2 Laˬsaˬbaˬ 6:14 - Akha

¹⁴ Kʼoeˇ naˇ, aˬ yawꞈ heu loꞈ-ehˇ guiˬ lahˬ shaˇ-euˬ meh. “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ hawˇ-eu miˇ kʼoeˇ taˆ nawˬ-ahˇ duˇ-eu miˬ yehˇ maˬ jawˇ-a. Nawˬ-euˬ tsawˇ haˬ deuˬ nui ma gʼawˇ mawˇ dawˬ tawˆ luꞈ nawˬ-euˬ ehˇ dawˬ naˇ haˬ-awˇ dehꞈ ngeh, aˬ yawꞈ maꞈ nehˬ-ehˇ dzaˬ taˬ-euˬ Dawˬ ma saˇ jaˇ-ahˇ nawˇ ziꞈ-awˇ, nawˬ-euˬ gʼoeˇ-eu gaˬ-eu jeˬ aˬ yawꞈ maꞈ-ahˇ nawˇ bi mawˇ-euˬ meh.

2 Laˬsaˬbaˬ 6:14 ပူးပေါင်းရင်းမြစ်များ

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 33:20

Kʼoeˇ gaˇ lawˇ duˬ tiˬ hmˬ aˬ yawꞈ tsoˆ-awˇ, Iˇsaˬleˬlaˆ Miˬyehˇ-euˬ tsawˇ myahˇ yuˇ-awˇ, jawˇ duˬ kʼoeˇ tsahˇ-ahˇ Eˇloˬheˬ Iˇsaˬleˬlaˆ lehˇ myahˇ nehˬ-euˬ meh.

Aˇ dahˬ 35:10

“Nawˬ-euˬ tsawˇ myahˇ Yaˬkoˆ meh. Ehˇ kʼawꞈ, aˬ kaˇ naˇ nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ, Yaˬkoˆ-ahˇ Miˬyehˇ ehˇ nehˬ-awˇ, tsawˇ myahˇ myahˇ paˇ nehˬ-euˬ meh.

Aˇ dahˬ 5:24

Aˬ yawꞈ miˇ tsaˬ kʼoeˇ taˆ yaw dehꞈ dehꞈ-euˬ tiˬ ziˇ, Miˬyehˇ nehˬ-ehˇ cawˬ cawˬ taꞈ-awˇ, aˬ yawꞈ-ahˇ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ sheuˬ kʼoꞈ gʼeh-euˬ meh.

2 Saˬmeuˬlaˆ 7:22

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ-aˬ, huiˬ dui mahˇ dui dui-eu meh. Nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ, nga maꞈ aˬ myah luꞈ siˬ nya-euˬ ma.

1 Sahˬpaˬ 18:36

Nahˇ ma nahˇ dahˬ yawˬ-iˇ-awˇ, lawˇ-eu shehˇ-eu jeˬ mˇ-eu aˇ yamˬ tsaˬ laˇ ngeh, Miˬyehˇ gʼaˇ duˬ ngehˬ dah-eu Eˇliˇyaˆ gʼaˬ lawˇ duˬ dawˬ peh le-awˇ, heu loꞈ-ehˇ guiˬ lahˬ shaˇ-euˬ meh. “Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ-euˬ Miˬyehˇ pyeuꞈ-awˇ, ngaˇ nawˬ-ahˇ uˬ duˬ tahˬ-awˇ, nawˬ neh kʼaˇ bi mˇ-euˬ loꞈ-ehˇ nymˬ-mˇ ngaˇ mˇ luꞈ-eu gaˇ kawˆ bi siˬ bi mawˇ-awˬ.

1 Sahˬpaˬ 3:6

Kʼoeˇ ngeh, Sawˇlaˬmoˬ heu loꞈ-ehˇ shaˇ-euˬ meh, “Nawˇ-aˬ, nawˬ-euˬ zaˬ kʼaˆ pyeuꞈ-eu ngaˬ da Daˬbiˇ-ahˇ, huiˬ dui dui-eu nawˬ-euˬ gʼoeˇ-eu gaˬ-euˬ jeˬ aˬ myah luꞈ bi mawˇ-awˇ, aˬ yawꞈ kʼawꞈ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ laꞈ kʼoeˇ, nawˬ nehˬ-ehˇ cawˬ cawˬ taꞈ-euˬ meh. Nawˬ-euˬ huiˬ dui dui-eu gʼoeˇ-eu gaˬ-euˬ jeˬ aˬ yawꞈ-ahˇ maˬ tsehˆ leˇ ni bi mawˇ-eu laꞈ kʼoeˇ, iˬ nah aˬ yawꞈ-euˬ dah zaˇ miˇ kʼahˬ-ahˇ bi uˆ lahˇ-eu aˬ li tiˬ li, aˬ yawꞈ-ahˇ nawˇ biꞈ nehˬ-euˬ meh.

