2 Laˬsaˬbaˬ 7:10 - Akha

¹⁰ Aˇ saˬ saˬ-eu bawˬ-iˬ gʼeh gʼaˬ-awˇ yawˬ nah yawˬ-aˬ , ba la shiꞈ siˬ tiˬ siˬ nyiˬ tseˇ smˬ nah tiˬ nah meh. Kʼoeˇ ngeh nah-ahˇ, Sawˇlaˬmoˬ Iˇsaˬleˬlaˆ tsawˇ haˬ deuˬ-ahˇ bi gʼoꞈ-iˇ-euˬ meh. Sahˬpaˬ Miˬyehˇ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ jeuˬ-ahˇ maˬ ehˇ, Daˬbiˇ-ahˇ maˬ ehˇ, Sawˇlaˬmoˬ-ahˇ maˬ ehˇ, aˬ yawꞈ neh biꞈ-euˬ guiˬ lahˬ yaw dzahˇ deuˬ baˬ da neh aˬ yawꞈ maꞈ laˬ kʼaˬ cehˇ dui dui-euˬ meh.

2 Laˬsaˬbaˬ 7:10 ပူးပေါင်းရင်းမြစ်များ

1 Sahˬpaˬ 8:66

Yehꞈ nah tiˬ nah keuˆ laˇ ngeh, tsawˇ haˬ kʼoeˇ deuˬ-ahˇ Sawˇlaˬmoˬ bi gʼoꞈ-iˇ-euˬ meh. Sahˬpaˬ Miˬyehˇ-euˬ zaˬ kʼaˆ Daˬbiˇ hawˇ-eu aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ guiˬ lahˬ yaw dzahˇ deuˬ baˬ da neh, sahˬ paˬ Sawˇlaˬmoˬ-ahˇ aˬ yawꞈ maꞈ ja ceuˬ-euˬ meh.

2 Laˬsaˬbaˬ 29:36

Gaˇ heu deuˬ yaw kawˇ-ehˇ mˇ pyeuꞈ nya ni Miˬyehˇ aˬ yawꞈ maꞈ-ahˇ caw ba-euˬ miˇ neh, sahˬ paˬ Heˬsaˬgiˇ hawˇ-eu miˇ kʼahˬ zaˬ deuˬ laˬ kʼaˬ cehˇ dui dui-euˬ meh.

2 Laˬsaˬbaˬ 30:26

Yeˬluˇsaˬlehˬ meuˬ meuˬ lah ni laˬ kʼaˬ cehˇ dui dui-eu meh. Aˬ jeˬ miˇ neh ehˇ naˇ, Daˬbiˇ-euˬ aˬ li sahˬ paˬ Sawˇlaˬmoˬ uˆ lahˇ ngeh neh naˇ, iˬ nah keuˆ ni heu loꞈ-ehˇ gʼeh-eu jeˬ tiˬ poˆ-iˬ maˬ jahˇ pyeuꞈ haw-euˬ miˇ neh meh.

2 Laˬsaˬbaˬ 6:41

Miˬyehˇ pyeuꞈ-eu Sahˬpaˬ Miˬyehˇ-oˇ, nymˬ-mˇ tuˇ laˇ-awˇ, nawˬ-euˬ baoˬ pyeuꞈ-eu Dawˬ ma saˇ jaˇ Bahˬ keuˆ nehˬ-ehˇ Uˬ duˬ tahˬ nymˇ nymˇ ma laꞈ kʼoeˇ uˇ le-awˇ, mˬ maˬ maˬ byaˆ zaˇ ziˇ jawˇ-awˬ. Piˇ ma deuˬ kʼaˇ mˇ kʼaˇ shaˇ-eu jeˬ-ahˇ nawˇ guiˬ lahˬ biꞈ-awˬ. Nawˬ-euˬ guiˬ lahˬ baˬ da neh, nawˬ-euˬ tsawˇ haˬ dawˬ tawˆ luꞈ laˬ kʼaˬ cehˇ luꞈ-uˇ.

