2 Teˇsaˬloˇni 2:5 - Akha

⁵ Ngaˇ naw maꞈ nehˬ-ehˇ jawˇ ngeh, gaˇ kawˆ heu deuˬ dawˬ tawˆ luꞈ ehˇ nehˬ gʼaˬ-euˬ ngehˇ jiˇ teˬ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngar, nawmaf naeq-aer jawr ngae, garkawv heudeuq nawmaf-anr ja’naeq-euq gar nawmaf maqpar noeq mir-a lor?

2 Teˇsaˬloˇni 2:5 ပူးပေါင်းရင်းမြစ်များ

Maꞈtehˬ 16:9

Naw maꞈ iˬ nah keuˆ ni maˬ gʼoˆ shaw-ehˇ jawˇ te siˬ loˇ. Tsawˇ haˬ ngaˬ heˇ gʼaˬ gʼaˇ duˬ ngaˬ neh kaˬ muˇ ngaˬ yaˆ ngawˬ pyehˬ-awˇ, naw maꞈ kʼaˆ puˬ aˇ myaˆ puˬ gʼoˆ byah-euˬ gaˇ kawˆ ngehˇ jiˇ maˬ loˇ.

Maˬkuˆ 8:18

Naw maꞈ myaˆ nuiˆ tsoꞈ-eu maˬ mawˇ nya-ehˇ, Naˬ bawˇ tsoꞈ-eu maˬ gaˬ nya te loˇ. Maˬ paˇ noeˬ ni ngehˇ jiˇ teˬ loˇ.

Yoˇhaˬ 16:4

Ehˇ kʼawꞈ, tsawˇ haˬ kʼoeˇ deuˬ naw maꞈ-ahˇ kʼoeˇ loꞈ-ehˇ kʼehˬ nehˬ kʼaˆ nehˬ laꞈ-eu aˇ yamˬ keuˆ le ngeh, kʼoeˇ loꞈ-ehˇ keuˆ le tehꞈ-a lehˇ ngaˬ neh naw maꞈ-ahˇ ehˇ taˬ-euˬ gaˇ naw maꞈ bi noeˬ mawˇ-eu gʼaˇ duˬ, ngaˇ naw maꞈ-ahˇ naꞈ ngeh neh heu loꞈ-ehˇ ehˇ nehˬ-eu ma.” Naw maꞈ ngaˬ-euˬ zaˬ lahˇ pyeuꞈ laˇ beh beh ngeh, gaˇ kawˆ heu naw maꞈ-ahˇ ngaˇ maˬ ehˇ nehˬ-aˬ. Aˬ jeˬ miˇ neh ehˇ naˇ, naw maꞈ nehˬ-ehˇ ngaˬ-euˬ gʼawˇ mawˇ jawˇ-euˬ ma.

Gʼaˬkʼehˇ 20:31

Kʼoeˇ miˇ neh, smˇ kʼoꞈ byah ni naw maꞈ yawˬ gʼaˬ na luꞈ-ahˇ ngaˇ myaˆ biˇ doˆ-eu laꞈ kʼoeˇ mehˬ nehˬ-euˬ gaˇ maˬ ngehˇ ni, yahˇ yahˇ-ehˇ dehꞈ-awˬ.

Gaˬlaˬtiˆ 5:21

myaˆ naˆ-eu, dzaˬ yehꞈ dawˇ yehꞈ-eu, maˬ tsaˬ maˬ dawˇ-eu bawˬ-iˬ gʼeh-eu, heu loꞈ-ehˇ gʼeh-eu deuˬ mˇ doˆ laꞈ-eu meh. Kʼoeˇ loꞈ-ehˇ dehꞈ-eu tsawˇ haˬ deuˬ-aˬ, Miˬyehˇ Miˇ kʼahˬ-ahˇ maˬ ya uˇ lehˇ-a lehˇ dzeuˇ laˇ ngeh ngaˬ neh naw maꞈ-ahˇ ehˇ-euˬ loꞈ-ehˇ, nymˬ-mˇ kʼawꞈ tiˬ poˆ paˇ ehˇ-eu ma.

1 Teˇsaˬloˇni 2:11

Aˬ da tiˬ gʼaˬ yawˬ ha-euˬ zaˬ deuˬ-ahˇ hehˇ tehˇ-eu loꞈ-ehˇ, naw maꞈ aˬ yawꞈ gʼaˬ yawꞈ-ahˇ nga maꞈ hehˇ tehˇ-euˬ naw maꞈ siˬ nya meh.

1 Teˇsaˬloˇni 3:4

Kʼoeˇ miˇ neh, naw maꞈ nehˬ-ehˇ nga maꞈ jawˇ ngeh neh, kʼehˬ-eu kʼaˆ-eu jeˬ-ahˇ aˬ dui ya daˬ tehꞈ-a lehˇ naw maꞈ-ahˇ ehˇ nehˬ-euˬ ma. Kʼaˇ ehˇ-euˬ loꞈ-ehˇ keuˆ le teuˇ le luꞈ-eu naw maꞈ siˬ duˬ mawˇ duˬ luꞈ meh.

2 Teˇsaˬloˇni 2:6

Nymˬ-mˇ mi naˆ-ehˇ kʼoeˇ loꞈ-ehˇ maˬ pyeuꞈ laˇ-euˬ heu-aˬ, gaˇ kawˆ tiˬ hmˬ jaˆ-eu baˬ da neh meh. Gaˇ kawˆ kʼoeˇ hmˬ-ahˇ naw maꞈ siˬ nya meh. Aˇ yamˬ tsaˬ laˇ ngeh, Haiˬ dui dui-eu Gʼaˬ doˆ le tehꞈ-a.

2 Teˇsaˬloˇni 3:10

Nga maꞈ naw maꞈ nehˬ-ehˇ jawˇ ngeh, “Maˬ mˇ nahˇ-eu tsawˇ haˬ-ahˇ hawˬ taˬ bi dzaˬ” lehˇ ehˇ-euˬ ma.

2 Beˬtuˆluˆ 1:15

Ngaˇ shiˇ dzeuˇ ngeh jawˇ, gaˇ kawˆ heu deuˬ-ahˇ naw maꞈ maˬ bi ngehˇ ni aˬ myah luꞈ bi noeˬ keuˆ-eu gʼaˇ duˬ, ngaˇ kʼaˇ gʼeh nya-eu loꞈ-ehˇ leh jeh-awˇ ngehˬ gʼeh nehˬ yaꞈ ma.