2 Laˬsaˬbaˬ 30:9 - Akha

⁹ Naw maꞈ Sahˬpaˬ Miˬyehˇ jawˇ paw gʼoꞈ laˇ naˇ, naw maꞈ-euˬ aˬ yuiꞈ aˬ nyiˇ deuˬ-ahˇ nyehꞈ gʼeh-euˬ tsawˇ haˬ deuˬ naw maꞈ-euˬ aˬ yuiꞈ aˬ nyiˇ kʼoeˇ deuˬ-ahˇ gʼawˬ shaˬ haw gaˬ-awˇ, iˇ kʼahˇ-ahˇ bi gʼoꞈ laˇ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nya-eu miˇ neh, naw maꞈ aˬ yawꞈ jawˇ paw gʼoꞈ laˇ naˇ, aˬ yawꞈ naw maꞈ-ahˇ ha geuꞈ nehˬ laꞈ tehꞈ-a.”

2 Laˬsaˬbaˬ 30:9 ပူးပေါင်းရင်းမြစ်များ

1 Sahˬpaˬ 8:50

Aˬ yawꞈ maꞈ neh mˇ lehˬ-euˬ iˬ baˇ hawˇ-eu nawˬ-ahˇ puiˬ-euˬ iˬ baˇ dawˬ tawˆ luꞈ-ahˇ nawˇ pyehˬ nehˬ-awˇ, muiˇ-eu deuˬ aˬ yawꞈ maꞈ-ahˇ gʼawˬ shaˬ gaˬ nehˬ nya ni caw ba nehˬ-awˬ.

2 Laˬsaˬbaˬ 15:2

Kʼoeˇ naˇ, Aˬsaˬ jawˇ gaˇ iˇ-awˇ ehˇ nehˬ-eu, “Sahˬ paˬ Aˬsaˬ hawˇ-eu, Yuˇdaˆ miˇ kʼahˬ, Beˬyaˬmiˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ ngaˇ ehˇ gaˇ naˇ haˬ sheˇ. Naw maꞈ Sahˬpaˬ Miˬyehˇ laꞈ kʼoeˇ kʼaˇ jawˇ kʼoeˇ keuˆ ni, aˬ yawꞈ kʼawꞈ naw maꞈ nehˬ-ehˇ jawˇ tehꞈ-a. Naw maꞈ aˬ yawꞈ-ahˇ poˆ naˇ, aˬ yawꞈ naw maꞈ-ahˇ bi mawˇ laꞈ tehꞈ-a. Ehˇ kʼawꞈ, naw maꞈ aˬ yawꞈ-ahˇ byehˇ dzeh naˇ, aˬ yawꞈ kʼawꞈ naw maꞈ-ahˇ byehˇ dzeh tehꞈ-a.

2 Laˬsaˬbaˬ 7:14

aˬ yawꞈ maꞈ ngaˬ-ahˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ neh mˇ-euˬ yaw haiˬ jeˬ-ahˇ noeˬ poˆ-awˇ byehˇ dzeh naˇ, aˬ yawꞈ maꞈ-euˬ shaˇ dawˬ-ahˇ mˬ kʼoeˇ taˆ ngaˇ naˇ haˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ-euˬ miˇ kʼahˬ paˇ bi baw paˇ bi za le ma.

Neˬhaˬmiˇ 9:17

Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Neˬhaˬmiˇ 9:31

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, aˬ yawꞈ maꞈ-ahˇ nawˇ maˬ byehˇ dzeh-ehˇ, maˬ laˆ luˬ maˬ laˆ seˇ nehˬ-aˬ. Nawˇ-aˬ, gʼawˬ shaˬ gaˬ mya dui dui-eu Miˬyehˇ meh.

Jaceuq 106:46

kʼehˬ-eu kʼaˆ-eu tsawˇ haˬ deuˬ aˬ yawꞈ maꞈ-ahˇ gʼawˬ shaˬ haw gaˬ ni, aˬ yawꞈ laˆ saˆ nehˬ-euˬ meh.

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Yeˬlaˬmiˇ 18:17

Nahˇ ma doˆ kʼehˬ paw baw gʼeh leꞈ-euˬ jaˬ lehˇ neh, kʼaˬ lehˇ bi baw byoˆ-eu loꞈ-ehˇ, muiˇ-eu tsawˇ haˬ deuˬ-euˬ mehˬ shi, ngaˬ-euˬ tsawˇ haˬ deuˬ-ahˇ ngaˇ teh byaˆ ma. Aˬ yawꞈ maꞈ-ahˇ naˇ kʼah ciˬ pyawˇ nehˬ-awˇ, shaˬ dui zahˬ dui dui-eu jeˬ keuˆ le ngeh, ngehˬ maˬ gʼeh ni byehˇ dzeh nehˬ ma.

Yawˇnaˆ 4:2

Kʼoeˇ miˇ neh, aˬ yawꞈ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ -oˇ, ngaˇ iˇ kahˇ-ahˇ neh ma gʼoˆ doˆ le mi naˆ-ehˇ nawˇ heu loꞈ-ehˇ jahˇ tehꞈ-a lehˇ ngaˇ ehˇ-euˬ maˬ ngeuˇ-a loˇ. Kʼoeˇ miˇ neh Saˬbeˬ miˇ kʼahˬ paw cehˆ byoˆ-eu lehˇ ngaˇ leh jeh-euˬ ma. Nawˇ-aˬ, gʼoeˇ-eu gaˬ-eu jeˬ byah-eu gʼawˬ shaˬ gaˬ nya-eu Miˬyehˇ pyeuꞈ-awˇ, aˬ myah luꞈ nui ma gʼawˬ mahˇ ni taˬ-awˇ gʼawˬ shaˬ gaˬ nehˬ nya-eu uˬ taꞈ, aˬ myah luꞈ nui ma paˇ laˇ nya-awˇ, maˬ kʼehˬ maˬ kʼaˆ nehˬ ni byehˇ-eu meh.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Dawˬmehˬ 30:1

“Nymˬ-mˇ, ngaˇ naw maꞈ-ahˇ guiˬ lahˬ hawˇ-eu yaˬ kʼehˇ yaˬ-eu heu nyiˬ jeˬ bi tseˇ geuꞈ-eu ma. Kʼoeˇ deuˬ dawˬ tawˆ luꞈ nawˬ-euˬ kʼoeˇ taˆ keuˆ le-awˇ, Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ nawˇ jawˇ luꞈ ngeh, ngaˬ neh nawˬ-ahˇ bi tseˇ geuꞈ-euˬ gaˇ nawˇ noeˬ keuˆ tehꞈ-a.

Dawˬmehˬ 4:31

Aˬ yawꞈ-aˬ, gʼawˬ shaˬ gaˬ nya-eu Miˬyehˇ pyeuꞈ-eu meh. Naw maꞈ-ahˇ aˬ yawꞈ maˬ byehˇ dzeh-a. Maˬ laˆ luˬ maˬ laˆ seˇ-a. Naw maꞈ-euˬ aˬ poeˬ aˬ bawˇ deuˬ nehˬ-ehˇ aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.