2 Laˬsaˬbaˬ 31:10 - Akha

¹⁰ Kʼoeˇ ngeh, “Uˬ duˬ tahˬ nymˇ nymˇ ma laꞈ kʼoeˇ laꞈ sawˬ heu deuˬ yuˇ keuˆ laꞈ ngeh tiˬ nah neh, dzaˬ loꞈ dawˇ loꞈ-eu uˬ taꞈ, gʼawˬ mya ni dzehˬ laˇ taˬ-euˬ meh. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ guiˬ lahˬ biꞈ nehˬ-euˬ miˇ neh heu myaˆ myaˆ-ehˇ dzehˬ laˇ taˬ-euˬ meh” lehˇ, Zaˬdoˆ-euˬ aˬ li Piˇ ma Yaw huiˬ gʼaˬ pyeuꞈ-eu Zaˬkaˬliˇ neh sahˬ paˬ Heˬsaˬgiˇ-ahˇ ehˇ kʼoꞈ nehˬ-euˬ meh.

2 Laˬsaˬbaˬ 31:10 ပူးပေါင်းရင်းမြစ်များ

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

Aˇ dahˬ 39:23

Paꞈ kuˆ aˬ yuiꞈ geuꞈ-eu kʼoeˇ gʼaˬ Yoˇsehˆ-ahˇ gaˇ dawˬ tawˆ luꞈ a nehˬ jiˇ-awˇ, kʼahˬ lahˇ kʼaˇ maˬ za ni jawˇ-euˬ meh. Aˬ jeˬ miˇ neh ehˇ naˇ, Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ neh kʼaˇ mˇ-euˬ jeˬ dawˬ tawˆ luꞈ bi huiˬ bi mahˇ laˇ luꞈ-eu meh.

Aˇ dahˬ 39:5

Iˇjiˇtuˆ tsawˇ haˬ kʼoeˇ gʼaˬ-euˬ nymˇ jiˇ-ahˇ Yoˇsehˆ haw pyaˆ dahˬ beh ngeh nah neh, Yoˇsehˆ baˬ da neh nymˇ kʼoeˇ nymˇ-ahˇ Sahˬpaˬ Miˬyehˇ guiˬ lahˬ biꞈ-eu loꞈ-ehˇ, nymˇ laꞈ kʼoeˇ laꞈ nyiˇ kʼaˇ jaˆ-eu tsawˇ haˬ kʼoeˇ gʼaˬ-euˬ pyuˇ shuiˇ myawˬ gahˬ deuˬ myaˬ laˇ luꞈ-eu meh.

1 Sahˬpaˬ 2:35

Kʼoeˇ naˇ, sahˬ paˬ Sawˇlaˬmoˬ neh Baˬnaˇyaˬ-ahˇ Yoˇbaˬ-euˬ dah zaˇ guiˇ maꞈ kʼoeˇ taˆ uˆ lahˇ-eu gʼaˬ bi geuꞈ-awˇ, Zaˬdoˆ-ahˇ Aˬbyaˬdaˬ-euˬ dah zaˇ piˇ ma bi geuꞈ-euˬ meh.

1 Laˬsaˬbaˬ 29:16

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, muiˬ-eu shawˇ-eu nawˬ-euˬ tsawˇ myahˇ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ tsoˆ-eu gʼaˇ duˬ, nga maꞈ pyuˇ shuiˇ myawˬ gahˬ yuˇ uiˬ laꞈ taˬ-euˬ ma. Ehˇ kʼawꞈ, heu deuˬ dawˬ tawˆ luꞈ nawˇ jawˇ gaˇ neh oe-euˬ jeˬ tehꞈ-ehˇ pyeuꞈ-awˇ dawˬ tawˆ luꞈ nawˬ-euˬ tehꞈ meh.

1 Laˬsaˬbaˬ 6:14

Seˬlehˇyaˬ, Yeˬhawˇzaˬdaˆ lehˇ meh.

