2 Laˬsaˬbaˬ 31:8 - Akha

⁸ Aˬ yawꞈ maꞈ neh yuˇ laꞈ-awˇ baꞈ gahˬ taˬ-euˬ laꞈ sawˬ kʼoeˇ deuˬ-ahˇ sahˬ paˬ Heˬsaˬgiˇ hawˇ-eu aˬ yawꞈ-euˬ yaw huiˬ yaw mahˇ deuˬ ya mawˇ ngeh, Sahˬpaˬ Miˬyehˇ hawˇ-eu Iˇsaˬleˬlaˆ tsawˇ haˬ deuˬ-ahˇ ja ceuˬ-euˬ meh.

2 Laˬsaˬbaˬ 31:8 ပူးပေါင်းရင်းမြစ်များ

2 Saˬmeuˬlaˆ 6:18

Aˬ yawꞈ lawˇ gʼaˬ shehˇ gʼaˬ ngeh, Sahˬpaˬ Miˬyehˇ-euˬ tsawˇ myahˇ uˬ moˆ, tsawˇ haˬ aˇ maꞈ-ahˇ dawˬ ngehˬ gʼeh nehˬ-euˬ meh.

1 Sahˬpaˬ 8:55

Aˬ yawꞈ yaw kʼaˆ-ehˇ guˇ-awˇ, kʼoeˇ gaˇ kʼaˇ uiˬ laˇ-euˬ tsawˇ haˬ deuˬ-ahˇ Miˬyehˇ guiˬ lahˬ biꞈ-eu gʼaˇ duˬ, dawˬ ngehˬ gʼeh nehˬ gʼaˬ-awˇ heu loꞈ-ehˇ ehˇ-eu meh.

1 Laˬsaˬbaˬ 29:9

Iˇsaˬleˬlaˆ tsawˇ haˬ deuˬ nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ damˬ nehˬ-awˇ, pyuˇ shuiˇ myawˬ gahˬ gʼawˬ mya ni uiˬ laˇ taˬ-euˬ gaˇ ya mawˇ ngeh, aˬ yawꞈ maꞈ laˬ kʼaˬ cehˇ-eu meh. Sahˬ paˬ Daˬbiˇ kʼawꞈ laˬ kʼaˬ cehˇ dui dui-eu meh.

2 Laˬsaˬbaˬ 31:7

Ba la smˇ siˬ tiˬ siˬ-ahˇ neh aˇ dahˬ beh-awˇ, aˬ yawꞈ maꞈ kʼoeˇ loꞈ-ehˇ damˬ nehˬ laˇ-awˇ, ba la shiꞈ siˬ tiˬ siˬ-ahˇ keuˆ ni maˬ tsehˆ leˇ ni damˬ nehˬ laˇ-euˬ meh.

2 Laˬsaˬbaˬ 31:9

Laꞈ sawˬ kʼoeˇ deuˬ gaˇ kawˆ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Heˬsaˬgiˇ naˇ haˬ-euˬ meh.

2 Laˬsaˬbaˬ 6:3

Iˇsaˬleˬlaˆ tsawˇ haˬ dawˬ tawˆ luꞈ kʼoeˇ gaˇ yawꞈ luꞈ-eu meh. Sahˬ paˬ Sawˇlaˬmoˬ aˬ yawꞈ maꞈ jawˇ paw ciˬ pyawˇ-awˇ, aˬ yawꞈ maꞈ-ahˇ dawˬ ngehˬ gʼeh nehˬ-euˬ meh.

Eˇzaˬlaˬ 7:27

Eˇzaˬlaˬ ehˇ-eu, “Aˬ dui-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ sahˬ paˬ heu loꞈ-ehˇ taˬ huiˬ taˬ mahˇ ni aˬ yawꞈ jahˇ-euˬ meh.

Jaceuq 144:15

Kʼoeˇ loꞈ-ehˇ muiˬ-eu guiˬ lahˬ za-euˬ tsawˇ jeuˬ, laˬ kʼaˬ cehˇ-eu jeˬ byah luꞈ-uˇ. Sahˬpaˬ Miˬyehˇ-ahˇ Miˬyehˇ kʼaˇ gʼoe-eu tsawˇ haˬ deuˬ, laˬ kʼaˬ cehˇ-eu jeˬ byah luꞈ-uˇ.

Jaceuq 33:12

SahˬpaˬMiˬyehˇ-ahˇtsaˬgeuꞈ-awˇ, Miˬyehˇshaˇkuˇleˇ-euˬtsawˇjeuˬ, SahˬpaˬMiˬyehˇneh tseˇdoˆ-awˇ, yawꞈ-euˬzaˬbi geuꞈ-euˬtsawˇjeuˬ, aˇnaˆni guiˬlahˬhuiˬ-eu nga.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

Piˇliˇpiˆ 4:10

Aˇ yamˬ ui cuiˆ myahˇ laˇ ngeh naw maꞈ ngaˬ-ahˇ nui ma keuˆ gaˇ paˇ ya mawˇ-euˬ miˇ neh, Sahˬpaˬ Yeˬsuˇ laꞈ kʼoeˇ ngaˇ laˬ kʼaˬ cehˇ dui dui-eu ma. Naw maꞈ ngaˬ-ahˇ nui ma maˬ keuˆ-eu maˬ ngeuˇ-a. Naw maꞈ gʼaˇ duˬ aˇ yamˬ maˬ laˆ yehꞈ nya-eu miˇ neh meh lehˇ ngaˇ siˬ nya ma.

Piˇliˇpiˆ 4:19

Naw maꞈ kʼaˇ loˬ-eu jeˬ laꞈ kʼoeˇ, Yeˬsuˇ Ka li-ahˇ gʼoe-awˇ Miˬyehˇ-euˬ baw le za le-eu guiˬ lahˬ biꞈ nehˬ laꞈ tehꞈ-a.

1 Teˇsaˬloˇni 3:9

Naw maꞈ gʼaˇ duˬ Miˬyehˇ-euˬ guiˬ lahˬ-ahˇ nymˬ-mˇ nga maꞈ ja ceuˬ-eu ma. Naw maꞈ baˬ da neh aˬ yawꞈ-euˬ mehˬ shi nga maꞈ laˬ kʼaˬ ya cehˇ-eu miˇ neh, aˬ yawꞈ-euˬ guiˬ lahˬ-ahˇ ja ceuˬ-eu ma.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

Yaˇ kʼaˬ daˇ 5:9

Iˇsaˬleˬlaˆ yehˇ-euˬ aˬ yuiꞈ deuˬ hawˇ-eu, nui ma keuˆ-awˇ laˬ kʼaˬ tiˬ cehˇ guiˇ deuˆ-eu deuˬ nehˬ-ehˇ, ngaˇ nui ma taꞈ ma. Sahˬpaˬ Miˬyehˇ-ahˇ ja ceuˬ-awˬ.