2 Saˬmeuˬlaˆ 15:27 - Akha

²⁷ Zaˬdoˆ-ahˇ aˬ yawꞈ tiˬ poˆ paˇ ehˇ nehˬ-eu, “Heu gaˇ haw sheˇ. Nawˬ li Aˬhiˇmaˆ hawˇ-eu Aˬbyaˬdaˬ-euˬ aˬ li Yawˇnaˆshaˬ-ahˇ sheuˬ-awˇ, nui ma saˇ lehˆ ni taˬ-eu laꞈ kʼoeˇ meuˬ-ahˇ gʼoꞈ jawˇ-iˇ-awˬ.

2 Saˬmeuˬlaˆ 15:27 ပူးပေါင်းရင်းမြစ်များ

2 Saˬmeuˬlaˆ 15:34

Ehˇ kʼawꞈ, nawˇ heu loꞈ-ehˇ jahˇ naˇ, ngaˬ-ahˇ caw ba nehˬ laꞈ nya tehꞈ-a. Meuˬ-ahˇ gʼoꞈ-iˇ-awˇ, nawˬ da-euˬ gaˇ-ahˇ ngaˇ saˇ jaˇ ziꞈ-awˇ mˇ dzeuˇ yaꞈ-euˬ loꞈ-ehˇ, nawˬ-euˬ gaˇ-ahˇ kʼawꞈ ngaˇ saˇ jaˇ ziꞈ-awˇ mˇ ma lehˇ, Aˬbaˇsaˬloˬ-ahˇ ehˇ nehˬ-iˇ-awˬ. Kʼoeˇ naˇ, Aˬhiˇtawˇpeˬlaˆ neh nui noeˬ nui duˇ biꞈ-euˬ loꞈ-ehˇ maˬ bi mˇ pyeuꞈ nya-eu gʼaˇ duˬ, nawˇ kʼaˇ gʼeh nya-eu loꞈ-ehˇ laˆ tsoeˬ-awˬ.

2 Saˬmeuˬlaˆ 15:36

Aˬ yawꞈ nyaꞈ nehˬ-ehˇ, aˬ yawꞈ nyaꞈ-euˬ aˬ li Aˬhiˇmaˆ hawˇ-eu Yawˇnaˆshaˬ kʼawꞈ jawˇ-eu meh. Aˬ yawꞈ nyaꞈ-ahˇ pyehˬ gʼeh leꞈ-awˇ, nawˬ neh kʼaˇ ya gaˬ-euˬ gaˇ kawˆ deuˬ ngaˬ-ahˇ bi tsaꞈ gaˬ laˇ-awˬ.”

2 Saˬmeuˬlaˆ 17:17

Aˬbyaˬdaˬ-euˬ aˬ li Yawˇnaˆshaˬ hawˇ-eu Zaˬdoˆ-euˬ aˬ li Aˬhiˇmaˆ aˬ nyaꞈ-aˬ, Yeˬluˇsaˬlehˬ-euˬ meuˬ meuˬ taw Eˬloˇgeˬ iˇ cuꞈ iˇ byoe dawˬ peh loꞈ luꞈ-eu meh. Aˬ cawˬ mawˇ gaˇ guˆ-eu miˇ neh, meuˬ laꞈ kʼoeˇ aˬ yawꞈ nyaꞈ maˬ uˇ leˇ peuˬ-a. Zaˬ miˬ zaˬ zaˬ kʼaˆ tiˬ gʼaˬ, kʼaˇ pyeuꞈ laˇ-euˬ gaˇ kawˆ deuˬ aˬ yawꞈ nyaꞈ-ahˇ dzawˇ nehˬ le-awˇ, gaˇ kawˆ kʼoeˇ aˬ yawꞈ nyaꞈ sahˬ paˬ Daˬbiˇ-ahˇ paˇ tsaꞈ gaˬ-iˇ-euˬ meh.

2 Saˬmeuˬlaˆ 18:19

Kʼoeˇ naˇ, Zaˬdoˆ-euˬ aˬ li Aˬhiˇmaˆ gʼaˬ Yoˇbaˬ-ahˇ ehˇ nehˬ-eu, “Ngaˬ-ahˇ sahˬ paˬ jawˇ gaˇ bi cehˆ gʼoꞈ gʼeh laꞈ-awˇ, muiˇ-eu deuˬ-euˬ aˬ laꞈ laꞈ kʼoeˇ Sahˬpaˬ Miˬyehˇ neh aˬ yawꞈ-ahˇ ka kʼoꞈ nehˬ gʼaˬ-euˬ gaˇ kawˆ, laˬ kʼaˬ cehˇ-eu dawˬ bi tsaꞈ gaˬ-iˇ laꞈ-awˬ.”

