2 Laˬsaˬbaˬ 6:23 - Akha

²³ Sahˬpaˬ Miˬyehˇ nawˇ mˬ kʼoeˇ taˆ jawˇ-awˇ naˇ haˬ geuꞈ-eu laꞈ kʼoeˇ, nawˬ-euˬ zaˬ kʼaˆ deuˬ-ahˇ yaˇ kʼaˬ daˇ nehˬ-awˬ. Yaw lehˬ gʼaˬ-ahˇ lehˬ-eu shaˬ bymˇ bi tawˆ-awˇ, yaw tsaˬ gʼaˬ-ahˇ tsaˬ-eu shaˬ bymˇ bi tawˆ-awˬ.

2 Laˬsaˬbaˬ 6:23 ပူးပေါင်းရင်းမြစ်များ

2 Sahˬpaˬ 9:26

‘Miˇ nah Naˬboˆ hawˇ-eu aˬ yawꞈ-euˬ aˬ li-ahˇ sehꞈ-euˬ ngaˇ mawˇ-euˬ ma. Deh yaˇ heu kawˬ laꞈ kʼoeˇ nawˬ-ahˇ kʼawꞈ, heu gaˇ kʼehˬ nehˬ ma’ lehˇ ehˇ-euˬ maˬ ngeuˇ-a loˇ. Kʼoeˇ miˇ neh, Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ byah laˇ ni, Yoˇlamˬ-ahˇ Naˬboˆ-euˬ deh yaˇ laꞈ kʼoeˇ baꞈ dzeh-awˬ.”

2 Laˬsaˬbaˬ 6:22

Tsawˇ haˬ tiˬ gʼaˬ aˬ cawˬ-ahˇ mˇ lehˬ laˆ lehˬ-euˬ meh lehˇ dehˬ lehꞈ gaˇ ya daˬ-awˇ, aˬ yawꞈ iˬ baˇ maˬ ahˇ lehˇ bi kamˬ-eu gʼaˇ duˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu nawˬ-euˬ lawˇ duˬ-ahˇ sheuˬ keuˆ laꞈ ngeh,

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Dawqdaq 1:31

yawˬ ha kʼaˇ sehˬ taˬ-euˬ jeˬ ya yehˬ-awˇ, yawˬ ha neh yaw doeˇ jahˇ-euˬ jeˬ, yawˬ ha-ahˇ gʼoꞈ kʼoꞈ laˇ tehꞈ-a.

Dawqdaq 17:15

Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

Yeˬlaˬmiˇ 51:56

Baˬbuˇloˬ meuˬ aˬ yawꞈ maꞈ laˆ cawˆ le-euˬ meh. Baˬbuˇloˬ yehˇ bi nyehꞈ jiˇ-awˇ, aˬ yawꞈ maꞈ-euˬ kaˆ kʼehꞈ-iˇ jiˇ-euˬ meh. Ngaˇ-aˬ yaw haiˬ jeˬ-ahˇ kʼehˬ-eu Miˬyehˇ pyeuꞈ-awˇ, Baˬbuˇloˬ meuˬ-ahˇ geuˇ-eu loꞈ-ehˇ kʼehˬ nehˬ ma.

Yeˬsaˬgeˬlaˇ 18:20

Iˬ baˇ mˇ-euˬ tsawˇ haˬ aˬ yawꞈ gʼaˬ ya shiˇ tehꞈ-a. Aˬ da-euˬ iˬ baˇ baˬ da neh, aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Kʼoeˇ loꞈ-ehˇ duˇ ni, aˬ li -euˬ iˬ baˇ baˬ da neh, aˬ da gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Muiˬ-eu tsawˇ haˬ yaw muiˬ jeˬ mˇ-euˬ baˬ da neh guiˬ lahˬ za-awˇ, haiˬ-eu tsawˇ haˬ yawˬ ha neh mˇ-euˬ yaw haiˬ jeˬ baˬ da neh ya shaˬ tehꞈ-a.

Bawˇtsahˬ 5:27

Zaˬ miˬ zaˬ kʼoeˇ gʼaˬ kʼaˬ dzeˇ zaˬ nui gʼaˬ nehˬ-ehˇ bahˬ taˬ-euˬ jaˆ naˇ, iˇ cuꞈ kʼoeˇ naˇ-eu gawˇ-eu jeˬ bi keuˆ le tehꞈ-a. Aˬ yawꞈ-euˬ uˬ maˆ puˬ laˇ-awˇ, aˬ yawꞈ-euˬ pyaˬ kaˬ liˬ-iˇ koˆ-iˇ tehꞈ-a. Aˬ yawꞈ-euˬ tsawˇ haˬ laꞈ kʼoeˇ, aˬ yawꞈ kʼoeˇ taˆ yaˬ kʼehˇ yaˬ-eu jeˬ keuˆ le tehꞈ-a.

Lormav 2:8

Tsawˇ haˬ tiˬ paˆ na deuˬ-aˬ, smˇ kʼaˆ kʼaˆ-awˇ, yaw tsaˬ yaw dawˇ jeˬ-ahˇ maˬ geuꞈ-ehˇ, maˬ tsaˬ maˬ dawˇ-eu jeˬ-euˬ mehˬ nah iˇ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ kʼoeˇ taˆ Miˬyehˇ nui ma pehˇ-eu jeˬ tahˬ daˆ nehˬ tehꞈ-a.

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.