2 Laˬsaˬbaˬ 29:3 - Akha

³ Heˬsaˬgiˇ-aˬ, aˬ yawꞈ sahˬ paˬ pyeuꞈ laˇ ngeh kʼoꞈ ba la yaw beh siˬ-ahˇ, Uˬ duˬ tahˬ nymˇ nymˇ ma-euˬ lahˇ kʼehˬ deuˬ paˇ pah-awˇ, laˆ saˆ muiˬ-euˬ meh.

2 Laˬsaˬbaˬ 29:3 ပူးပေါင်းရင်းမြစ်များ

2 Laˬsaˬbaˬ 28:24

Kʼoeˇ uˬ taꞈ, Uˬ duˬ tahˬ nymˇ nymˇ ma laꞈ kʼoeˇ jaˆ-eu mˇ myawˬ keu ka deuˬ-ahˇ aˬ yawˬ laˆ kʼehꞈ laˆ kʼoeˆ jiˇ-euˬ meh. Uˬ duˬ tahˬ nymˇ nymˇ ma -ahˇ aˬ yawꞈ piˬ tehˬ-awˇ, Yeˬluˇsaˬlehˬ meuˬ doe ni lawˇ duˬ deuˬ baꞈ taˬ doe-awˇ bi jaˆ-euˬ meh.

2 Laˬsaˬbaˬ 29:17

Ba la yaw beh siˬ aˇ nah yaw beh nah-ahˇ aˬ yawꞈ maꞈ kʼoeˇ loꞈ-ehˇ mˇ dahˬ beh-awˇ, yehꞈ nah byah laˇ ngeh, keuˆ beh beh le-eu lawˆ ahˇ leˇ-ehˇ, Uˬ duˬ tahˬ nymˇ nymˇ ma nymˇ lah ni aˬ yawꞈ maꞈ mˇ shawˇ gʼaˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ nya ni, dzaiˇ yehꞈ nah aˬ yawꞈ maꞈ paˇ laˆ saˆ-awˇ, ba la kʼoeˇ siˬ tseˇ koꞈ nah tiˬ nah-ahˇ, yawˬ jeˬ na luꞈ laˆ saˆ gʼaˬ jiˇ-euˬ meh.

2 Laˬsaˬbaˬ 29:4

Piˇ ma deuˬ hawˇ-eu Leˬbiˇ tsawˇ haˬ deuˬ-ahˇ, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw dzeˇ jaˆ-eu pu kaˬ-ahˇ aˬ yawꞈ kuˇ uiˬ-euˬ meh.

2 Laˬsaˬbaˬ 29:7

Uˬ duˬ tahˬ nymˇ nymˇ ma-euˬ laˇ gʼoˆ aˬ yawꞈ maꞈ piˬ tehˬ-awˇ, tsiˇ kʼmˬ deuˬ kʼawꞈ bi doꞈ miˆ jiˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, yaw saw jeˬ doꞈ damˬ-eu maˬ ehˇ, miˬ dzaˬ dzah puiˆ-awˇ lawˇ-eu shehˇ-eu jeˬ maˬ ehˇ, maˬ mˇ ni byehˇ-euˬ meh.

2 Laˬsaˬbaˬ 34:3

Yawˇshiˆ sahˬ paˬ geuꞈ-euˬ yehꞈ kʼoꞈ tiˬ kʼoꞈ keuˆ laˇ-awˇ, aˬ yawꞈ zaˬ guˬ guˬ zaˬ pyeuꞈ luꞈ ngeh, aˬ yawꞈ-euˬ aˬ poeˬ sahˬ paˬ Daˬbiˇ-euˬ Miˬyehˇ-ahˇ uˬ duˬ tahˬ-euˬ meh. Kʼoeˇ naˇ kʼah, oeˬ kʼoꞈ keuˆ laˇ ngeh, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ maˬ ehˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ-ahˇ maˬ ehˇ, tahˬ pahˬ aˬ ma mawˇ kawˇ nui deuˬ dawˬ tawˆ luꞈ-ahˇ maˬ ehˇ, aˬ yawꞈ laˆ cawˆ nehˬ jiˇ-euˬ meh.

Jaceuq 101:3

Yaw haiˬ jeˬ-ahˇ ngaˇ maˬ taꞈ. Miˬyehˇ-ahˇ byehˇ dzeh-eu deuˬ mˇ gaˇ shaˇ gaˇ ngaˇ bye-eu ma. Aˬ yawꞈ maꞈ-ahˇ ngaˇ tiˬ jeˬ-iˬ maˬ taꞈ.

Doˆ-iˇ 40:2

“Ba la yaw beh siˬ yaw beh nah-ahˇ, Sahˬpaˬ Miˬyehˇ jawˇ-eu Sehˬ gʼawˆ tsoˆ-awˬ.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Gaˬlaˬtiˆ 1:16

Aˬ yawꞈ-euˬ gaˇ kawˆ Yuˇdaˆ tsawˇ haˬ deuˬ-ahˇ bi mehˬ-eu gʼaˇ duˬ, aˬ yawꞈ-euˬ Zaˬmaˇ neh ngaˬ-ahˇ pah mehˬ nehˬ laꞈ-euˬ meh. Tsawˇ haˬ zaˬ tiˬ gʼaˬ-ahˇ-iˬ, ngaˇ nui noeˬ nui duˇ maˬ shaˇ haw-aˬ.