2 Saˬmeuˬlaˆ 23:15 - Akha

¹⁵ Kʼoeˇ ngeh, Daˬbiˇ iˇ kahˇ-ahˇ noeˬ mawˇ leˇ-awˇ, “Tsawˇ haˬ tiˬ gʼaˬ na Behˬlehˬhehˬ meuˬ-euˬ lahˇ kʼehˬ dawˬ peh jaˆ-eu lah duˬ-ahˇ iˇ-awˇ, iˇ cuꞈ tiˬ kʼmˬ kʼawꞈ laꞈ-awˇ bi dawˇ laꞈ law nmˇ-aˬ gʼaˬ miˇ-a” lehˇ ehˇ-eu meh.

2 Saˬmeuˬlaˆ 23:15 ပူးပေါင်းရင်းမြစ်များ

Aˇ dahˬ 35:19

Laˬkeˬlaˇ-ahˇ, nymˬ-mˇ Behˬlehˬhehˬ meuˬ lehˇ kuˇ luꞈ-eu Eˇpaˬlaˇ meuˬ-ahˇ le-eu gaˇ ma gaˇ dzeˇ duˬ pahˬ nehˬ-euˬ meh.

2 Saˬmeuˬlaˆ 23:16

Tsawˇ myahˇ doˆ-eu yehˇ kʼoeˇ smˇ gʼaˬ Piˇliˇtiˆ taˆ tahˬ paˆ doˆ gʼeh-awˇ, lah duˬ kʼoeˇ duˬ-ahˇ iˇ cuꞈ kʼawꞈ-awˇ, Daˬbiˇ jawˇ gaˇ yuˇ kʼoꞈ laꞈ nehˬ-euˬ meh. Ehˇ kʼawꞈ, iˇ cuꞈ kʼoeˇ aˬ yawꞈ maˬ dawˇ ni shehˆ kʼaˇ-awˇ, Sahˬpaˬ Miˬyehˇ-ahˇ lawˇ nehˬ-euˬ meh.

1 Laˬsaˬbaˬ 11:17

Kʼoeˇ ngeh, Daˬbiˇ iˇ kahˇ-ahˇ noeˬ mawˇ laˇ-awˇ, “Tsawˇ haˬ tiˬ gʼaˬ na Behˬlehˬhehˬ meuˬ-euˬ lahˇ kʼehˬ dawˬ peh jaˆ-eu lah duˬ-ahˇ iˇ-awˇ, iˇ cuꞈ tiˬ kʼmˬ kʼawꞈ laꞈ-awˇ bi dawˇ laꞈ law nmˇ-aˬ lehˇ noeˬ nya” lehˇ ehˇ-eu meh.

Jaceuq 119:81

Sahˬpaˬ Miˬyehˇ-oˇ, nawˇ ka kʼoꞈ le gaˇ maˬ dawˬ coeˇ laˇ miˇ-a. Nawˬ-euˬ dawˬ-ahˇ ngaˇ jah-eu ma.

Jaceuq 63:1

Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Yoˇhaˬ 4:10

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 7:37

Sehˬ gʼawˆ-euˬ Bawˬ-iˬ gʼeh-eu aˇ saˬ saˬ-eu aˇ nah pyeuꞈ-eu huiˬ dui dui-eu aˇ nah kʼoeˇ nah-ahˇ, Yeˬsuˇ tuˇ -awˇ, teˇ saˇ yaw kʼaˆ kʼaˆ-ehˇ -ehˇ-eu, “Iˇ cuꞈ kʼaˇ mehꞈ-eu tsawˇ haˬ ngaˇ jawˇ gaˇ laˇ-awˇ dawˇ laˇ-awˬ.