2 Laˬsaˬbaˬ 5:11 - Akha

¹¹ Kʼoeˇ naˇ, piˇ ma deuˬ Muiˬ-eu shawˇ-eu jawˇ duˬ-ahˇ neh jiˆ gʼoꞈ ka le-euˬ meh. Kʼoeˇ gaˇ kʼaˇ jawˇ-eu piˇ ma dawˬ tawˆ luꞈ, aˇ muˇ maˬ biˇ paˆ ni, yawˬ ha-euˬ gʼawˇ mawˇ Miˬyehˇ-ahˇ a nehˬ gʼaˬ-euˬ meh.

2 Laˬsaˬbaˬ 5:11 ပူးပေါင်းရင်းမြစ်များ

1 Laˬsaˬbaˬ 15:14

Kʼoeˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ jiˆ-eu gʼaˇ duˬ, piˇ ma deuˬ hawˇ-eu Leˬbiˇ tsawˇ haˬ deuˬ gʼawˇ mawˇ shawˇ-eu zahˇ jahˇ-euˬ meh.

2 Laˬsaˬbaˬ 29:15

Tsawˇ haˬ kʼoeˇ deuˬ yawˬ ha-euˬ aˇ jeuˬ aˇ ca deuˬ kuˇ uiˬ-awˇ, gʼawˇ mawˇ shawˇ-eu zahˇ jahˇ-euˬ meh. Kʼoeˇ naˇ, Sahˬpaˬ Miˬyehˇ-euˬ dawˬ-ahˇ gʼoe-awˇ sahˬ paˬ Heˬsaˬgiˇ neh aˬ yawꞈ maꞈ-ahˇ dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ muiˬ laˆ shawˇ-euˬ meh.

2 Laˬsaˬbaˬ 29:34

Jeˬ zaˬ kʼoeˇ deuˬ dawˬ tawˆ luꞈ-ahˇ sehꞈ jiˇ coeˇ ni piˇ ma maˬ jawˇ myaˬ-eu miˇ neh, caw mˇ caw shaˇ-eu gʼaˇ duˬ piˇ ma nui deuˬ yawˬ ha-euˬ gʼawˇ mawˇ mˇ shawˇ gʼaˬ ngeh keuˆ ni, gaˇ kʼoeˇ mˇ luiˆ nya ni Leˬbiˇ tsawˇ haˬ deuˬ caw ba nehˬ-euˬ meh. Leˬbiˇ tsawˇ haˬ deuˬ-aˬ, yawˬ ha-euˬ gʼawˇ mawˇ yaw shawˇ shawˇ-ehˇ dehꞈ-eu paw, piˇ ma deuˬ naˆ maˬ tseˇ saˇ jaˇ taˬ nya-eu meh.

2 Laˬsaˬbaˬ 29:5

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ Leˬbiˇ tsawˇ haˬ deuˬ yawˬ ha-euˬ gʼawˇ mawˇ mˇ shawˇ-awˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ laˆ muiˬ laˆ shawˇ-awˬ. Uˬ duˬ tahˬ nymˇ nymˇ ma laꞈ kʼoeˇ jaˆ-eu yaw jawꞈ yaw laꞈ dawˬ tawˆ luꞈ yuˆ dzeh jiˇ-awˬ.

2 Laˬsaˬbaˬ 30:15

Ba la kʼoeˇ siˬ tseˇ oeˬ nah tiˬ nah-ahˇ, Baˬsaˬkaˬ bawˬ-iˬ gʼaˇ duˬ yawˇ zaˬ deuˬ sehꞈ-euˬ meh. Zahˇ sahˇ kʼoꞈ-ahˇ tsaˬ ni maˬ shawˇ-eu piˇ ma deuˬ hawˇ-eu Leˬbiˇ tsawˇ haˬ deuˬ-aˬ, shaꞈ dawˇ dui dui-eu laꞈ kʼoeˇ, yawˬ ha-euˬ gʼawˇ mawˇ shawˇ-euˬ meh. Kʼoeˇ ngeh jawˇ, Uˬ duˬ tahˬ nymˇ nymˇ ma laꞈ kʼoeˇ miˬ dzaˬ dzah puiˆ-awˇ lawˇ-eu jeˬ, aˬ yawꞈ maꞈ lawˇ nya-euˬ meh.

