2 Laˬsaˬbaˬ 30:22 - Akha

²² Sahˬpaˬ Miˬyehˇ-ahˇ uˬ duˬ tahˬ ngeh sheuˬ gʼeh-eu nya dui dui-eu miˇ neh, Leˬbiˇ tsawˇ haˬ deuˬ-ahˇ Heˬsaˬgiˇ ja ceuˬ nehˬ-euˬ meh. Shiꞈ nah keuˆ ni, aˬ yawꞈ maꞈ-ahˇ oꞈ-eu shaˬ bymˇ deuˬ dzaˬ-eu laꞈ kʼoeˇ cawˬ cawˬ taꞈ-eu lawˇ-eu jeˬ lawˇ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ ja ceuˬ-euˬ meh.

2 Laˬsaˬbaˬ 30:22 ပူးပေါင်းရင်းမြစ်များ

Aˇ dahˬ 50:21

Kʼoeˇ miˇ neh, naw maꞈ guˆ-eu maˬ loˬ-a. Naw maꞈ hawˇ-eu naw maꞈ-euˬ zaˬ deuˬ-ahˇ ngaˇ yaw muiˬ paˬ-ehˇ ngehˬ gʼeh nehˬ ma.” Kʼoeˇ loꞈ-ehˇ aˬ yawꞈ-euˬ aˇ doˆ deuˬ-euˬ nui ma-ahˇ zaw leˇ ni, nahˬ yu ni gʼeh-eu dawˬ Yoˇsehˆ ngehˬ-awˇ, aˬ yawꞈ maꞈ-euˬ nui ma-ahˇ laˆ saˆ nehˬ-euˬ meh.

2 Laˬsaˬbaˬ 15:3

Aˇ yamˬ gʼawˬ myahˇ ni, Iˇsaˬleˬlaˆ tsawˇ haˬ laꞈ kʼoeˇ, aˬ diˇ aˬ maˇ Miˬyehˇ pyeuꞈ-eu Sahˬpaˬ Miˬyehˇ maˬ jawˇ-ehˇ, aˬ yawꞈ maꞈ-ahˇ mehˬ nehˬ tsoˆ nehˬ-eu piˇ ma deuˬ maˬ jawˇ-eu uˬ taꞈ, zahˇ dawˬ kʼoꞈ dawˬ kʼawꞈ maˬ jaˆ ni dehꞈ-euˬ meh.

2 Laˬsaˬbaˬ 17:9

Aˬ yawꞈ maꞈ Sahˬpaˬ Miˬyehˇ-euˬ zahˇ dawˬ kʼoꞈ dawˬ sahˬ boꞈ yuˇ-awˇ, Yuˇdaˆ miˇ kʼahˬ meuˬ yawˬ meuˬ na luꞈ doe ni mehˬ nehˬ tsoˆ nehˬ iˇ-euˬ meh.

2 Laˬsaˬbaˬ 32:6

Meuˬ laꞈ kʼoeˇ jawˇ-eu tsawˇ haˬ dawˬ tawˆ luꞈ-ahˇ guiˇ maꞈ kʼoeˇ taˆ uˆ lahˇ-eu yaw huiˬ deuˬ-euˬ laꞈ oˆ bi jawˇ-awˇ, meuˬ-euˬ lahˇ kʼehˬ dawˬ peh jaˆ-eu pu kaˬ-ahˇ bi uiˬ laˇ jiˇ-awˇ, heu loꞈ-ehˇ ehˇ nehˬ-euˬ meh.

2 Laˬsaˬbaˬ 35:3

Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu deuˬ pyeuꞈ-eu Sahˬpaˬ Miˬyehˇ-ahˇ gʼawˇ mawˇ a nehˬ taˬ-euˬ Leˬbiˇ tsawˇ haˬ deuˬ-ahˇ kʼawꞈ, aˬ yawꞈ heu loꞈ-ehˇ mehˬ nehˬ tsoˆ nehˬ-euˬ meh. “Muiˬ-eu shawˇ-eu Dawˬ ma saˇ jaˇ Bahˬ keuˆ-ahˇ, Daˬbiˇ-euˬ aˬ li sahˬ paˬ Sawˇlaˬmoˬ neh tsoˆ-euˬ Uˬ duˬ tahˬ nymˇ nymˇ ma laꞈ kʼoeˇ baꞈ taˬ-euˬ meh. Naw maꞈ-aˬ, bahˬ keuˆ kʼoeˇ-ahˇ doe doe-ehˇ baꞈ baꞈ-ehˇ maˬ paˇ ya cah ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu aˬ yawꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ gʼaˇ duˬ gaˇ ya mˇ meh.

Eˇzaˬlaˬ 10:11

Nymˬ-mˇ naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ iˬ baˇ saˇ pyehˬ-awˇ, aˬ yawꞈ nui ma tsaˬ ni mˇ-awˬ. Aˬ dui-euˬ miˇ kʼahˬ-ahˇ jawˇ luꞈ-eu aˬ cawˬ tsawˇ jeuˬ nehˬ-ehˇ naw maꞈ dehꞈ gʼawˬ-awˇ, aˬ cawˬ tsawˇ jeuˬ pyeuꞈ-eu naw maꞈ-euˬ miˬ zaˬ deuˬ-ahˇ kʼoꞈ-awˬ.”

