2 Laˬsaˬbaˬ 34:8 - Akha

⁸ Sahˬ paˬ Yawˇshiˆ sahˬ paˬ geuꞈ-euˬ tseˇ yehꞈ kʼoꞈ keuˆ laˇ-awˇ, lawˇ ciꞈ zaˬ-euˬ uˬ duˬ tahˬ-eu jeˬ-ahˇ aˬ yawꞈ laˆ piˬ laˆ byoˆ-eu laꞈ kʼoeˇ Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ mˇ shawˇ gʼaˬ ngeh, Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ bi laˆ saˆ-eu gʼaˇ duˬ, Aˬzaˬliˇ-euˬ aˬ li Shaˇpaˬ, Yeˬluˇsaˬlehˬ meuˬ-ahˇ uˆ lahˇ-eu gʼaˬ pyeuꞈ-eu Mawˇseˬyaˇ hawˇ-eu Yoˇaˬhaˆ-euˬ aˬ li yaw huiˬ yaw mahˇ tiˬ gʼaˬ pyeuꞈ-eu Yawˇaˬ, heu smˇ gʼaˬ-ahˇ aˬ yawꞈ pyehˬ gʼeh-euˬ meh.

2 Laˬsaˬbaˬ 34:8 ပူးပေါင်းရင်းမြစ်များ

2 Saˬmeuˬlaˆ 20:24

Aˬdawˇniˇlamˬ-aˬ, myawˬ kʼaˆ bi mˇ-euˬ deuˬ kʼoeˇ taˆ haw-eu pyaˆ-eu gʼaˬ pyeuꞈ-eu meh. Aˬhiˇluˆ-euˬ aˬ li Yeˬhawˇshaˬpaˇ gʼaˬ, jaˇ laˇ yuˇ-eu paw aˬ yuiꞈ geuꞈ-euˬ meh.

2 Saˬmeuˬlaˆ 8:16

Zeˬluˇyaˆ-euˬ aˬ li Yoˇbaˬ gʼaˬ, Daˬbiˇ-euˬ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ geuꞈ-euˬ meh. Aˬhiˇluˆ-euˬ aˬ li Yeˬhawˇshaˬpaˇ gʼaˬ-aˬ, jaˇ laˇ yuˇ-eu paw aˬ yuiꞈ geuꞈ-euˬ meh.

1 Laˬsaˬbaˬ 18:15

Aˬbiˇshaiˇ-euˬ aˬ nyiˇ Yoˇbaˬ-aˬ, Daˬbiˇ-euˬ guiˇ maꞈ kʼoeˇ taˆ uˆ lahˇ-eu gʼaˬ geuꞈ-euˬ meh. Aˬhiˇluˆ-euˬ aˬ li Yeˬhawˇshaˬpaˇ gʼaˬ-aˬ, jaˇ laˇ yuˇ-eu paw aˬ yuiꞈ geuꞈ-euˬ meh.

2 Laˬsaˬbaˬ 18:25

Kʼoeˇ naˇ, Aˬ haˇ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ-ahˇ, heu loꞈ-ehˇ ehˇ nehˬ-euˬ meh. “Miˇkaˬyaˇ-ahˇ paꞈ-awˇ, meuˬ-ahˇ uˆ lahˇ-eu gʼaˬ pyeuꞈ-eu Aˬmoˬ hawˇ-eu sahˬ paˬ-euˬ aˬ li Yawˇshaˆ jawˇ gaˇ nyehꞈ gʼeh-awˬ.

2 Laˬsaˬbaˬ 24:12

Sahˬ paˬ Yawˇshaˆ hawˇ-eu Yeˬhawˇyaˬdaˬ aˬ nyaꞈ pyuˇ kʼoeˇ deuˬ yuˇ-awˇ, Uˬ duˬ tahˬ nymˇ nymˇ ma laˆ saˆ muiˬ gaˇ haw luꞈ pyaˆ luꞈ-eu deuˬ-ahˇ biꞈ-euˬ meh. Aˬ yawꞈ maꞈ kʼaˬ lo tsaˬ byaˆ gawˬ-eu deuˬ, laꞈ sawˆ sawˆ-eu deuˬ hawˇ-eu, ba jiˬ deuˬ-ahˇ aˇ poeˬ biꞈ nehˬ-awˇ, bi laˆ saˆ muiˬ-euˬ meh.

