇ bi ziꞈ laꞈ tehꞈ-a.

1 Gawˇliˬtu 3:13

Aˬ yawꞈ gʼaˬ yawꞈ, yawˬ ha neh mˇ-euˬ muiˬ-eu doeˇ-eu gaˇ kawˆ-ahˇ, Ka li-euˬ Aˇ nah keuˆ le-awˇ pah mehˬ le ngeh ya mawˇ duˬ tehꞈ-a. Aˬ jeˬ miˇ neh ehˇ naˇ, Aˇ nah kʼoeˇ nah keuˆ le ngeh, yawˬ gʼaˬ na luꞈ kʼaˇ mˇ taˬ-euˬ jeˬ-ahˇ miˬ dzaˬ neh bi pah mehˬ tehꞈ-a. Muiˬ muiˬ doeˇ doeˇ miˬ dzaˬ neh bi lawˬ haw-awˇ, bi mawˇ duˬ laˇ tehꞈ-a.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

Piˇliˇpiˆ 3:10

Ngaˇ geuꞈ mawꞈ-eu jeˬ-aˬ, Ka li-ahˇ siˬ nya-awˇ gʼoꞈ dehꞈ laˇ-euˬ Ka li neh mˇ yaꞈ-euˬ jeˬ-ahˇ mˇ nya laˇ mawꞈ-eu tiˬ jeˬ, aˬ yawꞈ kʼaˇ ya daˬ-euˬ loꞈ-ehˇ daˬ-awˇ aˬ yawꞈ kʼaˇ shiˇ-euˬ loꞈ-ehˇ shiˇ mawꞈ-eu tiˬ jeˬ,

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

1 Teˇsaˬloˇni 5:4

Ehˇ kʼawꞈ aˬ yuiꞈ aˬ nyiˇ deuˬ-oˇ, naw maꞈ-aˬ, yaw zahˇ laꞈ kʼoeˇ jawˇ luꞈ-eu maˬ ngeuˇ-eu miˇ neh, Aˇ nah kʼoeˇ nah naw maꞈ kʼoeˇ taˆ smˇ kʼoeˬ tahˇ joe oe-eu loꞈ-ehˇ ja pyuˬ ni maˬ ga keuˆ le-aˇ.

1 Tiˆmoˇseˬ 6:20

Tiˆmoˇseˬ-oˇ, nawˬ-ahˇ a nehˬ taˬ-euˬ jeˬ-ahˇ yaw muiˬ paˬ-ehˇ jeˬ hmˬ bo saˆ-awˬ. Gaˇ dahˇ maˬ tsoeˬ-eu jeˬ ngehˬ-eu tmˇ-eu jeˬ-ahˇ maˬ ehˇ, tsawˇ haˬ tiˬ paˆ na deuˬ neh “Zaˬ siˬ tawˇ gahˇ” lehˇ maˬ ngeuˇ gaˇ myahˇ lehˬ taˬ-euˬ tsawˇ pyehˇ pyehˇ-eu jeˬ-ahˇ maˬ ehˇ, gaˇ jaw jaw-awˬ.

2 Tiˆmoˇseˬ 1:14

Aˬ dui-euˬ laꞈ kʼoeˇ jawˇ-eu Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ, nawˬ-ahˇ a nehˬ taˬ-euˬ yaw muiˬ jeˬ-ahˇ jeˬ hmˬ geuꞈ-awˬ.

2 Tiˆmoˇseˬ 1:16

Awˬneˬsiˬpawˬ-euˬ nymˇ jiˇ-ahˇ Sahˬpaˬ Yeˬsuˇ gʼawˬ shaˬ gaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ ngaˬ-euˬ nui ma-ahˇ gʼawˬ mya poˆ laˬ kʼaˬ bi cehˇ laꞈ-euˬ meh.

