2 Laˬsaˬbaˬ 36:16 - Akha

¹⁶ Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

2 Laˬsaˬbaˬ 36:16 ပူးပေါင်းရင်းမြစ်များ

2 Laˬsaˬbaˬ 30:10

Sahˬ boꞈ biꞈ ha leˇ-euˬ tsawˇ haˬ deuˬ-aˬ, Eˇpaˬleˬ tsawˇ jeuˬ hawˇ-eu Maˬnaˇseˬ tsawˇ jeuˬ deuˬ jawˇ-eu miˇ kʼahˬ-ahˇ jaˆ-eu meuˬ yawˬ meuˬ na luꞈ-ahˇ le-awˇ, laꞈ taˆ paw pyawˬ-ahˇ Zeˬbuˬloˬ tsawˇ jeuˬ jawˇ gaˇ keuˆ ni le keuˆ-euˬ meh. Ehˇ kʼawꞈ, tsawˇ haˬ kʼoeˇ deuˬ aˬ yawꞈ maꞈ-ahˇ uiˇ uiˇ-ehˇ naˬ gʼa-eu meh.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

Yeˬlaˬmiˇ 32:3

Sahˬpaˬ Miˬyehˇ neh ehˇ-euˬ dawˬ deuˬ-ahˇ ngaˇ dzawˇ gaˬ-euˬ miˇ neh, sahˬ paˬ Zeˬdaˬkiˇ ngaˬ-ahˇ paꞈ kuˆ laꞈ kʼoeˇ nyehꞈ ahˇ-euˬ meh. Sahˬpaˬ Miˬyehˇ neh ehˇ-euˬ dawˬ-aˬ, heu loꞈ-ehˇ meh. “Meuˬ heu meuˬ-ahˇ Baˬbuˇloˬ sahˬ paˬ neh bi deuˆ gʼaˬ-eu lehˇ ngaˇ gʼeh-eu ma.

Dawqdaq 6:15

Kʼoeˇ miˇ neh, aˬ yawꞈ kʼoeˇ taˆ, guˆ-eu gaˆ-eu jeˬ ja pyuˬ ni keuˆ le-awˇ, tiˬ jawˇ-iˬ maˬ laˆ saˆ taˬ nya ni kʼehꞈ-iˇ kʼoeˆ-iˇ tehꞈ-a.

Jaceuq 74:1

Miˬyehˇ-oˇ, aˬ jeˬ miˇ neh nga maꞈ-ahˇ heu loꞈ-ehˇ byehˇ dzeh nehˬ laꞈ te. Nawˬ-euˬ tsawˇ jeuˬ-ahˇ mˬ maˬ maˬ byaˆ zaˇ ziˇ nawˇ nui ma pehˇ-eu gʼeh te loˇ.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Jaceuq 35:16

Kuiˇkuˆ-ahˇ naˬgʼa-eu loꞈ-ehˇ, ngaˬ-ahˇ mˇziˇhaw laˇ-eu meh.

Eˇzaˬlaˬ 5:12

Ehˇ kʼawꞈ, nga maꞈ-euˬ aˬ poeˬ aˬ bawˇ deuˬ mˬ kʼoeˇ taˆ jawˇ-eu Miˬyehˇ nui ma pehˇ ni mˇ-euˬ miˇ neh, Kaˬlaˬdehˇ tsawˇ jeuˬ pyeuꞈ-eu Baˬbuˇloˬ sahˬ paˬ Neˬbuˬkaˬneˬzaˬ-ahˇ aˬ yawꞈ pyehˬ gʼeh leꞈ-awˇ, aˬ yawꞈ maꞈ-ahˇ bi deuˆ gʼaˬ-euˬ meh. Kʼoeˇ ngeh, Uˬ duˬ tahˬ nymˇ nymˇ ma-ahˇ laˆ luˬ laˆ seˇ yaꞈ-awˇ, miˇ kʼahˬ zaˬ deuˬ-ahˇ Baˬbuˇloˬ miˇ kʼahˬ-ahˇ nyehꞈ ka gʼeh-euˬ meh.

HeˬByehˇ 11:36

Tiˬ paˆ na deuˬ-aˬ, yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-euˬ meh. Tiˬ paˆ na deuˬ-aˬ, shmˇ caˆ bi paꞈ-awˇ, tawˬ-ahˇ bi tsahˇ uˇ gʼeh-euˬ meh.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

Gʼaˬkʼehˇ 13:41

‘Dawˬ doeˇ ngehˬ-eu deuˬ haw taˬ-awˬ. Zahˬ dui dui leˇ-awˇ shiˇ tsehˆ-awˬ. Aˬ jeˬ miˇ neh ehˇ naˇ, iˬ nah ngaˇ mˇ-eu gʼeh-eu heu, aˬ cawˬ naw maꞈ-ahˇ ehˇ-euˬ kʼawꞈ, naw maꞈ ngeuˇ meh lehˇ maˬ duˇ-a’ lehˇ ehˇ taˬ-euˬ meh.”

