“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.
2 Teˇsaˬloˇni 2:3 - Akha3 Aˬ geu gʼaˬ aˬ joˆ-ehˇ mehˇ shuiˇ shuiˇ laˇ-eu maˬ kaˬ, maˬ bi shuiˇ tawˆ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ gʼawˬ mya ni Miˬyehˇ-ahˇ puiˬ-eu aˇ saˬ saˬ-eu poˆ keuˆ le gʼaˬ-awˇ, shiˬ buiˇ lah ma-ahˇ ya iˇ-eu Haiˬ dui dui-eu Gʼaˬ doˆ le gʼaˬ miˇ tsa maˬ ngeuˇ naˇ Sahˬpaˬ Yeˬsuˇ-euˬ Aˇ nah maˬ keuˆ le-aˇ. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq3 Tiqghaq-iq nawmaf-anr tiqjeq ghaenae-iq maqbi shuirtawvni yanr-awq. Aqjeq mirnae aernar-aq, arnan khoernan maq lavsav ghaq-euq minav-aer, yawbae jeq-aq, tsawrhaq ghawqmya’ni Miqyaer-anr byaer taef-a. Khoernar-aq, iqbax-euq yawsanr ghaq bi dovlar taef-a. Aqyawf-aq, lavcawv-eu ghaq-euq zaq mae. အခန်းကိုကြည့်ပါ။ |
2 Teˇsaˬloˇni 2:3
17 ပူးပေါင်းရင်းမြစ်များ
Dawˬ tawˆ kʼoeˇ taˆ huiˬ-eu Miˬyehˇ-ahˇ ceh cawˬ cawˬ-eu dawˬ ngehˬ-awˇ, Miˬyehˇ-euˬ tsawˇ haˬ deuˬ-ahˇ aˬ yawꞈ kʼehˬ nehˬ kʼaˆ nehˬ tehꞈ-a. Uˬ duˬ tahˬ-eu zahˇ sahˇ kʼoꞈ deuˬ hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ-ahˇ aˬ yawꞈ laˆ paˇ-awˇ, Miˬyehˇ-euˬ tsawˇ haˬ deuˬ aˬ yawꞈ uˆ lahˇ-eu uˬ moˆ smˇ kʼoꞈ uˬ taꞈ tiˬ paˆ ya jawˇ tehꞈ-a.
Aˬ yawꞈ tsawˇ gahˇ gahˇ-awˇ jaˬ myawꞈ mehˇ shuiˇ zmˬ-eu laꞈ kʼoeˇ, gʼawˬ mya jeˬ mˇ doˆ laꞈ tehꞈ-a. Aˬ yawˆ yawꞈ huiˬ dui mahˇ dui dui miˇ-a lehˇ noeˬ-awˇ, tsawˇ haˬ gʼawˬ mya ni-ahˇ maˬ noeˬ maˬ duˇ-ehˇ jawˇ gaˇ tiˬ jeˬ-iˬ maˬ ehˇ ni sehꞈ tehꞈ-a. Sahˬ paˬ dawˬ tawˆ kʼoeˇ taˆ huiˬ-eu Sahˬpaˬ-ahˇ kʼawꞈ, aˬ yawꞈ yehˬ bawˬ sehˇ lu-ehˇ ehˇ-eu meh. Laˆ luˬ laˆ seˇ nehˬ gaˇ aˬ yawꞈ ya daˬ tehꞈ-a. Ehˇ kʼawꞈ, tsawˇ haˬ zaˬ-euˬ baoˬ neh laˆ luˬ laˆ seˇ nehˬ-eu jeˬ maˬ ngeuˇ-a.
Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,
Ehˇ kʼawꞈ, kʼoeˇ loꞈ-ehˇ maˬ ngeuˇ-a lehˇ ehˇ-eu tsawˇ haˬ-aˬ, Miˬyehˇ jawˇ gaˇ neh oe-euˬ Yaw sahˇ za-euˬ tsawˇ haˬ maˬ ngeuˇ-a. Aˬ yawꞈ za-euˬ yaw sahˇ kʼoeˇ-aˬ, Ka li-ahˇ Muiˇ-eu gʼaˬ jawˇ gaˇ neh oe-euˬ yaw sahˇ pyeuꞈ-eu meh. Aˬ yawꞈ oe tehꞈ-a lehˇ naw maꞈ ya gaˬ taˬ-euˬ meh. Nymˬ-mˇ aˬ yawꞈ miˇ tsaˬ heu kʼoeˇ taˆ oe keuˆ taˬ-euˬ meh.
Nawˇ mawˇ-euˬ jeˬ zaˬ kʼoeˇ mawˇ-aˬ, aˇ hu dehꞈ-euˬ kʼawꞈ, nymˬ-mˇ maˬ paˇ dehꞈ meh. Gʼawˬ myahˇ maˬ gʼeh-ehˇ yaw li maˬ baw-eu duˬ kʼahˬ-ahˇ neh doˆ laˇ-awˇ, luˬ-iˇ seˇ-iˇ-eu jeˬ laꞈ kʼoeˇ ya uˇ-iˇ tehꞈ-a. Mˬ hawˇ-eu miˇ maˬ beh mi naˆ-ehˇ saꞈ laˇ dehꞈ-eu sahˬ boꞈ laꞈ kʼoeˇ tsawˇ myahˇ maˬ bi boꞈ ahˇ taˬ-euˬ miˇ tsaˬ kʼoeˇ taˆ jawˇ luꞈ-eu tsawˇ haˬ deuˬ-aˬ, jeˬ zaˬ yaw haiˬ kʼoeˇ mawˇ-ahˇ ya mawˇ ngeh zahˬ dui dui leˇ tehꞈ-a. Aˬ jeˬ miˇ neh ehˇ naˇ, jeˬ zaˬ yaw haiˬ kʼoeˇ mawˇ dzeuˇ laˇ ngeh yaw dehꞈ dehꞈ-euˬ kʼawꞈ, nymˬ-mˇ maˬ paˇ dehꞈ meh. Ehˇ kʼawꞈ, tiˬ poˆ paˇ doˆ laˇ tehꞈ-a.
ကြော်ငြာတွေ