2 Laˬsaˬbaˬ 32:21 - Akha

²¹ Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

2 Laˬsaˬbaˬ 32:21 ပူးပေါင်းရင်းမြစ်များ

2 Saˬmeuˬlaˆ 24:16

Sahˬpaˬ Miˬyehˇ-euˬ mˬ taˆ gʼaˬ kʼehˇ Yeˬluˇsaˬlehˬ meuˬ-ahˇ laˆ cawˆ-eu lehˇ gʼeh ngeh, Sahˬpaˬ Miˬyehˇ nui ma paˇ laˇ-awˇ, Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ, “Teu naˆ ni naˇ gʼaˬ-aˇ. Taˬpaˇ jahˇ hawˇ-awˬ” lehˇ ehˇ nehˬ-euˬ meh. Kʼoeˇ loꞈ-ehˇ ehˇ nehˬ ngeh, mˬ taˆ gʼaˬ kʼehˇ kʼoeˇ gʼaˬ Yeˬbuˇ tsawˇ jeuˬ Aˬyawˇnahˬ-euˬ cehˇ bymˇ saˬ kʼawꞈ-ahˇ oe keuˆ taˬ-euˬ meh.

2 Sahˬpaˬ 19:20

Kʼoeˇ naˇ, Aˬmoˆ-euˬ aˬ li Iˇsaˬyaˇ neh Heˬsaˬgiˇ-ahˇ heu loꞈ-ehˇ bi ehˇ gaˬ-iˇ-euˬ meh. “Aˬshuˇliˆ sahˬ paˬ Saˬneˬkaˬliˇ-ahˇ taꞈ leˇ-awˇ nawˬ neh guiˬ lahˬ shaˇ-euˬ shaˇ dawˬ-ahˇ, Sahˬpaˬ Miˬyehˇ ya gaˬ gʼaˬ-euˬ meh.

2 Laˬsaˬbaˬ 32:20

Kʼoeˇ ngeh, sahˬ paˬ Heˬsaˬgiˇ hawˇ-eu Aˬmoˆ-euˬ aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ aˬ nyaꞈ, Miˬyehˇ bi caw ba le-eu gʼaˇ duˬ guiˬ lahˬ shaˇ-euˬ meh.

2 Laˬsaˬbaˬ 32:22

Kʼoeˇ loꞈ-ehˇ jahˇ-awˇ, Aˬshuˇliˆ sahˬ paˬ Saˬneˬkaˬliˇ-euˬ aˬ laꞈ laꞈ kʼoeˇ hawˇ-eu, muiˇ-eu tsawˇ haˬ nui deuˬ-euˬ aˬ laꞈ laꞈ kʼoeˇ, sahˬ paˬ Heˬsaˬgiˇ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ ka kʼoꞈ nehˬ-awˇ, aˬ yawꞈ-euˬ tsawˇ haˬ deuˬ, dawˬ peh jawˇ-eu tsawˇ jeuˬ deuˬ-ahˇ guˆ kʼaˇ maˬ za ni bi dehꞈ-euˬ meh.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Jaceuq 132:18

Aˬ yawꞈ-ahˇ muiˇ-eu deuˬ-ahˇ ngaˇ daˬ bi ga-awˇ, aˬ yawꞈ-euˬ miˇ kʼahˬ bi baw bi za le ma.”

Jaceuq 18:50

Yawꞈneh ka nehˬ-euˬsahˬpaˬ-ahˇ, gʼaˬleˇ-eu baoˬyawꞈbiꞈnehˬ-awˇ, yawꞈneh tsiˇlehꞈ-euˬgʼaˬpyeuꞈ-eu, Daˬbiˇ-euˬtsuiꞈtoeˬcaw ka-awˇ, mˬmaˬmaˬbyaˆgaˬnehˬ-eu meh.

Jaceuq 44:15

Nah ga-ehˇshaꞈdawˇ-eu miˇneh, myaˆpyawˬciꞈzaꞈ-awˇshaˬ-eu ma.

Jaceuq 76:12

Miˇ kʼahˬ-ahˇ uˆ lahˇ-eu deuˬ nui ma baˬ-iˇ ni aˬ yawꞈ jahˇ-awˇ, sahˬ paˬ deuˬ-ahˇ aˬ yawꞈ laˆ guˆ-eu meh.

Jaceuq 76:5

Kʼaˬ dui dui-eu aˬ yawꞈ maꞈ-euˬ yehˇ deuˬ, myawˬ dawˬ tawˆ luꞈ smˬ-iˇ jiˇ-awˇ, tiˬ jawˇ-iˬ maˬ paˇ dehꞈ laˇ nya ni yuꞈ kʼaˆ byoˆ jiˇ-euˬ meh. Aˬ yawꞈ maꞈ-euˬ gʼaˬ hawˇ-eu guiˇ deuˆ-eu tsawˇ gahˇ tiˬ jeˬ-iˬ gaˇ dahˇ maˬ tsoeˬ-a.

Jaceuq 76:6

Yaˬkoˆ-euˬ Miˬyehˇ-oˇ, aˬ yawꞈ maꞈ-ahˇ nawˇ laˆ guˆ nehˬ ngeh, mahˬ hawˇ-eu mahˬ dziˬ-eu tsawˇ haˬ deuˬ coˬ sehꞈ jiˇ-euˬ meh.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Dawqdaq 11:2

Nui ma huiˬ-eu mahˇ-eu mehˬ nah, nui ma cawˆ-eu jeˬ caw-awˇ, nui ma nahˬ yu ni gʼeh-eu mehˬ nah, zaˬ siˬ tsawˇ gahˇ caw-eu meh.

