2 Laˬsaˬbaˬ 28:10 - Akha

¹⁰ Nymˬ-mˇ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ-ahˇ jawˇ-eu kʼaˬ dzeˇ zaˬ hawˇ-eu zaˬ miˬ zaˬ heu deuˬ-ahˇ naw maꞈ-euˬ zaˬ kʼaˆ bi geuꞈ ma lehˇ naw maꞈ noeˬ luꞈ-eu meh. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ mˇ bahˬ gʼaˬ-euˬ gaˇ kawˆ naw maꞈ maˬ siˬ te loˇ.

2 Laˬsaˬbaˬ 28:10 ပူးပေါင်းရင်းမြစ်များ

Yeˬlaˬmiˇ 25:29

Laˆ luˬ laˆ seˇ-eu jeˬ, ngaˬ-euˬ meuˬ laꞈ kʼoeˇ ngaˇ mˇ dahˬ beh ma. Aˬ yawꞈ maꞈ kʼoeˇ taˆ kʼehˬ-eu kʼaˆ-eu jeˬ maˬ keuˆ le ni ya dzeuˇ-iˇ tehꞈ-a lehˇ aˬ yawꞈ maꞈ noeˬ ta loˇ. Maˬ ngeuˇ-a. Aˬ yawꞈ maꞈ kʼehˬ-eu kʼaˆ-eu jeˬ-ahˇ ya daˬ-eu yaw duˬ baw meh. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ, guiˇ deuˆ-eu jeˬ bi keuˆ le-eu lehˇ gʼeh-eu ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Luˇkaꞈ 12:45

Ehˇ kʼawꞈ, zaˬ kaˆ kʼoeˇ gʼaˬ ‘Ngaˬ-eu baw leˬ yaw awˬ awˬ-ehˇ maˬ gʼoꞈ laˇ-aˇ’ lehˇ yawˬ haˇ yawˬ ha ehˇ-awˇ, kʼaˬ dzeˇ zaˬ zaˬ kʼaˆ deuˬ hawˇ-eu zaˬ miˬ zaˬ zaˬ kaˆ deuˬ-ahˇ diˬ diˬ-ehˇ, dzaˬ yehꞈ dawˇ yehꞈ-awˇ jawˇ naˇ,