2 Teˇsaˬloˇni 2:9 - Akha

⁹ Haiˬ dui dui-eu kʼoeˇ Gʼaˬ nehꞈ Sahˬdaˬ-euˬ baoˬ pi leꞈ-awˇ, maˬ ngeuˇ-eu zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ dawˬ tawˆ luꞈ jahˇ mehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Naef Saqdaq gar mr-eu baqda’nae doer duidui-eu ghaq dovlar taef-a. Aqyawf dovlar ngae, aqcawq-anr myawfza nya’ni, baoq tiqbyanni anr-eu lafkhoer, bisiq bimawr-eu jeq hawr-eu zanqler paq-aer ghae-eu jeq janr taef-a.

2 Teˇsaˬloˇni 2:9 ပူးပေါင်းရင်းမြစ်များ

2 Laˬsaˬbaˬ 18:20

Kʼoeˇ ngeh, yaw sahˇ tiˬ sahˇ mehˬ hu paw doˆ laˇ-awˇ, Sahˬpaˬ Miˬyehˇ-euˬ dawˬ peh le-awˇ, ‘Aˬ yawꞈ-ahˇ ngaˇ mehˇ shuiˇ shuiˇ-iˇ ma’ lehˇ ehˇ-eu meh. ‘Aˬ joˆ-ehˇ shuiˇ-iˇ nmˇ’ lehˇ aˬ yawꞈ-ahˇ Sahˬpaˬ Miˬyehˇ naˇ haˬ-euˬ meh.

Doˆ-iˇ 7:22

Kʼoeˇ ngeh, sahˬ paˬ kʼoeˇ gʼaˬ-euˬ mah loˬ nya-eu tsawˇ haˬ deuˬ kʼawꞈ, aˬ yawꞈ maꞈ-euˬ mah loˬ tsawˇ gahˇ-ahˇ gʼoe-awˇ, Aˬloˬ neh mˇ-euˬ jeˬ mˇ mehˬ nehˬ nya-eu miˇ neh, sahˬ paˬ kʼoeˇ gʼaˬ nui ma maˬ paˇ laˇ-ehˇ, dzeuˇ laˇ ngeh loꞈ-ehˇ nui ma gʼahˇ-eu meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, Moˇseˬ hawˇ-eu Aˬ loˬ-euˬ ehˇ dawˬ-ahˇ, sahˬ paˬ kʼoeˇ gʼaˬ maˬ naˇ haˬ ni jawˇ-eu meh.

Doˆ-iˇ 8:18

Mah loˬ nya-eu tsawˇ haˬ kʼoeˇ deuˬ aˬ yawꞈ maꞈ-euˬ mah loˬ tsawˇ gahˇ-ahˇ gʼoe-awˇ, caˇ gawˬ bi doˆ laˇ ni jahˇ-eu lehˇ leh jeh-euˬ kʼawꞈ, maˬ jahˇ pyeuꞈ nya-a. Yawˬ gaˇ yawˬ na luꞈ, caˇ gawˬ tehꞈ-ehˇ byah jiˇ-euˬ meh.

Doˆ-iˇ 8:7

Ehˇ kʼawꞈ, mah loˬ nya-eu tsawˇ haˬ kʼoeˇ deuˬ kʼawꞈ, aˬ yawꞈ maꞈ-euˬ mah loˬ tsawˇ gahˇ-ahˇ gʼoe-awˇ miˇ kʼahˬ kʼoeˇ kʼahˬ kʼoeˇ taˆ kʼaˬ paˬ doˆ laˇ ni jahˇ-euˬ meh.

Iˇsaˬyaˇ 29:10

Naw maꞈ yuꞈ kʼaˆ byoˆ ni, Sahˬpaˬ Miˬyehˇ jahˇ-euˬ meh. Miˬyehˇ gʼaˇ duˬ ngehˬ dah-eu deuˬ myaˆ nuiˆ bi dehˬ kaˬ-awˇ, nyiˇ paˬ shaˆ ma deuˬ myaˆ maˬ mawˇ nya-a.

Yeˬsaˬgeˬlaˇ 14:5

Tahˬ pahˬ aˬ ma mawˇ kawˇ kʼoeˇ deuˬ, Iˇsaˬleˬlaˆ tsawˇ haˬ deuˬ-ahˇ ngaˇ jawˇ gaˇ neh sheuˬ byoˆ gʼeh-euˬ meh. Ehˇ kʼawꞈ, aˬ yawꞈ maꞈ ngaˬ-ahˇ saˇ jaˇ paˇ ziꞈ kʼoꞈ laˇ tehꞈ-a lehˇ ngaˇ noeˬ tmˬ-euˬ ma.

