2 Sahˬpaˬ 4:9 - Akha

⁹ Zaˬ miˬ zaˬ kʼoeˇ gʼaˬ aˬ yawꞈ-euˬ kʼaˬ dzeˇ zaˬ-ahˇ ehˇ nehˬ-eu, “Aˬ dui pehˬ-euˬ nymˇ-ahˇ tiˬ kʼehˬ maˬ taˬ ni laˇ-eu tsawˇ haˬ heu gʼaˬ, muiˬ-eu shawˇ-eu tsawˇ haˬ tiˬ gʼaˬ pyeuꞈ-eu ngaˇ lehˇ, ngaˇ siˬ duˬ ma.

2 Sahˬpaˬ 4:9 ပူးပေါင်းရင်းမြစ်များ

1 Sahˬpaˬ 17:24

Miˬ coeˬ miˬ ma kʼoeˇ gʼaˬ ehˇ-eu, “Nymˬ-mˇ poˆ jawˇ, nawˇ Miˬyehˇ-euˬ tsawˇ haˬ pyeuꞈ-eu gaˇ kawˆ hawˇ-eu, nawˬ-ahˇ gʼoe-awˇ Sahˬpaˬ Miˬyehˇ aˬ diˇ aˬ maˇ dawˬ ngehˬ luꞈ-eu gaˇ kawˆ, ngaˇ yaw muiˬ paˬ-ehˇ siˬ duˬ-eu ma.”

2 Sahˬpaˬ 4:7

Miˬyehˇ gʼaˇ duˬ ngehˬ dah-eu Eˇliˇshehˇ jawˇ gaˇ aˬ yawꞈ le-awˇ, gaˇ kawˆ kʼoeˇ dzawˇ nehˬ-euˬ meh. Eˇliˇshehˇ ehˇ-eu, “Saˬ loˬ tsiˇ ahˬ-awˇ dziˇ dzoˆ tsoeˬ-awˬ. Dziˇ dzoˆ tsoeˬ jiˇ-eu uˬ taꞈ, nawˬ ha ma zaˬ dehꞈ daˆ leꞈ-eu gʼaˇ duˬ pyuˇ dzehˬ laˇ tehꞈ-a.”

Tiˇtuˆ 1:8

Daˬ yah-ahˇ yaw muiˬ-ehˇ ha-awˇ, muiˬ-eu jaˬ-eu jeˬ-ahˇ gaˬ-eu tsawˇ haˬ ya bi pyeuꞈ meh. Nui ma taˬ nya-eu, nui ma dawˇ-eu, muiˬ-eu shawˇ-eu, yawˬ ha-euˬ nui ma-ahˇ gʼaˬ leˇ-eu, heu loꞈ-ehˇ gʼeh-eu tsawˇ haˬ ya bi pyeuꞈ meh.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

Maꞈtehˬ 5:16

Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

1 Beˬtuˆluˆ 3:1

Kʼoeˇ loꞈ-ehˇ duˇ ni, miˬ zaˬ deuˬ kʼawꞈ, yawˬ ha-euˬ kʼaˬ dzeˇ zaˬ ehˇ dawˬ naˇ haˬ-awˬ. Kʼoeˇ loꞈ-ehˇ naˇ haˬ naˇ, kʼaˬ dzeˇ zaˬ gʼaˬ Miˬyehˇ dawˬ kawˬ-ahˇ maˬ jah-eu kʼawꞈ, naw maꞈ dehꞈ gaˇ jawˇ gaˇ haw-awˇ jah laˇ tehꞈ-a. Aˬ yawꞈ maꞈ jah laˇ ni naw maꞈ kʼaˬ meh mehˬ boeˬ neh ja mehˬ-eu maˬ loˬ-aˇ.

Dawˬmehˬ 33:1

Heu-aˬ, Miˬyehˇ-euˬ tsawˇ haˬ pyeuꞈ-eu Moˇseˬ maˬ shiˇ mi naˆ-ehˇ, Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu laꞈ kʼoeˇ biꞈ yaꞈ-euˬ guiˬ lahˬ deuˬ meh.

2 Beˬtuˆluˆ 3:2

Aˇ hu ba Miˬyehˇ gʼaˇ duˬ ngehˬ dah yaꞈ-euˬ muiˬ-eu shawˇ-eu tsawˇ haˬ deuˬ-euˬ dawˬ hawˇ-eu, naw maꞈ-ahˇ mehˬ-eu gʼaˬ kʼehˇ deuˬ neh biꞈ-euˬ ka kʼoꞈ-eu gʼaˬ pyeuꞈ-eu SahˬpaˬYeˬsuˇ-euˬ dawˬ-ahˇ naw maꞈ bi noeˬ mawˇ mawꞈ miˇ-a.

2 Beˬtuˆluˆ 1:21

Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

1 Sahˬpaˬ 13:1

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-ahˇ, Yuˇdaˆ miˇ kʼahˬ-ahˇ neh Sahˬpaˬ Miˬyehˇ neh pyehˬ gʼeh laꞈ-awˇ, lawˇ-eu shehˇ-eu jeˬ mˇ-eu lehˇ lawˇ duˬ dawˬ peh Yeˬyawˇbamˬ yawꞈ luꞈ gaˇ laˇ keuˆ-euˬ meh.

2 Laˬsaˬbaˬ 25:7

Ehˇ kʼawꞈ, Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Iˇsaˬleˬlaˆ yehˇ heu deuˬ-ahˇ nawˇ taˬ sheuˬ gʼeh. Laꞈ taˆ kʼahˬ-ahˇ jawˇ-eu tsawˇ haˬ heu deuˬ nehˬ-ehˇ Sahˬpaˬ Miˬyehˇ maˬ jawˇ-a.