2 Laˬsaˬbaˬ 28:13 - Akha

¹³ Aˬ yawꞈ maꞈ ehˇ-eu, “Naw maꞈ neh nyehꞈ laꞈ-euˬ tsawˇ haˬ teu deuˬ-ahˇ heu gaˇ taˬ sheuˬ uˇ laꞈ. Sahˬpaˬ Miˬyehˇ nui ma pehˇ-awˇ aˬ dui-ahˇ kʼehˬ nehˬ laꞈ paˬ-ehˇ yaw beh neh aˬ dui neh aˬ yawꞈ-ahˇ mˇ bahˬ taˬ-euˬ iˬ baˇ jaˆ luꞈ-eu ma. Aˬ dui-euˬ iˬ baˇ paˇ myaˬ dzehˬ laˇ ni naw maꞈ mˇ-eu gʼeh te loˇ.”

2 Laˬsaˬbaˬ 28:13 ပူးပေါင်းရင်းမြစ်များ

2 Laˬsaˬbaˬ 24:18

Kʼoeˇ miˇ neh, miˇ kʼahˬ zaˬ deuˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ-eu jeˬ-ahˇ byehˇ dzeh-awˇ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ hawˇ-eu tahˬ pahˬ aˬ ma mawˇ kawˇ nui deuˬ-ahˇ uˬ duˬ tahˬ-euˬ meh. Aˬ yawꞈ maꞈ kʼoeˇ loꞈ-ehˇ iˬ baˇ mˇ-euˬ baˬ da neh, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ keuˆ le luꞈ-eu meh.

2 Laˬsaˬbaˬ 28:12

Iˇsaˬleˬlaˆ miˇ kʼahˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ laꞈ kʼoeˇ ahˇ-eu Yeˬhawˇhaˬnaˬ-euˬ aˬ li Aˬzaˬliˇ, Meˬshiˇleˬmoˇ-euˬ aˬ li Beˬleˬkiˇ, Shaˬlmˬ-euˬ aˬ li Yeˬhiˇzaˬgiˇ hawˇ-eu Haˬdaˬlehˇ-euˬ aˬ li Aˬmaˬsaˬ aˬ ha oeˬ gʼaˬ kʼawꞈ, guiˇ maꞈ kʼoeˇ maꞈ kʼoeˇ loꞈ-ehˇ mˇ gaˇ nui ma maˬ tsaˬ-a.

2 Laˬsaˬbaˬ 28:14

Kʼoeˇ ngeh, guiˇ maꞈ kʼoeˇ maꞈ-aˬ, aˬ yawꞈ maꞈ neh nyehꞈ laꞈ-euˬ tsawˇ haˬ deuˬ hawˇ-eu aˬ yawꞈ maꞈ neh deuˆ za laꞈ-euˬ pyuˇ shuiˇ myawˬ gahˬ deuˬ-ahˇ, miˇ kʼahˬ zaˬ deuˬ hawˇ-eu aˬ yuiꞈ aˬ tsu deuˬ-ahˇ a nehˬ-euˬ meh.

Bawˇtsahˬ 32:14

Nymˬ-mˇ, iˬ baˇ paˇ mˇ mawꞈ-eu naw maꞈ shehˆ kʼawꞈ ni, naw maꞈ-euˬ aˬ da deuˬ-euˬ pehˬ zaˇ-ahˇ paˇ nawˬ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ Sahˬpaˬ Miˬyehˇ nui ma pehˇ-eu jeˬ tiˬ poˆ paˇ bi keuˆ le-eu gʼeh-eu ngaˇ.

Maꞈtehˬ 23:32

Toˆ-ehˇ ngeuˇ naˇ, naw maꞈ-euˬ aˬ poeˬ aˬ bawˇ deuˬ neh mˇ bahˬ yaꞈ-euˬ jeˬ-ahˇ, naw maꞈ mˇ saˬ mˇ li li-awˬ.

Maꞈtehˬ 23:35

Aˇ saˬ saˬ laˇ ngeh jawˇ, maˬ bahˬ maˬ muˆ-eu tsawˇ haˬ deuˬ-ahˇ sehꞈ-euˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a. Iˬ baˇ maˬ ahˇ-eu Aˬbeˬlaˆ-ahˇ sehꞈ-euˬ gaˇ neh aˇ dahˬ beh-awˇ, Uˬ duˬ tahˬ nymˇ nymˇ ma hawˇ-eu lawˇ duˬ yaw kaˬ-ahˇ naw maꞈ neh sehꞈ-euˬ Beˬleˬkiˇ-euˬ aˬ li Zaˬkaˬliˇ-ahˇ keuˆ ni, naw maꞈ neh kʼaˇ sehꞈ-euˬ maˬ bahˬ maˬ muˆ-eu tsawˇ haˬ deuˬ-euˬ shiˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a.

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

Yawˇshuˆ 22:15

Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ aˬ yawꞈ maꞈ oe-euˬ meh.