2 Saˬmeuˬlaˆ 24:11

Uˬ shawˬ paw Daˬbiˇ uˬ suˇ tuˇ ngeh yamˬ-ahˇ, Daˬbiˇ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Gaˆ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Daˬbiˇ jawˇ gaˇ iˇ-awˇ, gaˇ kawˆ smˇ jeˬ laꞈ kʼoeˇ aˬ yawꞈ-ahˇ tiˬ jeˬ bi tseˇ geuꞈ-awˇ, aˬ yawꞈ neh kʼaˇ tseˇ geuꞈ-euˬ jeˬ ngaˇ bi keuˆ ma lehˇ ehˇ nehˬ-iˇ-awˬ.”

1 Sahˬpaˬ 1:42

Aˬ yawꞈ kʼoeˇ loꞈ-ehˇ ehˇ gʼaˬ-euˬ maˬ dah ni, piˇ ma Aˬbyaˬdaˬ-euˬ aˬ li Yawˇnaˆshaˬ oe keuˆ-euˬ meh. Kʼoeˇ ngeh, “Heu gaˇ laˇ sheˇ, Nawˇ-aˬ tsawˇ haˬ yaw muiˬ tiˬ gʼaˬ pyeuꞈ-eu miˇ neh, laˬ kʼaˬ ya cehˇ-eu gaˇ kawˆ tsaꞈ gaˬ le-euˬ duˇ” lehˇ, Yawˇnaˆshaˬ-ahˇ Aˬdawˇniˇyaˆ ehˇ nehˬ-euˬ meh.

1 Sahˬpaˬ 4:15

Sawˇlaˬmoˬ-euˬ aˬ buˇ Baˬseˬmaˆ-ahˇ sheuˬ-euˬ gʼaˬ pyeuꞈ-eu Aˬhiˇmaˆ-aˬ, Naˬtaˬliˇ miˇ kʼahˬ-ahˇ haw-eu pyaˆ-eu gʼaˬ geuꞈ-euˬ meh.

1 Laˬsaˬbaˬ 25:5

Aˬ li heu deuˬ dawˬ tawˆ luꞈ, sahˬ paˬ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Heˬmaˬ-euˬ aˬ li tehꞈ meh. Aˬ yawꞈ-ahˇ ciˬ huiˬ ciˬ mahˇ nehˬ ma lehˇ Miˬyehˇ saˇ jaˇ dzaˬ taˬ-euˬ loꞈ-ehˇ, aˬ li kʼoeˇ deuˬ biꞈ nehˬ-euˬ meh. Aˬ li kʼoeˇ tseˇ oeˬ li uꞈ taꞈ, aˬ buˇ smˬ buˇ kʼawꞈ Heˬmaˬ-ahˇ Miˬyehˇ biꞈ nehˬ-euˬ meh.

1 Laˬsaˬbaˬ 6:8

Zaˬdoˆ, Aˬhiˇmaˆ,

1 Saˬmeuˬlaˆ 9:6

Zaˬ kʼaˆ kʼoeˇ gʼaˬ ehˇ-eu, “Taˬ tehˬ lawˬ siˬ, Meuˬ heu meuˬ laꞈ kʼoeˇ muiˬ-eu shawˇ-eu tsawˇ haˬ tiˬ gʼaˬ jawˇ meh. Aˬ yawꞈ neh ja maw kʼaˇ maw-euˬ yawˬ jeˬ na luꞈ tsaˬ-eu miˇ neh, aˬ cawˬ aˬ yawꞈ-ahˇ yaw zeu baw dui dui meh. Aˇ nyaꞈ gʼeh aˬ yawꞈ jawˇ gaˇ le haw kaˇ-euˇ. Mahˬ tahˬ laˆ aˬ gaˇ jawˇ-eu aˬ yawꞈ ehˇ nehˬ laꞈ nya-eu baw le.”

1 Saˬmeuˬlaˆ 9:9

(Aˇ hu maˇ diˇ aˇ hu-aˬ, tsawˇ haˬ tiˬ gʼaˬ na Miˬyehˇ gaˇ kawˆ siˬ mawꞈ naˇ, ‘Laˇ-awˬ. Shaˆ ma jawˇ gaˇ le kaˇ-euˇ’ lehˇ ehˇ-eu meh. Aˬ jeˬ miˇ neh ehˇ naˇ, nymˬ-mˇ Miˬyehˇ gʼaˇ duˬ ngehˬ dah-eu gʼaˬ lehˇ kuˇ gaˇ, aˇ hu shaˆ ma lehˇ kuˇ-euˬ meh.)