Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Laˬsaˬbaˬ 34:4 - Akha

4 Aˬ yawꞈ-euˬ tsawˇ haˬ deuˬ-ahˇ aˬ yawꞈ kʼehˇ gʼeh-awˇ, Baˬlaˇ miˬ yehˇ-ahˇ uˬ duˬ tahˬ-eu jawˇ duˬ deuˬ hawˇ-eu, kʼoeˇ-euˬ dawˬ peh jaˆ-eu yaw saw jeˬ doꞈ damˬ-eu lawˇ duˬ deuˬ-ahˇ bi deh pyaˆ jiˇ-euˬ meh. Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ hawˇ-eu tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ aˬ yawꞈ maꞈ laˆ meuˇ laˆ loeˇ jiˇ-awˇ, tahˬ pahˬ aˬ ma mawˇ kawˇ kʼoeˇ deuˬ-ahˇ lawˇ nehˬ shehˇ nehˬ-euˬ tsawˇ haˬ deuˬ-euˬ lmˬ bymˇ kʼoeˇ taˆ byaˆ-euˬ meh.

အခန်းကိုကြည့်ပါ။ ကော်ပီ




2 Laˬsaˬbaˬ 34:4
21 ပူးပေါင်းရင်းမြစ်များ  

Miˬyehˇ gʼaˇ duˬ ngehˬ dah-eu kʼoeˇ gʼaˬ, Sahˬpaˬ Miˬyehˇ neh kʼaˇ kʼehˇ-euˬ loꞈ-ehˇ lawˇ duˬ-ahˇ yaˬ kʼehˇ yaˬ-awˇ ehˇ-eu, “Lawˇ duˬ-oˇ, Lawˇ duˬ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. Yawˇshiˆ lehˇ myahˇ-euˬ aˬ li tiˬ li Daˬbiˇ-euˬ nymˇ jiˇ laꞈ kʼoeˇ dehꞈ le tehꞈ-a. Aˬ cawˬ tsawˇ jeuˬ-euˬ lawˇ duˬ-ahˇ gaˇ mˇ-eu piˇ ma geuꞈ-awˇ nawˬ-euˬ kʼoeˇ taˆ lawˇ-eu shehˇ-eu jeˬ mˇ luꞈ-eu tsawˇ haˬ kʼoeˇ deuˬ-ahˇ, nawˬ-euˬ kʼoeˇ taˆ aˬ yawꞈ sehꞈ daˆ-awˇ, tsawˇ haˬ-euˬ shaˬ yoeˬ kʼawꞈ nawˬ-euˬ kʼoeˇ taˆ aˬ yawꞈ dzah puiˆ tehꞈ-a.”


Yuˇdaˆ miˇ kʼahˬ-ahˇ jaˆ-eu meuˬ dawˬ tawˆ luꞈ laꞈ kʼoeˇ, lawˇ ciꞈ zaˬ deuˬ uˬ duˬ tahˬ-eu jawˇ duˬ hawˇ-eu yaw saw jeˬ doꞈ damˬ-eu lawˇ duˬ deuˬ-ahˇ aˬ yawꞈ laˆ cawˆ-euˬ miˇ neh, aˬ yawꞈ uˆ lahˇ-eu uˬ moˆ miˇ kʼahˬ kʼoeˇ kʼahˬ coꞈ ngehˇ ni jaˆ-euˬ meh.


Yeˬluˇsaˬlehˬ meuˬ laꞈ kʼoeˇ lawˇ gaˇ shehˇ gaˇ hawˇ-eu yaw saw jeˬ doꞈ damˬ gaˇ zmˬ-eu lawˇ duˬ dawˬ tawˆ luꞈ aˬ yawꞈ maꞈ yuˇ-awˇ, Giˇdaˬlo deh kʼawꞈ-ahˇ baꞈ dzeh-iˇ-euˬ meh.


