2 Laˬsaˬbaˬ 5:14 - Akha

¹⁴ Juˬ kʼoeˬ kʼoeˇ baˬ da neh, piˇ ma deuˬ yawˬ ha ya mˇ-eu gaˇ maˬ mˇ nya-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ, Uˬ duˬ tahˬ nymˇ nymˇ ma laꞈ kʼoeˇ byah luꞈ-eu meh.

2 Laˬsaˬbaˬ 5:14 ပူးပေါင်းရင်းမြစ်များ

1 Sahˬpaˬ 8:11

Kʼoeˇ ngeh, mˇ paˬ-ehˇ jaˆ-eu jeˬ paˇ gʼoꞈ mˇ leˇ-eu gʼaˇ duˬ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ maˬ gʼoꞈ uˇ leˇ nya-a. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ baoˬ mˬ dmˇ laꞈ kʼoeˇ yaw shehꞈ bya luꞈ-eu meh.

2 Laˬsaˬbaˬ 20:6

heu loꞈ-ehˇ guˇ guˇ-ehˇ guiˬ lahˬ shaˇ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ mˬ kʼoeˇ taˆ jawˇ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Nawˇ-aˬ, baoˬ huiˬ dui dui-eu miˇ neh, nawˬ-ahˇ tiˬ gʼaˬ-iˬ maˬ ciˬ daˬ peuˬ-a.

2 Laˬsaˬbaˬ 7:1

Sahˬ paˬ Sawˇlaˬmoˬ guiˬ lahˬ shaˇ gʼaˬ ngeh, mˬ kʼoeˇ taˆ neh miˬ dzaˬ oe ka-awˇ, lawˇ taˬ shehˇ taˬ-euˬ jeˬ-ahˇ puiˆ-euˬ meh. Uˬ duˬ tahˬ nymˇ nymˇ ma laꞈ kʼoeˇ kʼawꞈ, Sahˬpaˬ Miˬyehˇ-euˬ yaw shehꞈ kʼahˬ sehˇ bya byah jiˇ-euˬ meh.

2 Laˬsaˬbaˬ 7:2

Uˬ duˬ tahˬ nymˇ nymˇ ma laꞈ kʼoeˇ yaw shehꞈ bya byah taˬ-euˬ miˇ neh, piˇ ma deuˬ maˬ uˇ leˇ nya-a.

Doˆ-iˇ 29:43

Kʼoeˇ gaˇ, Iˇsaˬleˬlaˆ tsawˇ haˬ deuˬ-ahˇ ngaˇ tahˬ puˬ-awˇ, ngaˬ-euˬ yaw shehꞈ baˬ da neh, jawˇ duˬ kʼoeˇ tsahˇ muiˬ laˇ shawˇ laˇ tehꞈ-a.

Doˆ-iˇ 40:35

Kʼoeˇ miˇ neh, Sehˬ gʼawˆ laꞈ kʼoeˇ Moˇseˬ maˬ uˇ leˇ nya-a.

Yeˬsaˬgeˬlaˇ 10:4

Sahˬpaˬ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ jawˇ gaˇ neh tuˇ laˇ-awˇ, Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ le-euˬ meh. Kʼoeˇ ngeh, Uˬ duˬ tahˬ nymˇ nymˇ ma-ahˇ mˬ dmˇ byah-awˇ, pu ka tiˬ byah ni yaw shehꞈ bya-eu meh.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

Panmaeq 15:8

Uˬ duˬ tahˬ nymˇ nymˇ ma laꞈ kʼoeˇ Miˬyehˇ-euˬ baoˬ yaw shehꞈ kʼahˬ sehˇ uˬ kʼoeˬ byah-awˇ, mˬ taˆ gʼaˬ kʼehˇ kʼoeˇ shiꞈ gʼaˬ neh hehˇ leꞈ-euˬ kʼehˬ-eu kʼaˆ-eu kʼoeˇ shiꞈ jeˬ aˇ saˬ maˬ saˬ gʼaˬ kʼoeˇ keuˆ ni, uˬ duˬ tahˬ nymˇ nymˇ ma laꞈ kʼoeˇ tiˬ gʼaˬ-iˬ maˬ uˇ leˇ nya-a.