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Gʼaˬkʼehˇ 2:13

Ehˇ kʼawꞈ, tiˬ paˆ na deuˬ-aˬ, jah-eu tsawˇ haˬ kʼoeˇ deuˬ-ahˇ cehꞈ lehꞈ ka-eu laꞈ kʼoeˇ, “Aˬ gaꞈ dzaˇ uiˇ yaw shuiꞈ dawˇ yehꞈ-euˬ miˇ neh gʼeh-eu nga” lehˇ ja uiˇ niˇ gʼa-eu meh.

Luˇkaꞈ 23:36

Yehˇ deuˬ kʼawꞈ, aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-eu meh. Aˬ yawꞈ maꞈ aˬ yawꞈ jawˇ gaˇ le-awˇ, cehˇ myawˆ ni gʼeh-eu aˬ gaꞈ dzaˇ uiˇ ciˬ nehˬ-awˇ ehˇ-eu,

Luˇkaꞈ 23:11

Heˬloˆ hawˇ-eu aˬ yawꞈ-euˬ yehˇ deuˬ Yeˬsuˇ-ahˇ yehˬ bawˬ sehˇ lu-ehˇ ehˇ-awˇ naˬ gʼa-euˬ meh. Kʼoeˇ loꞈ-ehˇ jahˇ gʼaˬ ngeh, sahˬ paˬ sahˬ ma deuˬ dm-eu muiˬ dui dui-eu mehˬ tsoeˬ bi dm-awˇ, sahˬ paˬ Piˇlaˆ jawˇ gaˇ bi sheuˬ kʼoꞈ gʼeh-euˬ meh.

Luˇkaꞈ 18:32

Aˬ yawꞈ-ahˇ aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, bi naˬ gʼa-awˇ, yehˬ bawˬ sehˇlu-ehˇ bi gʼeh-awˇ, duˬ kʼaˬ bi kʼa daˆ tehꞈ-a.

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Yeˬlaˬmiˇ 38:6

Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.

Yeˬlaˬmiˇ 20:7

Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Maꞈtehˬ 23:34

Miˬyehˇ gʼaˇ duˬ ngehˬ dah-eu deuˬ, zaˬ siˬ tsawˇ gahˇ ahˇ-eu deuˬ hawˇ-eu, saˬ laˬ deuˬ-ahˇ naw maꞈ jawˇ gaˇ bi oe ma lehˇ ngaˇ ehˇ-eu ma. Aˬ yawꞈ maꞈ tiˬ paˆ na deuˬ-ahˇ naw maꞈ sehꞈ tehꞈ-a. Tiˬ paˆ na deuˬ-ahˇ laꞈ yaꞈ kʼoeˇ taˆ taꞈ sehꞈ-awˇ, tiˬ paˆ na deuˬ-ahˇ uˬ duˬ tahˬ nymˇ laꞈ kʼoeˇ yahˬ caˆ neh juiꞈ tehꞈ-a. Meuˬ tiˬ meuˬ saˇ-iˬ tiˬ meuˬ doe ni, aˬ yawꞈ maꞈ-ahˇ naw maꞈ teh tehꞈ-a.

Luˇkaꞈ 6:23

Kʼoeˇ loꞈ-ehˇ gʼeh-eu jeˬ naw maꞈ kʼoeˇ taˆ keuˆ le ngeh, laˬ kʼaˬ cehˇ cehˇ-ehˇ tsawˬ-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Miˬyehˇ gʼaˇ duˬ ngehˬ dah-euˬ tsawˇ haˬ deuˬ-ahˇ kʼawꞈ, aˬ yawꞈ maꞈ-euˬ aˬ poeˬ aˬ bawˇ deuˬ neh kʼoeˇ loꞈ-ehˇ jahˇ nehˬ-euˬ meh.

2 Sahˬpaˬ 2:23

Yeˬliˇkoˇ meuˬ-ahˇ neh Beˬdeˬlaˇ meuˬ-ahˇ Eˇliˇshehˇ iˇ luꞈ ngeh, gaˇ pehˇ-ahˇ meuˬ tiˬ meuˬ laꞈ kʼoeˇ neh zaˬ tiˬ deuˬ doˆ le-awˇ, “Uˬdeˬ-oˇ, heu gaˇ neh doˆ-iˇ-awˬ” lehˇ guˇ guˇ-ehˇ naˬ gʼa-eu meh.

