Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Laˬsaˬbaˬ 34:5 - Akha

5 Lawˇ ciꞈ zaˬ deuˬ-euˬ piˇ ma deuˬ-euˬ shaˬ yoeˬ-ahˇ, aˬ yawꞈ maꞈ uˬ duˬ tahˬ gaˇ jaˆ-eu lawˇ duˬ kʼoeˇ taˆ aˬ yawꞈ dzah puiˆ-euˬ meh. Kʼoeˇ loꞈ-ehˇ jahˇ-eu laꞈ kʼoeˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ aˬ yawꞈ mˇ shawˇ-euˬ meh.

အခန်းကိုကြည့်ပါ။ ကော်ပီ




2 Laˬsaˬbaˬ 34:5
10 ပူးပေါင်းရင်းမြစ်များ  

Miˬyehˇ gʼaˇ duˬ ngehˬ dah-eu kʼoeˇ gʼaˬ, Sahˬpaˬ Miˬyehˇ neh kʼaˇ kʼehˇ-euˬ loꞈ-ehˇ lawˇ duˬ-ahˇ yaˬ kʼehˇ yaˬ-awˇ ehˇ-eu, “Lawˇ duˬ-oˇ, Lawˇ duˬ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. Yawˇshiˆ lehˇ myahˇ-euˬ aˬ li tiˬ li Daˬbiˇ-euˬ nymˇ jiˇ laꞈ kʼoeˇ dehꞈ le tehꞈ-a. Aˬ cawˬ tsawˇ jeuˬ-euˬ lawˇ duˬ-ahˇ gaˇ mˇ-eu piˇ ma geuꞈ-awˇ nawˬ-euˬ kʼoeˇ taˆ lawˇ-eu shehˇ-eu jeˬ mˇ luꞈ-eu tsawˇ haˬ kʼoeˇ deuˬ-ahˇ, nawˬ-euˬ kʼoeˇ taˆ aˬ yawꞈ sehꞈ daˆ-awˇ, tsawˇ haˬ-euˬ shaˬ yoeˬ kʼawꞈ nawˬ-euˬ kʼoeˇ taˆ aˬ yawꞈ dzah puiˆ tehꞈ-a.”


Kʼoeˇ naˇ, kʼoeˇ-euˬ jawˬ jawˬ-ehˇ Yawˇshiˆ haw gʼeh ngeh, lmˬ bymˇ jaˆ gaˇ ya mawˇ-awˇ, tsawˇ haˬ-euˬ shaˬ yoeˬ duˬ doˆ-awˇ, lawˇ duˬ kʼoeˇ taˆ dzah puiˆ nehˬ-euˬ meh. Aˇ hu ba, bawˬ-iˬ gʼeh-awˇ lawˇ duˬ kʼoeˇ-euˬ dawˬ peh sahˬ paˬ Yeˬyawˇbamˬ yawꞈ luꞈ ngeh, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni lawˇ duˬ kʼoeˇ hmˬ-ahˇ aˬ yawꞈ kʼoeˇ loꞈ-ehˇ laˆ cawˆ nehˬ-euˬ jeˬ pyeuꞈ-eu meh. Sahˬpaˬ Yawˇshiˆ jawˬ jawˬ-ehˇ paˇ haw gʼeh ngeh, kʼoeˇ loꞈ-ehˇ ehˇ taˬ yaꞈ-euˬ Miˬyehˇ gʼaˇ duˬ ngehˬ dah-eu gʼaˬ-euˬ lmˬ bymˇ-ahˇ paˇ mawˇ-euˬ meh.


Lawˇ duˬ kʼoeˇ deuˬ-ahˇ gaˇ kʼaˇ mˇ luꞈ-eu lawˇ ciꞈ zaˬ-euˬ piˇ ma deuˬ-ahˇ, lawˇ duˬ kʼoeˇ deuˬ kʼoeˇ taˆ aˬ yawꞈ sehꞈ-awˇ, lawˇ duˬ aˬ yawꞈ hmˬ yawꞈ kʼoeˇ taˆ, tsawˇ haˬ shaˬ yoeˬ dzah puiˆ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ gʼoꞈ leˇ-euˬ meh.


Iˇsaˬleˬlaˆ tsawˇ jeuˬ deuˬ-euˬ miˇ kʼahˬ doe ni jaˆ-eu nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ dawˬ tawˆ luꞈ-ahˇ Yawˇshiˆ laˆ cawˆ-awˇ, aˬ yawꞈ kʼaˇ dehꞈ kʼoeˇ keuˆ ni, miˇ kʼahˬ zaˬ deuˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ byehˇ dzeh ni uˬ duˬ tahˬ-euˬ meh.


Laꞈ taˆ paw jaˆ-eu Iˇsaˬleˬlaˆ miˇ kʼahˬ doe ni Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ hawˇ-eu lawˇ duˬ deuˬ-ahˇ aˬ yawꞈ deh pyaˆ-awˇ, tahˬ pahˬ aˬ ma mawˇ kawˇ nui deuˬ-ahˇ laˆ meuˇ laˆ loeˇ jiˇ nehˬ-euˬ uˬ taꞈ, yaw saw jeˬ doꞈ damˬ-eu lawˇ duˬ dawˬ tawˆ luꞈ-ahˇ laˆ kʼehꞈ laˆ kʼoeˆ jiˇ nehˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ gʼoꞈ-iˇ-euˬ meh.


Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”


Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.


“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ-euˬ miˇ kʼahˬ maˬ muiˬ maˬ shawˇ-ehˇ pyeuꞈ-iˇ-euˬ miˇ neh, ngaˇ nui ma pehˇ-eu laꞈ kʼoeˇ kʼehˬ nehˬ kʼaˆ nehˬ-eu ma.


Kʼoeˇ loꞈ-ehˇ jahˇ naˇ, naw maꞈ jawˇ luꞈ-eu miˇ kʼahˬ-ahˇ naw maꞈ laˆ jawꞈ-eu meh. Tsawˇ haˬ-ahˇ sehꞈ-euˬ jeˬ-aˬ, miˇ kʼahˬ-ahˇ laˆ jawꞈ-eu jeˬ pyeuꞈ-awˇ, aˬ cawˬ-ahˇ sehꞈ-euˬ gʼaˬ maˬ shiˇ kʼoeˇ keuˆ ni, tsawˇ haˬ sehꞈ-euˬ miˇ kʼahˬ kʼoeˇ kʼahˬ-ahˇ tiˬ jeˬ gʼeh-awˇ neh-iˬ maˬ laˆ muiˬ maˬ laˆ shawˇ nya-a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