Maꞈtehˬ 12:22

Kʼoeˇ naˇ, nehꞈ uˇ-eu miˇ neh dawˬ maˬ ngehˬ doˆ nya-eu myaˆ behꞈ tiˬ gʼaˬ-ahˇ, Yeˬsuˇ jawˇ gaˇ sheuˬ laꞈ-euˬ meh. Yeˬsuˇ aˬ yawꞈ-ahˇ laˆ taˬ nehˬ ngeh, myaˆ nuiˆ mawˇ laˇ-awˇ, dawˬ kʼawꞈ ngehˬ doˆ nya laˇ-euˬ meh.

Maꞈtehˬ 24:24

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Maꞈtehˬ 4:10

Kʼoeˇ ngeh jawˇ, Yeˬsuˇ ehˇ-eu, “Saˬdaˬ-oˇ, doˆ-iˇ-awˬ. ‘Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

Maˬkuˆ 13:22

Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ oe doˆ tehꞈ-a. Aˬ yawꞈ maꞈ zahˬ leˇ paˬ-ehˇ gʼeh-eu jeˬ hawˇ-eu, kʼaˆ jehˬ-ehˇ gʼeh-eu jeˬ jahˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ, mehˇ shuiˇ shuiˇ tawˆ-awˇ gaˇ ma sheuˬ bahˬ gʼeh tehꞈ-a.

Luˇkaꞈ 11:25

Kʼoeˇ naˇ, aˬ yawꞈ paˇ gʼoꞈ leˇ haw ngeh, nymˇ kʼoeˇ nymˇ juˇ tsui ni yaˆ juiˇ taˬ-awˇ jaˆ gaˇ ya mawˇ-euˬ meh.

Yoˇhaˬ 4:48

Yeˬsuˇ aˬ yawꞈ-ahˇ ehˇ nehˬ-eu, “Kʼaˆ jeˬ-ahˇ gʼeh-eu bi siˬ bi mawˇ-eu jeˬ hawˇ-eu zahˬ leˇ paˬ-ehˇ gʼeh-eu jeˬ maˬ ya mawˇ naˇ, naw maꞈ maˬ jah-a.”

Yoˇhaˬ 8:41

Naw maꞈ-aˬ, naw maꞈ-euˬ aˬ da mˇ-euˬ loꞈ-ehˇ mˇ-eu meh. Aˬ yawꞈ maꞈ ehˇ-eu, “Nga maꞈ-euˬ aˬ da-aˬ, Miˬyehˇ tiˬ gʼaˬ tehꞈ ma. Nga maꞈ maˇ maˇ ni aˬ yawꞈ-euˬ zaˬ ma. Jawˇ zaˇ shaˬ leˇ-awˇ dehꞈ le-euˬ zaˬ deuˬ maˬ ngeuˇ.”

Yoˇhaˬ 8:44

Naw maꞈ-aˬ, naw maꞈ-euˬ aˬ da nehˬ sahˬ paˬ-euˬ zaˬ deuˬ pyeuꞈ-awˇ, naw maꞈ-euˬ aˬ da-euˬ nui kʼahˇ mehˬ nah caw teh mawꞈ-eu meh. Aˬ yawꞈ-aˬ, aˇ dahˬ beh ngeh neh aˬ cawˬ-ahˇ sehꞈ-euˬ gʼaˬ pyeuꞈ-awˇ, yaw tsaˬ yaw dawˇ paw tiˬ pawꞈ-iˬ maˬ pyawˬ-a. Aˬ jeˬ miˇ neh ehˇnaˇ, aˬ yawꞈ laꞈ kʼoeˇ yaw tsawˬ yaw dawˇ jeˬ maˬ ahˇ-a. Aˬ yawꞈ jaˬ myawꞈ myawꞈ-eu kʼoeˇ-aˬ, kʼoeˇ loꞈ-ehˇ mˇ-eu lehˇ seu le-euˬ miˇ neh meh. Aˬ jeˬ miˇ neh ehˇ naˇ, aˬ yawꞈ-aˬ, jaˬ myawꞈ myawꞈ-eu deuˬ dawˬ tawˆ luꞈ-euˬ aˬ da yaw dzahˇ gʼaˬ meh.

