2 Laˬsaˬbaˬ 6:21 - Akha

²¹ Ngaˇ maˬ ehˇ, nawˬ-euˬ tsawˇ haˬ deuˬ maˬ ehˇ, jawˇ duˬ heu tsahˇ-ahˇ mehˬ shiˬ pyawˇ-awˇ guiˬ lahˬ shaˇ ngeh, nawˇ naˇ haˬ geuꞈ nehˬ laꞈ-awˬ. Mˬ kʼoeˇ taˆ jaˆ-eu nawˬ-euˬ nymˇ laꞈ kʼoeˇ nga maꞈ-euˬ shaˇ dawˬ-ahˇ naˇ haˬ-awˇ, nga maꞈ-ahˇ iˬ baˇ pyehˬ nehˬ laꞈ-awˬ.

2 Laˬsaˬbaˬ 6:21 ပူးပေါင်းရင်းမြစ်များ

2 Laˬsaˬbaˬ 30:27

Tsawˇ haˬ kʼoeˇ deuˬ-ahˇ Sahˬpaˬ Miˬyehˇ guiˬ lahˬ biꞈ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ guiˬ lahˬ shaˇ-euˬ meh. Mˬ kʼoeˇ taˆ aˬ yawꞈ-euˬ nymˇ-ahˇ jawˇ luꞈ-eu Miˬyehˇ aˬ yawꞈ maꞈ-euˬ shaˇ dawˬ-ahˇ gaˬ-awˇ, ha geuꞈ nehˬ-euˬ meh.

2 Laˬsaˬbaˬ 6:22

Tsawˇ haˬ tiˬ gʼaˬ aˬ cawˬ-ahˇ mˇ lehˬ laˆ lehˬ-euˬ meh lehˇ dehˬ lehꞈ gaˇ ya daˬ-awˇ, aˬ yawꞈ iˬ baˇ maˬ ahˇ lehˇ bi kamˬ-eu gʼaˇ duˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu nawˬ-euˬ lawˇ duˬ-ahˇ sheuˬ keuˆ laꞈ ngeh,

2 Laˬsaˬbaˬ 6:39

aˬ yawꞈ maꞈ-euˬ shaˇ dawˬ-ahˇ nawˇ naˇ haˬ nehˬ-awˬ. Mˬ kʼoeˇ taˆ jaˆ-eu nawˬ-euˬ nymˇ laꞈ kʼoeˇ aˬ yawꞈ maꞈ-euˬ shaˇ dawˬ-ahˇ naˇ haˬ-awˇ, aˬ yawꞈ maꞈ-ahˇ gʼawˬ shaˬ gaˬ-eu laꞈ kʼoeˇ nawˬ-euˬ tsawˇ haˬ deuˬ-euˬ iˬ baˇ dawˬ tawˆ luꞈ pyehˬ nehˬ-awˬ.

Jaceuq 123:1

Sahˬpaˬ Miˬyehˇ-oˇ, nawˬ-ahˇ ngaˇ gʼawˇ leuˇ haw-eu ma. Nawˇ uˆ lahˇ luꞈ-eu mˬ kʼoeˇ taˆ ngaˇ gʼawˇ leuˇ haw-eu ma.

Dawˬ tsoˆ 5:2

Dawˬ maˬ ngehˬ mi naˆ-ehˇ yaw muiˬ paˬ-ehˇ shaˇ noeˬ-awˬ. Miˬyehˇ-ahˇ yaw awˇ laꞈ-ehˇ saˇ jaˇ taˬ dzaˬ. Aˬ yawꞈ mˬ kʼoeˇ taˆ jawˇ-awˇ, nawˇ miˇ tsaˬ kʼoeˇ taˆ jawˇ-eu miˇ neh, ngehˬ paˬ tmˇ paˬ-ehˇ gʼeh-eu taꞈ-ehˇ uˬ dzehˬ taˬ ngehˬ.

Iˇsaˬyaˇ 18:4

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nahˇ ma yaw shehꞈ laꞈ kʼoeˇ ahˇ-eu nahˇ tsaˇ hawˇ-eu, nahˇ tsaˇ tsoꞈ gaˇ cehˇ diˬ luꞈ ngeh jaˆ-eu ceuˬ ahˇ-eu mˬ dmˇ loꞈ-ehˇ, mˬ taˆ ngaˬ-euˬ jawˇ duˬ-ahˇ ngaˇ jawˇ-awˇ, ciˬ cuˇ ni haw luꞈ ma.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Daˬyeˬlaˇ 9:19

Sahˬpaˬ Miˬyehˇ-oˇ, shaˇ dawˬ naˇ haˬ nehˬ laꞈ. Sahˬpaˬ Miˬyehˇ-oˇ, iˬ baˇ pyehˬ nehˬ laꞈ. Sahˬpaˬ Miˬyehˇ-oˇ, nga maꞈ-euˬ shaˇ dawˬ gaˬ-awˇ, mˇ keuˆ shaˇ keuˆ nehˬ laꞈ. Nawˇ Miˬyehˇ pyeuꞈ-eu gaˇ kawˆ tsawˇ haˬ yawˬ gʼaˬ na luꞈ-ahˇ siˬ duˬ leˇ ni, maˬ nyi naˬ ni ngehˬ gʼeh nehˬ laꞈ. Meuˬ heu meuˬ nawˬ-euˬ meuˬ pyeuꞈ-awˇ, tsawˇ haˬ heu deuˬ nawˬ-euˬ tsawˇ haˬ meh.”

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Maꞈtehˬ 6:12

Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.