2 Laˬsaˬbaˬ 33:9 - Akha

⁹ Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, aˬ yawꞈ neh teh dzeh nehˬ-euˬ kʼoeˇ gaˇ jawˇ-eu tsawˇ oeˇ deuˬ neh mˇ-euˬ iˬ baˇ naˆ maˬ tseˇ huiˬ dzehˬ-eu iˬ baˇ-ahˇ, Yuˇdaˆ miˇ kʼahˬ zaˬ deuˬ mˇ ni Maˬnaˇseˬ sheuˬ gʼeh-euˬ meh.

2 Laˬsaˬbaˬ 33:9 ပူးပေါင်းရင်းမြစ်များ

1 Sahˬpaˬ 14:16

Yeˬyawˇbamˬ mehˬ huˬ huˬ-eu mehˬ nah caw teh-awˇ, Iˇsaˬleˬlaˆ tsawˇ haˬ deuˬ iˬ baˇ mˇ-euˬ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ byehˇ dzeh tehꞈ-a.”

1 Sahˬpaˬ 15:26

Aˬ yawꞈ-euˬ mehˬ hu sahˬ paˬ geuꞈ dzeuˇ yaꞈ-euˬ aˬ yawꞈ-euˬ aˬ da loꞈ-ehˇ, Sahˬpaˬ Miˬyehˇ-ahˇ aˬ yawꞈ mˇ lehˬ-awˇ, Iˇsaˬleˬlaˆ miˇ kʼahˬ iˬ baˇ mˇ ni aˬ yawꞈ sheuˬ gʼeh-euˬ meh.

2 Sahˬpaˬ 21:16

Iˬ baˇ maˬ ahˇ-eu tsawˇ haˬ gʼawˬ mya ni Maˬnaˇseˬ neh sehꞈ-euˬ miˇ neh, Yeˬluˇsaˬlehˬ meuˬ-ahˇ dehꞈ-eu aˇ bawˇ deuˬ shiˬ yoeˇ doˆ le luꞈ-eu meh. Yuˇdaˆ tsawˇ haˬ deuˬ miˬyehˇ nui deuˬ-ahˇ uˬ duˬ tahˬ-awˇ, Sahˬpaˬ Miˬyehˇ mehˬ shi iˬ baˇ mˇ ni aˬ yawꞈ gaˇ ma sheuˬ bahˬ-euˬ uˬ taꞈ-ehˇ, aˬ yawꞈ kʼoeˇ loꞈ-ehˇ paˇ mˇ-euˬ jeˬ pyeuꞈ-eu meh.

2 Sahˬpaˬ 23:26

Ehˇ kʼawꞈ, Sahˬpaˬ Miˬyehˇ nui ma pehˇ ni sahˬ paˬ Maˬnaˇseˬ neh mˇ yaꞈ-eu gaˇ deuˬ baˬ da neh, Yuˇdaˆ miˇ kʼahˬ-ahˇ Sahˬpaˬ Miˬyehˇ nui ma pehˇ-eu maˬ taˬ leˇ-a.

2 Laˬsaˬbaˬ 28:19

Yuˇdaˆ sahˬ paˬ Aˬkaˆ-aˬ, miˇ kʼahˬ zaˬ deuˬ-ahˇ aˬ yawꞈ kʼaˇ uˆ lahˇ mawꞈ-eu loꞈ-ehˇ uˆ lahˇ-eu uˬ taꞈ, Sahˬpaˬ Miˬyehˇ-ahˇ yaw zeu maˬ baw-eu miˇ neh, Sahˬpaˬ Miˬyehˇ neh Yuˇdaˆ miˇ kʼahˬ kʼoeˇ taˆ shaˬ-eu zahˬ-eu jeˬ bi keuˆ le-euˬ meh.

2 Laˬsaˬbaˬ 33:10

Maˬnaˇseˬ hawˇ-eu aˬ yawꞈ-euˬ tsawˇ haˬ deuˬ-ahˇ kʼoeˇ loꞈ-ehˇ maˬ dehꞈ-eu gʼaˇ duˬ Sahˬpaˬ Miˬyehˇ ehˇ nehˬ kʼawꞈ, aˬ yawꞈ maꞈ maˬ naˇ haˬ geuꞈ-a.

