2 Laˬsaˬbaˬ 32:4 - Akha

⁴ Miˇ kʼahˬ zaˬ gʼawˬ mya ni uiˬ laˇ-awˇ, miˇ kʼahˬ kʼoeˇ kʼahˬ-ahˇ yoeˇ-eu gawˆ zaˬ gawˆ ma dawˬ tawˆ luꞈ-ahˇ laˆ tsoeˬ-euˬ meh. Aˬshuˇliˆ tsawˇ haˬ deuˬ iˇ cuꞈ maˬ ya dawˇ ni aˬ yawꞈ maꞈ kʼoeˇ loꞈ-ehˇ jahˇ-euˬ meh.

2 Laˬsaˬbaˬ 32:4 ပူးပေါင်းရင်းမြစ်များ

1 Sahˬpaˬ 19:21

Kʼoeˇ naˇ, Eˇliˇshehˇ gʼaˬ aˬ yawꞈ-euˬ mawˇ neˇ kʼoeˇ gu jawˇ gaˇ iˇ-awˇ, mawˇ neˇ sehꞈ-awˇ, nyoˬ tsehˬ laꞈ gʼahˬ miˬ dzaˬ geuꞈ-awˇ, shaˬ jiˇ jahˇ-euˬ meh. Shaˬ jiˇ kʼoeˇ tsawˇ haˬ kʼoeˇ deuˬ-ahˇ aˬ yawꞈ bi dzaˬ-euˬ meh. Kʼoeˇ naˇ, Eˇliˇyaˆ-euˬ mehˬ nah aˬ yawꞈ caw teh gʼeh-awˇ, Eˇliˇyaˆ-ahˇ caw ba nehˬ-euˬ meh.

1 Sahˬpaˬ 3:9

Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”

2 Sahˬpaˬ 18:13

Sahˬ paˬ Heˬsaˬgiˇ Yuˇdaˆ miˇ kʼahˬ-ahˇ uˆ lahˇ-euˬ tseˇ oeˬ kʼoꞈ tiˬ kʼoꞈ-ahˇ, Aˬshuˇliˆ sahˬ paˬ Saˬneˬkaˬliˇ-aˬ, Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni gʼeh-eu meuˬ deuˬ-ahˇ guiˇ deuˆ le-awˇ, deuˆ gʼaˬ-euˬ meh.

2 Sahˬpaˬ 18:9

Heˬsaˬgiˇ sahˬ paˬ geuꞈ-euˬ oeˬ kʼoꞈ tiˬ kʼoꞈ pyeuꞈ-eu, sahˬ paˬ Awˇsheˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ shiꞈ kʼoꞈ tiˬ kʼoꞈ kʼoꞈ-ahˇ, Aˬshuˇliˆ sahˬ paˬ Shaˬmaˬneˬzaˬ gʼaˬ Iˇsaˬleˬlaˆ miˇ kʼahˬ-ahˇ guiˇ deuˆ le-awˇ, Saˬmaˬliˆ meuˬ-ahˇ loꞈ jawˬ taˬ-euˬ meh.

2 Sahˬpaˬ 19:17

Sahˬpaˬ Miˬyehˇ-oˇ, Aˬshuˇliˆ sahˬ paˬ deuˬ miˇ kʼahˬ gʼawˬ mya kʼahˬ laˆ cawˆ-awˇ byehˇ dzeh yaꞈ-euˬ nga maꞈ dawˬ tawˆ luꞈ siˬ nya jiˇ ma.

2 Sahˬpaˬ 20:20

Sahˬ paˬ Heˬsaˬgiˇ neh mˇ-euˬ huiˬ-eu gaˇ deuˬ maˬ ehˇ, iˇ cuꞈ lah ciˬ-awˇ, meuˬ-ahˇ iˇ pahˬ pahˬ ahˇ-euˬ gaˇ kawˆ maˬ ehˇ, aˬ yawꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ, Yuˇdaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh.

2 Laˬsaˬbaˬ 30:14

Yeˬluˇsaˬlehˬ meuˬ laꞈ kʼoeˇ lawˇ gaˇ shehˇ gaˇ hawˇ-eu yaw saw jeˬ doꞈ damˬ gaˇ zmˬ-eu lawˇ duˬ dawˬ tawˆ luꞈ aˬ yawꞈ maꞈ yuˇ-awˇ, Giˇdaˬlo deh kʼawꞈ-ahˇ baꞈ dzeh-iˇ-euˬ meh.

