2 Laˬsaˬbaˬ 28:1 - Akha

¹ Aˬkaˆ-aˬ, aˇ kʼoꞈ nyiˬ tseˇ kʼawˆ ngeh sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ koꞈ kʼoꞈ uˆ lahˇ-euˬ meh. Aˬ yawꞈ-euˬ aˬ poeˬ sahˬ paˬ Daˬbiˇ-euˬ dehꞈ jeˬ dehꞈ kawˆ-ahˇ aˬ yawꞈ maˬ caw teh ni, Sahˬpaˬ Miˬyehˇ nui ma maˬ tsaˬ-eu jeˬ aˬ yawꞈ mˇ-euˬ meh.

2 Laˬsaˬbaˬ 28:1 ပူးပေါင်းရင်းမြစ်များ

1 Laˬsaˬbaˬ 3:13

Aˬkaˆ, Heˬsaˬgiˇ, Maˬnaˇseˬ,

2 Laˬsaˬbaˬ 17:3

Yeˬhawˇshaˬpaˇ-ahˇ Sahˬpaˬ Miˬyehˇ guiˬ lahˬ biꞈ-eu meh. Aˬ jeˬ miˇ neh ehˇ naˇ, yaw beh aˬ yawꞈ aˬ da yaw muiˬ paˬ-ehˇ dehꞈ ngeh loꞈ-ehˇ aˬ yawꞈ dehꞈ-awˇ, Baˬlaˇ miˬ yehˇ-ahˇ uˬ duˬ maˬ tahˬ-a.

2 Laˬsaˬbaˬ 27:2

Aˬ yawꞈ-euˬ aˬ da Awˇziˇ loꞈ-ehˇ, Sahˬpaˬ Miˬyehˇ nui ma tsaˬ-eu jeˬ aˬ yawꞈ mˇ-euˬ meh. Ehˇ kʼawꞈ, aˬ yawꞈ-euˬ aˬ da loꞈ-ehˇ Uˬ duˬ tahˬ nymˇ nymˇ ma-ahˇ uˇ leˇ-awˇ yaw saw jeˬ doꞈ damˬ-eu jeˬ aˬ yawꞈ maˬ mˇ-a. Miˇ kʼahˬ zaˬ deuˬ-aˬ, iˬ baˇ mˇ mˇ-ehˇ jawˇ luꞈ-eu meh.

2 Laˬsaˬbaˬ 27:9

Aˬ yawꞈ shiˇ-awˇ, Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ-awˇ, aˬ yawꞈ-euˬ aˬ li Aˬkaˆ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

2 Laˬsaˬbaˬ 28:19

Yuˇdaˆ sahˬ paˬ Aˬkaˆ-aˬ, miˇ kʼahˬ zaˬ deuˬ-ahˇ aˬ yawꞈ kʼaˇ uˆ lahˇ mawꞈ-eu loꞈ-ehˇ uˆ lahˇ-eu uˬ taꞈ, Sahˬpaˬ Miˬyehˇ-ahˇ yaw zeu maˬ baw-eu miˇ neh, Sahˬpaˬ Miˬyehˇ neh Yuˇdaˆ miˇ kʼahˬ kʼoeˇ taˆ shaˬ-eu zahˬ-eu jeˬ bi keuˆ le-euˬ meh.

2 Laˬsaˬbaˬ 29:2

Aˬ yawꞈ-euˬ aˬ poeˬ sahˬ paˬ Daˬbiˇ-euˬ dehꞈ jeˬ dehꞈ kawˆ-ahˇ aˬ yawꞈ dzaw geuꞈ-awˇ, Sahˬpaˬ Miˬyehˇ nui ma tsaˬ-eu jeˬ mˇ-euˬ meh.

Iˇsaˬyaˇ 1:1

Sahˬ boꞈ heu taꞈ laꞈ kʼoeˇ ahˇ-eu gaˇ kawˆ deuˬ-aˬ, sahˬ paˬ Awˇziˇ, sahˬ paˬ Yoˇdaˬ, sahˬ paˬ Aˬkaˆ, sahˬ paˬ Heˬsaˬgiˇ aˬ ha maꞈ Yuˇdaˆ miˇ kʼahˬ-ahˇ uˆ lahˇ-euˬ ziˇ kʼoeˇ ziˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ taꞈ leˇ-awˇ, Aˬmoˆ-euˬ aˬ li Iˇsaˬyaˇ-ahˇ Miˬyehˇ neh pah mehˬ nehˬ-awˇ bi ngehˬ dah-euˬ gaˇ kawˆ deuˬ meh.

Hawˇseˬ 1:1

Heu-aˬ, Awˇzeˬ, Yoˇdaˬ, Aˬgaˆ, Heˬsaˬgiˇ aˬ ha maꞈ Yuˇdaˆ miˇ kʼahˬ-euˬ sahˬ paˬ geuꞈ-awˇ, Yeˬhawˇshaˆ-euˬ aˬ li Yeˬyawˇbaoˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ luꞈ ngeh, Beˬliˇ-euˬ aˬ li Hawˇseˬ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.

Miˇkaˬ 1:1

Yoˇdaˬ, Aˬkaˆ, Heˬsaˬgiˇ, heu deuˬ Yuˇdaˆ miˇ kʼahˬ-euˬ sahˬ paˬ geuꞈ-euˬ aˇ yamˬ-ahˇ, Mawˇleˇshehˆ meuˬ-ahˇ jawˇ-euˬ Miˇkaˬ jawˇ gaˇ Sahˬpaˬ Miˬyehˇ-euˬ dawˬ keuˆ le-euˬ meh. Saˬmaˬliˆ meuˬ hawˇ-eu Yuˇdaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Miˇkaˬ-ahˇ Sahˬpaˬ Miˬyehˇ pah mehˬ nehˬ-euˬ meh.

Maꞈtehˬ 1:9

Awˇziˇ-euˬ aˬ li Yoˇdamˬ, Yoˇdamˬ-euˬ aˬ li Aˬkaˆ, Aˬkaˆ-euˬ aˬ li Heˬsaˬgiˇ,