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Neˬhaˬmiˇ 9:30

Nawˇ nui ma gʼawˬ mahˇ ni taˬ-awˇ, tiˬ kʼoꞈ saˇ-iˬ tiˬ kʼoꞈ aˬ yawꞈ maꞈ-ahˇ mehˬ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ nawˬ-euˬ Yaw sahˇ sheuˬ gʼeh nehˬ-awˇ, aˬ yawꞈ maꞈ-ahˇ dawˬ bi ngehˬ cawˬ kʼawꞈ, aˬ yawꞈ maꞈ naˬ bawˇ maˬ gaˬ leˇ-eu miˇ neh, aˬ cawˬ tsawˇ jeuˬ deuˬ neh aˬ yawꞈ maꞈ-ahˇ nawˇ bi deuˆ gʼaˬ-euˬ meh.

Iˇsaˬyaˇ 5:4

Aˬ gaꞈ yaˇ kmˇ laꞈ kʼoeˇ mˇ paˬ-ehˇ gʼeh-eu jeˬ, ngaˇ maˬ mˇ ni byehˇ-euˬ aˬ jeˬ jaˆ ta. Aˬ gaꞈ aˇ siˬ yaw muiˬ bi siˬ le-eu lehˇ bo saˆ ngeh, aˬ jeˬ miˇ neh yaw cehˇ tehꞈ-ehˇ siˬ le ta.

Iˇsaˬyaˇ 65:12

Ngaˇ kuˇ ngeh naw maꞈ-euˬ naˬ bawˇ maˬ gaˬ leˇ-ehˇ, ngaˬ-euˬ dawˬ-ahˇ naw maꞈ maˬ naˇ haˬ-eu miˇ neh, naw maꞈ shaˆ shiˇ ya shiˇ tehꞈ-a. Ngaˬ-euˬ ehˇ dawˬ maˬ naˇ haˬ ni yaw haiˬ mˇ-eu gʼaˇ duˬ, naw maꞈ nui tsehˆ ahˇ taˬ-euˬ meh.

Yeˬlaˬmiˇ 13:10

Haiˬ-eu tsawˇ haˬ kʼoeˇ deuˬ ngaˬ-euˬ ehˇ dawˬ-ahˇ maˬ naˇ haˬ geuꞈ-a. Dzeuˇ laˇ ngeh loꞈ-ehˇ aˬ yawꞈ maꞈ nui ma gʼahˇ-awˇ haiˬ-eu laꞈ kʼoeˇ, miˬ yehˇ nui deuˬ-ahˇ uˬ duˬ tahˬ-awˇ miˬ yehˇ kʼoeˇ deuˬ-euˬ nui kʼahˇ mˇ-eu meh. Kʼoeˇ miˇ neh, peuˬ-iˇ-euˬ joꞈ paꞈ kʼoeˇ kahˇ loꞈ-ehˇ aˬ yawꞈ maꞈ ya cawˆ-iˇ tehꞈ-a.

Yeˬlaˬmiˇ 20:8

Ngaˇ dawˬ kʼaˇ ngehˬ ngeh ngoeˇ-eu jeˬ oꞈ-awˇ, “Yaw haiˬ hawˇ-eu yaw cawˆ jeˬ tehꞈ nga” lehˇ ya guˇ-eu meh. Sahˬpaˬ Miˬyehˇ nawˬ-euˬ dawˬ ngaˇ ya dzawˇ gaˬ-eu miˇ neh, dawˬ doeˇ daˬ-eu maˬ tsehˆ leˇ nya.

Yeˬlaˬmiˇ 30:12

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-euˬ maˇ naˇ maˬ laˆ byoˆ nya-ehˇ, naw maꞈ-euˬ maˇ kʼehˬ maˬ yaˇ taˬ nya-a.

Yeˬlaˬmiˇ 32:33

Aˬ yawꞈ maꞈ ngaˬ-ahˇ naˇ kʼah ciˬ pyawˇ-awˇ, ngaˬ neh tiˬ poˆ saˇ-iˬ tiˬ poˆ mehˬ nehˬ tsoˆ nehˬ-euˬ dawˬ-ahˇ naˬ bawˇ maˬ ciˬ kʼmˇ-a.