2 Tiˆmoˇseˬ 1:18

Aˇ nah kʼoeˇ nah keuˆ le ngeh, Sahˬpaˬ Yeˬsuˇ aˬ yawꞈ-ahˇ gʼawˬ shaˬ gaˬ nehˬ luꞈ-uˇ. Ngaˇ Eˇpeˇsu meuˬ-ahˇ jawˇ luꞈ ngeh, aˬ yawꞈ ngaˬ-ahˇ aˇ naˆ ni caw ba nehˬ laꞈ-euˬ nawˇ siˬ nya meh.

2 Tiˆmoˇseˬ 1:8

Kʼoeˇ miˇ neh, aˬ dui-euˬ Sahˬpaˬ Yeˬsuˇ gʼaˇ duˬ saˇ kiˇ kamˬ-eu taˬ shaꞈ dawˇ. Ka li-euˬ gʼaˇ duˬ tawˬ-ahˇ bi paꞈ ahˇ-euˬ gʼaˬ pyeuꞈ-eu ngaˬ-ahˇ kʼawꞈ taˬ shaꞈ dawˇ. Ehˇ kʼawꞈ, Miˬyehˇ neh nawˬ-ahˇ gʼaˬ biꞈ nehˬ taˬ-euˬ loꞈ-ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ shaˬ-eu zahˬ-eu jeˬ-ahˇ nawˬ-euˬ shaˬ bymˇ nawˇ daˬ-awˬ.

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

Tiˇtuˆ 3:8

Heu-aˬ, tsaˬ dui dui-eu dawˬ pyeuꞈ-eu meh. Miˬyehˇ-ahˇ jah-eu tsawˇ haˬ deuˬ, tsawˇ haˬ yawˬ gʼaˬ na luꞈ gʼaˇ duˬ muiˬ-awˇ, gaˇ dahˇ tsoeˬ-eu jeˬ pyeuꞈ-eu aˬ cawˬ gʼaˇ duˬ yaw muiˬ jeˬ mˇ nehˬ-eu jeˬ-ahˇ shaˇ noeˬ-awˇ leh jeh laˇ ni, gaˇ kawˆ heu deuˬ-ahˇ nawˇ yaw kʼaˆ kʼaˆ-ehˇ bi mehˬ mawꞈ-eu ma.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 2:18

Nymˬ-mˇ, iˬ baˇ muˇ juˇ juˇ gaˇ ya daˬ luꞈ-eu tsawˇ haˬ-ahˇ aˬ yawꞈ ngehˬ gʼeh nehˬ nya-eu meh. Aˬ jeˬ miˇ neh ehˇ naˇ, aˬ yawꞈ-euˬ mawˇ do kʼawꞈ, iˬ baˇ muˇ juˇ juˇ-eu jeˬ hawˇ-eu kʼehˬ-eu kʼaˆ-eu jeˬ-ahˇ ya daˬ dzeuˇ yaꞈ-euˬ meh.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.

1 Beˬtuˆluˆ 4:16

Ehˇ kʼawꞈ, Ka li zaˬ pyeuꞈ-eu miˇ neh kʼehˬ-eu kʼaˆ-eu jeˬ-ahˇ ya daˬ-euˬ jeˬ ngeuˇ naˇ, kʼoeˇ loꞈ-ehˇ ya daˬ-eu baˬ da neh maˬ shaꞈ dawˇ ni, naw maꞈ Ka li-euˬ tsawˇ myahˇ ya pi luꞈ-eu baˬ da neh Miˬyehˇ-ahˇ ja ceuˬ-awˬ.

1 Beˬtuˆluˆ 4:19

Kʼoeˇ miˇ neh, Miˬyehˇ nui ma tsaˬ-eu laꞈ kʼoeˇ kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ-aˬ, yawˬ ha neh mˇ-euˬ yaw muiˬ jeˬ-ahˇ gʼoe-eu laꞈ kʼoeˇ, saˇ jaˇ ziꞈ-eu Beh-euˬ Yaw sahˇ-ahˇ aˬ yawꞈ maꞈ-euˬ saꞈ laˇ a nehˬ taˬ-eu tsaˬ meh.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.