1 Laˬsaˬbaˬ 6:8

Zaˬdoˆ, Aˬhiˇmaˆ,

1 Laˬsaˬbaˬ 6:9

Aˬzaˬziˇ, Yoˇhaˬnaˬ,

2 Laˬsaˬbaˬ 26:17

Piˇ ma Aˬzaˬyiˇ hawˇ-eu nui ma kʼaˬ duˬ ni gʼeh-eu piˇ ma yehꞈ tseˇ gʼaˬ aˬ yawꞈ-euˬ mehˬ nah caw teh uˇ gʼeh-euˬ meh.

2 Laˬsaˬbaˬ 31:13

Aˬ nyaꞈ nmˇ-euˬ laꞈ oˆ gaˇ bi mˇ-euˬ Leˬbiˇ tsawˇ haˬ deuˬ-aˬ, Yeˬheˬlaˇ, Aˬzaˬziˇ, Naˬhaˇ, Aˬsaˬheˬlaˇ, Yeˬliˇmoˆ, Yawˇzaˬbaˆ, Eˇliˇlaˆ, Iˇsaˬmaˬkiˇ, Maˬhaˇ hawˇ-eu Baˬnaˇyaˬ meh. Tsawˇ haˬ heu deuˬ-ahˇ sahˬ paˬ Heˬsaˬgiˇ hawˇ-eu Piˇ ma Yaw huiˬ gʼaˬ pyeuꞈ-eu Aˬzaˬliˇ aˬ nyaꞈ neh tseˇ doˆ-awˇ gaˇ biꞈ-euˬ meh.

2 Laˬsaˬbaˬ 31:9

Laꞈ sawˬ kʼoeˇ deuˬ gaˇ kawˆ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Heˬsaˬgiˇ naˇ haˬ-euˬ meh.

Doˆ-iˇ 36:7

Aˬ yawꞈ maꞈ neh damˬ taˬ-euˬ mˇ myawˬ deuˬ-aˬ, gaˇ mˇ jiˇ ngeh keuˆ ni loˬ-eu naˆ maˬ tseˇ dzehˬ leˇ taˬ-euˬ meh.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Dawqdaq 11:24

Tsawˇ haˬ tiˬ gʼaˬ na, tsawˇ tsiˇ maˬ tsiˇ ni gamꞈ nehˬ kʼawꞈ, smˇ muiˬ paˇ muiˬ dzehˬ laˇ-eu meh. Tiˬ gʼaˬ na tsawˇ tsiˇ tsiˇ-awˇ laꞈ tuˆ tsiˇ kʼawꞈ, iˇ shaˬ shaˬ le-eu meh.

Dawqdaq 3:10

Nawˇ kʼoeˇ loꞈ-ehˇ jahˇ naˇ, nawˬ-euˬ cehˇ jiˇ-ahˇ cehˇ byah-awˇ, nawˬ-euˬ iˇ puˬ-ahˇ aˬ gaꞈ dzaˇ uiˇ byah kʼaˇ tehꞈ-a.

Dawqdaq 3:9

Nawˬ-euˬ nui ma gʼawˇ mawˇ hawˇ-eu keuˆ beh beh le-euˬ mˇ kaˇ shaˇ kaˇ damˬ nehˬ-eu laꞈ kʼoeˇ, Sahˬpaˬ Miˬyehˇ-ahˇ taˬ huiˬ taˬ mahˇ-awˬ.

Yeˬsaˬgeˬlaˇ 44:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, Iˇsaˬleˬlaˆ tsawˇ haˬ deuˬ ngaˬ-ahˇ byehˇ dzeh ngeh, Leˬbiˇ tsawˇ jeuˬ laꞈ kʼoeˇ Zaˬdoˆ-euˬ zaˬ deuˬ uˆ deuˬ pyeuꞈ-eu piˇ ma deuˬ, ngaˬ-ahˇ saˇ jaˇ ziꞈ-eu laꞈ kʼoeˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-euˬ meh. Kʼoeˇ miˇ neh, aˬ yawꞈ maꞈ-ahˇ ngaˇ jawˇ gaˇ bi uˇ laˇ-awˇ, shaˬ tsuˇ hawˇ-eu shiˬ lawˇ-eu gaˇ bi mˇ ma.