Eˇzaˬlaˬ 7:10

Eˇzaˬlaˬ-aˬ, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ dzaw geuꞈ-awˇ caw teh-eu gʼaˇ duˬ maˬ ehˇ, zahˇ dawˬ kʼoꞈ dawˬ kʼoeˇ deuˬ hawˇ-eu zahˇ sahˇ kʼoꞈ deuˬ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu gʼaˇ duˬ maˬ ehˇ, noeˬ tsehˆ taˬ-euˬ tsawˇ haˬ tiˬ gʼaˬ pyeuꞈ-eu meh.

Eˇzaˬlaˬ 7:25

“Eˇzaˬlaˬ nawˇ gʼaˬ-aˬ, nawˬ-euˬ Miˬyehˇ-euˬ zahˇ dawˬ kʼoꞈ dawˬ-ahˇ gʼoe-awˇ dehꞈ luꞈ-eu Uˇpaˬlaˇ lawˇ baˬ nahˇ ma doˆ kʼehˬ paw kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ bi uˆ lahˇ-eu gʼaˇ duˬ, nawˬ-euˬ Miˬyehˇ neh nawˬ-ahˇ biꞈ taˬ-euˬ zaˬ siˬ tsawˇ gahˇ-ahˇ gʼoe-awˇ, uˆ lahˇ-eu deuˬ hawˇ-eu yaˇ kʼaˬ daˇ-eu deuˬ tseˇ doˆ-awˬ. Zahˇ dawˬ kʼoꞈ dawˬ-ahˇ maˬ siˬ-eu tsawˇ haˬ deuˬ-ahˇ nawˇ zahˇ dawˬ kʼoꞈ dawˬ mehˬ nehˬ-awˬ.

Eˇzaˬlaˬ 8:18

Miˬyehˇ-euˬ guiˬ lahˬ baˬ da neh, Maˬhaˬliˬ aˇ jeuˬ pyeuꞈ-eu Sheˬleˬbiˇ lehˇ myahˇ-euˬ nui noeˬ kʼoˆ tsehˆ-eu Leˬbiˇ tsawˇ haˬ tiˬ gʼaˬ aˬ yawꞈ maꞈ pyehˬ gʼeh laꞈ-awˇ, aˬ yawꞈ nehˬ-ehˇ aˬ yawꞈ-euˬ aˬ li deuˬ hawˇ-eu mehˇ nmˇ deuˬ tseˇ yehꞈ gʼaˬ caw teh laꞈ-euˬ meh.

Neˬhaˬmiˇ 8:18

Bawˬ-iˬ gʼeh dahˬ beh-euˬ nah-ahˇ neh aˇ saˬ saˬ-eu nah-ahˇ keuˆ ni, aˬ yawꞈ nah yawꞈ Miˬyehˇ-euˬ zahˇ dawˬ kʼoꞈ dawˬ gui-euˬ meh. Shiꞈ nah keuˆ ni aˬ yawꞈ maꞈ bawˬ-iˬ gʼeh-awˇ, zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, yehꞈ nah tiˬ nah-ahˇ bawˬ-iˬ gʼeh-eu piˬ tehˬ-eu bawˬ-iˬ jahˇ-euˬ meh.

Neˬhaˬmiˇ 9:3

Naˬ liˬ smˇ laꞈ byah ni aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ gui gaˇ aˬ yawꞈ maꞈ naˇ haˬ-awˇ, dzaiˇ naˬ liˬ smˇ laꞈ byah ni aˬ yawꞈ maꞈ-euˬ iˬ baˇ shaˇ pyehˬ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

Dawqdaq 8:6

Poeˬ dui lawˬ dui dui-eu ngaˬ-euˬ dawˬ-ahˇ naˇ haˬ-awˬ. Ngaˇ kʼaˇ ngehˬ-eu dawˬ tsaˬ ma.

Hawˇseˬ 2:14

Kʼoeˇ baˬ da neh aˬ yawꞈ-ahˇ ngaˇ, bawˇ tsahˬ bawˇ dahˇ-ahˇ sheuˬ gʼeh-awˇ, dawˬ nahˬ yu ni ngehˬ-eu laꞈ kʼoeˇ, ngaˬ-ahˇ gaˬ kʼoꞈ laˇ ni mˇ ma.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Dawˬmehˬ 33:10

Nawˬ-euˬ Zahˇ dawˬ kʼoꞈ dawˬ mehˬ nah, nawˬ-euˬ zaˬ deuˬ bi caw teh ni, yawꞈ maꞈ mehˬnehˬ tsoˆnehˬ tehꞈ-a. Yawꞈ maꞈ nawˬ-euˬ lawˇ duˬ kʼoeˇ taˆ, lawˇ-eu shehˇ-eu jeˬ mˇ tehꞈ-a.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.

Yawˇshuˆ 7:19

Aˬkaˬ-ahˇ Yawˇshuˆ ehˇ nehˬ-eu, “Ngaˬ li-oˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi nawˬ-euˬ iˬ baˇ-ahˇ dawˇ coe ni ehˇ doˆ-awˬ. Nawˇ aˬ joˆ-ehˇ jahˇ-euˬ gaˇ kawˆ nymˬ-mˇ ngaˬ-ahˇ ehˇ nehˬ laꞈ-awˬ. Ngaˬ-euˬ mehˬ shi tiˬ jeˬ-iˬ taˬ zaꞈ taˬ.”