2 Laˬsaˬbaˬ 33:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, miˇ kʼahˬ kʼoeˇ kʼahˬ laꞈ kʼoeˇ aˬ yawꞈ neh teh dzeh-euˬ tsawˇ jeuˬ kʼoeˇ deuˬ mˇ-euˬ jawꞈ dui dui-eu jeˬ-ahˇ Maˬnaˇseˬ caw teh--eu laꞈ kʼoeˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

2 Laˬsaˬbaˬ 33:8

Kʼoeˇ uˬ taꞈ, “Iˇsaˬleˬlaˆ tsawˇ haˬ deuˬ ngaˬ-euˬ ehˇ dawˬ-ahˇ naˇ haˬ geuꞈ jiˇ-awˇ, ngaˬ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ neh, aˬ yawꞈ maꞈ-ahˇ tiˬ jawˇ-iˬ maˬ bi teh doˆ” lehˇ Miˬyehˇ ehˇ taˬ-euˬ meh.

Dawqdaq 29:12

Sahˬ paˬ sahˬ ma tiˬ gʼaˬ maˬ tsaˬ-eu dawˬ-ahˇ naˇ haˬ geuꞈ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ jaˬ myawꞈ pyeuꞈ jiˇ-eu meh.

Yeˬsaˬgeˬlaˇ 5:7

Yeˬluˇsaˬlehˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ nymˬ-mˇ naˇ haˬ-awˬ. Ngaˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ maˬ caw teh ni byehˇ-eu laꞈ kʼoeˇ nawˬ-euˬ tiˬ jawˬ jaˆ-eu miˇ kʼahˬ deuˬ naˆ maˬ tseˇ, nawˇ ngaˬ-ahˇ laˆ shaˬ nehˬ laꞈ-euˬ meh. Aˬ cawˬ tsawˇ jeuˬ-euˬ zahˇ sahˇ kʼoꞈ-ahˇ nawˇ caw teh-euˬ meh.

Uˬ duˬ 18:24

Heu deuˬ-ahˇ mˇ-eu laꞈ kʼoeˇ, yawˬ haˇ yawˬ ha maˬ shawˇ-eu tsawˇ haˬ bi pyeuꞈ-iˇ ni naw maꞈ taˬ jahˇ. Naw maꞈ le luꞈ-eu miˇ kʼahˬ-ahˇ jawˇ-eu lawˇ ciꞈ zaˬ deuˬ kʼoeˇ loꞈ-ehˇ mˇ-awˇ, yawˬ haˇ yawˬ ha laˆ jawꞈ-eu meh. Miˇ kʼahˬ kʼoeˇ kʼahˬ laꞈ kʼoeˇ naw maꞈ uˇ leˇ nya ni, aˬ yawꞈ maꞈ-ahˇ Sahˬpaˬ Miˬyehˇ teh dzeh-eu lehˇ gʼeh luꞈ meh.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Dawˬmehˬ 2:21

Aˬ yawꞈ maꞈ-aˬ, Aˬnaˬkaˆ tsawˇ haˬ deuˬ loꞈ-ehˇ goˇ-eu meh. Tsawˇ haˬ behˇ-awˇ baoˬ huiˬ-eu tsawˇ jeuˬ pyeuꞈ-eu meh. Ehˇ kʼawꞈ, aˬ yawꞈ maꞈ-euˬ miˇ kʼahˬ laꞈ kʼoeˇ Aˬmoˬ tsawˇ haˬ deuˬ bi jawˇ-eu gʼaˇ duˬ, aˬ yawꞈ maꞈ-ahˇ Sahˬpaˬ Miˬyehˇ laˆ luˬ laˆ seˇ nehˬ-euˬ meh.

Yawˇshuˆ 24:8

Kʼoeˇ naˇ, Yawˇdaˬ lawˇ baˬ-euˬ nahˇ ma doˆ kʼehˬ paw jawˇ-eu Aˬmawˇliˆ tsawˇ haˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-euˬ ma. Aˬ yawꞈ maꞈ naw maꞈ-ahˇ guiˇ deuˆ-euˬ kʼawꞈ, naw maꞈ neh bi gʼaˬ leˇ-euˬ ma. Aˬ yawꞈ maꞈ miˇ kʼahˬ-ahˇ naw maꞈ yuˇ-awˇ, naw maꞈ mehˬ hu paw le gʼeh leꞈ ngeh, aˬ yawꞈ maꞈ-ahˇ ngaˇ laˆ luˬ laˆ seˇ nehˬ-euˬ ma.