2 Laˬsaˬbaˬ 7:14 - Akha

¹⁴ aˬ yawꞈ maꞈ ngaˬ-ahˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ neh mˇ-euˬ yaw haiˬ jeˬ-ahˇ noeˬ poˆ-awˇ byehˇ dzeh naˇ, aˬ yawꞈ maꞈ-euˬ shaˇ dawˬ-ahˇ mˬ kʼoeˇ taˆ ngaˇ naˇ haˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ-euˬ miˇ kʼahˬ paˇ bi baw paˇ bi za le ma.

2 Laˬsaˬbaˬ 7:14 ပူးပေါင်းရင်းမြစ်များ

2 Laˬsaˬbaˬ 20:3

Yeˬhawˇshaˬpaˇ guˆ dui dui-awˇ, Sahˬpaˬ Miˬyehˇ neh bi ngehˬ gʼeh-eu gʼaˇ duˬ guiˬ lahˬ shaˇ-euˬ meh. Yuˇdaˆ miˇ kʼahˬ kʼahˬ lah ni maˬ dzaˬ-eu zahˇ jahˇ-eu gʼaˇ duˬ, aˬ yawꞈ dawˬ biꞈ gʼeh-euˬ meh.

2 Laˬsaˬbaˬ 20:4

Yuˇdaˆ miˇ kʼahˬ meuˬ yawˬ meuˬ na luꞈ-ahˇ jawˇ-eu tsawˇ haˬ deuˬ, Sahˬpaˬ Miˬyehˇ-ahˇ tahˬ shaˇ leˇ-eu gʼaˇ duˬ Yeˬluˇsaˬlehˬ meuˬ-ahˇ yaw kawˇ-ehˇ le-euˬ meh.

2 Laˬsaˬbaˬ 6:27

Sahˬpaˬ Miˬyehˇ nawˇ mˬ kʼoeˇ taˆ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu laꞈ kʼoeˇ, nawˬ-euˬ zaˬ kʼaˆ pyeuꞈ-eu Iˇsaˬleˬlaˆ tsawˇ haˬ deuˬ-ahˇ iˬ baˇ pyehˬ nehˬ-awˇ, aˬ yawꞈ maꞈ yaw tsaˬ yaw dawˇ jeˬ mˇ ni mehˬ nehˬ tsoˆ nehˬ-awˬ. Sahˬpaˬ Miˬyehˇ-oˇ, kʼoeˇ ngeh jawˇ, nawˬ-euˬ tsawˇ jeuˬ-ahˇ nawˬ neh biꞈ tsehˆ tsehˆ nehˬ-euˬ nawˬ-euˬ miˇ kʼahˬ heu kʼahˬ kʼoeˇ taˆ uˬ yehˇ bi yehˇ le-awˬ.

2 Laˬsaˬbaˬ 6:30

aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Mˬ kʼoeˇ taˆ jaˆ-eu nawˬ-euˬ nymˇ-ahˇ jawˇ-awˇ, aˬ yawꞈ maꞈ-euˬ shaˇ dawˬ-ahˇ naˇ haˬ-eu laꞈ kʼoeˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Nawˇ tiˬ gʼaˬ tehꞈ-ehˇ tsawˇ haˬ zaˬ aˬ joˆ-ehˇ noeˬ luꞈ-eu gaˇ kawˆ siˬ nya-eu meh. Nga maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ nehˬ-euˬ miˇ kʼahˬ laꞈ kʼoeˇ, nawˬ-euˬ tsawˇ haˬ deuˬ kʼaˇ jawˇ kʼoeˇ keuˆ ni, nawˬ-ahˇ yaw zeu baw-awˇ nawˬ-euˬ ehˇ dawˬ-ahˇ aˬ myah luꞈ naˇ haˬ geuꞈ nya ni, tsawˇ haˬ yawˬ gʼaˬ na luꞈ-ahˇ yawˬ ha neh kʼaˇ mˇ-euˬ loꞈ-ehˇ daˇ nehˬ-awˬ.

2 Laˬsaˬbaˬ 6:33

aˬ yawꞈ-euˬ shaˇ dawˬ-ahˇ naˇ haˬ nehˬ-awˬ. Nawˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ nawˬ-ahˇ siˬ nya-awˇ nawˬ-euˬ ehˇ dawˬ naˇ haˬ geuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼawꞈ, nawˬ-ahˇ siˬ nya-awˇ nawˬ-euˬ ehˇ dawˬ naˇ haˬ geuꞈ ni, Mˬ kʼoeˇ taˆ jawˇ-awˇ aˬ yawꞈ-euˬ shaˇ dawˬ-ahˇ naˇ haˬ nehˬ-eu laꞈ kʼoeˇ, aˬ yawꞈ kʼaˇ shaˇ-eu jeˬ ngehˬ gʼeh nehˬ-awˬ. Kʼoeˇ ngeh, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ-aˬ, nawˬ-ahˇ uˬ duˬ tahˬ-eu jawˇ duˬ pyeuꞈ-eu gaˇ kawˆ aˬ yawꞈ maꞈ siˬ nya tehꞈ-a.

Jaceuq 27:8

Ngaˬ-euˬmyaˆpyawˬ-ahˇ poˆ-awˬlehˇ, nawˇngaˬ-ahˇehˇnehˬlaꞈngeh jawˇ, nawˬ-euˬmyaˆpyawˬngaˇpoˆma lehˇ, nui ma laꞈkʼoeˇngaˇehˇ-euˬma.

