2 Laˬsaˬbaˬ 28:11 - Akha

¹¹ Ngaˇ ehˇ gaˇ naˇ haˬ sheˇ. Naw maꞈ neh nyehꞈ laꞈ-euˬ tsawˇ haˬ heu deuˬ-aˬ, naw maꞈ-euˬ aˬ yuiꞈ aˬ nyiˇ pyeuꞈ-eu meh. Aˬ yawꞈ maꞈ-ahˇ bi gʼoꞈ-iˇ-awˬ. Maˬ bi gʼoꞈ-iˇ naˇ, Sahˬpaˬ Miˬyehˇ nui ma pehˇ-eu laꞈ kʼoeˇ naw maꞈ-ahˇ kʼehˬ nehˬ kʼaˆ nehˬ laꞈ tehꞈ-a.”

2 Laˬsaˬbaˬ 28:11 ပူးပေါင်းရင်းမြစ်များ

2 Laˬsaˬbaˬ 28:12

Iˇsaˬleˬlaˆ miˇ kʼahˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ laꞈ kʼoeˇ ahˇ-eu Yeˬhawˇhaˬnaˬ-euˬ aˬ li Aˬzaˬliˇ, Meˬshiˇleˬmoˇ-euˬ aˬ li Beˬleˬkiˇ, Shaˬlmˬ-euˬ aˬ li Yeˬhiˇzaˬgiˇ hawˇ-eu Haˬdaˬlehˇ-euˬ aˬ li Aˬmaˬsaˬ aˬ ha oeˬ gʼaˬ kʼawꞈ, guiˇ maꞈ kʼoeˇ maꞈ kʼoeˇ loꞈ-ehˇ mˇ gaˇ nui ma maˬ tsaˬ-a.

2 Laˬsaˬbaˬ 28:8

Yuˇdaˆ tsawˇ haˬ deuˬ-aˬ, Iˇsaˬleˬlaˆ tsawˇ haˬ deuˬ-euˬ aˬ yuiꞈ aˬ nyiˇ pyeuꞈ kʼawꞈ, zaˬ miˬ zaˬ nyiˬ seh gʼaˬ hawˇ-eu zaˬ deuˬ-ahˇ Iˇsaˬleˬlaˆ tsawˇ haˬ deuˬ nyehꞈ kʼoꞈ gʼeh-awˇ, pyuˇ shuiˇ myawˬ gahˬ deuˬ kʼawꞈ gʼawˬ mya ni yuˇ kʼoꞈ geuꞈ gʼeh-euˬ meh.

Eˇzaˬlaˬ 10:14

Nga maꞈ kʼoeˇ taˆ yaw huiˬ yaw mahˇ geuꞈ luꞈ-eu deuˬ-ahˇ gaˇ heu hmˬ a nehˬ-awˇ, Yeˬluˇsaˬlehˬ meuˬ-ahˇ jawˇ-awˇ bi mˇ luiˆ-awˬ. Aˬ cawˬ tsawˇ jeuˬ zaˬ miˬ zaˬ-ahˇ sheuˬ taˬ-euˬ tsawˇ haˬ yawˬ gʼaˬ na luꞈ, nah paˇ paˇ taˬ-euˬ aˇ nah-ahˇ, yawˬ ha-euˬ meuˬ-ahˇ jawˇ-eu aˬ yuiꞈ aˬ tsu deuˬ hawˇ-eu yaˇ kʼaˬ daˇ-eu deuˬ sheuˬ-awˇ laˇ luꞈ-uˇ. Kʼoeˇ loꞈ-ehˇ jahˇ-eu laꞈ kʼoeˇ, gaˇ kawˆ heu hmˬ kʼoeˇ taˆ Miˬyehˇ nui ma pehˇ-eu jeˬ byoˆ-iˇ ni mˇ luꞈ-uˇ.”

Jaceuq 88:16

Nawˇ nui ma pehˇ-eu jeˬ ngaˬ-ahˇ ciˬ tahˬ ci tuˆ laˇ-awˇ, nawˇ laˆ coeˬ laˆ ciˆ-eu baˬ da neh ngaˇ ya cawˆ-iˇ miˇ-a.

Iˇsaˬyaˇ 58:6

“Ngaˇ geuꞈ mawꞈ-eu maˬ dzaˬ-eu zahˇ heu loꞈ-ehˇ ma. Kʼehˬ-eu kʼaˆ-eu shmˇ caˆ hawˇ-eu maˬ tsaˬ maˬ dawˇ-eu kʼaˆ baꞈ deuˬ, dawˬ tawˆ biˬ dzeh jiˇ-awˇ, kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ, dawˬ tawˆ puiˇ pyehˬ jiˇ-awˬ.

Maꞈtehˬ 5:7

“Gʼawˬ shaˬ gaˬ nya-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ Miˬyehˇ gʼawˬ shaˬ gaˬ nehˬ tehꞈ-a.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.