2 Teˇsaˬloˇni 2:4 - Akha

⁴ Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf-aq, tsawrhaqzaq uqduq tanq-eu yawqjeq navluf-anr hawr-eu miqyaer laer kharkur-eu deuq-anr lavtsoeq-awr, khoerdeuq dawqtawv luf-euq khoertav yawqhar yawqha taqhuiq taef-a. Khoeruqtaf, aqyawf, Miqyaer-euq uqduq tanqnymr nymrma-euq lafkhoer Miqyaer lof-aer nuir-awr, “Ngar-aq, Miqyaer ma” laer aer taef-a.

2 Teˇsaˬloˇni 2:4 ပူးပေါင်းရင်းမြစ်များ

Iˇsaˬyaˇ 31:3

Iˇjiˇtuˆ tsawˇ haˬ kʼawꞈ tsawˇ haˬ zaˬ meh. Miˬyehˇ maˬ ngeuˇ-a. Aˬ yawꞈ maꞈ-euˬ mahˬ deuˬ kʼawꞈ shiˬ shaˬ jiˇ meh. Maˬ shiˇ nya-eu yaw sahˇ maˬ ngeuˇ-a. Sahˬpaˬ Miˬyehˇ aˬ laꞈ cawˬ doˆ laꞈ ngeh, aˬ cawˬ-ahˇ caw ba nehˬ-eu miˇ kʼahˬ dawˬ teˇ teˇ-awˇ, aˬ cawˬ-ahˇ gʼoe-eu miˇ kʼahˬ coˬ-iˇ-eu miˇ neh, nyiˬ kʼahˬ tiˬ gaˇ luˬ-iˇ seˇ-iˇ tehꞈ-a.

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Yeˬsaˬgeˬlaˇ 28:6

Kʼoeˇ baˬ da neh Sahˬpaˬ Miˬyehˇ, nawˬ-ahˇ heu loꞈ-ehˇ ehˇ-eu meh. “Nawˇ miˬ yehˇ loꞈ-ehˇ gahˇ ma lehˇ, yawˬ haˇ yawˬ ha noeˬ huiˬ-eu meh.

Yeˬsaˬgeˬlaˇ 28:9

Nawˬ-ahˇ sehꞈ-eu deuˬ-euˬ mehˬ shi, miˬ yehˇ ma lehˇ ehˇ te siˬ loˇ. Nawˬ-ahˇ sehꞈ-eu deuˬ-euˬ laꞈ-ahˇ, nawˇ miˬ yehˇ maˬ ngeuˇ-ehˇ, tsawˇ haˬ ngaˇ lehˇ duˬ laˇ tehꞈ-a.

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Daˬyeˬlaˇ 11:45

Iˬ ma laˆ shaˆ hawˇ-eu Uˬ duˬ tahˬ nymˇ nymˇ ma tsoˆ taˬ-euˬ gawˬ jawˬ yaw kaˬ-ahˇ, sahˬ paˬ-euˬ sehˬ gʼawˆ gʼawˆ ma deuˬ aˬ yawꞈ gʼawˆ tehꞈ-a. Ehˇ kʼawꞈ, aˬ yawꞈ-ahˇ ngehˬ gʼeh nehˬ-eu gʼaˬ maˬ jawˇ-ehˇ pyeuꞈ-iˇ-awˇ, ya shiˇ tehꞈ-a.”

Daˬyeˬlaˇ 7:25

Dawˬ tawˆ kʼoeˇ taˆ huiˬ-eu Miˬyehˇ-ahˇ ceh cawˬ cawˬ-eu dawˬ ngehˬ-awˇ, Miˬyehˇ-euˬ tsawˇ haˬ deuˬ-ahˇ aˬ yawꞈ kʼehˬ nehˬ kʼaˆ nehˬ tehꞈ-a. Uˬ duˬ tahˬ-eu zahˇ sahˇ kʼoꞈ deuˬ hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ-ahˇ aˬ yawꞈ laˆ paˇ-awˇ, Miˬyehˇ-euˬ tsawˇ haˬ deuˬ aˬ yawꞈ uˆ lahˇ-eu uˬ moˆ smˇ kʼoꞈ uˬ taꞈ tiˬ paˆ ya jawˇ tehꞈ-a.

Daˬyeˬlaˇ 7:8

Uˬ coeˇ kʼoeˇ deuˬ-ahˇ ngaˇ zahˬ leˇ-awˇ haw haw-ehˇ jawˇ ngeh, uˬ coeˇ kʼoeˇ deuˬ yaw kaˬ-ahˇ uˬ coeˇ coeˇ zaˬ tiˬ coeˇ doˆ laˇ-euˬ meh. Uˬ coeˇ coeˇ zaˬ kʼoeˇ neh kʼoeˇ gaˇ tsoꞈ-eu uˬ coeˇ smˇ kahˬ tahˬ juˆ dzeh-euˬ meh. Uˬ coeˇ kʼoeˇ coeˇ-ahˇ tsawˇ haˬ zaˬ-euˬ myaˆ nuiˆ tsoꞈ-awˇ, kʼahˬ sehˇ jehˆ-eu kʼaˬ meh tiˬ meh tsoꞈ-eu meh.

Gʼaˬkʼehˇ 17:23

Aˬ jeˬ miˇ neh ehˇ naˇ, meuˬ heu meuˬ doe ni ngaˇ cah-awˇ naw maꞈ uˬ duˬ tahˬ-eu jawˇ duˬ deuˬ-ahˇ haw ngeh, ‘Nga maꞈ maˬ siˬ nya-eu Miˬyehˇ tiˬ gʼaˬ-euˬ gʼaˇ duˬ’ lehˇ boꞈ myahˬ taˬ-euˬ lawˇ duˬ tiˬ tsahˇ mawˇ-euˬ ma. Naw maꞈ maˬ siˬ nya kʼawꞈ uˬ duˬ tahˬ luꞈ-eu kʼoeˇ-aˬ, nymˬ-mˇ ngaˇ naw maꞈ-ahˇ ja mehˬ le-euˬ heu meh.

1 Gawˇliˬtu 8:5

Mˬ kʼoeˇ taˆ miˇ tsaˬ kʼoeˇ taˆ “miˬyehˇ” lehˇ kuˇ-euˬ gʼawˬ mya ni jawˇ-awˇ, “miˬyehˇ” hawˇ-eu “yaw sahˇ sahˬ paˬ” gʼawˬ mya gʼaˬ jawˇ-eu meh.