2 Laˬsaˬbaˬ 33:16 - Akha

¹⁶ Sahˬpaˬ Miˬyehˇ-ahˇ uˬ duˬ tahˬ gaˇ jaˆ-eu lawˇ duˬ-ahˇ aˬ yawꞈ laˆ muiˬ-awˇ, cawˬ cawˬ taꞈ-eu lawˇ-eu jeˬ hawˇ-eu guiˬ lahˬ-ahˇ noeˬ keuˆ-eu lawˇ-eu jeˬ lawˇ-euˬ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ aˬ yawꞈ dawˬ biꞈ-euˬ meh.

2 Laˬsaˬbaˬ 33:16 ပူးပေါင်းရင်းမြစ်များ

Aˇ dahˬ 18:19

Aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, yaw tsaˬ yaw dawˇ jeˬ mˇ ni bi mehˬ nehˬ-eu gʼaˇ duˬ, ngaˇ aˬ yawꞈ-ahˇ tseˇ doˆ-eu ma. Aˬ yawꞈ maꞈ kʼoeˇ loꞈ-ehˇ mˇ naˇ, aˬ yawꞈ nehˬ-ehˇ ngaˇ saˇ jaˇ kʼaˇ dzaˬ taˬ-euˬ jeˬ dawˬ tawˆ luꞈ mˇ byah nehˬ ma.”

1 Sahˬpaˬ 18:30

“Ngaˬ-euˬ dawˬ peh jiˆ laˇ-awˬ” lehˇ, tsawˇ haˬ kʼoeˇ deuˬ-ahˇ Eˇliˇyaˆ ehˇ nehˬ ngeh, tsawˇ haˬ kʼoeˇ deuˬ aˬ yawꞈ jawˇ gaˇ uiˬ leˇ-euˬ meh. Cawˆ-iˇ taˬ-euˬ Sahˬpaˬ Miˬyehˇ-euˬ lawˇ duˬ-ahˇ aˬ yawꞈ laˆ muiˬ-euˬ meh.

2 Laˬsaˬbaˬ 14:3

Aˬ cawˬ tsawˇ jeuˬ-euˬ lawˇ duˬ shehˇ duˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ pyaˆ dzeh-awˇ, muiˬ-eu shawˇ-eu kʼaˬ lo kʼawˇ zeuˇ deuˬ hawˇ-eu Aˬsheˇlaˬ miˬ yehˇ ma-ahˇ taꞈ leˇ-eu mawˇ kawˇ deuˬ-ahˇ aˬ yawꞈ laˆ cawˆ-euˬ meh.

2 Laˬsaˬbaˬ 14:4

Aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nui kʼahˇ mˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ hawˇ-eu aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ ni, Yuˇdaˆ tsawˇ haˬ deuˬ-ahˇ aˬ yawꞈ dawˬ biꞈ-euˬ meh.

2 Laˬsaˬbaˬ 29:18

Leˬbiˇ tsawˇ haˬ deuˬ sahˬ paˬ Heˬsaˬgiˇ jawˇ gaˇ iˇ-awˇ, heu loꞈ-ehˇ ehˇ gaˬ-iˇ-euˬ meh. “Miˬ dzaˬ dzah puiˆ-awˇ lawˇ-eu jeˬ lawˇ duˬ maˬ ehˇ, muiˬ-eu shawˇ-eu kaˬ muˇ ciˬ daˆ duˬ hawˬ jeh maˬ ehˇ, kʼoeˇ gaˇ taꞈ leˇ-eu keu ka deuˬ maˬ ehˇ, dawˬ tawˆ luꞈ ahˇ leˇ-ehˇ, Uˬ duˬ tahˬ nymˇ nymˇ lah-ehˇ nga maꞈ mˇ shawˇ gʼaˬ jiˇ-euˬ ma.

2 Laˬsaˬbaˬ 29:31

Tsawˇ haˬ kʼoeˇ deuˬ-ahˇ Heˬsaˬgiˇ ehˇ nehˬ-eu, “Nymˬ-mˇ poˆ jawˇ naw maꞈ shawˇ laˇ gʼaˬ-euˬ meh. Kʼoeˇ miˇ neh, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-eu lawˇ-euˬ jeˬ yuˇ laꞈ-awˇ lawˇ-awˬ lehˇ ehˇ nehˬ-euˬ meh. Aˬ yawꞈ-euˬ ehˇ dawˬ-ahˇ aˬ yawꞈ maꞈ naˇ haˬ-awˇ, tsawˇ haˬ tiˬ paˆ na deuˬ nui ma keuˆ dui dui-eu laꞈ kʼoeˇ miˬ dzaˬ dzah puiˆ-awˇ lawˇ-eu jeˬ kʼawꞈ yuˇ laꞈ-euˬ meh.

2 Laˬsaˬbaˬ 30:12

Yuˇdaˆ miˇ kʼahˬ laꞈ kʼoeˇ kʼawꞈ Miˬyehˇ jawˇ-awˇ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ nah miˇ kʼahˬ zaˬ deuˬ caw teh-awˇ, nui ma tiˬ siˬ tehꞈ-ehˇ taˬ-eu laꞈ kʼoeˇ Miˬyehˇ-euˬ ehˇ dawˬ naˇ haˬ geuꞈ ni caw ba nehˬ-euˬ meh.

2 Laˬsaˬbaˬ 33:9

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, aˬ yawꞈ neh teh dzeh nehˬ-euˬ kʼoeˇ gaˇ jawˇ-eu tsawˇ oeˇ deuˬ neh mˇ-euˬ iˬ baˇ naˆ maˬ tseˇ huiˬ dzehˬ-eu iˬ baˇ-ahˇ, Yuˇdaˆ miˇ kʼahˬ zaˬ deuˬ mˇ ni Maˬnaˇseˬ sheuˬ gʼeh-euˬ meh.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”