2 Laˬsaˬbaˬ 6:2 - Akha

² Nymˬ-mˇ mˬ maˬ maˬ byaˆ zaˇ ziˇ, nawˇ bi jawˇ geuꞈ le-eu gʼaˇ duˬ, muiˬ dui dui-eu Uˬ duˬ tahˬ nymˇ, yaw huiˬ heu nymˇ ngaˇ tsoˆ-euˬ ma.”

2 Laˬsaˬbaˬ 6:2 ပူးပေါင်းရင်းမြစ်များ

2 Saˬmeuˬlaˆ 7:13

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ-awˇ, aˬ yawꞈ-euˬ dzoeˬ dzaˬ ziꞈ ni ngaˇ caw ba nehˬ ma.

1 Sahˬpaˬ 8:13

Mˬ maˬ maˬ byaˆ zaˇ ziˇ nawˇ bi jawˇ-eu gʼaˇ duˬ, muiˬ dui dui-eu Uˬ duˬ tahˬ nymˇ nymˇ ma tiˬ nymˇ, nymˬ-mˇ ngaˇ tsoˆ gʼaˬ-euˬ ma.”

1 Laˬsaˬbaˬ 17:12

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ laˇ-awˇ, aˬ yawꞈ-euˬ dzoeˬ dzaˬ ziꞈ ni ngaˇ jahˇ nehˬ ma.

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

1 Laˬsaˬbaˬ 28:6

“Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. ‘Nawˬ li Sawˇlaˬmoˬ-aˬ, ngaˬ-euˬ Uˬ duˬ tahˬ nymˇ nymˇ ma tsoˆ-eu gʼaˬ pyeuꞈ tehꞈ-a. Ngaˬ-euˬ aˬ li bi pyeuꞈ-eu lehˇ aˬ yawꞈ-ahˇ ngaˇ tseˇ doˆ-awˇ, ngaˇ aˬ yawꞈ-euˬ aˬ da-ahˇ duˇ-eu ma.

2 Laˬsaˬbaˬ 1:4

Ehˇ kʼawꞈ, Dawˬ ma saˇ jaˇ Bahˬ keuˆ hmˬ-aˬ, Yeˬluˇsaˬlehˬ meuˬ laꞈ kʼoeˇ jaˆ-eu meh. Dawˬ ma saˇ jaˇ Bahˬ keuˆ kʼoeˇ sahˬ paˬ Daˬbiˇ neh Giˇliˇyaˆyeˬlmˬ-ahˇ neh baꞈ kʼoꞈ laꞈ-awˇ, sehˬ gʼawˆ gʼawˆ-awˇ baꞈ ahˇ taˬ-euˬ gaˇ jaˆ luꞈ-eu meh.

2 Laˬsaˬbaˬ 6:1

Kʼoeˇ naˇ, sahˬ paˬ Sawˇlaˬmoˬ guiˬ lahˬ shaˇ-eu, “Sahˬpaˬ Miˬyehˇ-oˇ, mˬ dmˇ hawˇ-eu yaw zahˇ laꞈ kʼoeˇ jawˇ ma lehˇ nawˇ tseˇ geuꞈ-euˬ meh.

2 Laˬsaˬbaˬ 6:3

Iˇsaˬleˬlaˆ tsawˇ haˬ dawˬ tawˆ luꞈ kʼoeˇ gaˇ yawꞈ luꞈ-eu meh. Sahˬ paˬ Sawˇlaˬmoˬ aˬ yawꞈ maꞈ jawˇ paw ciˬ pyawˇ-awˇ, aˬ yawꞈ maꞈ-ahˇ dawˬ ngehˬ gʼeh nehˬ-euˬ meh.

Eˇzaˬlaˬ 7:15

Yeˬluˇsaˬlehˬ meuˬ Uˬ duˬ tahˬ nymˇ nymˇ ma-euˬ Miˬyehˇ pyeuꞈ-eu Iˇsaˬleˬlaˆ tsawˇ jeuˬ-euˬ Miˬyehˇ-ahˇ, ngaˇ hawˇ-eu ngaˬ-ahˇ nui noeˬ nui duˇ biꞈ-eu deuˬ neh damˬ nehˬ-euˬ shuiˇ hawˇ-eu pyuˇ deuˬ kʼawꞈ, nawˇ ya yuˇ gʼeh meh.

Eˇzaˬlaˬ 7:16

Baˬbuˇloˬ miˇ kʼahˬ laꞈ kʼoeˇ nawˇ kʼaˇ taꞈ za-euˬ pyuˇ hawˇ-eu shuiˇ deuˬ maˬ ehˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ-euˬ piˇ ma deuˬ neh, Yeˬluˇsaˬlehˬ meuˬ-ahˇ jaˆ-eu aˬ yawꞈ maꞈ-euˬ Miˬyehˇ-euˬ Uˬ duˬ tahˬ nymˇ nymˇ ma gʼaˇ duˬ damˬ nehˬ-euˬ jeˬ maˬ ehˇ, nawˇ ya yuˇ gʼeh meh.

Jaceuq 132:5

Sahˬpaˬ Miˬyehˇ gʼaˇ duˬ jawˇ zaˇ shaˇ-awˇ, Yaˬkoˆ-euˬ Baoˬ huiˬ-eu Miˬyehˇ gʼaˇ duˬ nymˇ maˬ tsoˆ doˆ kʼoeˇ keuˆ ni, ngaˇ coˬ lah-awˇ gʼaˬ naˬ maˬ naˬ.

Jaceuq 135:21

Ziˇoˬ gawˬ jawˬ kʼoeˇ taˆ aˬ yawꞈ-ahˇ ja ceuˬ-awˬ. Aˬ yawꞈ-euˬ nymˇ pyeuꞈ-eu Yeˬluˇsaˬlehˬ meuˬ laꞈ kʼoeˇ, aˬ yawꞈ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Yeˬsaˬgeˬlaˇ 46:10

Sahˬ paˬ zaˬ yo gʼaˬ kʼawꞈ, miˇ kʼahˬ zaˬ deuˬ uˇ leˇ-eu yamˬ-ahˇ ya uˇ leˇ-awˇ, miˇ kʼahˬ zaˬ deuˬ doˆ le ngeh yamˬ-ahˇ ya doˆ le meh.

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.