1 Sahˬpaˬ 6:12

“Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ nawˇ caw teh-awˇ, ngaˬ-euˬ ehˇ dawˬ-ahˇ naˇ haˬ geuꞈ naˇ, nawˬ da Daˬbiˇ-ahˇ ngaˬ neh saˇ jaˇ dzaˬ taˬ-euˬ jeˬ, nawˬ-euˬ kʼoeˇ taˆ ngaˇ bi keuˆ le ma.

1 Sahˬpaˬ 8:23

heu loꞈ-ehˇ guiˬ lahˬ shaˇ-euˬ meh. “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ hawˇ-eu miˇ kʼoeˇ taˆ nawˇ loꞈ-ehˇ gʼeh-eu miˬ yehˇ maˬ jawˇ-a. Nawˬ-euˬ tsawˇ haˬ deuˬ nui ma gʼawˇ mawˇ dawˬ tawˆ luꞈ nawˬ-euˬ ehˇ dawˬ naˇ haˬ-awˇ dehꞈ ngeh, aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ nawˇ ziꞈ-awˇ, nawˬ-euˬ gʼoeˇ-eu gaˬ-eu jeˬ aˬ yawꞈ maꞈ-ahˇ bi mawˇ-euˬ meh.

1 Laˬsaˬbaˬ 29:10

Sahˬ paˬ Daˬbiˇ-aˬ, kʼoeˇ gaˇ jawˇ-eu tsawˇ haˬ aˇ maꞈ deuˬ mehˬ shi Sahˬpaˬ Miˬyehˇ-ahˇ ja ceuˬ-euˬ meh. “Nga maꞈ-euˬ aˬ poeˬ Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ maˬ maˬ byaˆ zaˇ ziˇ nawˬ-ahˇ ja ceuˬ luꞈ-uˇ.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

2 Laˬsaˬbaˬ 20:6

heu loꞈ-ehˇ guˇ guˇ-ehˇ guiˬ lahˬ shaˇ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ mˬ kʼoeˇ taˆ jawˇ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Nawˇ-aˬ, baoˬ huiˬ dui dui-eu miˇ neh, nawˬ-ahˇ tiˬ gʼaˬ-iˬ maˬ ciˬ daˬ peuˬ-a.

2 Laˬsaˬbaˬ 6:17

Kʼoeˇ miˇ neh, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ Daˬbiˇ-ahˇ nawˬ neh saˇ jaˇ dzaˬ taˬ-euˬ yawˬ jeˬ na luꞈ nymˬ-mˇ bi byah laˇ-awˬ.

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Jaceuq 86:8

Sahˬpaˬ Miˬyehˇ-oˇ, nawˬ-ahˇ duˇ-eu Miˬyehˇ maˬ jawˇ-a. Nawˬ neh mˇ-euˬ jeˬ tiˬ gʼaˬ-iˬ mˇ taˬ-euˬ maˬ jaˆ-a.

Jaceuq 89:28

Aˬ yawꞈ nehˬ-ehˇ dzaˬ taˬ-euˬ saˇ jaˇ-ahˇ ngaˇ aˬ myah luꞈ ziꞈ-awˇ, ngaˬ-euˬ dawˬ ma saˇ jaˇ aˬ yawꞈ gʼaˇ duˬ mˬ maˬ maˬ byaˆ zaˇ ziˇ bi ziꞈ ma.

Jaceuq 89:6

Sahˬpaˬ Miˬyehˇ-oˇ, mˬ kʼoeˇ taˆ nawˬ-ahˇ duˇ-eu tiˬ gʼaˬ-iˬ maˬ jawˇ-a. Mˬ taˆ zaˬ deuˬ nawˇ loꞈ-ehˇ tiˬ gʼaˬ-iˬ maˬ bym-a.