2 Laˬsaˬbaˬ 7:11

Uˬ duˬ tahˬ nymˇ nymˇ ma hawˇ-eu sahˬ paˬ jawˇ-eu hawˇ nymˇ Sawˇlaˬmoˬ tsoˆ gʼaˬ-awˇ, kʼoeˇ gaˇ taꞈ leˇ-eu gaˇ deuˬ aˬ yawˬ neh noeˬ taˬ-euˬ loꞈ-ehˇ yaw muiˬ paˬ-ehˇ mˇ luiˆ shaˇ luiˆ gʼaˬ jiˇ ngeh,

2 Laˬsaˬbaˬ 7:9

Aˬ yawꞈ maꞈ lawˇ duˬ Miˬyehˇ-ahˇ a nehˬ-euˬ shiꞈ nah ga-awˇ, bawˬ-iˬ shiꞈ nah paˇ gʼeh-euˬ meh. Aˇ saˬ saˬ ngeh nah, aˇ saˬ saˬ-eu bawˬ-iˬ gʼeh-euˬ meh.

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Jaceuq 100:2

Sahˬpaˬ Miˬyehˇ-ahˇ laˬ kʼaˬ tiˬ cehˇ uˬ duˬ tahˬ-awˬ. Laˬ kʼaˬ cehˇ-eu caˇ dawˬ caˇ-eu laꞈ kʼoeˇ, aˬ yawꞈ-euˬ mehˬ shi uiˬ laˇ-awˬ.

Jaceuq 105:3

Aˬ dui aˬ yawꞈ-euˬ tsawˇ haˬ ya pyeuꞈ-eu miˇ neh, laˬ kʼaˬ cehˇ dui dui-awˬ. Aˬ yawꞈ-ahˇ uˬ duˬ kʼaˇ tahˬ-eu tsawˇ haˬ deuˬ laˬ kʼaˬ cehˇ-awˬ.

Jaceuq 106:5

Nawˬ-euˬ tsawˇ haˬ deuˬ baw le za le gaˇ ngaˬ-ahˇ bi mawˇ laꞈ-awˇ, nawˬ-euˬ tsawˇ jeuˬ nehˬ-ehˇ laˬ kʼaˬ caw cehˇ-eu laꞈ kʼoeˇ, nawˬ-ahˇ taꞈ-eu tsawˇ haˬ deuˬ loꞈ-ehˇ kʼahˬ sehˇ bi za nehˬ laꞈ.

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Jaceuq 92:4

Sahˬpaˬ Miˬyehˇ-oˇ, nawˬ neh mˇ-euˬ huiˬ-eu gaˇ deuˬ, ngaˬ-ahˇ laˬ kʼaˬ bi cehˇ laꞈ-euˬ meh. Nawˬ neh mˇ-euˬ gaˇ baˬ da neh, ngaˇ laˬ kʼaˬ cehˇ-awˇ caˇ-eu ma.

Doˆ-iˇ 18:1

Moˇseˬ hawˇ-eu Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-eu laꞈ kʼoeˇ, aˬ yawꞈ maꞈ-ahˇ Sahˬpaˬ Miˬyehˇ neh kʼaˇ mˇ nehˬ-euˬ jeˬ dawˬ tawˆ luꞈ gaˇ kawˆ, Miˇdiˬyaˬ tsawˇ haˬ deuˬ-euˬ piˇ ma pyeuꞈ-eu Moˇseˬ-euˬ tsawˇ mawˬ Yeˬdaˬyoˇ ya gaˬ-euˬ meh.