Gʼaˬkʼehˇ 13:10

“Nehꞈsahˬpaˬ-euˬ zaˬ-oˇ, yaw muiˬ jeˬ dawˬ tawˆ luꞈ-ahˇ nawˇ muiˇ-eu meh. Nawˇ-aˬ, nui ma gʼoꞈ dui dui-awˇ, SahˬpaˬMiˬyehˇ-euˬ yaw tsaˬ yaw dawˇ jeˬ-ahˇ jaˬ myawꞈ mehˇ shuiˇ pyeuꞈ-iˇ jiˇ ni leh jeh luꞈ-eu meh.

2 Gawˇliˬtu 11:14

Aˬ yawꞈ maꞈ kʼoeˇ loꞈ-ehˇ gʼeh gaˇ zahˬ leˇ duˬ maˬ jaˆ-a. Nehꞈ Saˬdaˬ kʼawꞈ yaw shehꞈ bya-eu mˬ taˆ gʼaˬ kʼehˇ jahˇ geuꞈ nya-eu meh.

2 Gawˇliˬtu 11:3

Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

2 Tiˆmoˇseˬ 3:8

Yaˬneˬ hawˇ-eu Yaˬbeˬ aˬ nyaꞈ Moˇseˬ mehˬ gaˇ maˬ naˇ haˬ geuꞈ-euˬ loꞈ-ehˇ, tsawˇ haˬ kʼoeˇ deuˬ yaw tsaˬ yaw dawˇ jeˬ-ahˇ maˬ ha geuꞈ-a. Aˬ yawꞈ maꞈ-euˬ shaˇ noeˬ nya-eu nui ma gaˇ maˬ mˇ ni naˬ leˇ jiˇ-awˇ, jah-eu jeˬ-ahˇ smˬ-iˇ-euˬ tsawˇ haˬ pyeuꞈ-eu meh.

Yaˬkoˆ 3:15

Kʼoeˇ loꞈ-ehˇ gʼeh-eu zaˬ siˬ tsawˇ gahˇ-aˬ, mˬ-ahˇ eh doˆ le-euˬ jeˬ maˬ ngeuˇ-a. Kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ pyeuꞈ-awˇ, guiˬ lahˬ saꞈ laˇ-ahˇ taꞈ-eu jeˬ maˬ ngeuˇ-ehˇ, nehꞈ-ahˇ taꞈ-eu jeˬ pyeuꞈ-eu meh.

Panmaeq 12:17

Byaˆ yahˬ kʼoeˇ mawˇ zaˬ miˬ zaˬ kʼoeˇ gʼaˬ-ahˇ nui ma pehˇ dui dui laˇ-awˇ, zaˬ miˬ zaˬ kʼoeˇ gʼaˬ-euˬ dzeˇ luꞈ-eu zaˬ deuˬ uˆ deuˬ pyeuꞈ-eu, Miˬyehˇ-euˬ ehˇ dawˬ naˇ haˬ-awˇ Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ saˇ jaˇ ziꞈ-eu tsawˇ haˬ dawˬ tawˆ luꞈ-ahˇ, guiˇ deuˆ-eu lehˇ doˆ-iˇ-euˬ meh.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Panmaeq 18:23

Tsiˇ kʼmˬ doꞈ bya taˬ-euˬ yaw shehꞈ, tiˬ jawˇ-iˬ maˬ paˇ ya mawˇ-aˇ. Miˬ daꞈ zaˬ daꞈ jiˇ cehˇ gʼeh-eu, teˇ saˇ maˬ paˇ ya gaˬ haw-aˇ. Nawˬ-euˬ tsawˇ haˬ baw gaꞈ kʼoeˇ deuˬ, miˇ tsaˬ kʼoeˇ taˆ kʼawˇ teˇ doˆ-awˇ, nawˬ-euˬ mah loˬ ja maw kʼoeˇ neh, miˇ tsaˬ zaˬ-ahˇ shuiˇ tawˆ-euˬ meh.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.

Panmaeq 20:10

Kʼoeˇ naˇ, aˬ yawꞈ maꞈ-ahˇ jaˬ myawꞈ mehˇ shuiˇ shuiˇ-euˬ Nehꞈ sahˬ paˬ-aˬ, jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu gʼaˬ-ahˇ baꞈ ahˇ nehˬ-euˬ lah pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ lah kʼoeˇ lah-ahˇ bi baꞈ ahˇ tehꞈ-a. Aˬ yawꞈ maꞈ-aˬ, mˬ maˬ maˬ byaˆ zaˇ ziˇ uˬ ciꞈ nah gʼahˇ maˬ ehˇ ya shaˬ ya zahˬ dui dui tehꞈ-a.

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)