2 Laˬsaˬbaˬ 32:1

Sahˬ paˬ Heˬsaˬgiˇ-aˬ, Sahˬpaˬ Miˬyehˇ-ahˇ saˇ jaˇ ziꞈ-eu laꞈ kʼoeˇ, aˬ yawꞈ neh mˇ-euˬ gaˇ kʼoeˇ deuˬ mˇ jiˇ shaˇ jiˇ gʼaˬ ngeh, Aˬshuˇliˆ sahˬ paˬ Saˬneˬkaˬliˇ Yuˇdaˆ miˇ kʼahˬ-ahˇ uˇ le-euˬ meh. Ziꞈ dah ni tsoˆ taˬ-euˬ meuˬ deuˬ-ahˇ aˬ yawꞈ loꞈ jawˬ-awˇ, deuˆ gʼaˬ-eu lehˇ lehˬ hmˬ luꞈ-eu meh.

2 Laˬsaˬbaˬ 32:3

Yeˬluˇsaˬlehˬ meuˬ laꞈ nyiˇ yoeˇ-eu iˇ cuꞈ iˇ byoe deuˬ laˆ tsoeˬ-eu gʼaˇ duˬ, aˬ yawꞈ-euˬ yaw huiˬ yaw mahˇ deuˬ hawˇ-eu guiˇ maꞈ kʼoeˇ taˆ uˆ lahˇ-eu yaw huiˬ deuˬ-ahˇ bawˬ dzaˬ ngeh, aˬ yawꞈ maꞈ aˬ yawꞈ-ahˇ caw ba nehˬ-euˬ meh.

2 Laˬsaˬbaˬ 32:30

Sahˬ paˬ Heˬsaˬgiˇ-aˬ, Giˇhoˬ lawˇ gawˆ-ahˇ tuiˆ tsoeˬ-awˇ, Yeˬluˇsaˬlehˬ-euˬ meuˬ lahˇ laꞈ kʼoeˇ iˇ pahˬ pahˬ doˆ-euˬ meh. Aˬ yawꞈ neh kʼaˇ noeˬ taˬ-euˬ yawˬ jeˬ na luꞈ mˇ pyeuꞈ nya-euˬ meh.

Iˇsaˬyaˇ 10:8

Aˬ yawꞈ heu loꞈ-ehˇ ngehˬ-eu meh. “Ngaˬ-euˬ guiˇ maꞈ-ahˇ kʼaˇ uˆ lahˇ-eu yawˬ gʼaˬ na luꞈ, dzoeˬ dzaˬ oꞈ-eu sahˬ paˬ tehꞈ maˬ ngeuˇ-a loˇ.

Iˇsaˬyaˇ 22:11

Lah yaw oeˇ lah-ahˇ neh yoeˇ doˆ-eu iˇ cuꞈ jeˬ hmˬ-eu lehˇ, meuˬ laꞈ kʼoeˇ nawˇ lah gawˬ tehꞈ-a. Ehˇ kʼawꞈ, aˇ hu ba neh heu deuˬ dawˬ tawˆ luꞈ mˇ-euˬ gʼaˬ pyeuꞈ-eu Miˬyehˇ-ahˇ nawˇ maˬ haw cawˬ-a.

Iˇsaˬyaˇ 22:9

Yeˬluˇsaˬlehˬ meuˬ lahˇ maˇ pehꞈ myaˬ gaˇ, nawˇ ya haw mawˇ tehꞈ-a. Laꞈ oˆ lah lehˇ kuˇ-eu lah kʼoeˇ lah-ahˇ, nawˇ iˇ cuꞈ tsahˇ dahˬ tehꞈ-a.

Naˬhmˬ 3:14

Guiˇ deuˆ le gaˇ ciˬ daˬ nya ni, iˇ cuꞈ tiˬ byah kʼawꞈ ahˇ taˬ-awˇ, nawˬ-euˬ guiˇ daˬ laˆ ziꞈ taˬ-awˬ. Shaˬ jehˆ yaw jmˬ tsaˬ byaˆ tehˆ-awˇ, nawˬ-euˬ guiˇ daˬ gawˬ ziꞈ taˬ-awˬ.