2 Laˬsaˬbaˬ 28:9 - Akha

⁹ Sahˬpaˬ Miˬyehˇ gʼaˇ duˬ ngehˬ dah-eu Awˇdehˇ lehˇ myahˇ-euˬ tiˬ gʼaˬ Saˬmaˬliˆ meuˬ-ahˇ jawˇ-eu meh. Yuˇdaˆ tsawˇ haˬ deuˬ nyehꞈ-awˇ Saˬmaˬliˆ meuˬ-ahˇ gʼoꞈ uˇ laˇ luꞈ-eu Iˇsaˬleˬlaˆ guiˇ maꞈ-ahˇ aˬ yawꞈ tahˬ puˬ-iˇ-awˇ, heu loꞈ-ehˇ ehˇ nehˬ-euˬ meh. “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Yuˇdaˆ miˇ kʼahˬ-ahˇ nui ma pehˇ-eu miˇ neh, naw maꞈ-ahˇ aˬ yawꞈ maꞈ kʼoeˇ taˆ bi gʼaˬ leˇ nehˬ laꞈ-euˬ meh. Ehˇ kʼawꞈ, naw maꞈ neh aˬ yawꞈ maꞈ-ahˇ kʼaˇ sehꞈ mawꞈ-eu sehꞈ-euˬ gaˇ kawˆ, mˬ kʼoeˇ taˆ keuˆ ni aˬ yawꞈ-ahˇ gaˬ keuˆ leˇ taˬ-euˬ meh.

2 Laˬsaˬbaˬ 28:9 ပူးပေါင်းရင်းမြစ်များ

Aˇ dahˬ 11:4

“Aˬ dui maꞈ maˬ ya gʼawˬ maˬ ya gʼehˇ-iˇ-eu gʼaˇ duˬ maˬ ehˇ, tsawˇ myahˇ doˆ-awˇ kʼahˬ sehˇ jaˆ-eu tsawˇ haˬ deuˬ pyeuꞈ laˇ-eu gʼaˇ duˬ maˬ ehˇ, meuˬ tiˬ meuˬ teˬ-awˇ, mˬ-ahˇ tuˆ-eu nymˇ nymˇ ma tiˬ nymˇ gawˬ kaˇ-euˇ” lehˇ, aˬ yawꞈ maꞈ ehˇ-eu meh.

Aˇ dahˬ 4:10

Kʼoeˇ ngeh, Sahˬpaˬ Miˬyehˇ ehˇ-eu, “Aˬ jeˬ miˇ neh teu naˆ naˆ-ehˇ bahˬ-eu jeˬ nawˇ mˇ yaꞈ teˬ. Nawˬ-ahˇ laꞈ poˆ bi poˆ kʼoꞈ nehˬ mawꞈ-eu teˇ saˇ loꞈ-ehˇ, nawˬ-euˬ aˬ nyiˇ-euˬ shiˬ, miˇ tsaˬ dawˬ dah paw neh ngaˬ-ahˇ kuˇ luꞈ meh.

1 Sahˬpaˬ 20:13

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu tiˬ gʼaˬ Aˬhaˆ jawˇ gaˇ iˇ-awˇ, “Huiˬ dui dui-eu guiˇ maꞈ kʼoeˇ maꞈ-ahˇ taˬ guˆ. Ngaˇ nawˬ-ahˇ aˬ yawꞈ maꞈ kʼoeˇ taˆ bi gʼaˬ leˇ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ nawˇ ya siˬ tehꞈ-a lehˇ Sahˬpaˬ Miˬyehˇ ehˇ-eu meh” lehˇ ehˇ nehˬ-euˬ meh.

1 Sahˬpaˬ 20:22

Kʼoeˇ naˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ sahˬ paˬ Aˬhaˆ jawˇ gaˇ iˇ-awˇ ehˇ-eu, “Gʼoꞈ-iˇ-awˇ, nawˬ-euˬ guiˇ maꞈ yaw muiˬ paˬ-ehˇ lehˬ hmˬ taˬ-awˇ, aˬ joˆ-ehˇ ya jahˇ-eu gaˇ kawˆ yaw muiˬ paˬ-ehˇ shaˇ noeˬ taˬ-awˬ. Aˬ jeˬ miˇ neh ehˇ naˇ, jawˇ la doˆ le ngeh Suˇliˆ sahˬ paˬ guiˇ paˇ deuˆ le tehꞈ-a.”

1 Sahˬpaˬ 20:42

Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ sahˬ paˬ-ahˇ ehˇ-eu, “Sahˬpaˬ Miˬyehˇ heu loꞈ-ehˇ ehˇ-eu meh. Ngaˇ ya sehꞈ meh lehˇ ehˇ taˬ-euˬ tsawˇ haˬ-ahˇ nawˇ bi buˬ-iˇ-euˬ miˇ neh, kʼoeˇ-euˬ aˇ poeˬ nawˬ-euˬ saꞈ laˇ ya biꞈ tsoeˬ-awˇ, aˬ yawꞈ-euˬ guiˇ maꞈ-ahˇ bi cehˆ buˬ-euˬ miˇ neh, nawˬ-euˬ guiˇ maꞈ ya luˬ ya seˇ-iˇ tehꞈ-a lehˇ ehˇ-eu meh.”

