2 Laˬsaˬbaˬ 7:8 - Akha

⁸ Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, shiꞈ nah keuˆ ni Sehˬ gʼawˆ-euˬ Bawˬ-iˬ gʼeh-euˬ meh. Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ keuˆ ni jawˇ-eu tsawˇ haˬ deuˬ hawˇ-eu, laꞈ oˆ paw Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni jawˇ-eu tsawˇ haˬ deuˬ uiˬ laˇ taˬ-awˇ, tsawˇ haˬ aˇ maꞈ myaˬ dui dui-eu meh.

2 Laˬsaˬbaˬ 7:8 ပူးပေါင်းရင်းမြစ်များ

Aˇ dahˬ 15:18

Kʼoeˇ ngeh, jawˇ duˬ kʼoeˇ tsahˇ-ahˇ Aˬbyaˬ nehˬ-ehˇ Sahˬpaˬ Miˬyehˇ dawˬ ma saˇ jaˇ dzaˬ taꞈ-euˬ meh. Sahˬpaˬ Miˬyehˇ ehˇ-eu, “Iˇjiˇtuˆ miˇ kʼahˬ-euˬ miˇ kaˬ-ahˇ neh Uˇpaˬlaˇ lawˇ baˬ-ahˇ keuˆ ni jaˆ-eu miˇ kʼahˬ kʼahˬ ma kʼoeˇ kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ ma lehˇ ngaˇ saˇ jaˇ dzaˬ-eu ma.

1 Sahˬpaˬ 8:2

Ba la shiꞈ siˬ tiˬ siˬ pyeuꞈ-eu Eˇdaˬneˬ ba la Sehˬ gʼawˆ-euˬ Bawˬ-iˬ gʼeh ngeh yamˬ-ahˇ, Iˇsaˬleˬlaˆ tsawˇ jeuˬ tsawˇ ca-euˬ aˬ yuiꞈ aˬ tsu dawˬ tawˆ luꞈ, sahˬ paˬ Sawˇlaˬmoˬ jawˇ gaˇ uiˬ leˇ-euˬ meh.

1 Sahˬpaˬ 8:65

Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma-ahˇ shiꞈ nah keuˆ ni Sehˬ gʼawˆ-euˬ Bawˬ-iˬ gʼeh-euˬ meh. Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ keuˆ ni jawˇ-eu tsawˇ haˬ deuˬ hawˇ-eu, laꞈ oˆ paw Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni jawˇ-eu tsawˇ haˬ deuˬ uiˬ leˇ-awˇ, tsawˇ haˬ aˇ maꞈ myaˬ dui dui-euˬ meh.

2 Laˬsaˬbaˬ 30:13

Dehˬ tseˬ maˬ ahˇ-eu kaˬ muˇ dzaˬ-eu bawˬ-iˬ gʼeh-eu gʼaˇ duˬ, ba la nyiˬ siˬ tiˬ siˬ-ahˇ, Yeˬluˇsaˬlehˬ meuˬ laꞈ kʼoeˇ tsawˇ haˬ gʼawˬ mya ni uiˬ laˇ-euˬ meh.

2 Laˬsaˬbaˬ 30:26

Yeˬluˇsaˬlehˬ meuˬ meuˬ lah ni laˬ kʼaˬ cehˇ dui dui-eu meh. Aˬ jeˬ miˇ neh ehˇ naˇ, Daˬbiˇ-euˬ aˬ li sahˬ paˬ Sawˇlaˬmoˬ uˆ lahˇ ngeh neh naˇ, iˬ nah keuˆ ni heu loꞈ-ehˇ gʼeh-eu jeˬ tiˬ poˆ-iˬ maˬ jahˇ pyeuꞈ haw-euˬ miˇ neh meh.

2 Laˬsaˬbaˬ 5:3

Ba la shiꞈ siˬ tiˬ siˬ pyeuꞈ-eu Eˇdaˬneˬ ba la, Sehˬ gʼawˆ-euˬ Bawˬ-iˬ gʼeh ngeh yamˬ-ahˇ, aˬ yawꞈ maꞈ dawˬ tawˆ luꞈ kʼoeˇ gaˇ laˇ uiˬ-euˬ meh.

Yeˬsaˬgeˬlaˇ 45:25

“Ba la shiꞈ siˬ tiˬ siˬ tseˇ ngaˬ nah-ahˇ neh dahˬ beh-awˇ, shiꞈ nah keuˆ ni ya gʼeh-eu sehˬ gʼawˆ-euˬ bawˬ-iˬ gʼeh ngeh kʼawꞈ, iˬ baˇ shawˇ-eu lawˇ-eu jeˬ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ hawˇ-eu, saˬ loˬ tsiˇ deuˬ, Baˬsaˬkaˬ bawˬ-iˬ gʼeh ngeh kʼaˇ lawˇ-euˬ myaˆ ni, dzoeˬ dzaˬ-eu sahˬ paˬ zaˬ yo gʼaˬ ya lawˇ meh.”

Yeˬsaˬgeˬlaˇ 47:20

“Nahˇ ma ga kʼehˬ paw pyawˬ miˇ kaˬ-aˬ, Gʼahˇ ceh-euˬ iˬ ma laˆ shaˆ pyeuꞈ-awˇ, laꞈ taˆ paw Haˬmaˆ gʼaˬ lahˇ jaˆ gaˇ keuˆ ni meh.

Aˬmoˆ 6:14

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ aˬ yawꞈ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-oˇ, naw maꞈ miˇ kʼahˬ-ahˇ bi deuˆ gʼaˬ-eu gʼaˇ duˬ aˬ cawˬ miˇ kʼahˬ-euˬ guiˇ maꞈ tiˬ maꞈ ngaˇ pyehˬ gʼeh leꞈ ma. Laꞈ taˆ paw Haˬmaˆ gʼaˬ lahˇ-ahˇ neh laꞈ oˆ paw Aˬlaˬbahˬ deh kʼawꞈ-ahˇ doˆ ni, guiˇ maꞈ kʼoeˇ maꞈ naw maꞈ kʼoeˇ taˆ uˆ lahˇ tehꞈ-a.”

Yoˇhaˬ 7:2

Sehˬ gʼawˆ-euˬ Bawˬ-iˬ gʼeh-eu aˇ yamˬ peh laˇ-euˬ meh.