Bawˬ-iˬ gʼeh gʼaˬ ngeh, Iˇsaˬleˬlaˆ tsawˇ haˬ dawˬ tawˆ luꞈ Yuˇdaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ iˇ doe-awˇ, kʼaˬ lo kʼawˇ zeuˇ tahˬ pahˬ aˬ ma mawˇ kawˇ deuˬ deh paˆ dzeh-awˇ, Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ deuˬ tuˇ coˬ-awˇ, lawˇ duˬ deuˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ laˆ cawˆ jiˇ-euˬ meh. Yuˇdaˆ miˇ kʼahˬ doe ni kʼoeˇ loꞈ-ehˇ jahˇ gʼaˬ ngeh, Beˬyaˬmiˬ miˇ kʼahˬ, Eˇpaˬleˬ miˇ kʼahˬ hawˇ-eu, Maˬnaˇseˬ miˇ kʼahˬ doe ni aˬ yawꞈ maꞈ kʼoeˇ loꞈ-ehˇ jahˇ-iˇ-awˇ, yawˬ ha-euˬ meuˬ-ahˇ gʼoꞈ-iˇ jiˇ-euˬ meh.


Aˬ yawꞈ-euˬ aˬ da Maˬnaˇseˬ loꞈ-ehˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-awˇ, aˬ yawꞈ aˬ da uˬ duˬ tahˬ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ uˬ duˬ tahˬ-euˬ meh.


Aˬ yawꞈ-euˬ aˬ da Heˬsaˬgiˇ neh laˆ luˬ laˆ seˇ yaꞈ-euˬ lawˇ ciꞈ zaˬ deuˬ uˬ duˬ tahˬ-eu jawˇ duˬ kʼoeˇ deuˬ-ahˇ aˬ yawꞈ paˇ laˆ muiˬ geuꞈ-euˬ meh. Baˬlaˇ miˬ yehˇ-ahˇ uˬ duˬ tahˬ-eu gʼaˇ duˬ lawˇ duˬ deuˬ aˬ yawꞈ tsoˆ-awˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ tehˆ-euˬ uˬ taꞈ, aˬ guiˇ deuˬ-ahˇ kʼawꞈ uˬ duˬ tahˬ-euˬ meh.


Iˇsaˬleˬlaˆ tsawˇ jeuˬ deuˬ-euˬ miˇ kʼahˬ doe ni jaˆ-eu nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ dawˬ tawˆ luꞈ-ahˇ Yawˇshiˆ laˆ cawˆ-awˇ, aˬ yawꞈ kʼaˇ dehꞈ kʼoeˇ keuˆ ni, miˇ kʼahˬ zaˬ deuˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ byehˇ dzeh ni uˬ duˬ tahˬ-euˬ meh.


Laꞈ taˆ paw jaˆ-eu Iˇsaˬleˬlaˆ miˇ kʼahˬ doe ni Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ hawˇ-eu lawˇ duˬ deuˬ-ahˇ aˬ yawꞈ deh pyaˆ-awˇ, tahˬ pahˬ aˬ ma mawˇ kawˇ nui deuˬ-ahˇ laˆ meuˇ laˆ loeˇ jiˇ nehˬ-euˬ uˬ taꞈ, yaw saw jeˬ doꞈ damˬ-eu lawˇ duˬ dawˬ tawˆ luꞈ-ahˇ laˆ kʼehꞈ laˆ kʼoeˆ jiˇ nehˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ gʼoꞈ-iˇ-euˬ meh.


Jaˬlehˇneh bi hehˇdzaˬpaˬ-ehˇ, kʼaˬpuiˬkʼaˬlehˇlehˇnehˬ-euˬma. Gaˇjawˬkʼaˬlehˇbyaˆ-eu loꞈ-ehˇ, aˬyawꞈmaꞈ-ahˇbyaˆdzeh-euˬma.


Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.