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Iˇsaˬyaˇ 10:8

Aˬ yawꞈ heu loꞈ-ehˇ ngehˬ-eu meh. “Ngaˬ-euˬ guiˇ maꞈ-ahˇ kʼaˇ uˆ lahˇ-eu yawˬ gʼaˬ na luꞈ, dzoeˬ dzaˬ oꞈ-eu sahˬ paˬ tehꞈ maˬ ngeuˇ-a loˇ.

Iˇsaˬyaˇ 14:25

Ngaˬ-euˬ miˇ tsaˬ Iˇsaˬleˬlaˆ miˇ kʼahˬ laꞈ kʼoeˇ, Aˬshuˇliˆ tsawˇ haˬ deuˬ-ahˇ ngaˇ laˆ cawˆ ma. Ngaˬ-euˬ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ ngaˇ nawˬ pyehˆ ma. Ngaˬ-euˬ tsawˇ haˬ deuˬ-ahˇ aˬ yawꞈ maꞈ neh ciˬ baꞈ ciˬ pi nehˬ-euˬ, kʼaˆ baꞈ kʼaˆ behˆ dawˬ tawˆ luꞈ-ahˇ, ngaˇ yuˇ dzeh nehˬ jiˇ ma.

Iˇsaˬyaˇ 36:9

Aˬshuˇliˆ guiˇ maꞈ laꞈ kʼoeˇ, nyiˇ dui dui-eu aˬ yuiꞈ geuꞈ-eu tiˬ gʼaˬ naˆ ni kʼawꞈ, naw maꞈ maˬ kʼoˆ tsehˆ gaˇ neh, Iˇjiˇtuˆ tsawˇ haˬ deuˬ naw maꞈ-ahˇ mahˬ laˆ lawˬ hawˇ-eu mahˬ dziˬ-eu yehˇ deuˬ biꞈ gʼeh laꞈ tehꞈ-a lehˇ aˬ joˆ-ehˇ noeˬ tmˬ peuˬ-eu nya.

Iˇsaˬyaˇ 37:21

Aˬmoˆ-euˬ aˬ li Iˇsaˬyaˇ neh, sahˬ paˬ Heˬsaˬgiˇ-ahˇ heu loꞈ-ehˇ dawˬ tsaꞈ tsaꞈ kʼoꞈ nehˬ-euˬ meh. “Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. Aˬshuˇliˆ sahˬ paˬ Saˬneˬkaˬliˇ-ahˇ taꞈ leˇ-awˇ, nawˇ ngaˬ-ahˇ guiˬ lahˬ shaˇ-euˬ meh.

Iˇsaˬyaˇ 42:8

“Sahˬpaˬ Miˬyehˇ pyeuꞈ-eu ngaˇ tiˬ gʼaˬ tehꞈ-ehˇ, nawˬ-euˬ Miˬyehˇ pyeuꞈ-eu ma. Ngaˬ-euˬ yaw shehꞈ kʼahˬ sehˇ miˬ yehˇ nui deuˬ-ahˇ ngaˇ maˬ biꞈ. Ngaˬ-ahˇ ja ceuˬ-eu jeˬ tahˬ pahˬ aˬ ma mawˇ kawˇ deuˬ-ahˇ maˬ oꞈ.

Yeˬlaˬmiˇ 21:2

“Baˬbuˇloˬ sahˬ paˬ Neˬbuˬkaˬneˬzaˬ nga maꞈ-ahˇ guiˇ deuˆ le-euˬ miˇ neh, nga maꞈ-euˬ gʼaˇ duˬ Sahˬpaˬ Miˬyehˇ-ahˇ tiˬ poˆ ngehˬ cawˬ nehˬ laꞈ-awˬ. Sahˬpaˬ Miˬyehˇ kʼaˆ jeˬ-ehˇ gʼeh-eu jeˬ jahˇ-awˇ, Neˬbuˬkaˬneˬzaˬ-ahˇ teh gʼoꞈ nehˬ laꞈ-eu baw le.”

Daˬyeˬlaˇ 3:28

Kʼoeˇ ngeh, sahˬ paˬ heu loꞈ-ehˇ ehˇ-eu meh. “Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ ja ceuˬ-awˬ. Aˬ yawꞈ-ahˇ gʼoe-awˇ aˬ yawꞈ-euˬ nui kʼahˇ mˇ-eu tsawˇ haˬ heu smˇ gʼaˬ-ahˇ, aˬ yawꞈ-euˬ mˬ taˆ gʼaˬ kʼehˇ pyehˬ leꞈ-awˇ bi ka kʼoꞈ le-euˬ meh. Aˬ yawꞈ maꞈ-euˬ Miˬyehˇ-ahˇ maˬ ngeuˇ naˇ miˬ yehˇ nui gʼaˬ-ahˇ uˬ duˬ maˬ tahˬ lehˇ, shiˇ gaˇ maˬ guˆ ni ngaˬ-euˬ ehˇ dawˬ-ahˇ puiˬ-euˬ meh.

Daˬyeˬlaˇ 6:22

Aˇ laˬ jaˬ shiˇ ngaˬ-ahˇ maˬ ya kawꞈ sehꞈ dzaˬ ni, Miˬyehˇ aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ aˇ laˬ jaˬ shiˇ-euˬ kʼaˬ meh-ahˇ paꞈ tsoeˬ tsoeˬ-euˬ meh. Ngaˇ iˬ baˇ maˬ ahˇ-ehˇ, sahˬ paˬ nawˬ-ahˇ ngaˬ neh mˇ lehˬ taˬ-euˬ maˬ jaˆ-a lehˇ aˬ yawꞈ siˬ nya-eu miˇ neh, aˬ yawꞈ heu loꞈ-ehˇ mˇ-euˬ meh.”

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.