2 Laˬsaˬbaˬ 9:29 - Akha

²⁹ Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-euˬ Laˬsaˬbaˬ sahˬ boꞈ laꞈ kʼoeˇ maˬ ehˇ, Shiˇloˬ meuˬ-ahˇ jawˇ-eu Aˬhiˇyaˬ neh Miˬyehˇ gʼaˇ duˬ ngehˬ dah-euˬ sahˬ boꞈ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu Iˇdoˬ neh Iˇsaˬleˬlaˆ sahˬ paˬ Yeˬyawˇbamˬ-euˬ gaˇ kawˆ-ahˇ taꞈ leˇ-awˇ Miˬyehˇ gʼaˇ duˬ ngehˬ dah-eu laꞈ kʼoeˇ boꞈ taˬ-euˬ sahˬ boꞈ laꞈ kʼoeˇ maˬ ehˇ, Sawˇlaˬmoˬ ziˇ jiˇ ngeh keuˆ ni dehꞈ yaꞈ jawˇ yaꞈ-euˬ gaˇ kawˆ dzeˇ-eu deuˬ-ahˇ, aˇ dahˬ beh gaˇ neh aˇ saˬ saˬ gaˇ keuˆ ni boꞈ taˬ-euˬ meh.

2 Laˬsaˬbaˬ 9:29 ပူးပေါင်းရင်းမြစ်များ

2 Saˬmeuˬlaˆ 12:1

Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ-ahˇ, Sahˬpaˬ Miˬyehˇ neh Daˬbiˇ jawˇ gaˇ pyehˬ gʼeh-euˬ meh. Daˬbiˇ jawˇ gaˇ Naˬdaˬ iˇ-awˇ ehˇ-eu, “Meuˬ tiˬ meuˬ laꞈ kʼoeˇ tsawˇ haˬ nyiˬ gʼaˬ jawˇ-eu meh. Tiˬ gʼaˬ-aˬ, smˇ muiˬ smˇ baw pyeuꞈ-awˇ, yawˬ gʼaˬ yawˬ-aˬ, iˇ shaˬ iˇ taw pyeuꞈ-eu meh.

2 Saˬmeuˬlaˆ 12:25

Aˬ li heu li-ahˇ Yeˬdiˇdiˬ lehˇ myahˇ nehˬ-awˬ lehˇ, Miˬyehˇ gʼaˇ duˬ ngehˬ dah-eu Naˬdaˬ-ahˇ Sahˬpaˬ Miˬyehˇ dawˬ biꞈ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Sahˬpaˬ Miˬyehˇ gaˬ-eu meh.

1 Sahˬpaˬ 1:8

Ehˇ kʼawꞈ, piˇ ma Zaˬdoˆ, Yeˬhawˇyaˬdaˬ-euˬ aˬ li Baˬnaˇyaˬ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Shiˇmiˇ, Yeˬiˇ aˬ ha maꞈ hawˇ-eu, Daˬbiˇ-ahˇ loꞈ piˇ-eu deuˬ-aˬ, Aˬdawˇniˇyaˆ jawˇ paw maˬ pyawˬ-a.

1 Sahˬpaˬ 11:26

Sawˇlaˬmoˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Yeˬyawˇbamˬ kʼawꞈ, Sawˇlaˬmoˬ-ahˇ puiˬ-euˬ meh. Yeˬyawˇbamˬ-aˬ, Eˇpaˬleˬ miˇ kʼahˬ Zeˬleˬdaˬ meuˬ-ahˇ jawˇ-eu Neˬbaˇ-euˬ aˬ li meh. Aˬ yawꞈ-euˬ aˬ ma-aˬ, Zeˬluˇyaˆ lehˇ myahˇ-euˬ miˬ coeˬ miˬ ma tiˬ gʼaˬ meh.

1 Sahˬpaˬ 11:29

Tiˬ nah keuˆ laˇ ngeh, Yeˬluˇsaˬlehˬ meuˬ-ahˇ neh Yeˬyawˇbamˬ doˆ le ngeh, Shiˇloˬ meuˬ-ahˇ neh laˇ luꞈ-eu Miˬyehˇ gʼaˇ duˬ ngehˬ dah-eu Aˬhiˇyaˬ-ahˇ, gaˇ pehˇ tahˬ puˬ-euˬ meh.

1 Sahˬpaˬ 14:2

Kʼoeˇ ngeh, Yeˬyawˇbamˬ aˬ yawꞈ-euˬ miˬ zaˬ-ahˇ heu loꞈ-ehˇ ehˇ nehˬ-euˬ meh. “Nawˬ-ahˇ aˬ cawˬ maˬ haw siˬ nya ni mehˬ tsoeˬ dm paˇ-awˇ, ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ tehꞈ-a lehˇ ehˇ-euˬ gʼaˬ pyeuꞈ-eu Miˬyehˇ gʼaˇ duˬ ngehˬ dah-eu Aˬhiˇyaˬ jawˇ-eu Shiˇloˬ meuˬ-ahˇ iˇ-awˬ.

1 Laˬsaˬbaˬ 29:29

Sahˬ paˬ Daˬbiˇ yaw dehꞈ dehꞈ yaꞈ-euˬ gaˇ kawˆ, aˇ dahˬ beh gaˇ neh aˇ saˬ saˬ gaˇ keuˆ ni, Miˬyehˇ gʼaˇ duˬ ngehˬ dah-eu deuˬ pyeuꞈ-eu Saˬmeuˬlaˆ, Naˬdaˬ, Gaˆ aˬ ha smˇ gʼaˬ-euˬ sahˬ boꞈ deuˬ laꞈ kʼoeˇ boꞈ ahˇ taˬ-euˬ meh.

2 Laˬsaˬbaˬ 10:2

Sahˬ paˬ Sawˇlaˬmoˬ-euˬ laꞈ-ahˇ neh ya buˬ-iˇ ni Iˇjiˇtuˆ miˇ kʼahˬ-ahˇ cehˆ jawˇ-iˇ-euˬ Neˬbaˇ-euˬ aˬ li Yeˬyawˇbamˬ gʼaˬ gaˇ kawˆ kʼoeˇ ya gaˬ ngeh, Iˇjiˇtuˆ miˇ kʼahˬ-ahˇ neh gʼoꞈ daˆ laˇ-euˬ meh.

2 Laˬsaˬbaˬ 12:15

Leˬhawˇbamˬ neh mˇ-euˬ gaˇ deuˬ aˇ dahˬ beh gaˇ neh aˇ saˬ saˬ gaˇ keuˆ ni maˬ ehˇ, aˬ yawꞈ-euˬ miˬ sawˇ zaˬ deuˬ gaˇ kawˆ maˬ ehˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Sheˬmaˇyaˬ-euˬ Laˬsaˬbaˬ sahˬ boꞈ hawˇ-eu, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇdoˬ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh. Leˬhawˇbamˬ hawˇ-eu Yeˬyawˇbamˬ aˬ nyaꞈ-aˬ, aˬ myah luꞈ tiˬ gʼaˬ tiˇ gʼaˬ guiˇ deuˆ deuˆ-ehˇ jawˇ-euˬ meh.

2 Laˬsaˬbaˬ 13:22

Aˬbiˇyaˬ aˬ joˆ-ehˇ ngehˬ-awˇ tmˇ-awˇ, aˬ jeˬ mˇ yaꞈ shaˇ yaꞈ-euˬ gaˇ kawˆ kʼaˇ dzeˇ-eu deuˬ-ahˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇdoˬ-euˬ Laˬsaˬbaˬ sahˬ boꞈ laꞈ kʼoeˇ boꞈ taˬ-euˬ meh.