Aˬ yawꞈ maꞈ neh jahˇ taˬ-euˬ mawˇ neˇ mawˇ kawˇ kʼoeˇ aˬ yawꞈ yuˇ-awˇ, miˬ dzaˬ-ahˇ puiˆ guiˇ-euˬ meh. Kʼoeˇ naˇ, lehˬ meuˇ lehˬ loeˇ jiˇ-awˇ, iˇ cuꞈ laꞈ kʼoeˇ byaˆ ahˇ-awˇ, Iˇsaˬleˬlaˆ tsawˇ haˬ deuˬ-ahˇ, iˇ cuꞈ kʼoeˇ bi dawˇ-euˬ meh.


Ehˇ kʼawꞈ, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ kʼawꞈ, laˆ cawˆ nehˬ-awˬ.


Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.


Gawˬ jawˬ gawˬ duˇ kʼoeˇ taˆ jaˆ-eu naw maꞈ-euˬ uˬ duˬ tahˬ-eu jawˇ duˬ-ahˇ ngaˇ laˆ cawˆ-awˇ, yaw saw jeˬ doꞈ-awˇ damˬ-eu lawˇ duˬ kʼawꞈ ngaˇ laˆ pyaˆ ma. Shiˇ taˬ-euˬ naw maꞈ-euˬ gʼawˇ mawˇ deuˬ-ahˇ, coˬ dzeh taˬ-euˬ tahˬ pahˬ aˬ ma mawˇ kawˇ deuˬ kʼoeˇ taˆ gahˬ daˆ-awˇ, naw maꞈ-ahˇ ngaˇ nui daˆ daˆ dui dui ma.


Iˇsaˬleˬlaˆ tsawˇ haˬ deuˬ iˬ baˇ mˇ-awˇ Miˬyehˇ-ahˇ puiˬ-euˬ miˇ neh, gaˇ kawˆ heu deuˬ dawˬ tawˆ luꞈ pyeuꞈ laˇ tehꞈ-a. Aˬ suˇ gʼaˬ baˬ da neh Iˇsaˬ leˬlaˇ miˇ kʼahˬ Miˬyehˇ-ahˇ puiˬ ta. Saˬmaˬliˆ meuˬ baˬ da neh maˬ ngeuˇ-a loˇ. Aˬ suˇ gʼaˬ baˬ da neh Yuˇdaˆ miˇ kʼahˬ tahˬ pahˬ aˬ ma mawˇ kawˇ-ahˇ uˬ duˬ tahˬ ta.


Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ miˬ dzaˬ-ahˇ dzah puiˆ dzeh-awˬ. Kʼoeˇ-euˬ kʼoeˇ taˆ jaˆ-eu pyuˇ hawˇ-eu shuiˇ-ahˇ mehˇ juiˇ juiˇ-awˇ, yawˬ ha gʼaˇ duˬ naw maꞈ taˬ yuˇ geuꞈ. Yuˇ geuꞈ naˇ, lahˇ ju kʼmˇ taˬ-euˬ gaˇ naw maꞈ paꞈ leˇ tehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui daˆ daˆ-eu meh.


Kʼoeˇ miˇ neh, aˬ yawꞈ maꞈ-euˬ lawˇ duˬ deh pyaˆ-awˇ, aˬ yawꞈ maꞈ-euˬ muiˬ-eu shawˇ-eu kʼawˇ zeuˇ deuˬ laˆ cawˆ nehˬ-awˬ. Aˬ yawꞈ maꞈ-euˬ miˬyehˇ ma Aˬsheˇlaˬ-euˬ tahˬ pahˬ aˬ ma mawˇ kawˇ deuˬ kʼawꞈ laˆ cawˆ nehˬ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ miˬ dzaˬ dzah puiˆ-awˬ.


Naw maꞈ neh mˇ-euˬ iˬ baˇ pyeuꞈ-eu mawˇ neˇ mawˇ kawˇ kʼoeˇ ngaˇ yuˇ-awˇ, miˬ dzaˬ-ahˇ dawˆ puiˆ-euˬ ma. Kʼoeˇ naˇ, lehˬ meuˇ-awˇ gawˬ jawˬ-ahˇ neh yoeˇ ka leꞈ-euˬ lawˇ gawˆ-ahˇ dawˆ bu-euˬ ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