2 Laˬsaˬbaˬ 35:4

Sahˬ paˬ Daˬbiˇ hawˇ-eu aˬ yawꞈ-euˬ aˬ li sahˬ paˬ Sawˇlaˬmoˬ neh mehˬ taˬ yaꞈ-euˬ loꞈ-ehˇ, naw maꞈ yawˬ ha aˇ jeuˬ yawˬ ha Uˬ duˬ tahˬ nymˇ nymˇ ma laꞈ kʼoeˇ jawˇ duˬ ya yuˇ meh.

2 Laˬsaˬbaˬ 35:6

Baˬsaˬkaˬ Bawˬ-iˬ-ahˇ geuꞈ-eu yawˇ deuˬ hawˇ-eu ciꞈ myehꞈ deuˬ-ahˇ naw maꞈ ya sehꞈ meh. Moˇseˬ-ahˇ gʼoe-awˇ Sahˬpaˬ Miˬyehˇ neh mehˬ taˬ tsoˆ taˬ yaꞈ-euˬ dawˬ deuˬ-ahˇ naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ caw teh nya ni, nymˬ-mˇ naw maꞈ-euˬ gʼawˇ mawˇ mˇ shawˇ-awˇ, lawˇ-eu shehˇ-eu jeˬ mˇ-eu gʼaˇ duˬ lehˬ hmˬ-awˬ.”

2 Laˬsaˬbaˬ 5:12

Aˬsaˆ, Heˬmaˬ, Yeˬduˇdoˬ aˬ ha maꞈ hawˇ-eu, aˬ yawꞈ maꞈ-euˬ aˬ li deuˬ, aˬ yuiꞈ aˬ nyiˇ deuˬ dawˬ tawˆ luꞈ ahˇ leˇ-ehˇ, caˇ dawˬ kʼaˇ caˇ nya-eu Leˬbiˇ tsawˇ haˬ dawˬ tawˆ luꞈ, shawˇ jehˆ ni gʼeh-eu saˬ paˇ paˇ pyuˇ dm-eu laꞈ kʼoeˇ, lawˇ duˬ-euˬ nahˇ ma doˆ kʼehˬ paw yawꞈ-awˇ, cehˇ lehˇ ciˆ-awˇ deuˇ-mˬ diˬ luꞈ-eu meh. Piˇ ma tiˬ yaˇ nyiˬ tseˇ gʼaˬ aˬ yawꞈ maꞈ-ahˇ daˇ heh baw caw nehˬ-euˬ meh.

Yawˇbaˆ 1:5

Dzaˬ byawˇ kʼaˇ lawˇ ngeh, yawˬ shawˬ yawˬ uˬ shawˬ yaw naꞈ-ehˇ Yawˇbaˆ tuˇ-awˇ, aˬ yawꞈ-euˬ zaˬ aˬ yawꞈ gʼaˬ yawꞈ gʼaˇ duˬ lawˇ-eu shehˇ-eu jeˬ mˇ-awˇ, shawˇ nehˬ-eu meh. Aˬ yawꞈ-euˬ zaˬ tiˬ gʼaˬ na maˬ noeˬ maˬ duˇ-ehˇ Miˬyehˇ-ahˇ mˇ bahˬ-euˬ baw le lehˇ aˬ yawꞈ kʼahˬ lahˇ-eu baˬ da neh, kʼoeˇ loꞈ-ehˇ mˇ-euˬ meh.

Doˆ-iˇ 19:10

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, uˬ duˬ tahˬ-eu gʼaˇ duˬ, iˬ nah hawˇ-eu ni shawˬ nah laꞈ kʼoeˇ yawˬ ha-euˬ gʼawˇ mawˇ shawˇ-awˬ lehˇ ehˇ nehˬ-awˬ. Yawˬ ha-euˬ dm gʼaˬ dm lmˇ deuˬ aˬ yawꞈ maꞈ ya lehˬ tsiˬ shawˇ meh.