1 Laˬsaˬbaˬ 21:13

Gaˆ-ahˇ Daˬbiˇ ehˇ kʼoꞈ nehˬ-eu, “Ngaˬ-ahˇ zahˬ dui dui miˇ-a. Ehˇ kʼawꞈ, tsawˇ haˬ zaˬ neh bi kʼehˬ-euˬ jeˬ-ahˇ ngaˇ maˬ geuꞈ mawꞈ nya. Kʼehˬ-eu lehˇ ya bi kʼehˬ naˇ, Sahˬpaˬ Miˬyehˇ-aˬ gʼawˬ shaˬ gaˬ nya-eu miˇ neh, aˬ yawꞈ-euˬ mawˇ do ngaˬ-ahˇ kʼehˬ nehˬ laꞈ luꞈ-uˇ.”

2 Laˬsaˬbaˬ 28:5

Aˬ yawꞈ kʼoeˇ loꞈ-ehˇ dehꞈ-eu miˇ neh, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ Suˇliˆ sahˬ paˬ-euˬ aˬ laꞈ laꞈ kʼoeˇ a nehˬ-awˇ, Suˇliˆ sahˬ paˬ neh guiˇ bi deuˆ gʼaˬ-eu laꞈ kʼoeˇ, aˬ yawꞈ-euˬ miˇ kʼahˬ zaˬ gʼawˬ mya ni Daˬmaˬsehˇ meuˬ-ahˇ bi nyehꞈ gʼeh-euˬ meh. Aˬ yawꞈ-ahˇ Iˇsaˬleˬlaˆ sahˬ paˬ-euˬ aˬ laꞈ laꞈ kʼoeˇ tiˬ poˆ paˇ a nehˬ-awˇ, aˬ yawꞈ-euˬ tsawˇ haˬ gʼawˬ mya ni bi deuˆ sehꞈ-awˇ sm dui dui-euˬ meh.

Eˇzaˬlaˬ 9:6

Ngaˇ heu loꞈ-ehˇ shaˇ-euˬ ma. “Miˬyehˇ-oˇ, nawˬ-euˬ mehˬ shi ngaˇ myaˆ pyawˬ maˬ ciˬ daˬ saˇ nya. Nga maꞈ-euˬ iˬ baˇ-aˬ, nga maꞈ-euˬ uˬ duˬ jaˆ dzeuˇ-awˇ, mˬ-ahˇ keuˆ ni jaˆ keuˆ taˬ-euˬ meh.

Jaceuq 69:26

Nawˬ neh kʼehˬ nehˬ-euˬ tsawˇ haˬ-ahˇ aˬ yawꞈ maꞈ paˇ kʼehˬ poˆ-awˇ, nawˬ neh laˆ tahˬ laˆ naˇ nehˬ-euˬ tsawˇ haˬ deuˬ-ahˇ aˬ yawꞈ maꞈ dawˬ doeˇ paˇ ciˬ pi nehˬ-eu meh.

Iˇsaˬyaˇ 47:6

Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

Yawˇnaˆ 1:2

“Huiˬ dui dui-eu Niˇnaˬbeˬ meuˬ-ahˇ iˇ-awˇ, ‘Naw maꞈ iˬ baˇ naꞈ dui dui meh’ lehˇ ehˇ nehˬ-iˇ-awˬ. Kʼoeˇ gaˇ jawˇ-eu tsawˇ haˬ deuˬ aˇ naˆ ni maˬ tsaˬ maˬ dawˇ-eu gaˇ kawˆ ngaˇ siˬ duˬ luꞈ ma.”

Zaˬkaˬliˇ 1:15

Nui saˇ oꞈ-awˇ ciˬ cuˇ ni jawˇ luꞈ-eu miˇ kʼahˬ deuˬ-ahˇ ngaˇ nui ma pehˇ dui dui nya. Ngaˬ-euˬ tsawˇ haˬ deuˬ-ahˇ ngaˇ nui ma pehˇ-eu jeˬ ui cuiˆ tehꞈ kʼawꞈ, aˬ yawꞈ maꞈ ngaˬ-euˬ tsawˇ haˬ deuˬ-ahˇ aˇ dzehˬ dzeuˇ ni kʼehˬ-euˬ kʼaˆ-euˬ meh.

Panmaeq 18:5

Yawꞈ-euˬ iˬ baˇ mˬ-ahˇ tuˆ-awˇ, yawꞈ neh mˇ-euˬ yaw haiˬ jeˬ-ahˇ, Miˬyehˇ ngehˇ-awˇ maˬ taˬ nehˬ-a.

Yaˇ kʼaˬ daˇ 3:8

Kʼoeˇ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ nui ma pehˇ laˇ-awˇ, Maˬsoˬpoˬtaˬmiˇ sahˬ paˬ Kuˇshaˬliˇshaˬdeˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, yehꞈ kʼoꞈ byah ni bi uˆ lahˇ-euˬ meh.