2 Laˬsaˬbaˬ 9:10 - Akha

¹⁰ Awˇpiˇlaˆ miˇ kʼahˬ-ahˇ neh shuiˇ tawˬ kʼoꞈ laꞈ-euˬ sahˬ paˬ Hiˇlamˬ hawˇ-eu sahˬ paˬ Sawˇlaˬmoˬ-euˬ tsawˇ haˬ kʼoeˇ deuˬ, aˬ laˬ guˬ lehˇ kuˇ-eu shuˬ liˇ daˇ kawˬ tiˬ jeˬ hawˇ-eu aˇ poeˬ kʼaˆ-eu kʼaˬ lo sehˇ deuˬ kʼawꞈ tawˬ kʼoꞈ laꞈ-euˬ meh.

2 Laˬsaˬbaˬ 9:10 ပူးပေါင်းရင်းမြစ်များ

1 Sahˬpaˬ 10:11

(Awˇpiˇlaˆ miˇ kʼahˬ-ahˇ neh shuiˇ tawˬ kʼoꞈ laꞈ-euˬ Hiˇlamˬ-euˬ saˇ baoˬ aˇ maꞈ kʼoeˇ maꞈ-aˬ, Aˬlaˬgmˬ lehˇ kuˇ-eu miˬ shuˬ daˇ kawˬ tiˬ jeˬ hawˇ-eu, aˇ poeˬ kʼaˆ-eu kʼaˬ lo sehˇ deuˬ gʼawˬ mya ni tawˬ kʼoꞈ laꞈ-euˬ meh.

1 Sahˬpaˬ 10:22

Hiˇlamˬ-euˬ saˇ baoˬ aˇ maꞈ nehˬ-ehˇ iˇ luꞈ laˇ luꞈ-eu, iˬ ma laˆ shaˆ-ahˇ cah-eu saˇ baoˬ aˇ maꞈ tiˬ maꞈ aˬ yawꞈ jaˆ-eu meh. Aˬ yawꞈ-euˬ saˇ baoˬ kʼoeˇ maꞈ-aˬ, smˇ kʼoꞈ tiˬ poˆ gʼoꞈ doˆ laˇ-awˇ, shuiˇ deuˬ, pyuˇ deuˬ, ya ma juiˇ deuˬ hawˇ-eu, aˇ myoꞈ deuˬ tawˬ kʼoꞈ laꞈ-eu meh.

2 Laˬsaˬbaˬ 2:8

Daˇ kawˬ deuˆ-eu nawˬ-euˬ tsawˇ haˬ deuˬ nya dui dui-eu gaˇ kawˆ ngaˇ siˬ nya ma. Kʼoeˇ miˇ neh, Leˬbaˬnoˬ gawˬ jawˬ-ahˇ jaˆ-eu, shuˬ liˇ, miˬ shuˬ hawˇ-eu, aˬ laˬ gmˬ miˬ shuˬ diˬ tm deuˬ ngaˇ jawˇ gaˇ bi sha laꞈ-awˬ. Nawˬ-euˬ tsawˇ haˬ kʼoeˇ deuˬ-ahˇ bi caw ba-eu gʼaˇ duˬ, ngaˬ-euˬ tsawˇ haˬ deuˬ pyehˬ gʼeh laꞈ-eu lehˇ ngaˇ lehˬ hmˬ taˬ-euˬ ma.

2 Laˬsaˬbaˬ 8:18

Sahˬ paˬ Hiˇlamˬ-aˬ, iˬ ma laˆ shaˆ laꞈ kʼoeˇ iˇ haw laˇ haw-euˬ saˇ baoˬ kʼoeˇ taˆ gaˇ mˇ-eu aˬ yawꞈ-eu tsawˇ haˬ deuˬ hawˇ-eu, aˬ yawꞈ-euˬ yaw huiˬ yaw mahˇ deuˬ-ahˇ, saˇ baoˬ dziˬ-awˇ sahˬ paˬ Sawˇlaˬmoˬ jawˇ gaˇ bi oe-euˬ meh. Aˬ yawꞈ maꞈ-aˬ, Sawˇlaˬmoˬ-euˬ gaˇ mˇ-eu yaw huiˬ yaw mahˇ deuˬ nehˬ-ehˇ Awˇpiˇlaˆ miˇ kʼahˬ-ahˇ saˇ baoˬ dziˬ-awˇ iˇ-awˇ, Sawˇlaˬmoˬ gʼaˇ duˬ shuiˇ gʼoeˬ heˇ ngaˬ yaˇ jawꞈ-i dzehˬ ni tawˬ kʼoꞈ laꞈ-euˬ meh.

2 Laˬsaˬbaˬ 9:11

Sahˬ paˬ Sawˇlaˬmoˬ-aˬ, daˇ kawˬ kʼoeˇ deuˬ-ahˇ, Uˬ duˬ tahˬ nymˇ nymˇ ma hawˇ-eu aˬ yawꞈ jawˇ-eu sahˬ paˬ-euˬ hawˇ nymˇ ahˇ dawˬ dzm tsoꞈ gaˇ maˬ ehˇ, caˇ dawˬ caˇ-eu tsawˇ haˬ deuˬ zmˬ-eu gʼaˇ duˬ, deuˇ-mˬ deuˬ jahˇ gaˇ maˬ ehˇ, geuꞈ-euˬ meh.

2 Laˬsaˬbaˬ 9:9

Aˬ yawꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ nyiˬ heˇ oeˬ yaˇ jawꞈ-i dzehˬ ni maˬ ehˇ, dzaˇ muiˇ dzaˇ sawˇ deuˬ, tsiˇ yaw saw jeˬ hawˇ-eu aˇ poeˬ kʼaˆ-eu kʼaˬ lo sehˇ deuˬ maˬ ehˇ, sahˬ paˬ Sawˇlaˬmoˬ-ahˇ aˬ yawꞈ biꞈ-euˬ meh. Sheˬba sahˬ paˬ ma neh sahˬ paˬ Sawˇlaˬmoˬ-ahˇ biꞈ-euˬ loꞈ-ehˇ muiˬ-euˬ dzaˇ muiˇ dzaˇ sawˇ hawˇ-eu tsiˇ yaw saw jeˬ miˇ tsaˬ kʼoeˇ taˆ tiˬ gaˇ-iˬ maˬ jaˆ-a.

Dawqdaq 31:14

Baw gaꞈ saˇ baoˬ loꞈ-ehˇ, gaˇ mahˇ-ahˇ jaˆ-eu dzaˬ dzaˬ dawˇ dawˇ iˇ kahˇ-ahˇ sha ahˇ-eu meh.