Yeˬsaˬgeˬlaˇ 44:30

Keuˆ beh beh le-euˬ dzaˬ la gʼo cehˇ deuˬ hawˇ-eu, ngaˬ-ahˇ kʼaˇ damˬ laˇ-euˬ yawˬ jeˬ na luꞈ, piˇ ma deuˬ-ahˇ oꞈ-eu meh. Miˇ kʼahˬ zaˬ deuˬ kaˬ muˇ kʼaˇ jahˇ ngeh, jahˇ beh beh-euˬ kaˬ muˇ piˇ ma deuˬ-ahˇ ya damˬ nehˬ meh. Kʼoeˇ loꞈ-ehˇ jahˇ naˇ, aˬ yawꞈ maꞈ-euˬ nymˇ jiˇ kʼoeˇ taˆ ngaˇ guiˬ lahˬ biꞈ ma.

Uˬ duˬ 25:21

Koꞈ kʼoꞈ tiˬ kʼoꞈ laꞈ kʼoeˇ, miˇ tsaˬ-ahˇ Sahˬpaˬ Miˬyehˇ guiˬ lahˬ biꞈ-awˇ, nyiˬ kʼoꞈ dzaˬ loꞈ-eu dzaˬ la gʼo cehˇ bi za le tehꞈ-a.

Haˬgaiˇ 2:18

Iˬ nah ba la gʼoeˬ siˬ tiˬ siˬ nyiˬ tseˇ oeˬ nah heu nah-aˬ, Uˬ duˬ tahˬ nymˇ nymˇ ma-euˬ dawˬ pehˬ gawˬ gʼaˬ-euˬ aˇ nah meh. Iˬ nah neh dahˬ beh-awˇ, mehˬ hu paw aˬ joˆ-ehˇ pyeuꞈ laˇ nga lehˇ haw taˬ-awˬ.

Maˬlaˬkiˇ 3:10

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ dzaˬ dzaˬ dawˇ dawˇ jaˆ laˇ ni, tseˇ bymˇ tiˬ bymˇ tiˬ byah ni yuˇ laꞈ-awˬ. Kʼoeˇ naˇ, naw maꞈ ngaˬ-ahˇ lawˬ haw-awˬ. Mˬ taˆ laˇ gʼoˆ deuˬ pah dzeh jiˇ-awˇ, muiˬ-eu guiˬ lahˬ dawˬ tawˆ luꞈ byah kʼaˇ-iˇ gaˇ keuˆ ni naw maꞈ-ahˇ ngaˇ shehˆ ahˇ nehˬ ma.

Bawˇtsahˬ 22:12

Miˬyehˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Iˇsaˬleˬlaˆ tsawˇ haˬ deuˬ-ahˇ yaˬ kʼehˇ taˬ yaˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ-aˬ, guiˬ lahˬ za taˬ-euˬ tsawˇ jeuˬ pyeuꞈ-eu meh.”

Maꞈtehˬ 15:37

Tsawˇ haˬ dawˬ tawˆ luꞈ tiˬ dehˆ dzaˬ-euˬ uˬ taꞈ, dzehˬ laˇ-euˬ deuˬ-ahˇ zaˬ lahˇ deuˬ paˇ gʼoˆ uiˬ ngeh, kʼaˆ puˬ shiꞈ puˬ byah laˇ-euˬ meh.

Dawˬmehˬ 28:8

“Nawˇ mˇ-eu shaˇ-eu jeˬ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ-awˇ nawˬ-euˬ cehˇ jiˇ cehˇ tiˬ byah ni jaˆ tehꞈ-a. Nawˬ-ahˇ bi jawˇ-eu lehˇ lehˬ hmˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ nawˬ-ahˇ guiˬ lahˬ biꞈ tehꞈ-a.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.