Jaceuq 89:8

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ loꞈ-ehˇ baoˬ huiˬ-eu tiˬ gʼaˬ-iˬ maˬ jawˇ-a. Sahˬ paˬ Miˬ yehˇ-oˇ, yawˬ jeˬ na luꞈ laꞈ kʼoeˇ nawˇ saˇ jaˇ ziꞈ-eu meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Doˆ-iˇ 3:15

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-eu, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ neh, nawˬ-ahˇ aˬ yawꞈ maꞈ jawˇ gaˇ bi oe-euˬ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Heu-aˬ, mˬ maˬ maˬ byaˆ zaˇ ziˇ ziꞈ-eu ngaˬ-euˬ tsawˇ myahˇ pyeuꞈ-eu ma. Tiˬ ziˇ saˇ-iˬ tiˬ ziˇ, ngaˬ-euˬ tsawˇ myahˇ-ahˇ heu loꞈ-ehˇ ya kuˇ tehꞈ-a.

Doˆ-iˇ 8:6

Kʼoeˇ naˇ, Aˬloˬ aˬ yawꞈ-euˬ gawˬ yoeˬ yuˇ-awˇ, iˇ cuꞈ kʼaˇ jaˆ gaˇ cawˬ ja-euˬ miˇ neh, kʼaˬ paˬ doˆ laˇ-awˇ, miˇ kʼahˬ kʼoeˇ kʼahˬ kʼahˬ lah ni byah jiˇ-euˬ meh.

Yeˬlaˬmiˇ 10:16

Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 10:6

Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ-aˬ, baoˬ huiˬ-eu meh. Nawˬ-euˬ tsawˇ myahˇ baoˬ yaw shehꞈ kʼahˬ sehˇ huiˬ-eu meh.

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

Luˇkaꞈ 1:50

Aˬ yawꞈ-ahˇ taˬ huiˬ-eu deuˬ-ahˇ, aˬ yawꞈ-euˬ gʼawˬ shaˬ gaˬ-eu jeˬ, mˬ maˬ maˬ byaˆ zaˇ ziˇ gmˬ meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 1:72

Aˬ dui-euˬ poeˬ piˬ kʼoeˇ deuˬ-ahˇ, aˬ yawꞈ gʼawˬ shaˬ gaˬ-eu laꞈ kʼoeˇ, muiˬ-eu shawˇ-eu dawˬ ma saˇ jaˇ, noeˬ keuˆ ma lehˇ yawꞈ ehˇ-eu meh.

Dawˬmehˬ 3:24

‘Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ mˇ-eu lehˇ gʼeh-eu zahˬ leˇ paˬ-ehˇ gʼeh-eu huiˬ dui dui-eu gaˇ deuˬ laꞈ kʼoeˇ, aˇ dahˬ beh-eu deuˬ bi mawˇ laꞈ-euˬ tehꞈ-a siˬ. Nawˬ neh mˇ-euˬ huiˬ-eu gaˇ heu deuˬ-ahˇ mˇ nya-eu miˬ yehˇ, mˬ hawˇ-eu miˇ kʼoeˇ taˆ tiˬ gʼaˬ-iˬ maˬ jawˇ-a.

Dawˬmehˬ 4:39

Kʼoeˇ miˇ neh, Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, Miˬyehˇ pyeuꞈ-eu gaˇ kawˆ, tiˬ jawˇ-iˬ maˬ paˇ ya ngehˇ leˇ ni, iˬ nah naw maꞈ noeˬ taˬ-awˬ. Miˬ yehˇ nui gʼaˬ maˬ jawˇ-a.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

1 Teˇsaˬloˇni 2:12

Nga maꞈ naw maꞈ-ahˇ gʼaˬ biꞈ-awˇ nui saˇ bi za-euˬ ma. Aˬ yawꞈ-euˬ Miˇkʼahˬ hawˇ-eu yaw shehꞈ kʼahˬ sehˇ laꞈ kʼoeˇ uˇ laˇ ni naw maꞈ-ahˇ kuˇ luꞈ-eu Miˬyehˇ nui ma tsaˬ ni yaw dehꞈ dehꞈ-eu gʼaˇ duˬ, naw maꞈ-ahˇ nga maꞈ maˬ tsehˆ leˇ ni gʼaˬ biꞈ-euˬ ma.