Yeˬlaˬmiˇ 42:18

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˇ nui ma pehˇ dui dui-eu jeˬ Yeˬluˇsaˬlehˬ meuˬ kʼoeˇ taˆ tahˬ daˆ nehˬ-euˬ loꞈ-ehˇ, naw maꞈ Iˇjiˇtuˆ miˇ kʼahˬ-ahˇ iˇ naˇ, naw maꞈ kʼoeˇ taˆ kʼawꞈ paˇ tahˬ daˆ nehˬ ma. Guˆ dui dui laˇ paˬ-ehˇ gʼeh-eu jeˬ naw maꞈ kʼoeˇ taˆ keuˆ le tehꞈ-a. Aˬ cawˬ naw maꞈ-ahˇ yahˬ caˆ neh juiꞈ-awˇ, naw maꞈ-euˬ tsawˇ myahˇ -ahˇ kuˇ kuˇ-ehˇ yaˬ kʼehˇ yaˬ tehꞈ-a. Jawˇ duˬ heu tsahˇ-ahˇ naw maꞈ maˬ paˇ ya gʼoꞈ mawˇ haw laˇ-aˇ’ lehˇ ehˇ-eu meh.”

Daˬyeˬlaˇ 9:6

Nga maꞈ-euˬ sahˬ paˬ sahˬ ma deuˬ, nga maꞈ-euˬ aˬ poeˬ aˬ bawˇ deuˬ hawˇ-eu, nga maꞈ tsawˇ jeuˬ-ahˇ, nawˬ-euˬ tsawˇ myahˇ uˬ moˆ ngehˬ-eu tmˇ-eu deuˬ pyeuꞈ-eu Miˬyehˇ gʼaˇ duˬ ngehˬ dah-eu nawˬ-euˬ zaˬ kʼaˆ deuˬ-euˬ ehˇ dawˬ nga maꞈ maˬ naˇ haˬ ni dehꞈ-euˬ ma.

Uˬ duˬ 26:15

Ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ ni, ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ naˇ,

Yaˇ kʼaˬ daˇ 2:17

Ehˇ kʼawꞈ, aˬ yawꞈ maꞈ-euˬ aˬ yuiꞈ aˬ tsu kʼoeˇ deuˬ-euˬ ehˇ dawˬ-ahˇ aˬ yawꞈ maꞈ maˬ naˇ haˬ geuꞈ-a. Iˇsaˬleˬlaˆ tsawˇ jeuˬ Sahˬpaˬ Miˬyehˇ-ahˇ saˇ jaˇ maˬ ziꞈ-ehˇ, miˬyehˇ nui deuˬ-ahˇ uˬ duˬ tahˬ-euˬ meh. Aˬ yawꞈ maꞈ-euˬ aˬ da deuˬ Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-euˬ kʼawꞈ, yawˬ ziˇ yawˬ-ahˇ dehꞈ le-euˬ tsawˇ haˬ kʼoeˇ deuˬ kʼoeˇ loꞈ-ehˇ maˬ mˇ ni byehˇ-euˬ meh.

1 Laˬsaˬbaˬ 19:4

Daˬbiˇ neh pyehˬ gʼeh-euˬ tsawˇ haˬ kʼoeˇ deuˬ-ahˇ Haˬnuˬ nyehꞈ-awˇ, mehˬ mahˬ jehˆ dzeh nehˬ-euˬ uˬ taꞈ, aˬ yawꞈ maꞈ-euˬ pehˇ kʼahˬ daˇ tsuiꞈ-ahˇ keuˆ ni pyehˆ tsehˆ nehˬ-awˇ, pyehˬ kʼoꞈ gʼeh-euˬ meh.

2 Laˬsaˬbaˬ 24:19

Tsawˇ haˬ kʼoeˇ deuˬ aˬ yawꞈ jawˇ paw gʼoꞈ kʼoꞈ laˇ ni, aˬ yawꞈ gʼaˇ duˬ ngehˬ dah-eu tsawˇ haˬ deuˬ-ahˇ Sahˬpaˬ Miˬyehˇ pyehˬ gʼeh kʼawꞈ, aˬ yawꞈ maꞈ maˬ naˇ haˬ-a.

Iˇsaˬyaˇ 57:4

Aˬ suˇ gʼaˬ-ahˇ naw maꞈ cehꞈ lehꞈ ka te. Aˬ geu gʼaˬ-ahˇ naw maꞈ mehˬ laˇ cawˬ doˆ nehˬ-awˇ, aˬ jaꞈ jaꞈ niˇ gʼaˬ te. Naw maꞈ smˇ kʼoeˬ tahˇ joe-euˬ zaˬ maˬ ngeuˇ te loˇ.