Jaceuq 60:2

Miˇ kʼahˬ luˆ laˇ nyeh laˇ ni nawˇ jahˇ-awˇ, miˇ tsaˬ bi tsawˬ paˆ jiˇ-euˬ meh. Miˇ kʼahˬ byaˆ-iˇ luꞈ-eu miˇ neh, nymˬ-mˇ paˇ laˆ muiˬ kʼoꞈ-awˬ.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

Iˇsaˬyaˇ 59:20

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-ahˇ ngehˬ gʼeh-eu gʼaˇ duˬ hawˇ-eu, iˬ baˇ kʼaˇ noeˬ poˆ-eu tsawˇ haˬ dawˬ tawˆ luꞈ-ahˇ, ka kʼoꞈ-eu gʼaˇ duˬ ngaˇ oe ma.

Iˇsaˬyaˇ 63:19

Nawˇ nga maꞈ-ahˇ maˬ uˆ lahˇ haw-euˬ loꞈ-ehˇ, nga maꞈ nawˬ-euˬ tsawˇ haˬ maˬ pyeuꞈ haw-euˬ loꞈ-ehˇ, nawˬ neh nga maꞈ-ahˇ jahˇ nehˬ laꞈ-euˬ meh.

Yeˬlaˬmiˇ 14:9

Aˬ cawˬ neh ja pyuˬ ni bi nyehꞈ mi-euˬ tsawˇ haˬ hawˇ-eu ngehˬ maˬ gʼeh nehˬ nya-ehˇ pyeuꞈ-iˇ-euˬ yehˇ loꞈ-ehˇ, aˬ joˆ-ehˇ gʼeh laꞈ te. Sahˬpaˬ Miˬyehˇ nawˇ nga maꞈ nehˬ-ehˇ aˬ diˇ jawˇ luꞈ meh. Nga maꞈ nawˬ-euˬ tsawˇ haˬ pyeuꞈ luꞈ-eu ma. Nga maꞈ-ahˇ taˬ byehˇ dzeh nehˬ laꞈ.”

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yeˬlaˬmiˇ 50:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ yamˬ kʼoeˇ yamˬ keuˆ le ngeh, Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ, aˬ yawꞈ maꞈ-euˬ Miˬyehˇ pyeuꞈ-eu ngaˬ-ahˇ poˆ laˇ tehꞈ-a.

Yeˬlaˬmiˇ 51:9

Kʼoeˇ gaˇ jawˇ-eu aˬ cawˬ tsawˇ jeuˬ deuˬ ehˇ-eu, Baˬbuˇloˬ miˇ kʼahˬ-ahˇ caw ba-eu lehˇ nga maꞈ leh jeh haw-euˬ ma. Ehˇ kʼawꞈ, jeˬ nahˬ ga-iˇ miˇ-a. Miˇ kʼahˬ heu kʼahˬ-ahˇ byehˇ dzeh-awˇ, aˬ dui-euˬ miˇ kʼahˬ-ahˇ gʼoꞈ-iˇ kaˇ-euˇ. Miˬyehˇ gʼaˬ kʼaˇ ahˇ-eu yuˇ doˆ-awˇ, Baˬbuˇloˬ miˇ kʼahˬ-ahˇ nui kʼahˇ tiˬ shiˇ laˆ cawˆ nehˬ-euˬ nga.’ ”

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Yeˬsaˬgeˬlaˇ 33:12

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ nymˬ-mˇ heu loꞈ-ehˇ ehˇ nehˬ-awˬ. Tsawˇ muiˬ tiˬ gʼaˬ iˬ baˇ mˇ laˇ naˇ, aˬ yawꞈ neh mˇ-euˬ yaw muiˬ jeˬ aˬ yawꞈ-ahˇ maˬ paˇ ka kʼoꞈ nya meh. Haiˬ-eu tsawˇ haˬ tiˬ gʼaˬ yaw haiˬ jeˬ maˬ mˇ ni byehˇ naˇ, kʼehˬ-eu kʼaˆ-eu jeˬ-ahˇ maˬ ya daˬ-a. Ehˇ kʼawꞈ, tsawˇ muiˬ tiˬ gʼaˬ iˬ baˇ mˇ dahˬ beh laˇ naˇ, maˇ maˇ ni ya shiˇ tehꞈ-a.

Bawˇtsahˬ 6:27

Kʼoeˇ naˇ, Sahˬpaˬ Miˬyehˇ ehˇ-eu, “Ngaˬ-eu tsawˇ myahˇ kuˇ-awˇ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ naˇ, ngaˇ guiˬ lahˬ biꞈ ma.”

Gʼaˬkʼehˇ 9:11

Sahˬpaˬ Yeˬsuˇ ehˇ-eu, “Lehˬ hmˬ-awˇ, Gaˇdawˇ lehˇ kuˇ-eu gaˇ ma kʼoeˇ kahˇ-ahˇ iˇ-awˇ, Yuˇdaˆ-euˬ nymˇ-ahˇ Daˬsuˆ meuˬ-ahˇ jawˇ-eu Sawˇluˆ lehˇ myahˇ-euˬ tsawˇ haˬ tiˬ gʼaˬ maˬ jawˇ nga loˇ lehˇ haw-iˇ-awˬ. Aˬ yawꞈ guiˬ lahˬ shaˇ shaˇ-ehˇ jawˇ meh.

Dawˬmehˬ 28:10

Kʼoeˇ ngeh, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ taˬ-euˬ gaˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya mawˇ-awˇ, aˬ yawꞈ maꞈ nawˬ-ahˇ guˆ tehꞈ-a.