2 Laˬsaˬbaˬ 30:3 - Akha

³ Ba la yaw beh siˬ-ahˇ, aˇ yamˬ tsaˬ ni aˬ yawꞈ maꞈ bawˬ-iˬ maˬ gʼeh nya-a. Aˬ jeˬ miˇ neh ehˇ naˇ, gʼawˇ mawˇ shawˇ-eu zahˇ jahˇ gʼaˬ-euˬ piˇ ma deuˬ tiˬ loꞈ maˬ jawˇ-eu uˬ taꞈ, Yeˬluˇsaˬlehˬ meuˬ-ahˇ tsawˇ haˬ maˬ laˇ uiˬ dah-euˬ miˇ neh meh.

2 Laˬsaˬbaˬ 30:3 ပူးပေါင်းရင်းမြစ်များ

2 Laˬsaˬbaˬ 29:17

Ba la yaw beh siˬ aˇ nah yaw beh nah-ahˇ aˬ yawꞈ maꞈ kʼoeˇ loꞈ-ehˇ mˇ dahˬ beh-awˇ, yehꞈ nah byah laˇ ngeh, keuˆ beh beh le-eu lawˆ ahˇ leˇ-ehˇ, Uˬ duˬ tahˬ nymˇ nymˇ ma nymˇ lah ni aˬ yawꞈ maꞈ mˇ shawˇ gʼaˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ nya ni, dzaiˇ yehꞈ nah aˬ yawꞈ maꞈ paˇ laˆ saˆ-awˇ, ba la kʼoeˇ siˬ tseˇ koꞈ nah tiˬ nah-ahˇ, yawˬ jeˬ na luꞈ laˆ saˆ gʼaˬ jiˇ-euˬ meh.

2 Laˬsaˬbaˬ 29:34

Jeˬ zaˬ kʼoeˇ deuˬ dawˬ tawˆ luꞈ-ahˇ sehꞈ jiˇ coeˇ ni piˇ ma maˬ jawˇ myaˬ-eu miˇ neh, caw mˇ caw shaˇ-eu gʼaˇ duˬ piˇ ma nui deuˬ yawˬ ha-euˬ gʼawˇ mawˇ mˇ shawˇ gʼaˬ ngeh keuˆ ni, gaˇ kʼoeˇ mˇ luiˆ nya ni Leˬbiˇ tsawˇ haˬ deuˬ caw ba nehˬ-euˬ meh. Leˬbiˇ tsawˇ haˬ deuˬ-aˬ, yawˬ ha-euˬ gʼawˇ mawˇ yaw shawˇ shawˇ-ehˇ dehꞈ-eu paw, piˇ ma deuˬ naˆ maˬ tseˇ saˇ jaˇ taˬ nya-eu meh.

2 Laˬsaˬbaˬ 30:15

Ba la kʼoeˇ siˬ tseˇ oeˬ nah tiˬ nah-ahˇ, Baˬsaˬkaˬ bawˬ-iˬ gʼaˇ duˬ yawˇ zaˬ deuˬ sehꞈ-euˬ meh. Zahˇ sahˇ kʼoꞈ-ahˇ tsaˬ ni maˬ shawˇ-eu piˇ ma deuˬ hawˇ-eu Leˬbiˇ tsawˇ haˬ deuˬ-aˬ, shaꞈ dawˇ dui dui-eu laꞈ kʼoeˇ, yawˬ ha-euˬ gʼawˇ mawˇ shawˇ-euˬ meh. Kʼoeˇ ngeh jawˇ, Uˬ duˬ tahˬ nymˇ nymˇ ma laꞈ kʼoeˇ miˬ dzaˬ dzah puiˆ-awˇ lawˇ-eu jeˬ, aˬ yawꞈ maꞈ lawˇ nya-euˬ meh.

2 Laˬsaˬbaˬ 30:24

Tsawˇ haˬ aˇ maꞈ deuˬ bi dzaˬ-eu gʼaˇ duˬ, mawˇ neˇ tiˬ heˇ mawˇ hawˇ-eu yawˇ shiꞈ heˇ mawˇ sahˬ paˬ Heˬsaˬgiˇ damˬ nehˬ-euˬ meh. Yaw huiˬ yaw mahˇ deuˬ kʼawꞈ, mawˇ neˇ tiˬ heˇ mawˇ hawˇ-eu yawˇ tiˬ muiˇ mawˇ paˇ damˬ nehˬ-euˬ meh. Piˇ ma gʼawˬ mya ni gʼawˇ mawˇ shawˇ-eu zahˇ jahˇ-euˬ meh.

2 Laˬsaˬbaˬ 30:4

Aˬ yawꞈ maꞈ kʼoeˇ loꞈ-ehˇ mˇ ma lehˇ noeˬ taˬ-euˬ gaˇ, sahˬ paˬ gʼaˬ maˬ ehˇ, miˇ kʼahˬ zaˬ deuˬ maˬ ehˇ, nui kʼahˇ shiˇ-eu meh.

2 Laˬsaˬbaˬ 35:6

Baˬsaˬkaˬ Bawˬ-iˬ-ahˇ geuꞈ-eu yawˇ deuˬ hawˇ-eu ciꞈ myehꞈ deuˬ-ahˇ naw maꞈ ya sehꞈ meh. Moˇseˬ-ahˇ gʼoe-awˇ Sahˬpaˬ Miˬyehˇ neh mehˬ taˬ tsoˆ taˬ yaꞈ-euˬ dawˬ deuˬ-ahˇ naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ caw teh nya ni, nymˬ-mˇ naw maꞈ-euˬ gʼawˇ mawˇ mˇ shawˇ-awˇ, lawˇ-eu shehˇ-eu jeˬ mˇ-eu gʼaˇ duˬ lehˬ hmˬ-awˬ.”

Doˆ-iˇ 12:18

Ba la yaw beh siˬ tseˇ oeˬ nah uˬ ciꞈ uˬ taw paw neh aˇ dahˬ beh-awˇ, nyiˬ tseˇ tiꞈ nah ngeh nah uˬ ciꞈ uˬ taw paw keuˆ ni, dehˬ tseˬ ahˇ-eu kaˬ muˇ maˬ dzaˬ ni naw maꞈ ya jawˇ meh.

Doˆ-iˇ 12:6

Ba la heu siˬ tseˇ oeˬ nah uˬ ciꞈ uˬ taw paw, Iˇsaˬleˬlaˆ tsawˇ haˬ dawˬ tawˆ luꞈ jeˬ zaˬ ya sehꞈ meh.