2 Teˇsaˬloˇni 2:7 - Akha

⁷ Yaw haiˬ jeˬ kʼoeˇ-aˬ, nymˬ-mˇ mi naˆ-ehˇ gaˇ mˇ luꞈ-eu meh. Pyeuꞈ laˇ-eu lehˇ bymˬ luꞈ-eu kʼoeˇ-ahˇ laˆ tsoeˬ taˬ-euˬ gʼaˬ-ahˇ Miˬyehˇ maˬ yuˇ dzeh kʼoeˇ keuˆ ni maˬ pyeuꞈ doˆ laˇ nya-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nymq-mr keuvni, barzaf-anr nae lar-eu zanrdawq-anr leur-eu jeq, gar mrluf-eu mae. Heu-anr lavtsoeq-eu ghaq maqbi sheuqdov ghae-euq khoerkeuvni, zanrdawq-anr leur-eu jeq-anr lavtsoeq luf-eu mae.

2 Teˇsaˬloˇni 2:7 ပူးပေါင်းရင်းမြစ်များ

Gʼaˬkʼehˇ 20:29

Ngaˇ doˆ-iˇ dzeuˇ naˇ guˆ laˇ paˬ-ehˇ gʼeh-eu kʼaˬ yehˇ deuˬ oe-awˇ, yawˇ yawˇ maꞈ-ahˇ gʼawˬ shaˬ maˬ gaˬ ni laˆ cawˆ le tehꞈ-a lehˇ ngaˇ siˬ nya ma.

2 Teˇsaˬloˇni 2:6

Nymˬ-mˇ mi naˆ-ehˇ kʼoeˇ loꞈ-ehˇ maˬ pyeuꞈ laˇ-euˬ heu-aˬ, gaˇ kawˆ tiˬ hmˬ jaˆ-eu baˬ da neh meh. Gaˇ kawˆ kʼoeˇ hmˬ-ahˇ naw maꞈ siˬ nya meh. Aˇ yamˬ tsaˬ laˇ ngeh, Haiˬ dui dui-eu Gʼaˬ doˆ le tehꞈ-a.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

1 Yoˇhaˬ 2:18

Ngaˇ gaˬ dui dui-eu zaˬ deuˬ-oˇ, aˇ saˬ saˬ-eu aˇ yamˬ peh le-euˬ meh. Ka li-ahˇ Muiˇ-eu Gʼaˬ oe luꞈ meh lehˇ ehˇ-eu naw maꞈ ya gaˬ taˬ-euˬ meh. Ka li-ahˇ muiˇ-eu gʼawˬ mya gʼaˬ nymˬ-mˇ doˆ le gʼaˬ-euˬ meh. Kʼoeˇ miˇ neh, aˇ saˬ saˬ-eu aˇ yamˬ keuˆ le-euˬ gaˇ kawˆ aˬ dui siˬ nya-eu ma.

1 Yoˇhaˬ 4:3

Ehˇ kʼawꞈ, kʼoeˇ loꞈ-ehˇ maˬ ngeuˇ-a lehˇ ehˇ-eu tsawˇ haˬ-aˬ, Miˬyehˇ jawˇ gaˇ neh oe-euˬ Yaw sahˇ za-euˬ tsawˇ haˬ maˬ ngeuˇ-a. Aˬ yawꞈ za-euˬ yaw sahˇ kʼoeˇ-aˬ, Ka li-ahˇ Muiˇ-eu gʼaˬ jawˇ gaˇ neh oe-euˬ yaw sahˇ pyeuꞈ-eu meh. Aˬ yawꞈ oe tehꞈ-a lehˇ naw maꞈ ya gaˬ taˬ-euˬ meh. Nymˬ-mˇ aˬ yawꞈ miˇ tsaˬ heu kʼoeˇ taˆ oe keuˆ taˬ-euˬ meh.

Panmaeq 17:5

Zaꞈ taˬ-euˬ dawˬ tsuiꞈ ahˇ-eu tsawˇ myahˇ tiˬ myahˇ aˬ yawꞈ-euˬ naˇ kʼawˇ-ahˇ heu loꞈ-ehˇ boꞈ taˬ-euˬ meh. “Meh maˬ laˇ deuˬ hawˇ-eu, miˇ tsaˬ kʼoeˇ taˆ nui daˆ daˆ laˇ paˬ-ehˇ gʼeh-eu jeˬ dawˬ tawˆ luꞈ-euˬ aˬ ma yaw dzahˇ Baˬbuˬloˬ meuˬ meuˬ ma” lehˇ boꞈ taˬ-euˬ meh.

Panmaeq 17:7

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu, “Aˬ jeˬ miˇ neh nawˇ zahˬ leˇ te. Zaˬ miˬ zaˬ kʼoeˇ gʼaˬ hawˇ-eu, uˬ duˬ shiꞈ siˬ tsoꞈ-awˇ uˬ coeˇ tseˇ coeˇ tsoꞈ-eu jeˬ zaˬ yaw haiˬ kʼoeˇ mawˇ-euˬ gaˇ kawˆ, zaꞈ taˬ-euˬ dawˬ tsuiꞈ ngaˇ nawˬ-ahˇ ehˇ nehˬ nyaˇ.