2 Laˬsaˬbaˬ 24:5

Piˇ ma deuˬ hawˇ-eu Leˬbiˇ tsawˇ haˬ deuˬ-ahˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ doe ni aˬ yawꞈ bi iˇ-awˇ, tiˬ kʼoꞈ tiˬ poˆ Uˬ duˬ tahˬ nymˇ nymˇ ma laˆ saˆ muiˬ gaˇ loˬ-eu pyuˇ deuˬ miˇ kʼahˬ zaˬ deuˬ kʼaˇ jawˇ gaˇ bi taꞈ uiˬ-iˇ-euˬ meh. Aˬ yawꞈ maꞈ yaw kawˇ-ehˇ iˇ ni aˬ yawꞈ ehˇ nehˬ taˬ-euˬ kʼawꞈ, Leˬbiˇ tsawˇ haˬ deuˬ nyi naˬ nyi naˬ-ehˇ jawˇ-eu meh.

Yeˬlaˬmiˇ 21:1

Yuˇdaˆ sahˬ paˬ Zeˬdaˬkiˇ-aˬ, Maˬlaˬkiˇyaˆ-euˬ aˬ li Paˬshuˇlaˆ hawˇ-eu Mawˇseˬyaˇ-euˬ aˬ li piˇ ma Zeˬpaˬniˇ-ahˇ ngaˇ jawˇ gaˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.

Yeˬlaˬmiˇ 25:3

“Aˬmo-euˬ aˬ li Yawˇshiˆ sahˬ paˬ geuꞈ-eu tseˇ smˇ kʼoꞈ tiˬ kʼoꞈ pyeuꞈ-eu, dzeuˇ laˇ-euˬ nyiˬ tseˇ smˇ kʼoꞈ-ahˇ neh iˬ nah keuˆ ni, Sahˬpaˬ Miˬyehˇ ngaˬ-ahˇ dawˬ ngehˬ cawˬ luꞈ-awˇ, aˬ yawꞈ neh kʼaˇ ehˇ-euˬ jeˬ, naw maꞈ-ahˇ ngaˇ maˬ byehˇ ni ehˇ nehˬ luꞈ-eu ma. Ehˇ kʼawꞈ, naw maꞈ naˬ bawˇ gaˬ leˇ gaˇ maˬ duˇ-a.

Yeˬlaˬmiˇ 26:24

Ehˇ kʼawꞈ, Shaˇpaˬ-euˬ aˬ li Aˬhiˇkamˬ ngaˬ-ahˇ caw ba-eu miˇ neh, miˇ kʼahˬ zaˬ-euˬ laꞈ-ahˇ maˬ ahˇ leˇ-ehˇ, bi sehꞈ gaˇ maˬ keuˆ-aˬ.

Yeˬlaˬmiˇ 29:21

“Sahˬpaˬ Miˬyehˇ-euˬ tsawˇ myahˇ-ahˇ gʼoe-awˇ, naw maꞈ-ahˇ jaˬ myawꞈ myawꞈ luꞈ-eu Gawˬlaˇyaˬ-euˬ aˬ li Aˬkaˆ hawˇ-eu, Mawˇseˬyaˇ-euˬ aˬ li Zeˬdaˬkiˇ aˬ ha nyaꞈ-euˬ gaˇ kawˆ Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. Aˬ yawꞈ maꞈ-ahˇ Baˬbuˇloˬ sahˬ paˬ Neˬbuˬkaˬneˬzaˬ-euˬ aˬ laꞈ laꞈ kʼoeˇ a nehˬ-awˇ, sahˬ paˬ kʼoeˇ gʼaˬ neh naw maꞈ-euˬ mehˬ shi bi sehꞈ tehꞈ-a lehˇ aˬ yawꞈ ehˇ-eu meh.