Yeˬsaˬgeˬlaˇ 45:25

“Ba la shiꞈ siˬ tiˬ siˬ tseˇ ngaˬ nah-ahˇ neh dahˬ beh-awˇ, shiꞈ nah keuˆ ni ya gʼeh-eu sehˬ gʼawˆ-euˬ bawˬ-iˬ gʼeh ngeh kʼawꞈ, iˬ baˇ shawˇ-eu lawˇ-eu jeˬ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ hawˇ-eu, saˬ loˬ tsiˇ deuˬ, Baˬsaˬkaˬ bawˬ-iˬ gʼeh ngeh kʼaˇ lawˇ-euˬ myaˆ ni, dzoeˬ dzaˬ-eu sahˬ paˬ zaˬ yo gʼaˬ ya lawˇ meh.”

Gʼaˬkʼehˇ 16:34

Pawˇluˆ hawˇ-eu Siˬlaˆ aˬ nyaꞈ-ahˇ aˬ yawꞈ-euˬ nymˇ laꞈ kʼoeˇ sheuˬ uˇ gʼeh-awˇ, bi dzaˬ bi dawˇ-euˬ meh. Aˬ yawꞈ hawˇ-eu aˬ yawꞈ-euˬ miˬ sawˇ zaˬ deuˬ laˬ kʼaˬ cehˇ dui dui-eu meh. Aˬ jeˬ miˇ neh ehˇ naˇ, Miˬyehˇ-ahˇ jah-eu jeˬ aˬ yawꞈ maꞈ za gʼaˬ-euˬ meh.

Gʼaˬkʼehˇ 2:46

Aˬ yawꞈ nah yawꞈ Uˬ duˬ tahˬ nymˇ nymˇ ma laꞈ kʼoeˇ tahˬ dzoeˇ-awˇ, aˬ yawꞈ maꞈ-euˬ nymˇ laꞈ kʼoeˇ laˬ kʼaˬ cehˇ-awˇ nui gaˬ shaˬ coeˇ byah-eu laꞈ kʼoeˇ dzaˬ taꞈ dawˇ taꞈ-euˬ meh.

Dawˬmehˬ 12:12

Naw maꞈ-euˬ zaˬ deuˬ, naw maꞈ-euˬ zaˬ kʼaˆ deuˬ hawˇ-eu, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ tiˬ kawˆ loꞈ-ehˇ, kʼoeˇ gaˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ. Leˬbiˇ tsawˇ haˬ deuˬ miˇ kʼahˬ maˬ baw-eu gaˇ noeˬ keuˆ-awˬ.

Dawˬmehˬ 12:18

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh tseˇ doˆ-euˬ uˬ duˬ tahˬ-eu jawˇ duˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi tehꞈ-ehˇ, naw maꞈ-euˬ zaˬ kʼaˆ deuˬ hawˇ-eu naw maꞈ-euˬ meuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ, naw maꞈ hawˇ-eu naw maꞈ-euˬ zaˬ deuˬ lawˇ dzaˇ kʼoeˇ deuˬ-ahˇ dzaˬ nya meh. Kʼoeˇ gaˇ, naw maꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ laꞈ kʼoeˇ naw maꞈ laˬ kʼaˬ cehˇ-awˬ.

Dawˬmehˬ 12:7

Kʼoeˇ gaˇ, naw maꞈ-ahˇ guiˬ lahˬ biꞈ-eu gʼaˬ pyeuꞈ-eu naw maꞈ-euˬ Sahˬpaˬ Miˬyehˇ mehˬ shi, naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-awˇ dawˇ-awˇ, naw maꞈ neh mˇ-euˬ yaw muiˬ jeˬ gʼaˇ duˬ laˬ kʼaˬ ya cehˇ meh.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawˬmehˬ 16:14

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ nehˬ-ehˇ, bawˬ-iˬ heu hmˬ gʼeh-eu laꞈ kʼoeˇ laˬ kʼaˬ cehˇ-awˬ.

Piˇliˇpiˆ 4:4

Aˬ myah luꞈ Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Ngaˇ tiˬ poˆ paˇ ehˇ ma. Laˬ kʼaˬ cehˇ-awˬ.