2 Laˬsaˬbaˬ 5:1 - Akha

¹ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu gaˇ yawˬ jeˬ na luꞈ-ahˇ, sahˬ paˬ Sawˇlaˬmoˬ mˇ luiˆ gʼaˬ jiˇ ngeh, aˬ yawꞈ aˬ da Daˬbiˇ neh Sahˬpaˬ Miˬyehˇ-ahˇ damˬ nehˬ-euˬ shuiˇ deuˬ, pyuˇ deuˬ hawˇ-eu, nui jeˬ dawˬ tawˆ luꞈ-ahˇ,uˬ duˬ tahˬ nymˇ nymˇ ma laꞈ kʼoeˇ jaˆ-eu myawˬ jeˬ hmˬ-eu aˇ lawˆ deuˬ laꞈ kʼoeˇ jeˬ hmˬ taˬ-euˬ meh.

2 Laˬsaˬbaˬ 5:1 ပူးပေါင်းရင်းမြစ်များ

2 Saˬmeuˬlaˆ 8:11

Laꞈ sawˬ kʼoeˇ deuˬ-ahˇ sahˬ paˬ Daˬbiˇ yuˇ-awˇ, aˬ yawꞈ guiˇ deuˆ gʼaˬ-euˬ miˇ kʼahˬ deuˬ-ahˇ neh yuˇ kʼoꞈ laꞈ-euˬ shuiˇ hawˇ-eu pyuˇ deuˬ nehˬ-ehˇ tiˬ kawˆ loꞈ-ehˇ, uˬ duˬ tahˬ gaˇ zmˬ-eu gʼaˇ duˬ damˬ-euˬ meh.

1 Sahˬpaˬ 7:39

Laˆ lawˬ kʼoeˇ deuˬ, Uˬ duˬ tahˬ nymˇ nymˇ ma-euˬ laꞈ oˆ paw pyawˬ-ahˇ ngaˬ laˇ bi jaˆ-awˇ, laꞈ taˆ paw pyawˬ-ahˇ ngaˬ laˇ bi jaˆ-euˬ meh. Guiˬ shuiˇ lah kʼoeˇ lah-ahˇ, laꞈ oˆ paw nahˇ ma doˆ kʼehˬ paw coeˇ-ahˇ bi jaˆ-euˬ meh.

1 Sahˬpaˬ 7:51

Uˬ duˬ tahˬ nymˇ nymˇ ma tsoˆ-eu gaˇ yawˬ jeˬ na luꞈ-ahˇ sahˬ paˬ Sawˇlaˬmoˬ mˇ luiˆ gʼaˬ jiˇ ngeh, aˬ yawꞈ aˬ da Daˬbiˇ neh Sahˬpaˬ Miˬyehˇ-ahˇ damˬ nehˬ-euˬ shuiˇ deuˬ, pyuˇ deuˬ hawˇ-eu, nui jeˬ dawˬ tawˆ luꞈ-ahˇ, Uˬ duˬ tahˬ nymˇ nymˇ ma laꞈ kʼoeˇjaˆ-eu myawˬ taˬ-eu aˇ lawˆ deuˬ laꞈ kʼoeˇ jeˬ hmˬ taˬ-euˬ meh.

1 Laˬsaˬbaˬ 18:11

Laꞈ sawˬ kʼoeˇ deuˬ-ahˇ sahˬ paˬ Daˬbiˇ yuˇ-awˇ, aˬ yawꞈ neh deuˆ gʼaˬ-euˬ Eˬdoˬ miˇ kʼahˬ, Mawˇbaˆ miˇ kʼahˬ, Aˬmoˬ miˇ kʼahˬ, Piˇliˇtiˆ miˇ kʼahˬ, Aˬmaˬlehˇ miˇ kʼahˬ, heu deuˬ-ahˇ za-euˬ pyuˇ hawˇ-eu shuiˇ deuˬ nehˬ-ehˇ tiˬ kawˆ loꞈ-ehˇ, uˬ duˬ tahˬ gaˇ zmˬ-eu gʼaˇ duˬ damˬ-euˬ meh.

1 Laˬsaˬbaˬ 22:14

Uˬ duˬ tahˬ nymˇ nymˇ ma tsoˆ-eu gʼaˇ duˬ, shuiˇ nyiˬ lam oeˬ seh jawꞈ-i hawˇ-eu, pyuˇ nyiˬ tseˇ oeˬ lam jawꞈ-i ngaˇ poˆ uiˬ taˬ-euˬ ma. Kʼoeˇ uˬ taꞈ, guiˬ shuiˇ hawˇ-eu shmˇ maˬ ehˇ jiˇ coeˇ ni jaˆ-eu ma. Daˇ kawˬ hawˇ-eu kʼaˬ lo deuˬ kʼawꞈ, ngaˇ lehˬ hmˬ taˬ-euˬ ma. Ehˇ kʼawꞈ, nawˇ paˇ ya poˆ lahˬ-a siˬ.

2 Laˬsaˬbaˬ 4:22

tsiˇ kʼmˬ laˆ saˆ doꞈ-eu shuiˇ daˇ ceh deuˬ, shuiˇ naˬ bo deuˬ, tsiˇ yaw saw jeˬ dawˆ ahˇ-eu shuiˇ kʼmˬ maˬ deuˬ hawˇ-eu, doꞈ luꞈ-eu miˬ jiˆ pehˆ ahˇ-eu shuiˇ mui za heu deuˬ meh. Keu ka heu deuˬ dawˬ tawˆ luꞈ-ahˇ, maˇ jawˆ ni gʼeh-eu shuiˇ neh kʼaˇ-euˬ meh. Uˬ duˬ tahˬ nymˇ nymˇ ma-euˬ laꞈ nyiˇ paw jaˆ-eu laˇ gʼoˆ dawˬ tawˆ luꞈ hawˇ-eu, Muiˬ dui shawˇ dui dui-eu jawˇ duˬ-ahˇ uˇ leˇ-eu laˇ gʼoˆ dawˬ tawˆ luꞈ-ahˇ shuiˇ yaw-euˬ meh.