Yeˬlaˬmiˇ 29:3

Yuˇdaˆ sahˬ paˬ Zeˬdaˬkiˇ neh, Baˬbuˇloˬ sahˬ paˬ Neˬbuˬkaˬneˬzaˬ jawˇ gaˇ pyehˬ gʼeh-euˬ Shaˇpaˬ-euˬ aˬ li Eˇlaˬsaˬ hawˇ-eu Hiˇlaˬkiˇ-euˬ aˬ li Geˬmaˬliˇyaˆ aˬ nyaꞈ-ahˇ, sahˬ boꞈ kʼoeˇ taꞈ ngaˇ dawˆ ahˇ gʼeh-euˬ ma. Sahˬ boꞈ kʼoeˇ taꞈ laꞈ kʼoeˇ boꞈ taˬ-euˬ gaˇ kawˆ-aˬ, heu loꞈ-ehˇ ma.

Yeˬlaˬmiˇ 36:10

Kʼoeˇ naˇ, tsawˇ haˬ dawˬ tawˆ luꞈ naˇ haˬ luꞈ ngeh, ngaˬ neh gui ka ka nehˬ-euˬ dawˬ deuˬ boꞈ ahˇ jiˇ taˬ-euˬ sahˬ boꞈ paˇ yoˆ kʼoeˇ yoˆ, Baˬluˆ gui mehˬ nehˬ-euˬ meh. Shaˇpaˬ-euˬ aˬ li pyeuꞈ-eu Uˬ duˬ tahˬ nymˇ nymˇ ma -euˬ saˇ naˇ gaˇ tuˆ tehˬ luꞈ-eu Geˬmaˬliˇyaˆ-euˬ aˇ lawˆ laꞈ kʼoeˇ uˇ-awˇ, aˬ yawꞈ gui mehˬ-euˬ meh. Aˇ lawˆ kʼoeˇ lawˆ-aˬ, Uˬ duˬ tahˬ nymˇ nymˇ ma-euˬ poˆ kaˬ laꞈ taˆ kaˬ-ahˇ, Gʼoˆ kʼehˬ yaw shuiꞈ lehˇ kuˇ-eu kʼoeˇ kʼehˬ dawˬ peh jaˆ-eu meh.

Yeˬlaˬmiˇ 39:14

sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ sheuˬ doˆ laˬ le-euˬ meh. Sahˬ paˬ-euˬ aˬ li Aˬhiˇkamˬ-euˬ aˬ li Geˬdaˬliˇ-ahˇ, ngaˬ-ahˇ bi haw piˇ-awˇ, iˇ kahˇ-ahˇ bi sheuˬ kʼoꞈ keuˆ ha le-euˬ meh. Kʼoeˇ naˇ, miˇ kʼahˬ zaˬ deuˬ nehˬ-ehˇ ngaˇ kʼoeˇ gaˇ jawˇ-euˬ ma.

Yeˬlaˬmiˇ 40:11

Aˇ yamˬ kʼoeˇ yamˬ laꞈ kʼoeˇ Baˬbuˇloˬ sahˬ paˬ neh Iˇsaˬleˬlaˆ tsawˇ haˬ tiˬ paˆ na deuˬ-ahˇ Yuˇdaˆ miˇ kʼahˬ laꞈ kʼoeˇ jawˇ daˆ leꞈ-eu aˬ kawˬ-aˬ biꞈ-awˇ, Geˬdaˬliˇ-ahˇ aˬ yawꞈ maꞈ kʼoeˇ taˆ bi uˆ lahˇ-euˬ gaˇ kawˆ, Mawˇbaˆ miˇ kʼahˬ, Aˬmoˬ miˇ kʼahˬ hawˇ-eu Eˬdoˬ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ ya gaˬ-euˬ meh.

Yeˬsaˬgeˬlaˇ 8:11

Sahˬ paˬ-euˬ aˬ li Yaˬzaˬniˇ ahˇ leˇ-ehˇ, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ kʼoeˇ gaˇ jawˇ-eu meh. Aˬ yawꞈ gʼaˬ yawꞈ yaw saw jeˬ doꞈ damˬ duˬ tiˬ gʼaˬ tiˬ hmˬ yuˇ luꞈ-awˇ, yaw saw jeˬ doꞈ taˬ-euˬ uˬ kʼoeˬ uꞈ uꞈ-ehˇ jaˆ-eu meh.