2 Laˬsaˬbaˬ 9:23 - Akha

²³ Miˬyehˇ neh aˬ yawꞈ-ahˇ biꞈ taˬ-euˬ yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ-ahˇ, sahˬ paˬ kʼoeˇ deuˬ gaˬ mawꞈ-eu miˇ neh, aˬ yawꞈ jawˇ gaˇ laˇ-awˇ naˇ haˬ laˇ-euˬ meh.

2 Laˬsaˬbaˬ 9:23 ပူးပေါင်းရင်းမြစ်များ

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

1 Sahˬpaˬ 4:34

Sawˇlaˬmoˬ zaˬ siˬ tsawˇ gahˇ ahˇ dui dui-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ ya gaˬ jiˇ-euˬ miˇ neh, tsawˇ haˬ pyehˬ gʼeh-awˇ, Sawˇlaˬmoˬ-euˬ dawˬ-ahˇ bi naˇ haˬ geuꞈ-iˇ-euˬ meh.

2 Laˬsaˬbaˬ 9:22

Sahˬ paˬ Sawˇlaˬmoˬ-aˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ dawˬ tawˆ luꞈ naˆ maˬ tseˇ smˇ muiˬ muiˬ dui dui-awˇ, zaˬ siˬ tsawˇ gahˇ ahˇ dzehˬ-eu meh.

2 Laˬsaˬbaˬ 9:24

Aˬ yawꞈ maꞈ yawˬ gʼaˬ na luꞈ, shuiˇ hawˇ-eu pyuˇ myawˬ guˇ, pehˇ kʼahˬ pehˇ mahˇ, guiˇ deuˆ-eu keu ka, tsiˇ yaw saw, dzaˇ muiˇ dzaˇ sawˇ, mahˬ hawˇ-eu mahˬ shaˆ lawˬ, heu loꞈ-ehˇ gʼeh-eu laꞈ sawˬ deuˬ Sawˇlaˬmoˬ jawˇ gaˇ yuˇ laꞈ nehˬ-eu meh. Aˬ yawꞈ kʼoꞈ yawꞈ, kʼoeˇ loꞈ-ehˇ laꞈ sawˬ biꞈ ha laˇ-eu meh.

Dawqdaq 2:6

Sahˬpaˬ Miˬyehˇ-aˬ, zaˬ siˬ tsawˇ gahˇ biꞈ-eu gʼaˬ meh. Tsawˇ gahˇ hawˇ-eu noeˬ siˬ noeˬ mawˇ nya-eu jeˬ, aˬ yawꞈ-euˬ kʼaˬ meh-ahˇ neh doˆ le-euˬ meh.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

Iˇsaˬyaˇ 11:2

Sahˬpaˬ Miˬyehˇ-euˬ Yaw sahˇ pyeuꞈ-eu, zaˬ siˬ nui gahˇ hawˇ-eu noeˬ siˬ noeˬ mawˇ nya-eu jeˬ biꞈ-eu yaw sahˇ, nui noeˬ nui duˇ hawˇ-eu baoˬ biꞈ-eu yaw sahˇ, tsawˇ gahˇ hawˇ-eu Sahˬpaˬ Miˬyehˇ-ahˇ guˆ-eu nui ma biꞈ-eu yaw sahˇ, aˬ yawꞈ kʼoeˇ taˆ keuˆ le tehꞈ-a.

Daˬyeˬlaˇ 1:17

Sahˬ boꞈ hawˇ-eu shaˇ noeˬ-eu tsawˇ gahˇ paw nya-iˇ ni, zaˬ guˬ kʼoeˇ oeˬ gʼaˬ-ahˇ Miˬyehˇ zaˬ siˬ nui gahˇ biꞈ-euˬ meh. Kʼoeˇ uˬ taꞈ, yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu yuꞈ maˆ maˆ mawˇ-euˬ jeˬ-ahˇ dawˬ tsuiꞈ yuˇ doˆ nya-eu tsawˇ gahˇ, Daˬyeˬlaˇ-ahˇ Miˬyehˇ biꞈ-euˬ meh.

Daˬyeˬlaˇ 5:11

Nawˬ-euˬ miˇ kʼahˬ laꞈ kʼoeˇ muiˬ-eu shawˇ-eu Miˬyehˇ-euˬ yaw sahˇ ahˇ-eu tsawˇ haˬ tiˬ gʼaˬ jawˇ meh. Nawˬ da dzoeˬ dzaˬ ngeh, tsawˇ haˬ kʼoeˇ gʼaˬ zaˬ siˬ tsawˇ gahˇ ahˇ dui dui-awˇ, Miˬyehˇ tiˬ gʼaˬ loꞈ-ehˇ siˬ nya mawˇ nya gaˇ ya mawˇ-euˬ meh. Nawˬ da sahˬ paˬ Neˬbuˬkaˬneˬzaˬ neh aˬ yawꞈ-ahˇ, nyiˇ paˬ shaˆ ma hawˇ-eu mah loˬ ja maw dawˬ tawˆ luꞈ kʼoeˇ taˆ huiˬ dzehˬ-eu gʼaˬ bi geuꞈ-euˬ meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

1 Gawˇliˬtu 12:8

Tiˬ gʼaˬ-ahˇ yaw muiˬ yaw doeˇ tseˇ paˆ geuꞈ-eu nui gahˇ ahˇ-eu dawˬ mehˬ nya-eu jeˬ biꞈ-awˇ, tiˬ gʼaˬ-ahˇ zaˬ siˬ tsawˇ gahˇ ahˇ-eu dawˬ mehˬ nya-eu jeˬ biꞈ taˬ-euˬ meh. Kʼoeˇ nyiˬ jeˬ luꞈ-ahˇ Yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

Eˇpeˇsu 1:17

Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

Yaˬkoˆ 3:17

Ehˇ kʼawꞈ, mˬ-ahˇ neh doˆ le-euˬ zaˬ siˬ tsawˇ gahˇ gaˇ kawˆ ya ehˇ naˇ, yaw beh tiˬ jeˬ-aˬ, muiˬ-eu shawˇ-eu jeˬ meh. Kʼoeˇ jiˇ naˇ, tsaˬ leˇ dzoeˇ leˇ-eu, nui nahˬ nui yu ahˇ-eu, bya cehˆ ni cawˬ cawˬ taꞈ-eu heu deuˬ meh. Gʼawˬ shaˬ gaˬ-eu nui ma tiˬ byah ni ahˇ-awˇ, yaw muiˬ jeˬ mˇ doˆ shaˇ doˆ laꞈ-eu meh. Myaˆ pyawˬ huiˬ nyiˇ maˬ tseˇ-eu uˬ taꞈ, nui ma laꞈ gʼoꞈ maˬ baw-a.